二兄車麵館

營業中

休息中

有follow 開我既都知我最鍾意食火鍋，其次燒肉，之後就係車仔都，由元朗既永x 到沙田既分店再到深水埗米之蓮既文x ，見附近開左間車仔麵，就同媽咪去試下。餐廳乾淨企理我地叫左一個侍應介紹既籠仔安格斯肥牛飯$78飯粒粒金黃再加上醬汁，連戒澱粉既我都忍唔住一啖又一啖，肥牛酒未夠重👍👍👍咁黎到一定要叫碗車仔麵，特別推介沙嗲湯底加米線，真係又忍我破戒，米線好入味又唔會太淋。餸我地樣樣都想試就左7樣，好細心有分左兩碗，推介南乳豬手，好入味，又夠淋，仲有豬紅同墨丸。大食積上身，食飽後見到竟然有蠔餅，仲要有細份量，媽咪至愛，唔叫唔得啦。黎到夠脆唔太油，蠔仔大大粒，正加埋檸茶戒膩，好滿足，米線同服務計，好味過文x 見到下午茶至6點都好吸引，仲要六日都有，焗豬扒飯加飲品都係$50，下次再試。

第一次令我有衝動寫食評夜晚行大圍周圍睇下有咩食見新開車仔麵好似唔錯就試下買左2個3餸車仔麵+一個蠔餅車仔麵價錢算合理 50幾蚊3餸包飲品蠔餅70幾蚊 埋單200幾落單姐姐仲幾好傾添返到屋企打開蠔餅諗住倒少少魚露落去等等先，點解魚露咁杰既？試一試 甜既喂？係西多士既糖漿？新食法？？本身D蠔已經好腥，係超級腥再加埋個糖漿...最後我地無食到蠔餅 成個掉左然後到個車仔麵湯底還好只有蘿蔔係好食豬紅有幾舊食落口好似豆腐卜咁乾爭爭 仲有少少實呢間真係唔敢再食

今早踩完單車返美林途中叫個早餐返歸食先，眼見都幾多人喎，是但啦就呢間啦本來想食沙爹牛，覺得火腿通 健康啲，好就叫一個（仿鮑魚火腿通粉 分湯，雙反蛋，多士，凍奶茶行街 ，等左7 分鐘 （唔算太耐）返到屋企沖完涼跟住開餐，成半個鐘之後先食一打開仲熱嘅，即刻夾隻蛋放落口，咦OK. 喎用靚蛋嘅，跟住火腿 仿鮑魚正常野不過不失，多士多左不過仲翠翠的，奶茶☕️ 正常野lor整體又唔錯喎，下次可以覆勺見到啲食評差，有啲奇怪喎。

路過見到張海報寫住最新出品，影出嚟都好吸引，係冬菇花膠炆幫我鵝掌嘅米線，寫住係濃湯添，我心諗呢個組合都唔會差得去邊。一於搵日要去試吓。入到去就二話不說，馬上落單，喺等緊嘅過程中見等得咁耐，都超過10分鐘，我心諗嗰啲嘢唔係一早炆好晒嘅咩？結果反正有時間，就上OpenRice睇吓啲評語。點知一睇，清一色負評，惡劣到我以為佢俾人惡搞，越睇越驚，心諗可唔可以取消呢？可惜為時已晚，唯有忍耐住等碗米線上桌。米線終於千呼萬喚始出來，一口咬落冬菇嗰度，又林又香，都幾入味，心諗好在冇中伏，安樂左一半。跟住試吓花膠，好似完全係由頭到尾用清水煮出嚟咁樣，零味道。再食下啲米線，完全冇味，試真下個湯底，其實只係得好少嘅鹹味，個味道絕對唔夠供給米線，所以個米線係完全冇味。再加上呢個鹹味，令我懷疑其實只落咗鹽，好難受！我完全唔明白，係咪冇味覺，點解可以整得出呢個咁嘅湯底！真係好驚嚇，我敢講，有生以來從來未食過淡到咁嘅湯底，感到心痛，覺得佢哋根本糟蹋左食物同埋食材。一心以為點碗米線可以幫佢哋洗底，點知好難受，猶有餘悸，之後嗰幾日經過，都有啲心驚。

兩個人入去食晚餐，入座時(約1830)明顯比早一個多星期流失咗八成半客人，點咗一個咖哩牛腩飯及一份常餐「沙牛麵+火腿奄烈」。先講咖哩牛腩飯，個飯底都算OK兼夠份量，但個咖哩牛腩就好奇怪，牛腩肉量小但就好多牛筋再配蘿蔔拓底打個咖哩汁在面。牛腩肉係五香牛腩方法煮，明顯係同車仔麵同一個餸，牛腩好實好硬完全係唔夠時間煮淋果隻，但係牛筋就出奇地好淋而不爛碎。咖哩汁係有色無味果隻，蘿蔔雖無生根不太硬但亦不入味，而成個餸係偏凍。而常餐沙牛麵就落單要爽麵，呢點係做到嘅，但個湯底都係唔太夠熱，至於主角「沙牛」就韌到不得了，完全係近牛筋膜位部分而且最離譜係未完全切唔斷，係一大片喺筋膜果邊連住。講返個沙爹汁就完全唔香唔濃，只係淡淡咁知道係沙爹汁囉。 另一主角火腿奄列就好夠份量，但個涵就好淡無乜味，好似得火腿本身嘅味當作底味就算咁。成個套餐最出色竟然係件多士，夠厚夠熱夠脆。最後係兩杯餐飲凍及熱檸茶，茶色都透徹但茶味唔濃，而檸檬就明顯係平價貨，只有苦澀味不覺有檸檬香。 整體因為新開店，衛生同環境都係好嘅，食物出品嘅時間較慢，食材用料明顯性價比屬中下程度。

價錢一啲都唔平 淡茂茂 個湯底就係一般嗰啲味精湯底 咖喱醬好明顯係現成 未經炒香過嘅醬料 其中一碗嗌咗個鯪魚肉配菜 超級魚腥味食唔到 如果你有炸過可能會好啲 油面太淋 餐廳應該係全新，裝修都坐得幾舒服，同埋周圍個感覺都幾乾淨呢樣係讚嘅 👍🏻 凍飲都可以 $10杯都好大杯，當然要配餐 另外朋友叫嘅兩碗 佢哋嘅評價係牛展都OK 其餘嘅配菜就係一般般 但係大家都異口同聲冇下次 不過新店佢有個promotion就係$39花膠鴨掌冬菇車仔麵 可能會好啲 相片沒有P過圖 口味大家見仁見智

真係好難食，個湯又膩d米線一上黎就已經係斷曬，好似比人食過咁然後仲有d不明物體係入面都唔明白點解會開到鋪真係唔會再幫襯。難食到要特登上黎留翻個差評。大圍難食之最。

一碗垃圾車仔麵 竟然等左45分鐘 先有得食，d餸吾係吾入味，係完全冇味，好似用清水白烚咁，叫左魚肉 牛栢葉，哇 ，仲係凍凍地架，好似未熟咁，返到屋企肚痛左2日（吾肯定關吾關事啦），個湯底仲衰過平時屋企d雞粉湯，但3餸一麵一飲品＝63蚊，車仔麵其實好難做到難食 ／冇味，去超市買個火鍋湯底加落去都一定好味過佢地個湯底一千倍，呢個價錢係大圍食麵，一定有超級多更好選擇。仲要食到一肚氣，叫待應又完全冇人理你，大家千萬吾好中伏

幾好，大圍區都冇一間好食同坐得舒服嘅車仔麵，開左當然要即刻去試下菜D，湯底有味，豬紅痴牙👍🏽豬皮夠脆，大腸唔勁蘇味，個沙爹汁好香，缺點係冇蔥粒，若有小小蔥粒就仲好杯奶茶都有茶味，價錢一般，好食便不貴會再幫襯

車仔麵的牛腩味湯不夠咸和很微的牛腩味，價錢偏高，選擇甚少。冷氣直吹頭頂，非常凍，員工稱不可調整，她說一開業已經是這樣，要去投訴給櫃面員工，他才立刻拿冷氣遙控出來調整頭頂上冷氣出風口方向。店員還把給我們的台無端端轉給第二個，未徵求我們的同意。有一個阿叔在不戴口罩的情況下四處在店內走來走去，還同員工吹水和撩鼻屎。我以後都不會再光顧！

大圍新開車仔麵，唸住試下果然有驚喜！買了兩個外賣，一個就豬紅、豬手、蘿蔔、牛腩…中辣…油麵；一個就冬菇、雞翼、通菜米粉…清湯…加牛腩汁。 因為餐廳漏了豬手、同其中一碗漏了牛腩汁，攪到果碗完全無味、感覺是清滾水咁，從未食過車仔麵是咁清的，認真好野。價錢在同區黎講比較貴，但食物就一般，性價比真係……難以評價！豬紅、牛腩就合格的，冬菇、雞翼、通菜就一般。蘿蔔是差的，完全無味，只是熟了，還一口渣。中辣湯底算是勉強合格。但另一個湯底只是滾水，負分。服務是ok 的，收銀哥哥，見我要食完，再出返街黎跟他講漏了豬手同湯底，都好有禮貌同退返錢給我。服務是可以的，4 分。

車仔麵冇味又貴又要加$10先有飲品，服務又差特人仲要不知所謂仲要加$15個沙嗲牛肉包仲要凍😡😫，以後都唔會幫襯呢間咁嘅垃圾車仔麵，咁都可以比客人食真係食到一肚氣😡😡😡仲要抹枱條毛巾好臭

6/9第一日開張就去幫襯，見到餐牌個價錢，已經覺得好貴，如果係好食我都冇所謂，第一日開張好多甩漏我都預咗，我都算好彩，食物好快就上檯，食完只覺得完全唔值，咁嘅車仔麵+凍奶茶收我$83，憑咩？大圍區咋喎！我行去面食好湯好麵好過啦，人哋真材實料賣得貴係有理由，二兄第一次仲食到我肚屙⋯⋯10/9朝早早收工得佢有開，姑且再俾多一次機會，一個豬扒榨菜雞絲米絲+凍奶茶，方包都冇塊，咁又收$48，貴絕全大圍，貴都唔緊要，最重要係唔好食，仲要咁啱俾其他客人斷正廚房佬冇帶口罩處理食物⋯⋯經過以上2次嘅體驗，永遠都唔會再幫襯，亦唔會期望將來會特別大改善，大圍區大把選擇，唔需要用呢種離地價食呢啲咁差嘅嘢我對食都已經冇乜要求，都可以令我嬲到俾第一個差評

大圍友見到新開 諗住試下點知………….伏到冇得再伏劣評中既劣評咖哩雞扒飯 鮮茄焗豬扒意粉 冬菇鵝掌米線咖哩成pat屎咁 食落係咖哩湯底醬焗豬扒意粉啲意粉係陣陣臭味 食完胃痛米線淡味到毫無味杯檸檬茶細到同部手機一樣咁細其中一杯上檯果時重要有塊不知明既葉？定菜？真係見到呆左😤😤😤😤😤😤😤😤😤😤😤😤😤😤😤😤呢間餐廳絕對冇下次😤😤😤😤😤😤😤😤😤😤😤😤😤😤😤😤😤

下午茶，叫個 熱狗沙律。知道剛剛開業，都唔多催佢，過左15分鐘先催，最後都足足等左20 分鐘先有。泊左車係附近咪表，得30 分鐘，攪到隻熱狗一到，就要5分鐘內食左佢。剛開業，感覺未ready，服務亦麻麻，會比次機會，遲d再試多次