九龍坎麻辣火鍋

營業中

休息中

服務極度差本身以為係可以一路食一路唱K要我地坐係出面 要我哋食晒先俾我哋入去 話要等入邊啲人走 book咗房但係完全唔留房最後以為終於可以打麻雀 結果安排咗我哋喺唱K又同我哋講話等麻雀房啲人走之後去到後面再去問佢哋 又話麻雀房俾人book晒成晚明明同人哋比一樣價錢人哋可以一路食一路唱k仲可以打麻雀 但佢哋就恰我哋細叫我哋用包房嘅價錢坐出邊仲要係冇得打麻雀侍應唔識講聽唔明廣東話呼叫鐘作用為0 冇人會理你見到有呼叫會閂咗個鍾餐具都好污糟十副餐具有五副都污糟整體非常之差快啲執笠

跟朋友約去吃麻辣火鍋，走進大門就聞到濃濃的牛油香味，真是垂涎欲滴🤤裝修有種宮廷風格🤩，還有服飾可以更換，晚上還可以自助唱k打麻雀，邊吃邊喝邊玩～🍲🎤🍧🍻🥳這次我們選擇了濃味沙爹🤩搭配豬骨濃湯🍲珺珺功夫牛🐮，颜色鮮艷，還有漂亮的雪花纹👏🏻，口感好嫩👍🏻火箭魷魚🦑，粉粉嫩嫩的，魷魚筒切了花刀，卷起來好似🚀，煮差不多十秒就夠了，緊實彈牙，朋友鍾意～😍小郡肝是醃製過的麻辣胗肝，好大個，無論搭配甚麼款式的湯底，小郡肝那種脆爽麻辣味道真是好食😋😍

晚市放題非常抵食 揀左B餐$168任食牛豬雞都有 除左平時打邊爐啲料呢度仲有好多小食飲品雪糕生果任食呢個價錢任飲任食嚟講質素絕對物超所值店長服務好好 態度好友善會再介紹朋友嚟

本來以為係食放題, 點知來到先知要晚上十點後先有, 咁都入左來所以都係一試啦咁book個時都講左要間房既, 咁來到都好好安排左間房比我地有埋唱K, 但其實6個人係逼逼地, 房入面都有廁所係幾方便, 不過個環境就麻麻啦, 好多漏水就連我地一邊打邊爐, 上面都係咁滴水, 有個朋友由開始滴到走, 有會有D杯呀食物呀被滴水, 出面個情況就好亂啦眼見都好多人拎野食, 咁我地都以為可以拎啦, 點知原來係唔得既, 要放題先可以, 咁到食野啦, 其實食物係OK既, 但我地叫左個炸曼頭足足等左成個鐘, 吹左2次, 基本上好多野都係唔清唔楚, 叫鐘叫人又無咩人理我地, 到食完埋單走, 收錢個個話要房低消$2000呀要, 咁我就同佢講無人講過我知, 佢表示訂房個時會同我地講, 但我都再次表示電話同現場都無人提及過我地係完全唔知的, 佢就話好啦咁今次由你地啦....我都好想講其實唔會有下次....

呢間火鍋店非常有特色，行入門口已經感受到個宮廷風style，裝修仿照中國成都火鍋店風格，佈置美輪美奐、古色古香，餐具都好有宮廷特色，非常適合打卡❗️餐廳亦都提供漢服俾食客影相打卡📷。由於有選擇困難症嘅關係，我哋就嗌咗個套餐 $645，可以樣樣都試吓🤤✨ 太極鴛鴦湯底 👍🏻👍🏻👍🏻鴛鴦湯底有招牌四川麻辣牛油紅鍋同老壇酸菜金湯2款，麻辣湯底嘅辣度同成都有得揮，味道幾乎同喺成都食到嘅一模一樣，好適合攞嚟煮肉；酸菜湯底就相對清甜d，用嚟食蔬菜就好夾😋✨ 🐑精品肥羊👍🏻👍🏻👍🏻肥羊卷羊味好出，但無膻味，呢個唔係間間餐廳都做得到，羊肉外邊好爽脆，爽到好似食緊豬耳咁✨ 🐖杜洛克黑豚肉 👍🏻👍🏻👍🏻豚肉有10幾件，睇落好似好肥，其實一啲都唔肥，肉質鮮嫩、唔韌✨ 鮮鮑魚 👍🏻👍🏻👍🏻Size唔係大大隻嗰啲，不過食落都爽甜✨ 老林腰片 👍🏻👍🏻👍🏻切得好薄身，處理得都乾淨，食落唔會覺得腥✨ 鵝腸 👍🏻👍🏻👍🏻碌分零鐘就食得，好爽口✨ 🥬淮山、土豆片、金針菇、茼蒿菜👍🏻👍🏻👍🏻放晒落火鍋入面吸收哂湯底精華✨ 🍋百香果檸檬茶 👍🏻👍🏻👍🏻有兩種檸檬，飲落唔會好酸，仲有少少淡淡嘅百香果香👍🏻👍🏻👍🏻👍🏻👍🏻（最

港人至愛打邊爐，呢間主打麻辣火鍋，裝潢設計獨特，古色古香，有得Cosplay着住漢服食，多人嚟仲可以Book房卡拉OK，中午同宵夜時段有放題，其他時間就以單點為主。湯底要咗鴛鴦，四川麻辣牛油紅鍋係佢哋嘅招牌，香濃惹味，越食越上癮。私心推介花膠雞湯，飲落清甜，黏黏哋咁，花膠大塊且入口滑溜，雞件都算嫩，值得一試。肉類有珺珺功夫牛，肉質鮮嫩，牛味突出，大大塊啖啖肉。火箭魷魚賣相一流，記得唔好錄太耐唔係越縮越細，咬落超級爽彈，好有驚喜。潮汕牛筋丸同樣出色，Q彈可口，食完都幾飽。蔬菜類有油麥菜、白蘿蔔同鮮藕片。細分都唔少，而且件件都好大塊，建議要早啲放落去煮，全部吸滿湯汁嘅精華，非常惹味。鮮腐竹薄切，滑嘟嘟，豆味比想像中出，正。值得一讚係個調味料區域，有常見嘅蔥、蒜、豉油、醋、辣椒醬之外仲有香油、芝麻醬、沙嗲醬、腐乳醬、韮花醬等，應有盡有，雖然好肥但真係忍唔住咩都點一餐🤣

值得推介俾大家一大班朋友去食，設計古色古香宮廷風裝修，另外有多個卡位，同埋特色房間，唔怕俾人騷擾，另外值得讚賞係傳菜姐姐好有禮貌，服務態度非常良好，菜式好多選擇，所以多啲人可以食多啲唔同款式嘅火鍋配料，而且仲有雪糕雪條供應！▪️ 招牌手切牛肉：牛肉超乎我預期，絕對好過火鍋餐廳好貴嘅牛肉，肉質新鮮脂肪分泌均勻，入口即溶美味指數:🌟🌟🌟🌟🌟▪️ 豬黃喉：之前喺出邊火鍋舖都係食牛黃喉，但係豬黃喉都係第一次食到，最啱本身唔係好食牛肉嘅朋友，而質地同牛黃喉冇乜分別，如果唔講都唔知道分別美味指數:🌟🌟🌟🌟🌟▪️ 黑魚片：本身唔係咁鍾意食魚，因為怕吞骨，但係朋友極力推介我食咗一舊，肉質都鮮嫩美味指數:🌟🌟🌟🌟▪️ 毛肚：另一樣必須要推介俾大家就係毛肚，其他麻辣火鍋嘅毛肚會切到好細片，所以食落冇乜咬口，但係呢度做法非常好，每片都有差唔多手掌咁大，所以食落去有口感可以慢慢咬美味指數:🌟🌟🌟🌟🌟▪️炸芋頭：傳菜姐姐送到嚟嘅時候除咗講趁熱食佢仲讚我哋好叻識得叫炸芋頭，佢話呢度嘅炸芋頭非常好味，食落脆卜卜仲好香芋頭味美味指數:🌟🌟🌟🌟🌟

🐽 太極鴛鴦湯底招牌四川麻辣紅油鍋又香又辣，辣得嚟又唔會搶味，而鮮蕃茄湯底酸甜開胃，兩者搭配得非常好🐽 招牌手切牛肉牛肉切得夠薄，入口嫩滑，喺麻辣湯底度浸幾秒就啱啱好，肉味濃郁🐽 精品豬黃喉質感爽脆，吸收晒湯底嘅香氣，食完真係停唔到口🐽 黑魚片魚肉嫩滑無比，而且非常新鮮，唔會有腥味🐽 牛毛肚耐煮唔會變韌，仲保持住佢獨特嘅彈牙口感🐽 牛餐肉肥瘦比例啱啱好，配埋香辣湯底，真係一流🐽 玉米同鮮香菇玉米甜美多汁，香菇吸湯後更加鮮甜。最後，烤芋頭係驚喜之選，外脆內綿，帶住少少焦香，係一個好好嘅收尾

Tai Chi Dual Soup Base 太極鴛鴦湯底 ☯️鴛鴦湯底可以啱唔同朋友嘅口味，一次過滿足到唔同風味，今次叫嘅兩款分別係新鮮蕃茄濃湯🍅同埋經典嘅豬骨湯底🍖，蕃茄濃湯用咗幾個原隻新鮮蕃茄，食落味道酸酸甜甜，夠晒開胃🤤，而豬骨湯底加入白蘿蔔同埋養生嘅杞子熬製而成🔥，相對健康🤍➋ ➌ Handmade beef 🥩 珺珺功夫牛 細碟嘅珺珺功夫牛牛肉味十分濃郁，口感一啲都唔煙靭，而且肥瘦均勻，淥幾秒食啱啱好🤍➍ Kidney 小郡肝 🍢個名好特別嘅小郡肝第一次聽🐓，其實係雞腎，食落去口感帶有爽脆，味道唔會太濃，同打邊爐食都幾match 🤍➎ Rocket squid 火箭魷魚🦑 Fresh yuba 鮮腐竹火箭魷魚嘅外觀好吸睛，將魷魚卷整火箭形狀夠晒有心思🚀，食落去超級爽口，淥一陣就食得🐙，而新鮮腐竹嘅賣相同樣精美，夠晒健康又口感夠滑嘟嘟，值得推介🤍➏ Lettuce 🥬 油麥菜White radish 🥕白蘿蔔Fresh lotus root slices 🪷 鮮蓮藕片油麥菜夠晒大兜，鮮嫩又帶天然清甜味🌿，而白蘿蔔無論浸喺打邊爐嘅乜嘢湯底裏面食，都可以送湯底精華😍，軟腍腍又好食，

油麻地全港最平麻辣火鍋 最平$98任飲任食 竟然仲有Häagen-Dazs雪糕！？隔咗一段時間再去記錄吓 （價錢餐牌可以長安暫停睇睇）.先講講價錢 佢哋有分三個ABC套餐A餐 90分鐘 最平 $98 2款肉類 任食自助區食物 一個雪糕（學生 長者套餐）B餐120分鐘 $168 4款肉類 可以選擇鴛鴦鍋任食自助區食物 任食Häagen-Dazs雪糕C餐120分鐘 $298 8款肉類 11款海鮮放題（海蝦 鮑魚 生蠔 元貝 任食最吸引）如果選擇BC餐 可以加$60通頂唱K打麻雀到凌晨0600另外學生 長者BC餐都有九折優惠‼️記住留意放題時段午市時段1200-1700 宵夜時段2200-0600其他時段openrice訂座會有優惠放題時段單點68折其他時間單點78折（18:00-21:30）.基本上淨係自助區已經好多嘢食蔬菜 丸類 麵食 炸物 飲品 雪糕 自助區肉類有牛柏葉豬紅 水魷 雞翼 斑腩塊 豬皮最平$98已經可以好豐富小食竟然有 藤椒魚皮 係超厚身 爽彈果種炸物有單骨雞翼仲有是日海鮮冷盤 今日見到有凍蝦 同蜆肉最近仲新增咗 自助DIY冰粉 可以自己加大量見波波 水果.整體價錢好親民

上網搵到呢間可以一邊打邊爐🍲一邊唱歌🎤當日店內有2位店長，一位叫Moon，另一位唔太清楚佢名，我就稱‘女店長’啦一入鋪由店長Moon負責招呼，入房時，第一間房電視機開唔到，之後轉第二間房比我哋。但第二間房都係有問題😅枝咪用唔到😅當時由另一位女店長跟我哋房間嘅問題，女店長話一係轉另一間比我哋，但得一枝‘咪🎙️’😂吓！得一枝‘咪🎙️’😅點唱？跟住女店長叫我哋食嘢先，食完就安排我哋去另一間房唱。咁無計啦！唯有食嘢先！我哋食完之後就搵店長Moon幫忙轉房，轉房後正正大家好開心唱生日歌嘅時候，突然有一位普通話口音的女士衝入我哋房間，係冇敲門嘅情況下。跟住同我哋講，叫我哋細聲啲，話佢哋傾唔到偈。嗰下我回覆佢哋okay，我都係諗住互相遷就，尊重最後都有同店長Moon講，Moon都好客氣，有耐性同禮貌覆我。我心諗預咗房間係比人唱歌🎤咁一定係會有音量啦！你哋覺得嘈可以選擇轉房，唔轉都唔緊要，但呢啲客連基本禮貌都唔識。個吓嬲嬲地。門都唔識敲，直接衝入人哋間房。整體上未致於太差，只係房間音響或咪有問題，房間有啲滴水。但未會太大影響。1.）可能要留意返貴店隔音設備/真係有客人純粹諗住要間房傾偈，盡可能唔好安排喺K

最近見到好多人介紹呢間特色火鍋，今日心思思想打邊爐就同奴才巴爸去試吓🤭一出𨋢已經比個氣勢震懾住🤣好有古典宮廷特色，裝修顏色都好鮮艷好喜慶咁🥳最搞笑係見到碗底寫住乾隆年製🤣真係令人置身係古代咁🤭打邊爐梗係要貪心啲嗌個鴛鴦湯底：食重慶火鍋，一定要叫招牌四川麻辣牛油紅鍋，另外又叫個冇咁辣既老壇酸菜金湯順便可以淥下魚食😋
手打墨魚滑🐙西班牙黑毛豬腩片🐖雪花肥牛舌🐃👅黑魚片🐟潮汕牛肉丸🐂叫咁多肉類，當然唔少得叫啲菜食下：冬瓜、娃娃菜、海白菜、筍片王🥬🐙墨魚滑擺盤擺成心形好特別，而且仲好彈牙好有墨魚味😋🐖西班牙黑毛豬腩片唔肥膩，仲幾爽口彈牙，而且一啲豬臊味都冇😋🐃雪花肥牛舌唔講唔知仲以為食緊和牛，連我麻麻哋鍾意食牛舌都食咗大半碟🤭🐟黑魚片放落酸菜魚湯度真係超正，魚片夠新鮮彈牙吸晒酸菜魚湯啲精華夠晒味🤤🐂潮汕牛丸非常彈牙，而且都好香牛味😋🥬蔬菜類啲份量一啲都唔使都算幾抵食👍🏻呢間餐廳食嘢真係好有氣氛，裝修特別啱晒打卡🤭喺門口仲有宮廷漢服可以俾客人體驗下打下卡tim😍🤑 人均消費：～$400🤩 推薦指數：8 / 10📍 餐廳資料：九龍坎麻辣火鍋 (油麻地)油麻地彌敦道469號新光商業大廈3樓☆.。.:

只能講完全冇服務可言，叫左A餐， 豬肉雞肉任食，但係雞肉冇咗完全唔知，冇人告知， 問個服務員可唔可以加雞肉，跟住就話冇，然後走咗，等我想講話要加其他都唔得， 咁樣我食放題有咩意義呢， 有嘢想溫佢地問嘅時候完全唔見人，但係一到畀錢就出曬嚟叫人埋單🙁😞裏面得一個黑色長髮有紮髻嘅女服務員服務好好，會同你解釋翻點解冇左雞肉

星期五收工，最好就係打個邊爐，仲要係麻辣嗰隻。“九龍坎麻辣火鍋”以宮廷式火鍋嚟講，”九龍坎”係走近川式嘅風格，所以麻辣會係佢嘅重點之一。不過我哋都唔食得太辣，所以就叫咗鴛鴦湯底 (麻辣/豬骨)。主力:太極鴛鴦湯底 - 兩邊湯嘅味道都好足，豬骨本身已經有好多粟米蘿蔔，麻辣嘅味道夠麻亦夠辣，基本上唔使點醬油珺珺功夫肉 - 牛肉卷得幾靚，事實上亦有一定牛味小郡肝 - 本身已經有調味，食落有啲似雞腎，充滿彈性火箭魷魚 - 個人認為係必叫！爽口，最重要係大隻，兩邊湯底都好適合其他配料方面:鮮腐竹 - 啱晒呢兩個湯底，份量偏多白蘿蔔 - 係今晚嘅奇兵，非常柔軟，浸湯非常入味，點醬油同樣出色。我哋食咗兩碟😂鮮藕片 - 煲完之後係好易咬，唔會一口渣油麥菜 - 如果點麻辣湯底要小心，係非常之吸湯百香果檸檬茶 - 鮮果佔嘅比例好多，好夠味，附近嘅人都有叫作為宮廷式火鍋，呢度座位寬闊，枱同枱之間相隔得遠，可以慢慢坐慢慢食。星期五終於可以放肆一下！

最近做緊北京research，見到好多好野食 勾起條癮想食麻辣火鍋，同frd子兩個去食，一開Lift門就係接待位置，估唔到呢度個氣氛做得咁好，上至一幅牆 下至一隻豉油碗 整個裝潢格局都係走中國古風仲有漢服可以隨意著上身打卡座位闊落 仲有幾間VIP房，4位或以上就可以book房了，仲可以唱K+打牌通宵到天光6點，下次問下兩個人Book得唔得先....太極鴛鴦湯底 $116招牌四川麻辣牛油紅鍋 x 豬骨濃湯本身唔太食得辣 都係點鴛鴦鍋穩陣D，豬骨濃湯入面真係有大大舊煲湯骨 湯底咸鮮適中，麻辣牛油紅鍋比想像無咁辣，先是入口香麻 辣味再慢慢滲出來，整個口腔同鼻腔都蓋住香麻味珺珺功夫牛 (小份) $148小份都有唔少片，切得厚薄適宜 輕輕一焯好快熟，入口鬆化，呢款牛既濃郁牛味同麻辣味好夾小郡肝 $68香港平時好少聽到呢個term，即時google先知係家禽的胃部，一次見 好似塗左醃料既香腸片，每件都會用竹籤穿住，燙熟入口就是不得了，彈牙脆爽 又麻又香，用豬骨湯底燙熟都一樣充滿麻香 醃得好入味火箭魷魚 $78鮮美Q彈 口感上同小郡肝有D似，味道就清鮮好多我的麻辣鍋4寶~❤️每樣都有淡淡獨自原味道 同