九龍餐室

營業中

休息中

今日約咗朋友 食飯， 但已經夜晚十點幾。 於是就去咗九龍茶餐廳食晚飯。 叫咗兩個餸。 分別係西蘭花炒鮮魷， 同京都骨。 西蘭花炒鮮魷個汁比較味精， 麻麻哋 個京都骨就整得唔錯 幾入味 不過的白飯就少咗D 叫多一碗白飯要$10 最後老細仲送咗兩個糖水兩個人埋單百7但係個卡位實在太窄，我哋兩個好廋都覺得好迫。下次未必再來

整完身份證諗住搵間茶記食下，上openrice搵到呢一間好似幾好咁就試下啦，點知令我失望。叫左個下午茶餐既迷你星洲炒米，等左大約15分鐘，不過餐飲就落單後2分鐘已經黎左。個星洲炒米黎左之後，發現都幾大碟，諗住幾抵食啦，但唔知點解一條紅青椒都無，米粉好似炒得太乾硬硬地，少少辣味都無，好淡味。再加上d蛋好大舊，而且食落口好粉，感覺怪怪地，應該係食過咁多間茶記既星洲炒米呢間係最難食既一間，食左一半根本無胃口再食😕但佢d新鮮出爐既包都幾大幾香，下次可以試下

嚟到深水埗搵食，當然要食番D地道野。見到依間茶記出名菠蘿包，都幾吸引，一於試一試！呢間茶記都算幾乾淨同光猛。特大菠蘿包餐(＄32)。個菠蘿包嘅賣相有啲令人失望，成個包扁咗，不過味道係唔錯嘅，如果熱辣辣嘅話相信會仲好食。個奶茶奶味夠晒重，算係幾出色嘅奶茶。另外叫咗個營養餐($45)，有火腿通，炒蛋加多士。塊多士都整得幾香口，炒蛋算滑。個火腿通嘅份量比我想像中大！Overall都好食，不過係深水埗黎講價錢貴咗啲。

其實我一直很想來這裏吃下午茶，試試這裏的奶茶、蛋撻和巨形菠無奈一直沒有機會，好幾次經過，都已是吃飽了的時間，要不就是人很多。今天心血來潮，又恰好經過這裏，在門前猶豫了一陣子，在麵包架前的侍應姐姐便問我要甚麼，我只道熱奶茶，心想買一杯帶走喝。看到沒蛋撻，便打算不再買的了。侍應姐姐卻再問，不試試其他嗎？很多包都好吃的。　　我猶豫蠻久，看到有提子蛋糕，覺得蠻大件，才７元，即使是獨立包裝的蛋糕，還是薄薄的，也是這個價錢，或者更高，覺得可以一試，便買了。　　我很欣賞這家餐室的麵包櫃是可以封住的，客人要買時，侍應姐姐才打開櫃門去取，比較衛生。　　熱奶茶很濃滑，而且夠香和夠熱，很甘，茶奶的比例也恰到好處，可是$16的，至於提子蛋糕，提子比較少，但蛋糕很軟滑，質感非常綿密，牛油味很濃，我猜在製作過程中放了很多的牛油。所以比較飽膩，證明店家是真材實料。　　我看到麵包櫃裏的麵包都很巨型，希望有機會再試。

裝修左两個多星期，在10月2日已開番啦！好多時早餐會在這裏食，好鍾意這裏各種新鮮出爐巨型麵包(叉燒包、菠蘿包、提子麥包、吞拿包......)我最掛念的巨型吞拿魚包同熱央。裝修後，店内两邊變左卡位，舒適不少；冷氣勁左，店内光猛左 ......不過早餐全部加晒價。

聞到好香既新鮮出爐包, 令我忍吾住走入去呢間九龍餐室食個下午茶墨西哥包剛出爐, 好香好大個, 出面薄薄既一層甜脆配以鬆軟包皮, 再加上裏面戴有熱騰騰既奶皇, 真係好好味超大菠蘿包餐, 真係成隻手掌甘大.!!,不用說剛出爐既菠蘿包皮脆包軟, 配以8成熟既滑蛋, 同煙UN 既火腿, 冇得輸.~

趁星期六有空檔, 相約了好姐妹一起去購買小組組員的生日禮物. 以前買精品禮物, 一般會去尖沙咀旺角這些地方, 但原來西九龍那裡的也有很多選擇, 而且人潮沒旺區那麼擠, 最適合我們這兩個帶著寶寶去 shopping 的媽媽. 血拼一番後, 兩位媽媽決定到附近的九龍餐室補補血. 這次是我第二次光顧. 還記得第一次吃過這裡的菠蘿油覺得很讚, 所以再來 encore!到了餐廳時間差不多5點, 還來得及點個下午茶餐. 看了看餐牌, 最後決定點個特大菠蘿包餐, 而好姐妹則點了個炒粉麵下午茶餐.特大菠蘿包來囉, 哇! 好大一個包, 比我上次吃到的菠蘿油的 size 還要大! 同場加映炒滑蛋, 火腿, 蕃茄青瓜等. 綠葉的炒滑蛋炒得不錯, 夠滑, 只可惜味道略為淡口. 雖然菠蘿包的皮夠脆, 麵包夠鬆軟, 但缺少了中間的牛油頓然變得很普通. 下次我還是點菠蘿油好了!

媽媽去旅行, 臨出發前一齊食個brunch先... 又黎到舊屋個條街, 其實都已經開左好多間餐廳, 幾乎大半條街都係餐廳... 呀姨揀左食九龍!  呢間茶餐廳係個條街都算係老人, 開左好幾年, 之前都食過幾次, 對佢既印象就係比較貴 今次既體驗尤其差!!!   首先叫野食個時, 個待應態度好唔禮貌, 飛個餐牌黎問我個餐跟咩麵, 多士定餐包... 令人好不滿!  淨係叫我地講食咩啦... 張單又pat落枱度...一d禮貌都無 .V.叫左個蕃茄營養餐, 個湯無咩, 明顯係假蕃茄味... 份炒又多油, 都唔知健康係邊... 人造蕃茄味都唔見得邊度有營養...表弟叫既乾炒牛河最唔掂... 一黎到已經有陣煙味...無錯!係煙味! 佢番一番個河粉都未食呀媽已經聞到有d煙味, 佢食埋直情係想吐...   如果係炒燶左都仲可以頂得順, 但有煙味真係好核突 同返待應講又係度問咩煙味, 邊度有煙味 又叫我地唔好咁大聲講...  跟住我地唔要改左個公仔麵...   見到後面2枱都有叫乾炒牛河, 都唔知有無拎返頭先個碟比人地....今次呢個經驗令到呀媽話以後唔食九龍, 個度大把餐廳, 食隔離起

鮮茄營養餐，普通湯底只加2舊蕃茄，再加少少茄醬就扮蕃茄湯底。咖啡、奶茶亦不及以前水準，黑椒豬扒瀨，豬扒又咸得滯。怪唔今日黎唔使等位，同以前排長龍既日子完全唔同，可以唔使再幫襯了。

一天中午，與同事來到這間餐室食午餐，見午餐中有一款「花菇魚肚豬肚蒸滑雞」，看來幾特別和吸引，還奉送「碗仔翅」和餐飲，才不過 $42，又不用加一，價錢都算經濟，便叫來一吃。「碗仔翅」顏色深得可以，簡直是深不見底，幸好味道還算正常，雖是想像得到的街邊碗仔翅味道，以贈品來說，還可以。「花菇魚肚豬肚蒸滑雞」不過不失，花菇、魚肚、豬肚、滑雞，雖然都是細細件的，全部一應俱全，無一或缺，味道不過不失，要是要求不高，但求填飽肚子的話，仍是及格的。快快吃過這簡單午餐，又是時候繼續開工。 

在九龍餐室吃過了4次菠蘿油 , 都是套餐外另外再點的 , 時段從早餐到下午茶都有 ,4次之中有3次都十分滿意 , 菠蘿包軟棉 , 頂部菠蘿皮不易掉出來 ,3次都有些暖的包加上放在冰塊上的牛油 , 冷熱交融之感很是討人喜歡 !只有一次不是暖的 , 相比另一間菠蘿油聞名的金華冰廳 , 在那裡吃過2次菠蘿油 ,2次雖然都不是冷冰冰的 , 但也是欠缺點溫度的 , 二者比較下就是九龍餐室的贏了一個馬鼻 !另外 , 地方有些細小 , 某些座位會是較擠 !

  之前本人在這店有堂食及外賣,店內櫃面職員及一位男仕(沒有穿制服)的服務很好,因之前本人發生過一件事,後來這位店內男仕(沒有穿制服內)解決和處理,當是的我很欣賞他的服務態度.  今日本人去這店食早餐,店門口早餐牌還沒收回鋪,但早餐時間過了大概四分鐘,本人入店問還有早餐嗎?店內穿制服的人說,做埋給我,及後又有店內另一女子(沒有穿制服)聽了員工說做埋給我,還叫我快快落單,她叫了我坐這張抬,坐了下去又要我坐第二張抬(因天花上維修冷氣),我連忙叫店內職員給我早餐牌落單,店內另一女店員說沒有,我對她說原因,她堅決說沒有早餐,如果沒有為何又承諾給我,只是一份早餐,員工大家沒有溝通,我最不滿是那位女職員(在水吧包外買)的態度,就是她的服務態度令本人對這店失望,本人不會再去這店惠顧.

從同事們口中所知，在深水埗有間冰室的菠蘿油好正、好出名， 於是便相約友人去品嚐品嚐。星期天的下午4：00左右，人山人海，生意十分好，可能係新裝修和食品質素所吸引 。講真，價錢並不便宜，坐亦不甚舒適，但一啖吃吃那個冰鎮菠蘿油便愛𣎴停口，熱棘棘的皮面香口香甜，麵包柔軟，再加上冰凍牛油，十分匹配，牛油好香，大滿足。奶茶亦都不錯 ~ 幼滑鮮奶不鞋口，非常棒，作為一個下午茶確係不二之選，但為了健康，小吃多滋味，嘻  ！

已經想去深水涉，甘岩我要幫我個相機配番個專用扣，同去氧團購的東西，所以出左深水涉。係東昇買到個專用扣之後，我就去找找有什麼野食。見隨呢個OPENRICE話菠蘿油同蛋撻好食，上就來試下呢D 懷舊風味。環境係呢條甘既舊街道上面，仲保留原有特色，香港已經好少有了，因為香港個政府都唔知咩先要保留。入到去。好像快已經去了一個卡位坐，由於茶餐廳都係多人，所以好快已經有人搭TABLE。食物我坐底後先看看，最終都係叫了菠蘿油同蛋撻 奶茶。不過好像WAITER 聽錯左, 所以都係來左菠蘿包。．菠蘿包．蛋撻．奶茶無所謂，我其實好像未食過菠蘿包，甘就試下。 菠蘿包來到時嚇左我一跳，甘大過菠蘿包，連搭TABLE的2位 UNCLE，都說「嘩! 甘大，甘菠蘿油 咪仲大」。由於我其實好像未食過菠蘿包，在網上都找了一些資料，引用至維基百科: 「菠蘿麵包，是一種普遍的甜味麵包，沒有餡料，源於香港。據說是原本稱為「俄羅斯包」。1960年代，因為菠蘿麵包經烘焙過後表面金黃色、凹凸的脆皮狀似菠蘿因而得名，所以菠蘿麵包實際上並沒有菠蘿的成分。菠蘿麵包的產生一種說法是因為早年香港人對原來的包子不滿足，認為味道不足，因此在包子上加

17-1-2013(Thur)As I wrote a review here before, if you ever have the best pineapple bun with butter in HK, 九龍餐室 is the right place to go.Bought it as a takeaway last time, it was really delicious, and so I went there again, dine in the restaurant this time.The pineapple bun with butter(served on a plate of ice) was the main attraction, thick toast with butter and condensed milk, freshly made and so it was warm... very delicious and deadly for the artery. It would make you go back again.Apart fro