九龍餐室

營業中

休息中

香港搵食艱難，搵好野食更艱難，冇諗過我只係叫個普通茶餐廳一定食到嘅野，都可以食到我想即刻寫食評，而我所叫嘅野食就係星洲炒米。依維基百科所講，星洲炒米的「星洲」是指新加坡，但是卻起源於香港，分別有香港和馬來西亞（各有兩種不同的派別）。而港式星洲炒米的食材通常包括叉燒、蝦仁、芽菜、雞蛋、洋蔥和辣椒絲，並會加入咖喱粉或咖喱醬，令炒米粉變成金黃色，並充滿香辣的味道。圖中所見，當個星洲粉米黎到我面前，我呆左三秒，點解可以咁黃金色嘅？我再翻一翻個米粉底，依然咁黃金色，原因好簡單，因為係一啲料都冇，百分之99.9係米粉，0.1係料，而啲料係兩少舊小叉燒，一個蝦仁，三條洋蔥，三絲火腿，表面仲有少量芝麻（真係別出心裁），咁就52蚊。講真，我唔想浪費食物，最後我食左三啖，咁整出黎，好難再食落去咯，完全係食緊齋咖哩粉炒米。我都食過九龍餐室其他分店，真係好食好多。可能有人會話，你唔即刻同侍應講咁煮出黎都得嘅，但係我想講正常煮一碟野食，都要我落單前講要一碟星洲炒米正常版？叫佢地換一碟，可能哩碟米粉就咁倒左，更加浪費食物。

促進下經濟，振興下飲食業，都keep住幫襯下餐廳同酒樓。。。基般上，就係一般茶餐，會有不同餸同粉麵選擇。呢個粟米鮮奶炒滑蛋鱧奶味一般，但係佢個蕃茄湯底真係算ok嘅，夠濃味，好過米線店或粉麵店嘅蕃戌，通常唔好𥄫又唔好食，因為根本無乜蕃茄味。而最抵嘅係加$6可轉紅豆冰，個紅豆夠“林”出味，轉飲品非常值。而另一特餐，芝士腸拼香茅雞中翼，佢個香茅味唔算濃，但係炸得夠香，肉仲好嫩滑，火腿奄列夠足料，又係可以加$6可轉紅豆冰，又一次，轉飲品非常值。同埋原先無位 我地座左張細枱，姐姐見我地咁多碟嘢，主動幫我地轉枱，搬嘢，好貼心。

真心係佩服九龍餐室，佩服他們食物的種類超多，對比價錢和質素味道都真的是超班茶餐廳。很多年冇食完鴛鴦炒飯，見到餐單有當然要試一試，味道好材料足有酒樓水平。不過老問題一個就係班伙記大部分都未上手，旺角或深水埗店都有少少亂。

聖誕日又出左黎深水埗度買野，攰攰地入左九龍餐室食晏，本來係因為佢門口嘅新鮮麵包好吸引，諗住叫個菠蘿油㗎，但後尾又轉軚叫飯食。午餐時段剛坐落時仲有好多吉枱，食到中途全場爆要撘枱了，其實張枱都幾窄，中間間開有啲迫，無咩事都係食快啲早啲走啦。叫左好耐都無伙計得閒落單，不如試下行qr code等客人自己落？可以節省人手喎。飯餐有湯送，西湯話係粟米忌廉湯，但睇落同飲落都係粟米蛋花湯，名不乎實…中湯唔記得係咩湯了，記憶中偏鹹少少外都ok嘅。餐飲叫左熱檸水同茶走，杯檸水好苦，茶走就幾好飲。朋友叫嘅梅菜扣肉飯，梅菜太少，扣肉太瘦太乾，健康版嘅扣肉？哈哈，完全無肥膏位喎。自己叫左午餐A係焗夏威夷牛扒腸仔飯，個汁酸酸甜甜幾好味，飯炒底有誠意，腸仔係廚師腸，牛扒就焗燶左好乾好硬，敗筆處…無期望就唔會有失望，一間正正常常嘅茶餐廳，唔難食亦唔會話好食，六十蚊個餐係食呢啲。

如果趕時間的，千萬不要來，叫了個炒飯等了20分鐘😡，叫了個星洲炒米仲慘，等了35分鐘🤬🤬🤬，一般上班一族都應該食唔(喜),坐低，叫野食，飲完野可以走得，唔洗埋單，因為夠鐘開工D食物都可能未到😢😢😢

好耐之前，因為餸太少，所以無幫襯一段時間。見重新大裝修之後，咁啱經過，幫襯下。地方，佢一向企理乾淨，讚！不過，新裝之後，個位窄左好多 ...疫情期間，卡位半張枱，坐直，都唔可以正常舉手，係枱面玩電話 ...  ... 居然 ? !叫左個 "什果咕嚕雞肉飯" ... 黎到，變左 "無什果咕嚕雞粒仔飯" ... 其實味道係 OK 的 .... 張相望落好似可以，其實真係食唔飽 ... 雖然食量無得比較 ...我忘記用支匙做對比，不過用飯粒黎做比例就知雞粒係細細粒 ...如果要食晒 d 飯，只可以用汁撈 ... 叫凍奶茶少少甜，就不計成本，好鬼甜 ...例湯幾好飲的 ... 整體黎講，真係少少失望 ... 隔離間野都賣緊 $28 二餸飯，大大碟，雖然人地無堂食 ...另一邊都一連串幾間餐廳，都無咁少餸 ...又雖然生意難做，但都唔好咁細粒 ... 我諗，呢次真係應該 ... 唔敢再回頭了 ... 

早前去深水埗行街，去鴨寮街買電子產品， 四圍都搵唔到咩食，點知行後一條街，就見到大大隻字寫住九龍餐室，所以入嚟呢度試吓，反正又唔使排隊奶油豬個人認為唔錯，幾好食，因為落得夠多牛油，同埋夠多煉奶，不過唯一不足之處就係個包焗得唔夠脆，只有上方係少少脆，成個包都係軟林林紅豆冰有驚喜，好多好多好多紅豆，我未見過一間平價茶餐廳會俾咁多紅豆，所以我比好高分而且味道都唔錯，呢個紅豆冰係冇椰奶嗰隻，係淡奶嗰隻，唔錯中餐湯，今日係西洋菜湯，都唔錯，幾濃郁，奶茶忘記偏甜，所以偏甜

今日出左深水埗買配件，買完係附近搵野食，見到九龍餐室今日有全單九折就入去食。我地叫左幾個小菜，分別係海鮮雜菜煲，黃金蝦球拼鮮魷，黑椒三蔥爆牛仔骨。首先，海鮮煲好抵食，份量夠大，味道都唔錯，各款海鮮都有啲，值得一試。黃金蝦拼鮮魷勁邪惡，卡路里爆錶，鹹蛋黃好多，可以做到每件蝦同鮮魷都有鹹蛋黃。不過有啲少少偏咸，所以要餸飯。黒椒三蔥爆牛仔骨味道唔錯，不過牛仔骨偏肥，而且牛仔骨偏少，係洋蔥果啲配菜多啲，不過整體水準係唔錯既。

二人限聚令都已經維持了一段時間，6點後禁止堂食大家都已經習以為常。最近的晚餐除了在家裡吃之外，都經常在辦公室里，或者是我們的美食戰車上進行！通常在車裡面食的話我們都盡量叫D簡單一點的食物，例如三文治、包類等等。但今晚心血來潮，想食得好一些，所以就跑去其中一家我們最鐘意的茶餐廳 - 九龍餐室 - 到叫左3樣嘢。第一道菜：菠蘿油。呢個不用多講，每次嚟呢度必定食。車上用餐難度為一粒星🌟第二道菜：黃金椒鹽鮮魷。本來沒有什麼期望，但wok氣超夠，咸蛋黃又無偷工減料，真心好味！車上用餐難度為兩粒星🌟🌟第三道菜：胡椒豬肚雞煲。成煲嘢好足料，但胡椒味略嫌少咗DD，但冬天食佢就啱曬。呢兜嘢從餐廳出來到安置在車裡面都戰戰兢兢，因為一有什麼差池倒瀉就成架車唔駛要。我們用了各種工具張兜嘢平衡，小心翼翼咁搞掂佢。率之不負眾望，力保不失，車子內籠完好無缺哈哈。車上用餐難度為五三粒星🌟🌟🌟

唔理你咩政見, 做飲食唔係味道行頭咩？運輸處續完牌費, 專登嚟幫襯。叫左海南雞飯套餐。一上檯已心知不妙, 一睇就知係微波爐翻熱。4件雞背骨, 一隻雞翼尖, 半件鎚咁, 加埋應該無一兩肉。一食落去浸雪味勁飛起, 亦明顯係微波爐無誤。飯未煮熟硬硬地既。個油菜真係油菜, 浸油肥膩到浸死人。唯一係個湯算 ok 。凍奶茶只有奶水味。十分後悔行左入嚟, 希望老闆睇到食評會改善下啦。雖然知你係良心商人, 但咁既味道真係好難再有下次。呢個餐食左七十六蚊, cp 值簡直接近零。

點咗兩個下午茶餐，一個係吉烈魚柳併著條，另一個瑞士汁干炒牛河.優點：1, 炸魚柳外表夠脆.2, 環境整齊清潔.缺點一大籮：1, 凍飲份量少.2, 吉烈魚柳係薄切，偷工減料，有相有真相.3, 薯條凍冰冰，所以口感極硬.4, 干炒牛河嘅河粉全部都斷開哂碎濕濕.5, 干炒牛河寫明迷你，但價錢一D都唔迷你，50蚊係其他餐廳，已經可以叫一碟.6, 干炒牛河嘅牛肉又係薄切，感覺似薄切肥牛. 7, 蛋撻又係凍冰冰.寫文睇留意先知負評不少，果然名不虛傳，偷工減料質素欠佳價錢昂貴，永不幫襯！

之前經過此店，被店門外的宣傳海報吸引， $25便吃到超值早餐，這天便來一試。點了鮑片火腿通粉餐，加$3轉為我最喜愛的蕃茄薯仔湯底，$28已包括熱飲一杯，點了熱檸檬水。先試湯頭，有香濃蕃茄味，湯中番茄和薯仔不少，好喝。通粉的份量也不少，另外通粉上面有很多火腿絲和鮑片絲，以這價錢來說，真的超值。另外點了冰鎮菠蘿鮮牛油包餐，飲品點了熱咖啡。菠蘿包很大，皮脆包軟，鮮牛油下原來放了點冰粒，防止牛油溶化，可見誠意。咖啡也算香濃，不錯。差不多吃飽的時候，侍應拿著一盤一盤熱騰騰的新鮮出爐的麵包，在我們的座位旁邊走過，其中一盤是雞批。很久沒吃雞批了，立即點了一個。侍應很細心，放下雞批的時候提醒我們是剛出爐的，很燙，進食時要小心。把雞批分成兩半，看到批中的餡料頗多，不過大部份是火腿片，雞反而不太多。這雞批味道不錯，不過因為之前已經吃得飽飽的，把它吃完，就變得過飽了。這店的環境有點擠迫，不過服務到還算是不錯的。

呢次唔公開呢間食店都唔得，我宣布，我中伏了😭😭😭我間唔中都有去呢間嘢食中式炒飯或中菜之類嘅嘢，味道都幾好嘅，但今次叫咗個西冷牛扒即刻出事！1.洋蔥汁無味嘅2.安格斯牛扒係炸嘅3.安格斯牛扒咩事好似大家樂牛扒一樣薄切嘅？(連大家樂都好食過佢)4.塊牛扒乾嘅，只有油味5.塊牛扒好銀，好似豬扒咁超硬6.成碟白飯無食過，牛扒食咗小小我再問服務員，佢好肯定話我知呢塊係安格斯牛扒，之後我決定埋單走人，無下次！日期:2019-9-21店名:九龍餐室地址:汝州街282號地下後話:雖然西餐佢地真係好失敗，但係中餐及新鮮出爐麵包係好食的！

九龍餐廳晚市比較出名係蒸魚餐，原條蒸魚跟飯跟湯，仲要唔駛自己煮，都係$88蚊。今晚點了古法蒸多寶魚，仲有紅棗，粉絲，豆腐放魚底蒸，吸晒啲豉油好好味下次經過會再試下

Read online that this restaurant had jumbo pineapple buns.It was indeed jumbo, at least 50% larger than regular. Sadly, the butter was not upsized and so the bun to butter ratio felt out of whack and took away from the experience.Additionally, as I was eating, I was interrupted and berated by some female staff member for not folding up and replacing the menu on the menu stand, mentioning that the menu was getting dirtied by the falling pineapple bun bits. Just clean and sanitize the menus FFS. W