影片
開飯介紹
為確保食物質素,每日新鮮選購的海鮮及選用頂級烤肉是“乾杯串燒居酒屋”一直以來的主旨。 新鮮海鮮燒烤，生燒龍蝦，安格司牛柳，大頭蝦,，生蠔，帶子，聖子皇，清酒煮花甲，還有正宗台灣香腸必食，新鮮燒三文魚頭，讚岐手打烏冬正，燒密糖香蕉，燒原隻墨魚筒，原隻燒茄子，配2款潮流生啤，ASAHI ， HOEGAARDEN ， 或日本清酒，清酒香檳。餐廳環境清優設有露天坐位,裝修別樹一格,很適合三五知已邊吃邊飲共聚,朋友聚會,包場party必然之選。
繼續閱讀
營業時間
今日營業
18:00 - 01:00
星期一至六
18:00 - 01:00
星期日
全日休息
以上資料只供參考, 請與餐廳確認詳情
招牌菜
平時收工好攰，想搵個地方同朋友chill下，咁就可以試下呢間位於香港皇后大道西嘅『乾杯串燒居酒屋』！呢間餐廳一入門口就可以見到周圍佈置裝修都別具特色，最印象深刻當然係餐檯隔離嘅大酒櫃啦，除左有各式各樣唔同種類嘅酒之外，仲擺左各種唔同嘅公仔，全部都係童年回憶！！同朋友邊講邊食，唔經唔覺叫左好多野食🍄🟫脆炸秀珍菇-外皮酥脆，菇肉鮮嫩多汁，淡淡胡椒粉味，再搭配埋特製醬汁，忍唔住一啖接一啖！🥓黑毛豬五花 🍢燒韓式安格斯牛粒 🥩泡菜牛肉卷-係眾多串燒中揀左三款，全部肉質都非常之鮮嫩，烤至恰到好處，肉香四溢。當中燒韓式安格斯牛粒最為特出，配合埋生雞蛋一同享用，濃郁的蛋香令牛肉更有順滑感同更具風味！🍗炭燒冬菇免治雞肉串 -系炭火燒烤下，冬菇嘅香氣同雞肉嘅鮮嫩完美融合，再配合埋炭火香味，真係別有一番風味！🫔明太子玉子燒-滑順的蛋餅中帶著明太子的香氣，再配埋特製醬汁，簡直食到停唔到口！🍙燒日式飯團(明太子)-日式飯團散發著微微嘅炭香，口感Q彈，外脆內軟！🍜泡菜豚肉炒拉麵 -拉麵口感彈牙，豬肉鮮嫩可口，泡菜嘅酸辣同豚肉嘅濃郁味道結合，令呢道菜非常有層次！🦐炸櫻花蝦豆腐-豆腐外皮酥脆，內部綿密柔滑，搭配櫻花蝦的鮮香，口感豐富多變，作為開胃小菜，讓人認唔住一啖接一啖！🍈蜜瓜味梳打🍇巨峰提子梳打-兩款飲品都清新爽口，而且甜度適中，非常解膩！
繼續閱讀
最近發現到一間好特別嘅居酒屋，真係好想分享俾大家，佢既佈置超級有特式同有好獨特的個人風格。好多店主嘅私人珍藏。連餐牌都好用心呀果日好肚餓 所以叫咗好多嘢食呀：有涼拌麻醬豆腐 - 豆腐滑嫩，麻醬香濃。好鍾意食炸嘢嘅，我就揀咗個脆炸秀珍菇 - 秀珍菇外皮非常酥脆，入面嫩滑多汁，炸粉好薄，加埋個天婦羅汁，好食。朋友就揀咗香煎鵝肝配多士 - 鵝肝煎得好香口，外皮酥脆，入口即溶，一定要配搭多士一齊食，中和返油膩感。燒自家製芝士免治雞肉棒加蛋汁喺一項好常見嘅居酒屋菜式。免治雞肉棒好飽滿，配上半蓉嘅芝士，加埋蛋汁真係不錯。燒生蠔係我嘅最愛，生蠔好飽滿加上好多嘅蒜蓉，帶出生蠔嘅鮮味。而清酒煮蜆就可以等我哋暖吓疊，清酒湯汁帶有甜味和淡淡的薑味，加埋肥美嘅蜆，好鮮香。我哋最後再加多咗個燒日式飯團（明太子）作為結尾 （造型好似咸蛋超人） 😆 飯團烤得恰到好處，外皮酥脆，內部鬆軟，帶有濃濃嘅飯香味。明太子餡料增添了鹹味和鹹鮮味。加多兩杯梳打 - 菠蘿味同埋巨峰提子味 ，好chill 呀。
繼續閱讀
想不到HKU有隱世居酒居，如果唔係🐷介紹，真係唔知炸櫻花蝦豆腐豆腐外脆內滑，加埋重份量櫻花蝦嘅鮮味，口感好好，輕輕一咬就好鮮甜。燒韓式安格斯牛粒牛粒煎得啱啱好，肉質嫩滑，帶有一啲韓式醬汁嘅香味燒明太子雞柳串雞柳肉質鮮嫩，明太子嘅鹹香味配合得好，味道非常正。燒煙肉番茄仔卷煙肉香脆，包住番茄仔，咬落去酸酸甜甜，真係好味。炭燒秋葵免治雞肉串秋葵脆口，免治雞肉香滑，炭燒嘅味道更添一層香氣，食完令人想再來。燒日式飯團（明太子）飯團外面有一層香脆嘅海苔，裡面包住濃郁嘅明太子，味道超正。燒甜菠蘿菠蘿燒到香香脆脆，甜得啱啱好，咬落去果汁四溢，夏天食最開心。泡菜豚肉炒拉麵泡菜味道酸辣，豚肉鮮嫩，拉麵吸收咗所有味道，食落去好過癮，食落唔膩，越食越開胃巨蜂提子、白桃梳打夏天必選飲品
繼續閱讀
西環嘅乾杯居酒屋，真係一個好正嘅居酒屋，一入到去，就感受到溫暖嘅氛圍同埋親切嘅裝潢，令你即刻想放鬆心情，好似去左日本咁！涼拌麻醬豆腐首先嚟到嘅涼拌麻醬豆腐超清新，滑滑嘅豆腐配上香濃麻醬，味道真係好好，食落去非常開胃。粟米天婦羅甜甜嘅粟米粒裹住輕脆嘅外層，咬落去有滿口香甜，口感好特別，值得試下！燒日本扇貝新鮮美味，口感鮮嫩，簡單的調味讓海鮮的自然味道發揮得淋漓盡致！燒明太子雞柳串雞肉嫩滑，仲有明太子嘅香辣味，燒出嚟嘅煙燻味真係超級好食，令人一口接一口。黑毛豬五花啖啖肉質肥美，燒到外脆內滑，味道好豐富，真係食得過癮。燒煙肉荔枝卷燒煙肉荔枝卷將荔枝同煙肉結合，甜中帶咸，味道好特別，試過一次就會愛上！燒自家製芝士免治雞肉棒雞肉棒的鮮味加上蛋黃的香滑，令每一口都充滿滿足感，搭配埋一齊真係好好味！黑松露卡邦尼烏冬煙韌既烏冬麵，配上濃郁嘅黑松露醬，味道香氣四溢。每一口都可以感受到滑順嘅麵條同埋黑松露獨特嘅風味，令人陶醉。加上卡邦尼，令整道菜更加豐富！整體嚟講，乾杯居酒屋嘅食物真係好好味，無論係前菜定串燒，都充滿創意同埋驚喜！
繼續閱讀
《日式串燒居酒屋🏯》———————————————-#乾杯串燒居酒屋 🎎-今次同朋友去咗呢間串燒小店🇯🇵 裝潢走日式設計，別具格調，非常適合聚會傾吓計，坐得幾舒服，地方乾淨，富有日本味道😆-餐廳串燒即叫即製，不少食材都由日本直送，保留濃濃和風味道～-🍢 串燒燒明太子雞柳串嫩滑彈牙，配搭微辣嘅明太子醬，鹹香惹味💗 燒煙肉荔枝串肉質肥美，加埋荔枝清甜有助解膩☺️黑毛豬五花肉質鮮嫩多汁，味道香濃，一啲都唔鞋🐷燒自家製芝士免治雞肉棒食落口感軟綿，再蘸上日本生蛋黃醬油咁食，口感更細膩😝-🐔 炸乾杯鹽酥雞鹽酥雞炸得幾酥脆，口感keep到嫩滑，而且份量十足，好抵食😎-🐮 韓式安格斯牛粒厚切牛粒啖啖肉，以韓燒方式處理特別有風味😚 燒到5成熟，入口即溶，十分juicy🤤🐚 燒日本扇貝賣相一流，食得出非常新鮮，扇貝上面佈滿蒜蓉，非常香口，搭配得口感十分豐富🤭-🍙 明太子燒日式飯團飯團燒到焦香煙韌，熱辣辣好好食😙飯團裏便仲撈咗好多明太子粒，充滿鹹香，啱晒夾住紫菜食～-另外我哋嗌咗啲小食，涼拌麻醬番茄夠晒開胃，燒甜菠蘿擺盤精緻，味道酸酸甜甜，都非常之正🤤-⭐價錢參考：（另收加一）炸乾杯鹽酥雞：$88涼拌麻醬番茄：$48韓式安格斯牛粒：$98燒明太子雞柳串：$42燒煙肉荔枝串：$42黑毛豬五花：$48燒自家製芝士免治雞肉棒：$98燒日本扇貝 ：$58明太子燒日式飯團：$78燒甜菠蘿 ：$35巨蜂提子：$58烏龍茶：$42🍌抵deal 指數：7/10
繼續閱讀