九龍餐室

營業中

休息中

11-1-2013 (五)說起菠蘿油，很多人都說「金華」是全港最好吃的菠蘿油，自小至大，我經常吃「金華」的菠蘿油，也認為它是全港最好吃的菠蘿油；但自從上星期五起， 很驚訝，我終於發現了比「金華」更好吃的菠蘿油，就在這裡 --- 「九龍餐室」！蛋撻：好吃得令人意外，酥皮非常出色，酥皮包圍的蛋漿很美味，入口極之滑溜，卻沒有水汪汪的感覺，具恰到好處的稠密感，還帶濃郁的雞蛋香味，吃後有回味的餘韻。正！外賣菠蘿油的「自家最後完成步驟」 ：1. 先拿出菠蘿包；2. 再拿出冰鎮的牛油；3. 最後把冰鎮的牛油夾在菠蘿包內！需時：約 10-15 秒便完成啦！菠蘿油：包身是熱燙的，夠新鮮，鬆軟且富彈性，用手輕按也會自動恢復原狀。面層香脆，牛油香滑且冰凍...... 出色的菠蘿油，在品嚐時，口內應有暖、冷、暖的層次感覺！ 「九龍餐室」絕對做得到，這方面肯定比「金華」做得優秀、出色！

到鴨寮街買工具, 行入一條街, 就到這店, 門四小一大的麵包櫃, 放著不同種類的麵包, 以電腦打字標名不同品種, 清晰, 乾淨, 整齊, 而且隻隻又大又脹. 但今天不想吃包, 下午茶時段, 叫了餐牌上寫著的“瑞士汁炒牛河”, 上檯賣相一流, 顏色光鮮, 洒了些芝麻在表面, 挾上口, 很熱, 味道不太鹹, 河粉彈牙, 牛肉醃粉不多, 雖些少鞋口, 但有原始牛肉質感. 唯獨師傅炒得頗油膩, 食完後, 碟面仍有一層簿油.吃完後記起, 名為“瑞士汁炒牛河”, 但沒有瑞士汁的甜蜜美, 又係巧立名目的“乾炒牛河”啫. 三十四元連熱飲, 可口不貴, 下次一定要試巨形菠蘿包.

在下覺得既然來到深水埗，沒有理由只是吃個甜品便算數，於是特意來到汝州街覓食，看看有甚麼特色食店。其實從福華街轉出來向政府合署走再過馬路，轉彎去汝州街，第一間看到是九龍餐室。老實說九龍餐室實在是一間老店，但是在下總不會停下來，吃過九龍餐室的食物。既然一場來到，為何不給在下自己一個機會，讓在下飲淡茶，食個包呢？話說雖然是食個包，但是何只一個包咁簡單，簡直是要吃兩個包吧。為何這樣？就是因為在下來到門口，看到店員正捧著一盤新鮮出爐的菠蘿包，在下實在忍不住手，要立即買了一個來吃。果然菠蘿包很熱，吃下時菠蘿皮很脆，而且麵包很軟。當在下進入店舖後，在下又點選了一個菠蘿油，當然這菠蘿包和之前吃的有點分別，在於有一塊冰鎮的鮮牛油，在下把牛油放在麵包裡，另一滋味在在口腔遊走，菠蘿皮固然是脆，而且夾著鮮牛油一起吃，這實在是兩種滋味。吃過兩個菠蘿包，當然要呷一口菜蜜。看見這菜蜜的杯子有別於其他茶記，在下就知道他們是有點心思了。當在下看到這菠蘿包，較金鳳茶餐廳和金華冰廳大約三分一，而它們則和有特色。而當在下看到餐牌，這裡還有咖哩和粉麵吃，令在下下次造時也可以吃個咖哩都可以噃。這裡雖然有點懷舊在下實在很喜歡在這懷

今日(2-12-2012 Sun)男友放假,,但由於今日係媽媽o既玳忌,我要去火炭拜祭佢,男友又好晏起身,佢行過呢o度見到有$7.00一個o既蕃薯包賣,佢就買兩個o黎會合我先.我見到佢時佢已經食o緊一個,重食剩少少,佢大讚好食,蕃薯蓉好腍,麵包夠鬆,只係已經凍o左,如果熱騰騰食會好好食.而另一個就o係我搭車時食,唔知係咪我唔肚餓,所以只覺得OK有問題,不過佢啲蕃薯蓉係好多,而且呢個大大個,都幾抵食.

深水埗一帶,在茶餐廳或冰室較為出色的菠蘿包應該就只有「九龍餐室」這一間了近日,工作十分忙碌,連歇腳的時間也沒有,想到茶餐廳好好坐下來吃一個菠蘿包,喝一杯奶茶也非常困難是日早上,恰好經過茶餐廳門口,就被那新鮮出爐的麵包香吸引着了看到早餐餐牌,想食但又沒有時間食-.-看見嬸嬸偷懶中~麵包暖爐裏有大約八款麵包:蠔皇叉燒包($7)、吞拿魚包($7)、紅豆菠蘿包($7)、奶皇墨西哥包($7)、菠蘿包($4)、流沙雞尾包($4)、提子麥包($4)、芝士腸仔包($8)另外,亦有切件提子/合桃蛋糕、蛋白卷蛋和合桃酥,價錢一律$6,而雞批則較貴$8/件這裡大部份麵包份量也是頗大件,蠻抵食的!而我向嬸嬸要了一個菠蘿包($4),單看表面那層反光極厚的菠蘿皮就已叫人興奮,未吃光聞已經令人口水直流,入口更發覺,菠蘿皮超香脆且可口,亦十分紮實,不會吃到渾身都是菠蘿皮碎麵包部份焗得也是很出色,極為鬆軟香口不虧是招牌菠蘿包,正!最後,走的時候看到此間的蛋撻好像也不錯,雖然很不錯,但是次目標是菠蘿包,所以就留代下一次經過再嚐試了

今日食左向openrice入面沒有喊面的九龍餐室出面排隊等了10分鐘到...openrice既功力真係大, 如果唔係我都唔會為左食一間茶餐廳而向大熱天時既情況下等位叫左兩個下午茶餐我的沙嗲牛肉麵+太陽蛋：都算係多沙嗲牛肉(一般茶記只係得幾片)，唔un，沙嗲夠入味。太陽蛋方面熟左小小，所以都冇蛋汁漏出來了。。。。麵就正常公仔麵，因為我冇加到錢轉出前一丁～！紅豆冰就好少紅豆，我諗都係手勢問題，因為朋友果杯好多紅豆，但我地兩杯都一樣好少冰，所以一ｄ都唔凍！失望

今早起床突然想食菠蘿包。雖然在家附近都有好味的菠蘿包賣, 但既然今日係星期六又不用番工，老公就建議去遠啲嘅九龍餐室。只因我對上次食的菠蘿油念念不忘本想堂食，但尤於找不到車位，只能外賣。買咗1個菠蘿油，1 個蛋撻同剛剛出爐的墨西哥奶皇包。菠蘿油 - 咬落去，暖暖的，但啲皮就唔似上次堂食咁脆 唔通因為個包已出爐一陣子，而擺在面包櫃內太久而焗啉了。這樣就變得普通了。蛋撻 - 酥皮同蛋的比例適中。但蛋味唔夠。似乎蛋汁加了過多水。一輪試食後決定將個墨西哥奶皇包帶回家再食。因為係剛出爐，個包在車上發出陣陣的面包香味。而且個包大大個的。睇得出果層酥皮是脆的...果然無令我失望！薄薄的果層酥皮又香又脆。而且又不會太甜。奶皇餡都可以，也不會太甜。結論係，剛出爐的包是永遠最正嘅 不過就要碰碰運氣嘞。

九龍餐室是在深水埗零喊面,當然要找機會一試.環境雖然新穎.但相當擠迫.一定要撘枱,這裹是只求飽肚的地方,不適宜聚舊.服務相當不俗,我叫店員執枱,寫單.店員的回應是:知道,明白.而家立刻來..真係聽話.菠蘿油是包飲品下午茶21元.紅豆冰5元.紅豆冰:5元.大大杯.奶味很重.紅豆的份量亦接近半杯,紅豆只是剛剛熟.入口粒粒都有咬口.只飲紅豆冰也飽了一半.菠蘿油:牛油是連冰上,牛油放在飽入面很快溶,菠蘿油皮脆而香口,但不會一吃就碎到散左四周.飽入口鬆軟.加上牛油香味.想起也流口水...零喊面絕對是值得.九龍餐室你又多一個笑臉

今日同老公到深水涉食早餐。放棄了常光顧的唯記，選了這間試新野。老公選了早餐-什菜羅宋湯通粉餐$25：迷你餐包係自家制。可惜不是熱啦啦。火腳奄列算滑。通粉的湯非常夠味。還有小小辣。叫了凍奶茶少冰少甜。結果真係非常少甜 不過，這是個人選擇的。茶味都可以。整體是滿意的。而我只單點了一客菠蘿油$8。這就是我來的目的。結果...係非常滿意 菠蘿包還熱的而且樣子＂圓美＂。加上牛油是分開用冰上。還不是賞心悅目？食一口，菠蘿皮脆脆的，面包軟熟的。其實不用加牛油已好好味 我覺得比金華還好！其實這家還有其它面包，蛋撻，雞批同蛋糕出品。一定會再番嚟試其它面包產品𠺢！！

見有「出爐撻」，也忍不住叫來一隻，酥撻是屬於「皮薄型」，雖然脆但略欠酥化，話雖如此，蛋漿是又熱又滑，也是天然真材實料，比起為很多連鎖餅店為方便保存，加入不知名的凝固劑，入口如嚼臘，多吃亦影響健康，仍有自家製的「出爐撻」，是值得珍惜。

今日約左個fd , 諗住試下呢間o既冰震菠蘿油+凍奶茶,.都唔洗點等就有位, 點知一淡食落去, 飽就唔夠熱, 仲好似係微波爐到返丁 , 好彩杯凍茶上算ok (都係"金華" 好食好多)

因為午餐同自己一個關係要搭枱不過好好彩遇到一位好好人既叔叔幫我手拎野食比我 (因我坐係近牆位置)入正題，叫左一個快餐鼔油皇豬扒炒河+凍檸茶+羅宋湯最先係羅宋湯菜算大塊，但好似好少碗湯好好味凍檸茶個人覺得甜了點仲有最期待既鼔油皇豬扒炒河意想不到既係佢面頭加左芝麻點綴仲有一來到時炒河既色水都已經好平均又唔會太乾太濕豬扒既軟"un"度程中我好鐘意豬扒既呢個口感

由於當晚自己懶煮所以在附近貪就腳來了”九龍冰室”平日都有幫襯開麵包& 下午茶餐但晚餐可能只有兩,三次經驗, 時值9 點半左右客人不多了, 發現晚餐價錢已升值至55蚊起, 實在感慨物價猛於虎, 自己平時晚餐甚少外出食茶餐廳, 大概四個月,半年才一次, 但這近年已經是驚覺每半年上升10%以套餐為例, 如果一日三餐茶餐廳為主食的打工仔來計算, 最少都要使百一至百二再加交通費, 所以好多時返到屋企老媽子煮乜就食乜唔好多多聲氣, 食剩第二日再食雖然好似連續兩日食同一味道確實有點嫌但諗到外出食重加昂貴, 都係環保一點吧,再唔係自己郁手囉, 言歸正傳, 當晚叫咗晚餐)茄子牛柳煲- 走油茄子雖好味量亦多, 不過幾肥膩下架老細, 牛柳當然係加工貨色但都算淋身亦唔太覺鬆肉粉味道,皆因個汁味道濃烈足以蓋過任何怪味是也, 這裡廚師做這些菜總有他的一手, 耐唔中食一次無傷大雅, (小菜)枝竹斑腩$45- 不另加錢要套餐,因為太座食量少, 這個比較上失色, 枝竹只是煮過其實未淋身, 更不用說吸什麼味, 斑腩的粉較厚身斑腩肉當然都係感覺唔到啦, 咪肉一舊囉!個汁咪稀嘅淺啡色醬油汁, 下次再來這裡唔會再叫這味了,凍奶

今(15-4-2012 Sun)朝同男友o係深水埗起身後整啲o野就去食早餐,佢帶我係咁行係咁行,都行得幾遠,我問佢究竟去邊o度食?終於o黎到,入到去剩返最後一張卡位,坐低後睇睇menu,早餐去到11:30am,我o地重有早餐食,我決定要$27.00o既G餐,係鮑魚雞絲通粉,出爐迷你餐包,男友揀餐肉炒蛋,加$2.00飲凍檸茶;$28.00o既歐陸式扒餐,男友揀吉列魚柳腸仔,要牛油厚多士,我飲熱奶茶;再要一個$21.00o既E各式多士餐,男友揀咖央多士.而我o地未諗,到第三杯o野飲,話遲啲至叫,侍應就提議不如唔好叫多士餐餐,只要咖央多士.啊,好啊,謝謝!落完單,飲品到o黎,我杯奶茶都係奶味重,茶味偏淡,但滑.之後迷你餐包同餐肉炒蛋到o黎,驟眼睇,餐肉被炒蛋包住,我影好相就用刀切開一半,原來炒蛋放o係餐肉o既面上,男友同我都係同一反應,呵呵.件半片薄餐肉被”煎”到似豬肉乾,食落只有微微o既牛餐肉味,炒蛋係全熟不過唔太乾,而迷你餐包就唔係o岩o岩出爐,亦估唔到有層酥皮o係面,餐包都不過不失.然後o係咖央多士,多士係厚身o既,而咖央塗得幾多,不過點解唔香甜?比起前年o係油麻地榮函餐廳食到o既遜

好耐無嚟, 侍應生依舊是全男班(個人覺得比較少見, 可能我個人愚昧), 室內依舊是多人到要搭枱。專程來飲啖(奶)茶, 食個(菠蘿)包呢個冰火菠蘿油, 牛油是冰鎮的, 菠蘿包軟熟可口, 有重量兼包面脆皮唔會碎到周圍都有, 這就是新鮮的見証。雞尾包比坊間的大成倍, 但價錢只是貴少許, 現售$5一個麵包好有重量但唔係實, 那餡做得大嚿兼有油份滲出, 椰絲幼細而且味道是甜甜中帶少少鹹, 舌頭有鹹甜交雜的感覺下午茶餐的吞蛋白扒芝治 = 吞拿魚蛋白扒芝士三文治 $26...扒三文治, 現在很少地方會有, 扒三文治即是在三文治的外面上下兩層麵包上塗上牛油去煎, 煎完一邊再反轉去煎到金黄色, 應該三文治內芝士會溶...諗起都好味 扒過的麵包應該外層有點油脆, 內裏依然是鬆軟, 與toast的是兩碼子的事。這份吞蛋白扒芝治是明顯的扒不夠, 外層不夠油脆, 芝士沒完全溶掉下午茶跟餐免費紅豆冰, 紅豆大粒, 起沙, 甜蜜蜜好一個下午(茶)享受