九龍餐室

營業中

休息中

好耐之前，因為餸太少，所以無幫襯一段時間。見重新大裝修之後，咁啱經過，幫襯下。地方，佢一向企理乾淨，讚！不過，新裝之後，個位窄左好多 ...疫情期間，卡位半張枱，坐直，都唔可以正常舉手，係枱面玩電話 ...  ... 居然 ? !叫左個 "什果咕嚕雞肉飯" ... 黎到，變左 "無什果咕嚕雞粒仔飯" ... 其實味道係 OK 的 .... 張相望落好似可以，其實真係食唔飽 ... 雖然食量無得比較 ...我忘記用支匙做對比，不過用飯粒黎做比例就知雞粒係細細粒 ...如果要食晒 d 飯，只可以用汁撈 ... 叫凍奶茶少少甜，就不計成本，好鬼甜 ...例湯幾好飲的 ... 整體黎講，真係少少失望 ... 隔離間野都賣緊 $28 二餸飯，大大碟，雖然人地無堂食 ...另一邊都一連串幾間餐廳，都無咁少餸 ...又雖然生意難做，但都唔好咁細粒 ... 我諗，呢次真係應該 ... 唔敢再回頭了 ...