九記牛腩

營業中

休息中

印象中九記一向以巴閉吾愁做見稱，星期日及公眾假期就老奉休息吾開架啦，而在平時閒日七八點鐘最多人食晚飯既黃金時段，佢竟然會同你講話佢地都要食飯暫時拉閘吾做生意住噃，八點幾先再繼續，如果喺果度做佢Ｄ員工都幾好福利oY。有次朝早去開上環做完野，去開果頭諗著去幫襯下佢啦，果時大既十二點倒，日上三竿還沒開舖便一大條人龍在排隊，咁喬重有緣地比我見到李珊珊噃。終於到左十二點半夠鐘開門比你班信徒朝聖，老闆娘便是教主，很有氣勢地一聲叫道「二位左邊，三位右邊，一位坐埋邊」，如果吾係日頭重以為落Ｄ比差佬查牌tim。到坐下來Order野絕對要眼明口快，講慢Ｄ都俾驚佢小。不過真係不得不佩服他們的記性，一個伙計竟然可以記十幾廿個Order才單的。黎得九記就一定要叫清湯牛腩伊，以前黎食過覺得佢Ｄ湯底非常之正，清甜之餘帶點牛騷味，食完碗麵之餘總是要叫多碗清湯慢慢tum的。等左一陣牛腩伊終於放到我面前，食麵第一件事一定要試湯底，湯底是整碗麵的靈魂所在，一喝後立時令我眼前一亮，點解Ｄ湯咁咸既？以前既牛騷味變左味精味？難道好似梁朝偉套同居蜜友Ｄ劇情咁Ｄ湯底俾人倒晒，攪到要落味精補數？之後再食牛腩，都好彩牛腩重係好林，無渣，

七月十日(星期四)同老公仔去食下午茶!就黎九記食牛腩啦!ha~唔知佢仲記唔記得呢度係我地第二餐lunch既地方呢!?五點幾人唔多!...坐到都幾入,近廚房!...我地坐落冇幾耐就叫左一個牛腩米粉同埋牛腩e麵!牛腩好好味!我地都覺得清湯腩係好味過咖哩牛腩,咁先食到牛腩個種味道架ma!e麵我覺得呢度主得剛剛好!唔係太林!...同埋索到d清湯味同埋牛腩味!一流呀!加埋碟油菜!要生菜,佢係用牛腩d清湯!雖然比較多油,但係好味呀!!食食仲見到吳鎮宇黎買外賣tim!...佢仲同d伙記影哂相!呢度真係多名人幫襯喇!

記得一向覺得大利既清湯腩正D ,而九記呢 , 就係 *咖哩腩伊 !不過今次去食 , 差唔多成碗都係筋 !雖然都中意食 , 但真係得D腩碎 ... :<但九記既伊麵又真係好好味既 !所以會再比機會佢既 !

與同事們連續OT左5晚，終於有一晚早過十一點收工，仲唔即刻搵o的好野食。十點九抵達，唔算太多人，嗌左一碗瘦伊、兩碗腩米。三個人用左幾分鐘就KO左三碗野，不約而同都覺得今晚既食物好高水準，湯夠味，腩夠林，有肉味，伊麵碌得剛剛好。大家都覺得好滿足。老實講，九記既水準係好飄忽，所以大家都可以一致咁俾9分，真係好難得。不過，其實只要揀o的冇咁多人既時段，唔難食到正常水準既~~~

星期六黎，都排左十分鐘度即叫牛腩河牛腩好林，幾香，又唔會食到咬唔到要'lur'，舊舊如此我覺得個湯真係幾得，衰則幾肥，但好濃，配埋牛腩好正，平時我食魚旦粉一定要落辣椒油，九記牛腩就唔駛啦河粉當然係夠晒滑啦不過廿幾蚊一細碗真係唔平。]阿姐同個對講機講野好激動，有d打仗feel, haha

佢個湯底一食就知係由好多MSG 組成.牛腩d 人話好"林", 係冇錯係好"林", 但係好明顯係由粉"那"成既...仲要成個湯面都係油, 想嚇死人咩...d 牛腩肉同肥皂居然係成 50/50 既...話~~~ 佢唔係開係中環的話, 開係其他地方, 真係唔知可以唔可以有咁多人去食...Help~~~~~~~~~~~This is one of the most unrecommended restaurants in Hong Kong! Overatted! Really...

同朋友慕名而來,想食吓好味既牛腩小妹食既係一碗咖哩牛筋腩麵,腩本身唔算瘦,仲帶一點爽口,有水準!牛筋有黏性,食多會滯,但係九記既牛筋就唔算太肥,食起上嚟唔怕滯,質地唔錯,咖哩湯其實只係普通,不過牛腩有水準,所以食得有滋味!可惜係份量比較少,食完其實無飽既感覺!

講到九記牛腩..我就會諗起..屋企人唔得閒煮飯..就會叫我落去買外賣..一家四口..淨伊走油多青*2 淨米走油*2 半肥淨腩走油多青*2 油菜*1 爽腩走油多青*1食左最小都10年..雖然無乜新野食..但係食極都唔悶..最近同朋友..下午時間去食野..周圍望下..發現左張粉紅色紙仔..寫住九記增設肥牛..年青人好奇心重..就叫左個肥牛伊試下..一試之下..發現同牛腩感覺唔同..發現新口味..唔錯唔錯半生熟既肉片係面..伊麵係底..張佢地兜埋..之後夾起住麵..食落口..真係覺得唔錯..值得一試..湯..95分..好好肉味..真係好清..清得泥味道岩岩好..唔似得大大個招牌寫住清湯果d 真係清到好似水咁..味精我就真係飲唔出..可能我入世未深啦..牛腩..85分..蚊得好林..有肉味..肥得泥香口..唔痴牙..但係痴唔痴牙就真係見人見志啦..個個牙形都唔同..咖哩..70分..聞落真係幾香幾吸引..牛筋好林..但係d肉就真係散左d..我覺得咖哩河唔錯..菜..65分..本身都以為間間都一樣咖啦..雖然食極都得生菜一種係悶d..但係有次坐係廚房出面食野..八掛望一望班廚房佬..原來d菜會過

17/6/2008素來知道中環多好野食, 但對住九龍的我,中環實在太遙遠. 難得放假,專登到中環,一次過試晒想食既野 ! 第一站 : 九記牛腩久仰九記牛腩大名,一直都好想來試.....幾經辛苦,好像攀山越嶺先去到.....唔好講咁多, 一坐低就立刻叫野啦...叫左清湯牛腩粗麵 ,咖哩牛腩伊,一碗齋河同埋凍檸茶.牛腩麵 ($24) : 侍應一放低碗麵就聞到好香, 喝一口湯,嘩,好香濃既牛味, 好好飲....D牛腩好唸,有肉味,又唔會黏牙,好好食,果然係名不虛傳. 至於個粗麵, 都ok彈牙,不過不失咁啦...咖哩牛腩伊 ($26) : 夥計話淨係咖哩牛先有牛筋,D牛腩同牛筋都好唸,有咖哩香味,但個人就覺得咸左D齋河 ($12) : 原來呢度D河粉係好滑架wor,而家已經好難食到D咁滑咁好味既河粉,正! 凍檸茶 ($12) : 無茶味,唔好飲,不過呢項唔係九記強項,預左! 總括來講,九記最好既配搭,應該係清湯牛腩配河粉! 2個人食左$74,物有所值!

等到頸都長晒，架架終於帶咪咪去食九記。話說上次去勝香園又落雨又唔識路，今次去九記都醒目架喇，不過架架差少少都係行錯路（笑死人）。去到九記差唔多係開門時間，已經見到大班人係門口排緊隊，有食客仲特登揸架車黎食，當日仲要落緊雨個個要拎住遮企係度等。開門之後我地同其他食客就被陸續安排入座，未黎過真係唔知呢度原來有閣樓，而我地都坐左係閣樓。一頭長金直髮既黑面阿姐好 professional，全程用個腦記住晒大約30個食客所叫既食物，仲用對講機向廚房落單，似十足街市拍賣，賣完就無。我地無食最出名既爽腩，因為覺得比較貴同埋細碗（雖然可能好值得食）。落左單無耐，個黑面阿姐竟然對其他食客話：「爽腩賣晒！」嘩，個陣只係開左門10 幾20分鐘……講番我地點既食物啦～清湯牛腩河（$24）：呢個係架架點既，個湯勁濃牛腩味，好過好多自稱清湯腩專家多多聲。架架好滿意有咁多蔥，個碗就係勁細，不過牛腩都好淋。咖喱牛筋腩河（$24）：呢個就係咪咪點既，走左蔥，見到已經流口水，牛筋勁多勁淋，咖喱味好重，愈食愈滋味，加埋河粉吸晒咖喱既精華！不過都係太細碗……雖然食咁耐都無比人「開口」趕走，不過因為一張檯幾份人坐，個個食完就撇

上星期lunch 行左上九記o個邊, 本來想去試蕃茄牛肉麵, 點知好多人排隊, 就過左去九記試呢個咖哩牛筋腩伊麵, o的咖哩汁好濃, o的牛腩好腍, 雖然係咸左o的, 不過幾好味. 我上次食過清湯牛腩麵, 不過唔夠華姐好味.

跟男友人的飯約，終於成行，先來吃他喜歡的牛腩我從未吃過牛腩，覺得好奇，要男友人推介，最後還是點了一樣的吃罷覺得相當不錯，口感幾好，湯底幾清甜，味精不重，牛腩好稔不過價錢幾貴，一碗廿四蚊，不叫抵吃，只叫值得吃，下次試其他

之前有朋友介紹話九記 D 牛腩好好食, 所以同朋友去了試.我地兩個人叫左一個清湯牛腩 (因為無爽腩); 咖哩牛根腩, 一碟油菜; 兩個淨伊麵; 同一杯菜密.清湯牛腩 - 味精好重同好咸.咖哩牛根腩 - 咖哩味太濃, 味精好重.淨伊麵 - 個湯絕對只是味精湯. 個人感覺 - 好似食左一餐味精餐, 感覺上天后華姐 d 牛腩比佢好食好多.

在吃farfalle的同時, 思緒早已飄到彼岸的九記。 雖然是捧著腹, 也要買一碗外帶孝順吾娘。當然, 淨爽腩回到家時, 是已經過"抽水"處理的。我是在堂喝了碗淨水, 是又香濃甜; 那爽腩呢, 味道硬係爭少少, 姑終不及邦哥哥的手勢。九記最outstanding的, 是那道肥腩河。 那一塊塊的黃牛羔, 集香, 濃, 牛於一身(本人委實詞貧, 請見諒), 一吃是上腦的high(膽固醇上腦罷)。回到家, 媽媽說"我從來沒吃過如此名物...", 知喇知喇。

由於收到 openrice 送既換票証，今日收工趁開場前有時間，一收工搭車落中上環決定一嘗九記的咖哩牛筋腩伊麵($26)去到六點三左右，一坐底即叫哩腩伊，很快熱辣辣的伊麵便端上來，外表幾精緻，夾起伊麵輕嘗一口，咖哩湯底帶辣，伊麵爽口有咬感，兩者確是相輔相成。整碗伊麵份量比想像中大，牛筋偏多，腍熟的牛筋確不錯，但腩就煮得比較碎，影響牛腩應有的質感，變相令主角是咖哩伊麵，牛腩成為大配角食麵期間，無意間見到清湯牛腩河的賣相比哩腩伊更好，看來要試出九記牛腩的真功夫，務必要試其清湯爽腩了值得一提的是，老闆九哥仔好似心情不大好似的，短短半個鐘一直見佢玄檀面口同員工訓話，收錢連多謝都無聲