九記牛腩

營業中

休息中

牛腩相比以前, 已經沒有了“爽”的口感。而且價錢好貴。點解剛上菜時個D伊麫已經淋哂,好似剩係加D蒽上去,淋個上湯上去就算。仲有一樣唔公平係個價錢, 佢個咖喱牛腩伊竟然平過上湯牛腩伊。

於中環辦完正經事，閒蕩遊走於中環橫街窄巷，竟走到九記門前。傍晚5時多，即使未到晚飯時間，但門外依然大排長龍。心想：即使自己一向並不鍾情牛腩，但既然一場來到，聞名不如一試，於是便排隊等候入座後沒有研究餐牌便點了牛腩河，但後來發現有我至愛的伊麵 先說河粉，一個字「讚」 粉質幼滑。至於主角牛腩，好有一般牛腩於大家心目中標準的水準，即是沒有驚喜 反而沒有粉嶺欽記牛腩的一試難忘，她那種牛腩的香郁簡直齒頰留香，這是九記所欠缺。

唉 慕名而去 失望而回三十幾蚊碗麪, 淨係試左佢個"招牌菜"同油菜一碟, 馳名既牛腩竟然軔麻麻, 湯汁又唔香濃, 伊麪....食左都唔記得, 又細碗大概係太多人吹噓, 令我對佢有所期望.......

中環的九記牛腩出名，不過當年在中環上班，都只是食過一次。這次重遊舊地，在非繁忙時間，再食一次九記，感覺很好！清湯腩河（前），清湯腩伊麵（後）- 個人覺得始終是清湯腩最好食，牛腩又林又入味。伊麵比河粉更加好食！咖喱牛腩河 - 咖喱味掩蓋了牛腩本身的味道，還是原汁原味最好食。

本來想同朋友去蘭芳園試奶茶,但多人到嚇親..於是諗住轉住勝香園食檸蜜脆脆,點知人龍竟然過之而無不及..唔想用咁多時間等只好去對面比較少人排既九記尼九記梗係食佢最出名既牛腩河.我叫清湯,友人叫咖喱.服務一般(阿叔們粗聲粗氣又唔多想理你..)然而效率奇快,果頭叫呢頭上.清湯牛腩河真係好好食!牛腩夠腍,傳說中既"食腩有腩味"..清湯亦都不俗,食得出唔係普通味精湯咖喱腩河朋友連d湯都飲埋美中不足既係..太細碗!我係女仔都食唔飽..

我時常覺得,人生的時間有限,有些東西自己有能力.有機會試到.就要一試..人生唔好想得太遠.因為人生好多變數..最緊要.要把握目前擁有的..當日去到9記門口,可能太凍..9記同x香園都大把空位...服務中等..傻更更的我..第一句係叫錯左食物...店員都無罵人...而且效率同澳牛差不多.以名店而言,可以接受.至於收銀,係不發一言的....我點食物...如下:共44元.....凍檸茶:16元...完全係門外漢.茶味薄弱...檸只係得薄薄二片...雖則,不至於味道好似一杯水..但16元換到呢個品質...有點過份...牛腩伊麵:29元同枱的人..全部都叫伊麵...的確伊麵彈牙.無異味....主角牛腩無特別....太有咬口..我不可接受.而味道只得少少肥膏的香味...湯底.最正..清而甘香...出名並不是牛腩而是湯底..份量少得恐怖....小朋友都食到2碗....我覺得人一世.物一世...試一次無妨...不過試第2次就唔值得....

說也奇怪，嗜吃牛腩的我，食評中，怎麼會沒有寫大名鼎鼎的「九記」，原因是吃其牛腩已是多年前的事，那時還未有寫食評的習慣。近年想去「九記」也想了一段日子，但一直都未能如願。這天因工作關係，要與同事工作至晚上，趁下午有些空檔，我提議去吃牛腩，由我付鈔，同事當然贊同。來到門前，人龍比對面的勝香園短，約等了十五分鐘便有位，一張細圓檯坐了七個人，我們祇可側側身坐，同事想吃清湯牛筋腩，但要牛筋腩便要配咖喱汁，她雖不太怕辣，但不想一整碗都是咖喱，於是我點咖喱牛筋腩伊麵，可給她一件試試，同事要清湯牛腩河。賣二十七元一碗的清湯牛腩河，等了幾分鐘便送來，牛腩看似幾精瘦，湯水幾清，再等一會，我的咖喱牛筋腩伊麵亦送來，我挾了一件牛筋給同事試試，而她也挾一件清湯腩給我。我試了一啖咖喱湯，用香料頗多，有複雜的香辣味，而牛筋炆得腍，但我個人喜歡再腍一點，牛腩方面，因有咖喱汁覆蓋的關係，嚐不到牛的真味，倒是清湯腩則可嚐到濃郁的牛肉味，但我略嫌太精瘦，欠點油脂香，伊麵可口，不會過腍，咖喱汁本是不錯的，但用來送飯會較好。客人來這店的目的祇有一個，吃碗粉麵便要即走，因地方和環境都不容久留。今次吃咖喱牛筋腩嚐不到真味，下次會再

I went in for lunch just after 3pm and surprisingly we didn't have to wait very long. I dined with 2 others and we were stuffed into a table with 4 other ppl. Normally that would be ok but the table was obviously meant for 4 at most 5 and not 7!!!! It was quite irritating trying to not poke the person next to me in the eye with my chopsticks. I ordered the famous beef brisket noodles and I got wat I expected. It was good but it just wasn't anything special. Not enough for me to even consid

因為依間名氣好大，所以我都特登出黎試下，叫咗個上湯牛腩麵。老實說，同普通麵店食個d分別唔係好太咋喎。個湯係俾出面個d好d，好似比較少味精個d味。但係d牛腩都有少少黏住d牙，個麵都係差唔多。真係講唔到有咩特別好既地方。可能人太多，所以無咁特別掛。

【九記】既咖喱牛筋伊麵係我這半年裡一星期一定要去食一次,多就2次,係真係好好好食,但我現在冇去喇,因為有一次令我好嬲好嬲,我住將軍澳,去九記必言是揸車上去食,每次都是堂食,但這次我必雖要買外賣回家(係中環回我住所將軍澳,我order照舊2碗咖喱牛筋伊麵+淨清湯一碗, 就叫"火記大佬" 要把果2碗咖喱分開入(餸還餸,伊麵還伊麵), 這是正常外賣對嗎? 尤其是我住咁遠。。。我來了。。。但D"火記大佬"話不可能這樣分開入, 他們要我另order 2碗“淨”咖喱牛筋腩 + 2碗“淨”清湯伊麵,我就再同D"火記大佬"話外賣碗我照計点解吾可以張2碗咖喱牛筋伊麵(三十幾蚊碗) 餸還餸,伊麵還伊麵分開入先,但D"火記大佬"死都話吾得.....我也食過他們“淨”咖喱牛筋腩要五十幾蚊一碗(淨餸吾係多好多架,得一碗仲係吾滿),我嬲係因為佢地咁Stupid咁樣做生意,我一早知這間九記係好爆場以前仲吾憂做……但今時今日咁既服務態度……我到現真的很懷念咖喱牛筋伊麵好想好想去,有好幾次衝動想去,但最後打消念頭,但真係接受吾到佢地咁樣接代我囉,【九記】人流多常客多,可能我幫襯得半年未必認得我這客人,就想做我唯一一次既

傳說中既九記，今日一試分別點了牛腩湯河同埋牛腩撈伊麵上湯牛腩河:牛腩林口唔黏牙~不過我覺得好油牛腩撈伊麵:蠔油撈完之後又幾好味，甜甜地~麵身都叫爽脆其實試過之後都覺得唔係太特別..

知道呢間嘢好出名, 今天唔系太肚餓, 想去食下粉. 本人對牛腩一般, 但呢處出名系清湯牛腩, 去試下. 只有數人排隊, 只花了3分鐘. 真系好味, 有牛味, 有咬口, d湯好好味, 飲了很多. 有機會一定再食.

今日出左中環搵食,行到黎又九記既時候又見到對面既勝香園..搞到我都諗左陣呀..最後我都係行左入九記..可能見佢今日唔洗排隊啦..GD我叫左咖哩牛筋腩河同一碗清湯腩..咖哩牛筋腩河($27)..好入味呀,又林!!!!!清湯腩($50)..可惜無哂脆腩啦..牛腩的確比平時食開既好,但無我想像既好食..但係都幾大碗下次一定要試試脆腩 ..佢地最低消費要$27,一人叫一碗岩岩好..^^

上兩個禮拜去上堂既時候，有個講師講到「九記」天上有地下無咁。今日中午就去左試下。大概下午一點搭三去到，有位唔洗等。兩個人，每人一碗「上湯牛腩伊麵」(每碗hk$29)，加多一個油菜(hk$13)。我剩係講我個碗啦:有一部份腩好散，好碎。有一部分就實d，但"趙"完有渣 ，呢下要扣分。伊麵低ok幾香。無話太差，又無話特別感動。油菜，就係一般既蠔油唐生菜囉。特登山長水遠走去食既話......我睇你好可能會失望而回。如果你係附近住或上班，一試無妨，不過一次就夠。

上星期去睇醫生，經過此間好出名的牛腩麵舖頭就入去試下..好多人話好味，但我如我男朋友都覺得普通啦..又唔係講到好好味...食完之後，又冇個衝動再去食多次..我地都覺得屋企樓下仲好食過佢...我地叫左2個牛腩麵，1個菜，1杯谷咕