九龍燒豬大王

營業中

休息中

2025-04-0319:00堂食-正價收銀女工及樓面女工粗口鬧客(目睹)雙拼燒味飯出品極差(像煲湯的燒味才料)餐室座位空間非常窄餐室內，地面滿佈油污(燒味油)衛生欠佳!「不會再光顧」

今日做冬，我知好多人會去買燒味，但門口又無寫今日飯盒已售罄，於是我就行去收銀諗住買飯，點知收銀個呀姐好大聲好惡咁話無飯呀！無咪無囉，好聲好氣唔得既，唔怪之得咁多人北上食飯啦，就係你呢d人做成㗎囉，祝你地間鋪早日關門大吉，你返屋企養老啦，收銀呀姐！！！

買個$68燒鵝雙拼飯入邊全部都係骨毫冇良心 今時今日仲係啲咁嘅食物質素 燒鵝仲好似有少少隔夜味 真係冇，下次幫襯 都告知下其他新出朋友，下次不要過去買 以免又中伏 總之一句講晒伏

以前都一直有買開，今日去買嗰個企燒味檔門口阿姐態度超差，我問一句，佢閙一句，好惡好大聲，最後連基本點燒肉用嘅介辣一包都唔畀，以前買開嗰啲阿姐都好好人，仲經常畀多醬料我，又會畀多啲汁我，今次乜都冇，，走嘅時候仲要大聲閙。唔怪之得香港飲食業咁多間執，今時今日咁嘅服務態度，我都寧願北上消費啦😡😡

次次經過都排晒長龍，今次下午茶時間試吓佢個燒味睇吓好唔好食，叫咗燒肉同燒鴨雙拼，燒肉塊皮都燒得幾脆，啲肉唔會好嚡俾我想像之中好。另外燒鴨都好多肉同埋好厚肉，發燒鴨皮都好正。

屋企人買咗燒鴨，晚餐食的時候，食到陣味怪怪地，聞吓隻鴨，成陣臭味，似咸魚味，嗰吓超嬲，之後即刻打電話去投訴，佢聽到我投訴之後就唔出聲，之後仲要cut線，嗰時佢差唔多收鋪，如果唔係會即刻去佢鋪頭要退錢，之前都覺得幾好食，但經過今次之後絕對唔會再買！！咁的食物質素同咁的態度，唔建議大家去買

每次經過呢條街，都會見到呢間燒味舖頭門口好多人排隊，今日週末中午見到佢人少少，所以我都好有興趣想試吓，門外大約有五、六個人排隊，等咗都係十分鐘左右，望入舖頭入面，原來有好大個玻璃櫃吊住啲未燒嘅鵝鵝🦢，搞到我心思思都想買份下裝，今次就買咗四份一隻乳豬試吓先，返到屋企即時偷食咗兩件，外脆內嫩，啲皮仲係脆卜卜嘅 😋一口咬落去奶香奶香，口感真心讚，感覺今次冇買錯嘢啦！其餘我擺到晚餐先食，咁就當然係淋咗少少啦⋯⋯😌

第一次買都正常好味；今日第二次外買燒腩骨（一條骨)，一半正常，另一半好瘦，disappointed. 唔知咁嘅樣係唔係正常呢？係唔係屬於同一條的燒腩骨呢？correct me if I am wrong. 😅 when i first time bought "roasted pork" last year is good and worth. However, when I bought it again today, no good at all, really disappointed.

媽媽想食肥叉燒，經過荃灣呢間燒臘檔，平時好多人排隊，今日唔係咁多，所以就排隊試吓，買咗$46叉燒，問位小姐攞一包芥辣，佢同我講買叉燒係冇芥辣嘅，我即刻…😮你話我問你攞酸梅醬就話冇啫，買叉燒要包芥辣都冇……都唔係做生意，可能佢唔優做啦

有日想食燒鵝下庒118元及叉燒買50元試吓，師傅游說我買半隻抵D，我話一個人食唔晒，師傅即唔高興，好似話只剩上庒很難賣出去，我堅持只係要半隻下庒，結果師傅切咗D唔靚叉燒比我，有筋位，瘦叉，唔好食，以後都唔會幫襯，搵笨！

只可以話吾系差其實每次行過哩間新開幾個月的燒臘店，都比佢條人龍嚇親，比荃灣最出名的街市街聯發仲長。優點- 睇到現場燒，比傳統燒臘鋪感覺乾淨- 店面整齊清潔- 味道吾會死鹹缺點- 燒鵝比較細同貴排隊系長，但吾使5分鐘就到啦，本來只想試燒鴨，最後買左貴好多的燒鵝，因為以為燒鵝系比較大，所以只買左下裝，118蚊，返到屋企打開，原來系比平常細，好在買多30蚊叉燒，吾系吾夠食燒鵝下裝 （$118）3分- 份量比較細- 無乜燒的香味- 返到屋企馬上食， -食落皮吾脆同靭， -可能因為細鵝，肥膏吾多。 - 肉都幾嫩，好似帶D木的薰香味。叉燒 （$30）4分- 吾記得講要肥叉，但肉質都吾”鞋”同幾"林"，有焦黑邊，應該系梅頭肉。同樣花錢系百佳份量仲多10%左右，質量好非常多。吾記得叫佢個招牌燒肉，下次一定要試。

乳豬客飯 套餐A（$75），包例湯（菜乾豬骨湯，夠哂味道，又足料）及油菜（我以為係一碟上，但原來就係碟飯上面嗰兩條菜心）。乳豬併燒鵝飯，乳豬及燒鵝各五件，份量唔算多，但切得比一般燒味舖大件。乳豬：皮脆、肉厚，完全冇肥膏，唯一可惜放耐咗唔係熱的。燒鵝：相對肥咗少少，而且骨多冇乜肉食，皮亦都唔算太脆，食到好少嘅煙燻味 。整體嚟講，價錢唔算平，味道又唔算太出色。店內得五張4人圓枱，喺依家嘅情況下，堂食最多可以坐十個人。

6-2-2022  (Sun)同老公買餸,佢話買叉燒嚟炒蛋,原本去宏泰,但見越嚟越多人,就唔幫趁住,行去燒味館睇,老公話個樣好似唔得,於是行嚟新開嘅呢間,已經有條人龍.我睇到價錢係$128.00一斤,比燒味館貴$10.00.我哋排咗好耐,聽到前面嘅女士講呢喥嘅燒味全部都好味,咁我同老公商量,既然排咗咁耐,淨係買叉燒好似好唔抵,不如買多一樣,老公就話燒肉.好的.終於到我哋喇,由於見到再之前嗰個客人買嘅叉燒差唔多有一斤,於是心中有數買幾多,就決定要半斤,然後要埋沙梨篤嘅燒肉,店員指俾我睇係邊舊,我就叫師傅切2吋厚嘅啦.最後叉燒係$65.00,燒肉係$60.00,睇吓張單,原來我哋啱啱等咗半個鐘至買到.返到屋企,同老公急不及待試食.叉燒唔肥,口感係鬆化亦食到蜜汁味,但似茶樓蒸叉燒腸嗰種質素,呢個唔係我杯茶.味道:3分而燒肉呢?全瘦嘅,唔太鹹,個皮好脆,但有少少燒過龍嘅焦味.味道:3.5分服務:老闆會企喺喥 睇住條分成兩截嘅人龍,唔俾人打尖.

我係一個喜歡吃燒味的人，所以荃灣的燒味店也差不多吃過了，發覺開始越來越普通，甚至有D很差。但今天經過荃灣九龍燒豬大王，於是走入去，價錢不算貴，我叫了一碟套餐乳豬燒鵝飯，伙記遞碗例湯來，於是我想應該很普通的湯，估不到很有味道，不錯不錯，後來，遞主菜乳豬燒鵝，竟然乳豬厚肉皮薄超少肥膏，燒鵝也是，入口直溶。

📍荃灣川龍街72號地鋪唔知食乜所以周圍兜咗一個圈，有一間新開嘅燒味舖，其實佢最吸引我就係吊住喺度嗰兩隻乳豬。所以就衝左入去試。1)叉燒分提飯🍚🍚，叉燒係半肥瘦🥓🥓多汁，燻蹄都好爽口，再送一碟超大碟嘅油菜🥗🥗同一個例湯🥣🥣，都係$55冇得輸🤣🤣環境細咗少少，位置唔多，但係都坐得好舒服，始終都係新舖，不過冷氣就唔係好足夠，都見到好多人買燒豬同乳豬，CP值都高嘅，下次就真係會試吓去啲乳豬🤣🤣🤣