九龍坎麻辣火鍋

營業中

休息中

十幾度嘅天氣 最啱打邊爐 一邊食嘢 一邊同friend吹水💦-🍢羊肉串等湯滾嘅時候 食幾串羊肉做餐前小吃 肉質軟嫩 羊肉羶香-🍲太極鴛鴦湯底朋友食得辣 鴛鴦鍋有招牌四川麻辣牛油紅鍋 另一款係老壇酸菜金湯 唔辣兼有鹹鮮 啱晒我-🥠蜂巢豆腐蜂巢豆腐比滑豆腐更適合做麻辣火鍋配料 較有嚼勁 裏面吸收大量麻油辣汁 滿口熱辣滾燙 朋友話辣得好過癮😬-🐟黑魚片今餐我自製酸菜魚‼️ 黑魚片肉質細嫩 魚片容易夾🥢 唔驚會啃到細幼魚骨😬 趁湯滾飲啲酸菜魚湯🥣 真係very good-🥓西班牙黑毛豬腩片打邊爐又點可以冇肉🤣 半肥瘦豬五花腩充滿油脂甘香-🥠糖心糍粑最後嚟一客軟綿綿紅糖心糍粑 完結豐富嘅一餐😁

九龍坎麻辣火鍋是一間宮廷風四川火鍋店，裝潢設計以及餐具擺設都古色古香，座位空間寬敞舒適。提供多款湯底和數拾款火鍋配料及川式甜品。太極鴛鴦湯底 - 招牌四川麻辣牛油紅鍋/老壇酸菜金湯一邊係招牌紅油火鍋, 入邊有大量辣椒, 辣度好有層次, 小辣且帶麻香味另一邊係老壇酸菜金湯底相對黎講辣味溫和啲西班牙黑毛豬腩片"霸王牛肉 - 滑牛肉以大量辣椒乾同麻辣粉醃製 , 肉質爽滑，主要係辣椒味道，非常重口味 , 辣勁十足，後勁好刺激"蔬菜拼盤 - 蔬菜拼盤都好新鮮，尤其是係粟米，非常之清甜。黑魚片 - 魚片好滑，無骨，啖啖肉珍寶蟹棒 - 大大條 , 鮮嫩美味8秒土豆絲 - 薯仔切到一條條，好似麵條咁 , 淥8秒鐘就剛剛好，土豆絲好爽脆小郡肝(雞腎仔) - 雞腎一串串的串起來，放在鍋中灼一灼便熟，口感嫩滑，帶有微妙的辣味羊肉串 - 羊肉食落有咬口，味道唔臊，惹味香口稻庭烏冬御用糖心茲粑 - 香口煙靭，味道香甜軟糯，解辣既必點小食手打青檸可樂📍九龍坎麻辣火鍋油麻地彌敦道469號新光商業大廈3樓

貴但唔抵食紅職員講沙嗲醬係酸嘅，佢話我嗌咗酸菜湯底6uo冇咩事都唔好食食牛氣好過個湯底擺勁耐嗰啲牛肉都仲未到唔明點解會有咁多人like仲要職員係講普通話真係唔好食

🥢油麻地 宵夜無限時包房唱K 古色古香宮廷風 正宗麻辣老火鍋 🥢天氣開始涼涼哋就係食麻辣火鍋嘅時間，油麻地一間古色古香宮廷風的老火鍋，招牌牛油紅鍋用十多種香料製作，香麻又惹味，可以自選不同辣度，湯底由正宗師傅調制，夠曬地道風味🥢記得晚市訂位！晚市時間有78折優惠，午市或者宵夜時間9:30後仲抵食，單點68折優惠！🥢太極鴛鴦湯底 $138招牌四川麻辣牛油拼老壇酸菜金湯招牌麻辣湯可選辣度，風味十足，麻、辣味道平均，越煮越香，酸菜魚酸酸辣辣幾溫和🥢霸王牛肉（🌼特辣） $108今日挑戰霸王牛肉，個人好鐘意食呢隻牛肉，用上醃過的滑牛，加入特製辣椒，再放入麻辣湯到煮，真係辣得過癮，食得辣先好嗌🥢黑魚片 $68魚片最夾酸菜魚湯底，完全無骨可以大口大口咁食🥢鮮鴨血 $68新鮮鴨血紅卜卜的，配麻辣湯非夾，鴨血滑嘟嘟的口感，麻辣味道非常夾，仲可以點乾碟辣粉又辣又刺激🥢四菌子 $198香港都食到新鮮菌類，四菌子由黑皮雞縱菌、秀球菌、金耳、竹笙四款新鮮菌類拼盤，坊間唔多地方有得食，口感爽爽滑滑的幾特別🥢招牌潮汕金牛丸 $68牛丸口感爽彈 ,大大粒🥢西班牙黑毛豬腩 $108豬腩片肥瘦剛剛好，軟腍唔鞋🥢蔬菜拼盤

這次去的麻辣火鍋店，整體體驗有點複雜。首先，店內裝修確實用心，讓人一進門就感受到一種焕然一新的感覺。我們晚上6:15到，樓下的推廣讓人以為可以任食，上樓後，經理告訴我們是單點，要10時後才有任食套餐，但他也給了我們七八折的優惠，於是決定留下來試試。（後來我們有再看看樓下的推廣，仔細一看，才發現在下邊是有一項說明要到晚上10點後才有這個優惠的）。坐下後，服務員提供了茶水，但溫度只算是暖，未達到熱茶應有的標準。火鍋方面，我們選擇了鴛鴦鍋，一半麻辣火鍋和番茄鍋。番茄鍋使用的是鮮番茄，味道不錯，而麻辣火鍋也很夠味。店裡提供加湯服務，但我們沒有特別深究，湯看起來只是混濁的水。服務方面，侍應生的態度良好，禮貌周到。至於食物，我們點了羊肉和牛小排，質素不錯。脆肉鯇厚得讓人驚訝，當然也附送了魚骨。蟹籽蝦丸非常美味，值得再點，而牛丸也不錯。魚皮餃則沒有特別。結帳時，兩位共花了954元，才發現海鮮、茶水、湯底等項目是沒有折扣的。綜合來說，這次的體驗有點失望，應該不會再光顧了。

去朋友去左間好有中式宮廷風既麻辣火鍋店，搭𨋢上去一開門就見到有餐廳名既橫樑，右邊擺左啲古代衫比客人借用影相📸入面啲隔開既牆都做到好似宮廷既門窗咁，亦有唔少既掛畫/面具/燈籠，令人有一種真係置身於宮廷既感覺呢度除左可以坐係大廳度，仲有vip包房，可以一邊打邊爐一邊唱k，而且營業時間去到凌晨，岩哂放工一大班人去邊食邊玩呀😈麻辣火鍋店就梗係要試佢個麻辣湯底啦，好正宗既四川麻辣湯底，好多香料而且好辣🌶️仲要係用牛油去煮，好香，又唔會愈食愈咸，岩哂中意食辣既人食呀😍食物就最中意佢個火箭魷魚🦑好大片，爽口又彈口🤤

最近我去咗一間環境超靚嘅麻辣火鍋店，真係一個打卡嘅好地方！一入到門口，就被五光十色的燈籠吸引，仲有唐裝可以穿上，感覺非常復古，彷彿置身於古代的街市。進入用餐區，空氣中已經飄散著濃濃的麻辣火鍋香味，令人食慾大開。我哋選擇咗兩種湯底：酸菜湯底同麻辣湯底。麻辣湯底真係又麻又香，食起來非常刺激，讓人每口都充滿驚喜。我哋叫咗一個蔬菜盤、牛肉拼盤，同埋麻辣雞腎。所有食材都非常新鮮，尤其是牛肉，嫩滑得不得了，每一片都充滿肉汁，令人回味無窮。麻辣雞腎更是入味十足，辣味與香味交織，讓人忍不住一口接一口。最重要的是，呢度的食品價格非常抵食，性價比高到讓人驚喜！這次火鍋之行不單止滿足咗口腹之慾，仲可以享受環境，真係一個難忘嘅經歷！下次一定會再來！

穿越時空，回去古代，食宮廷火鍋🍲太極鴛鴦湯底*招牌四川麻辣牛油紅鍋最正宗的麻辣湯底，加咗十幾種香料，層牛油令到湯底提鮮不少，醇厚豐富*老壇酸菜金湯相對冇咁辣，麻香更加豐富，酸度適中，十分開胃霸王牛肉新鮮嘅牛肉，肉質嫩滑，每片都佔滿辣椒同花椒，辣味濃烈蔬菜拼盤各款唔同嘅綠色蔬菜加粟米，新鮮清爽適合解膩四菌子菇菌類別比較少食到，分別係黑皮雞樅菌、綉球菌、金耳同竹笙，口感各異，新奇有趣黑魚片魚肉又滑又嫩，無骨，薄薄的珍寶蟹棒大大條的蟹棒，手掌嘅長度，味道鮮甜御用糖心糍粑四川經典小食，外酥內軟，軟糯煙韌，像飯後甜品的糯米糍～ 8秒土豆絲未食過咁幼細的土豆絲，好似幼麵咁，但多了爽脆的口感，很過癮 小郡肝(雞腎仔)一串一粒，口感爽脆羊肉串即叫即燒嘅小食，羊肉羶嫩，調味粉香辣惹味稻庭烏冬手打青檸可樂手打青檸味道更加突出，配搭冰凍嘅可樂係解辣透心涼嘅首選

✨太極鴛鴦湯底📝招牌四川麻辣牛油紅鍋同酸菜濃湯小辣，叫咗個心型鮮鴨血，同湯底好match✨津牛三將📝三款牛肉一次過滿足晒三個願望，有啲彈牙啲，有啲肥美啲！✨黑毛肚📝有兩款嘅牛柏葉，黑色同白色好爽口！✨霸王牛肉（特辣）📝本身用咗大量香料同辣椒醃製，辣嘅調味呢呢道菜更加刺激✨蔬菜拼盤📝有齊生菜油麥菜娃娃同粟米！✨凌王蝦滑📝同樣係心型，鮮甜+爽口彈牙✨小郡肝（雞腎）📝嚟嘅時候一小串串好，唔驚搵唔返🤣，咬落有口感同爽口✨百香果檸檬茶📝解渴同解辣，叫咗少甜會偏酸✨桂花冰粉📝食完咁多辣嘢，好refreshing! 仲要勁靚勁打卡！九龍坎麻辣火鍋 📍油麻地彌敦道469號新光商業大廈3樓(油麻地🚇C出口行3分鐘就到)💫評分: 7.2/10💬一入嚟門面有啲宮廷衫可以攞嚟影相，如果唔散叫，其實10pm後仲同埋午餐都有任食，低至$99好抵食，另外仲有得包房唱K同埋打麻雀🀄️!🏃🏻‍♀️再訪？🄼🄰🅈🄱🄴#九龍坎麻辣火鍋 #香港火鍋 #麻辣 #打邊爐 #火鍋 #hotpot #hotpothk #hotpothongkong #打邊爐 #麻辣火鍋 #油麻地 #油麻地美食 #香港美食 #美食#discoverho

餐廳以中國宮廷風為主題一入門既裝潢古色古香,仲可以著古裝打卡太極鴛鴦湯底招牌麻辣牛油紅鍋 / 老壇酸菜金湯羊肉串食住串燒等水滾肉質仲帶有水份,調味唔會過濃, 好食!四菌子黑皮雞蓯菌 - 好似一支支鉛筆咁, 特別鮮美多汁繡球菌 - 吸湯能力特強, 口感豐富竹笙 - 比起平時米線既脆嫩金耳 - 黃金黃金的, 口感爽彈滑嫩霸王牛肉 (特辣)賣相已經相當勁, 入口果然火辣辣落左火鍋之後辣椒會散開, 見番牛肉本尊黑魚片落去金湯個邊即刻成為酸菜魚黑魚唔腥, 骨比較軟特製魚皮餃魚味香濃,厚身爽滑8秒土豆絲一試愛上,好似食麵咁平時薯仔滾好耐都唔淋,以家8秒就食到, 大力推介!!小郡肝 (雞腎仔)內臟同麻辣湯係絕配唔係好識睇佢熟未所以煮得特別耐驚喜位係煮好耐都好爽脆稻庭烏冬有嚼勁, 配金湯一流手打青檸可樂打邊爐必須配可樂!!御用糖心糍粑解辣神器辣得太濟直接食少少紅糖香脆美味,外酥裡嫩

曾經有一段時間，好多火鍋店名都有個坎字，包括小龍坎，雲長小龍坎，今次我地黎到九龍坎，當然係食個火鍋啦。餐廳位於油麻地，同廟街好近，係花園酒家下邊。一到門口，就會欣賞到餐廳精緻既裝修，行中國古代風，門口仲要有啲古裝衫（唔知係咪俾客著得影相呢）。 入邊座位多，坐得闊落，一班朋友黎仲會有房，可以邊唱K邊打邊爐鴨血要慢慢落，唔係會太散，濃+好味牛筋丸 一咬落去，仲以為係大埔振興，好食三色小丸子蝦丸、蟹子丸、黑松露丸四菌子 新鮮好食，必點

好處只有開得夜，首先一入到黎就問到好大陣煙味，多次點餐詢問侍應都不予回應，侍應hea完我地就行走，坐咗半個鐘都冇人理，放題食物選擇少，啲牛肉明顯比一般放題遜色，根本就喺街市質素，食落完全冇口感，落完單又漏單，嗌5份牛黎兩份。講完肉講湯底，沙嗲湯底完全同想像中唔一樣，唔係香港沙嗲湯底，麻辣湯底就不過不失，剩係得蕃茄最值得嗌。野飲7成康師傅，甜到糖尿嗰種，好明顯唔值呢個價錢，又冇啤酒。諗住唔食肉食麵，連最基本嘅出前一丁都冇。根本係街市$3雞可以買到嘅麵。我做咩要特登去食先。邊食邊聽住啲大陸音樂，唔講我真係以為自己去咗大陸。

高質bino九龍炊🤩🤩係油麻地一帶同朋友成班人一齊食包咗間房 有大細房嘅有得唱K都幾獨立下 好適合一家大細嚟食新鮮象拔蚌刺身生熟都食得，隨你喜歡呢度嘅牛豬都好吸引❤️佢啲擺盤好掂當 勁適合打卡個牛頸脊好鬼滑 羊肉串都好鬼正唔會好蘇 同埋好鍾意沙白仲有好多甜品之選 如果放題就一流！！！員工服務質素都好高！！！好體貼周到 會幫你諗埋點樣食得抵啲慳到錢要試打邊爐一定食呢間🤟🏼麻辣湯底好過癮呢度環境好中國風！係一啲傳統嘅建築裝修 仲有cos古裝衫可以換嚟打卡

今晚老公話想打邊爐🍲所以揾咗呢度試吓~第一次黎，裝修都幾得意!!門口仲可以換唐裝🥻我都試咗件，有種穿梭宮廷嘅感覺！火鍋湯底老公想要麻辣味，我就想食酸菜味所以我哋就揀咗鴛鴦鍋湯底老壇酸菜金湯+招牌四川麻辣牛油紅鍋雖然嗌咗小辣，但係我覺得好似大辣🌶️🌶️🌶️辣味十足😍食品🍽️推介：手打黑松露墨魚丸🤩🤩真係好好食，一定要食！珺珺功夫牛(夠滑）
火箭魷魚🦑（超爽👍刀功好好切得好好)
小郡肝(第一次打邊爐食呢一種食品，原來咁好食）蔬菜部分🥬推介👉🏻鮮藕片（超甜）鮮腐竹
油麥菜
白蘿蔔我哋仲叫咗兩杯百香果檸檬茶🧃🍋超解渴💦🖤如果呢間嘅手打黑松露墨魚丸可以買翻屋企，我一定掃定幾包，因為真係好好食🤤🐙🥳仲有呢度可以包房唱歌🎤成班friends一路打邊爐，一路唱k正👍

📌 九龍坎麻辣火鍋 - 油麻地彌敦道469號新光商業大廈3樓🗓(15/10) 星期二 ⏰ 晚上6點左右    🌐網址: https://s.openrice.com/QrbS0pj0B00~ueeoDBA💈特式：都好一段時間無出街搵好野食，今日約左friend出油麻地行街，晚飯就搵左間裝修相當有宮庭風格嘅餐廳，食四川成都麻辣火鍋。🥩🍔🌭🌮🥗🥯🥘🍲🍝🍣🥟🍤🍱食物：食麻辣火鍋主力都係食佢地個麻辣紅鍋，所以係必點。另外，佢地大部分火鍋配料都可以揀大/小份量，方便可以食多d唔同種類。🍲湯底 - 湯底選擇唔算多，只有5款，包括牛油紅鍋/老壇酸菜金湯/蕃茄濃湯/菌湯鍋/養生高湯鍋。我就揀左太極鴛鴦湯底$1️⃣3️⃣8️⃣，少辣程度嘅牛油紅鍋併老壇酸菜金湯，兩個都係四川經典湯底，但口味就大大不同。牛油火鍋就香麻惹味，叫左最少辣度唔會太辣；老壇酸菜金湯就清中帶麻，亦唔會太酸，直頭可以當湯飲。火鍋配料 - 配料有牛/豬/雞/羊/鴨/鵝/海鮮/丸/菇菜類，總共都有8~90款，以下就介紹下值得推介嘅食材啦：🐮霸王牛肉$1️⃣0️⃣8️⃣ - 講明係特辣🌶，我特登叫嚟襯個麻辣牛油紅鍋，雖然睇落好嚇人，但食落又唔會好辣，質地近乎滑牛肉