二兄車麵館

營業中

休息中

雖然大圍多咗好多中高價位嘅餐廳但都不及呢間價錢貼地嘅車麵館餐廳菜式多選擇除咗主打車仔麵．籠仔蒸飯都好吸引✨招牌大碗麵一碗有齊八款餸菜一次過滿足晒車仔麵嘅慾望豬紅．豬皮．蘿蔔．魚蛋．雞翼尖，紅腸．菜心仲有超厚肉嘅大雞翼配上咖喱湯底．香濃又惹味．足料巨大碗✨乾炒牛河即炒熱辣辣．牛肉份量充足係茶記必食之一✨韮菜豬紅韮菜新鮮幼嫩又無渣配上滑溜溜嘅豬紅．超惹味完美嘅配搭✨生炸雞翼雞翼炸得金黃香脆大大隻好厚肉

入嚟大圍睇中醫，行過馬路邊，見到間幾骨子嘅車仔麵店…記得朋友話食過都幾好味～車仔麵啱曬我呢個麵控，一於試下！！店面裝修根本完全唔似一間車仔麵店，反而似高檔茶餐廳。侍應態度都幾親切殷勤～餐牌選擇甚多～🍜招牌大碗麵：豬皮、豬紅、魚蛋、雞翼、雞翼尖、紅腸同菜…包羅萬有，唔使我諗得咁辛苦！叫咗我最愛嘅米線底…湯底就要咖哩汁…貪佢香而不辣～果然成碗麵配搭一流～米線彈牙但係又夠滑口，十分啱我口味！！🍝蔥油豬扒撈丁：上枱感覺份量唔太多～不過可能係塊豬扒太大塊～乜都冚住曬！！🤣🫢蔥油好香😌撈丁就啱曬啦👍🏻仲要配半隻奶油脆豬～真係絕！！🍹飲品要咗凍奶茶同埋熱杏霜～茶餐廳首選！！再叫多個蠔油菜心～就啱啱好啦！！🥰🥳

呢間餐廳係大圍附近，好近地鐵站門面光鮮大大個招牌好易揾。我地叫左最出名既籠仔安格斯牛肉飯，呢個飯係用左懷舊既蒸籠方法去蒸煮既，要食就要預留15~20分鐘早d落單啦～因為制作需時，即叫即蒸既，上菜時打開個蒸籠出煙熱辣辣，入面仲用左荷葉去包飯香好有荷葉味，入面仲有木耳，蟲草配料好養生，牛肉份量都好多，炒飯底係我最驚喜既因為炒飯比白飯更香。西多士叫左芝士流心西多，大大塊即炸既，芝士涵都多既加埋蜜糖漿，正。

今天中午，我和姊姊來到大圍大圍道一間名叫二兄車麵館的店鋪享用午餐。我們一進店，便被滿室飄散的美食香氣所吸引，讓我們胃口大開。我們點了一些我們喜歡的小吃和主菜，其中小食鮑汁鳳爪和小食蝦卷王是我們的必點之選。鳳爪質地鮮嫩，蘸上濃郁的鮑汁，鮮味十足；蝦卷則外脆內嫩，香氣四溢，讓人食指大動。此外，我們還點了清爽的菜心（豉油），爽脆的菜心搭配豉油的味道，別有一番風味。作為主菜的海鮮炒烏冬更是令人驚喜，鮮嫩的海鮮和彈牙的烏冬搭配在一起，入口鮮美，令人回味無窮。最後再搭配上一杯熱奶茶，更是讓這一餐變得更加完美。在二兄車麵館用餐的體驗讓我們感受到了舒適和滿足，讓我們對於簡便午餐也有了全新的認識。這樣美味的午餐讓我和姊姊都感到滿足和幸福，也讓我們更加珍惜一起共度的時光。期待下一次再來到這裡，再次品嘗這裡的美味佳餚。

大圍好多嘢食選擇多，個人比較鐘意黎呢間，坐得較舒適，無咁人迫人。餐廳除咗最出名車仔麵，仲有炒嘢，蒸飯等等。銅盆荷葉蒸走地雞飯，蒸的時間恰到好處，肉質口感滑嫩，配碗白飯剛剛好。星洲炒米香口惹味份量十足，炒得好乾身，配埋啲韮黃、洋蔥、叉燒齊食，唔會覺得好膩。另外仲叫咗小食，菜心大大碟，夠翠綠。咖喱豬皮魚蛋 好耐冇食豬皮，豬皮魚蛋吸晒咖哩汁，辣辣地好惹味，，魚蛋入口爽彈，比我想像中好食。最後跟餐仲有嘢飲，大大杯勁解渴。

今日過左黎大圍行街搵野食見到一間門面好大間既茶餐廳睇左一眼個餐牌，超多種類選擇最後都同朋友仔簡左呢間餐廳食招牌大碗麵$69份量十足，內面有豬紅，豬皮，蘿蔔，雞翼，雞翼尖，菜心，紅腸，餸料都好入味，我最中意佢既咖喱豬皮，炆得好腍，蠔仔肉碎鮮蝦泡飯$65湯底鮮甜，加埋絲瓜同芫荽 口感十足蠔仔新鮮飽滿，蝦肉彈牙眼闊肚窄，餐廳實在太多種類嘅美食連籠仔蒸飯，原盅藥膳燉湯都有下次都係搵多幾個朋友一齊嚟試吓 其他美食二兄車麵館 (大圍)大圍大圍道1-35號金山樓地下2號舖

【大圍•二兄車麵館】@brothercartnoodleππππππππππππππππππππππππππππππ大圍人氣茶餐廳 主打車仔麵仲有角色飯麵 多野揀餐廳環境新淨有電視 湯飯 午餐有西多士紅豆冰、炸雞翼、薯條 等等龍仔荷葉蒸龍躉片飯 一人量98$ 跟熱飲龍躉片和荷葉的搭配構成了很好的視覺效果。龍躉片嫩滑鮮嫩，荷葉的清香能夠有效地提升整道菜的風味。鮑魚福建炒飯 98$ 跟熱飲用鮑魚和福建炒飯搭配，既有鮑魚的鮮美，又有福建炒飯的香脆，口感上非常有層次感。炒飯的香氣和鮑魚的鮮味完美地結合在一起。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 196✨✨✨✨✨✨✨✨✨✨✨✨✨#大圍美食 #二兄車麵館 #web3大圍二兄車麵館大圍大圍道1-35號金山樓地下2號舖

踩完單車🚴🏻‍♀️又係時候去搵食補充返啲體力😋本身想去大圍名店食湯麵🍜可惜遲咗步撞正中場休息😅行多幾步見到呢間餐廳菜式又幾多款，有車仔麵又有飯🤩就入去試吓😆🦪 炸蠔餅 (小) ($49) 雖然話小都真係唔小😂😂重點係啲蠔好大粒‼️嗰餅又炸得酥脆😋茶記嘅配置做到大排檔嘅質素，抵食👍🏻🥓 臘味籠仔飯 ($88) 冬日最啱就係食臘味😋籠仔飯用咗炒飯底，有基本調味得嚟又唔會蒸到啲飯濕濕爛爛😌臘味經過蒸煮後香氣滲哂落啲飯度，乜都唔洗加就已經好好食🤤🤤🍛 鮑魚福建炒飯 ($88) 最初冇留意到有鮑魚🫣所以上枱嗰吓都幾驚喜🤣炒飯夠乾食，醬汁唔會太鹹，餸又夠多，撈飯一流😆📌 二兄車麵館 大圍大圍道1-35號金山樓地下2號舖

和朋友光顧了鄰近大圍港鐵站的二兄茶餐廳。我們點了一碗大碗麵，裡面有滿滿的魚蛋、豬皮、豬紅、蘿蔔、雞翼和菜心。魚蛋鮮嫩，豬皮夠淋，豬紅爽滑，蘿蔔的甜味與粗麵搭配得天衣無縫。 鹵水雞翼肉嫩多汁，菜心則為整碗麵增添了清爽的口感。除此之外，我們還品嚐了炸雞翼、炸蠔餅和蠔油菜心。炸雞翼外皮酥脆，炸蠔餅則是外酥內嫩， 感覺是用雞蛋，鮮蠔仔和麵粉所組成，蠔的鮮味和麵糊的口感相輔相成，令人愛不釋口。菜心綠意盎然，配搭蠔油最好不過。

經過大圍入咗去呢間二兄車麵館，佢喺大圍火車站一直行去到油站嗰度，位置都算幾方便。今次同朋友去叫咗個咗個招牌大碗麵同埋籠仔荷葉蒸蝦球飯。招牌大碗麵有得揀湯底，我揀咗沙嗲湯底，個湯底好濃，入面啲餸有豬皮蘿蔔、紅腸、咖喱魚蛋、雞翼、雞翼尖，每樣餸個水準都唔差，個豬皮好入味，另外最好食嘅係雞翼尖，醃得好好食😋本身仲諗住專登叫個雞翼尖外賣，不過好可惜佢話雞翼尖淨係可以配車仔麵，冇得就咁嗌。另外嗌咗個籠仔飯，份量好足，一個人食嘅話超級飽。

係大圍番左3年工都未試過呢間聽朋友講籠仔飯好得今日同同事試下我地叫左籠仔蒸龍躉飯二人餐好足料起碼有8大塊以上既龍躉配料：雲耳、海量蟲草花、蒜蓉、蒜頭龍躉大大塊厚肉～魚肉一梳梳好新鮮炒飯吸晒荷葉味～兩個人剩係食呢個都夠飽餐茶要左凍啡多奶、凍奶茶多奶少冰、點解仲有一杯熱啡？就係因為同事想試埋流心西多，每人一杯半野飲，我杯奶茶飲左3份1倒咖啡落去變左鴛鴦😆😆一擺上枱已經好香牛油味好邪惡呀好大塊牛油加埋糖漿切開入面有溶左既芝士同埋蛋咸甜咸甜既口感我鍾意每人食一半加埋籠仔飯真係爆裙咁滯下次想再嚟試下籠仔臘味飯～問左如果唔食膶腸可唔可以走店員姐姐好好人話可以同廚房講睇下可唔可以轉臘腸好開心又多一個食晏好去處

食神話過：「只要有心，就人人都可以係食神。」今次俾我喺大圍搵到一間非常有心既車仔麵餐廳一定要推介俾各位試下車仔麵（牛丸、咖哩魚蛋、魷魚、花菇、麻辣雞翼尖、油麵） $86 🍜食車仔麵識叫一定要叫咖哩魚蛋 實肉彈牙花菇勁厚肉 勁香菇味 絕對唔係出面平價冬菇冒充辣汁既香且辣 唔係味精死辣 食到辣既朋友一定要嗌籠仔蒸蝦球飯 $78 🦐考下大家，一個籠仔蒸飯，最重要既係咩呢？冇錯！就係飯啦 呢到蒸飯既處理極度用心飯底先炒後蒸 粒粒分明蝦既size非常有誠意 絕對推薦份量有得揀一人份或者二人份小妹細食 一人份已經要同老公分先食得晒韭菜豬紅 $29 🥣諗住嗌多個小食過下癮 點知令我地都喜出望外豬紅口感實正 湯汁濃郁 絕對唔係小食咁簡單

大圍新開一輪嘅餐廳🙌🏻名就叫車仔麵，但其實入面咩都有得食👅不過我都食番招牌車仔麵🤣試吓咩料子先三餸車仔麵 配料：瑞士雞中翼，咖哩魚蛋，牛腩個麵底幾大，食落都唔錯，但不是特別驚喜跟餐有一杯熱飲☕️

大圍一向有好多小店，今次因為個籠仔蒸飯而來，坐低六點唔夠都仲有下午茶，但係太肚餓都係嗌正餐。嗌咗個招牌車仔麵沙嗲汁河粉同埋籠仔蒸蝦，兩個餐都包熱飲車仔麵好足料蘿蔔好大嚿好入味，鮮甜唔苦，豬皮豬紅都好爽，雞尖都好淋！沙嗲汁好惹味，河粉吸晒啲汁😍到重頭戲啦，呢個蒸飯非常驚喜，佢個飯係有炒底，所以就算蒸完都非常粒粒分明，唔會太濕，加埋好多蒜頭好香，仲有蟲草花同雲耳吸晒啲汁😍大蝦都俾咗好多隻絕對足夠兩人份量，由於非常開胃，真係食到一粒米都冇剩😂😂$200 三人份量好滿意，絕對係街坊平民小店，下次去試吓下午茶先

想不到這間位於大圍的二兄車麵館，竟然有炸蠔餅，而且仲可以揀大小，兩個人吃個小的份量剛剛好！蠔餅的蠔size很大，而且炸得非常酥脆，$55確實性價比高！另外還有籠仔荷葉蒸蝦球飯，也是有一人或二人的份量，籠仔的底部鋪上荷葉，配上炒得金黃香口的炒飯，還有蝦球、蟲草花、蒜粒等材料，放入籠仔上蒸。上枱時熱辣辣、香噴噴，十分美味！至於車仔麵，任選3款配料奉送熱飲盛惠$58，選了金錢肚、墨魚丸及咖哩魚蛋米線，這裏要特別讚一讚湯底，是濃香腩汁，真不錯！