九記牛腩

營業中

休息中

沉日夜晚經過見到未收,就同朋友入去冒名試下.當時8點幾, 未人排隊,但店內都full咁滯叫左:咖哩牛筋腩粗($28) : d 咖哩汁好好好杰.杰到有d嘔心既感覺. 牛筋真係食哂成碗先得個2舊.牛腩的確係淋同幾入味, 但始終覺得未至於有'咁特別牛腩米 ($28) x2 : 友人叫的. 食完佢地都話真係好麻麻. 吾難食但未到會食上癮既程度$28碗, 中環黎講吾算貴. 但我情願去快筷子記好過 以前有諗過排隊食lunch, 好在最後無咁做,因為真係吾值 一試無妨,但真係試完就算

剛好行開中環又經過九記，就冒名一試。因為是下午4點幾的時間，所以沒有太多人及不用等位。叫了一碗清湯腩伊麵，一吃，嘩,, 好油呀!! 我從未吃過甘油的麵，但牛腩就ok，卻沒有太大驚喜。

相信鐘意食野既朋友都一定食過中環九記既牛腩. 仲記得當年朋友介紹第一次食時簡直驚為天人既一刻. 之後雖然唔係成日去,不過近期去過幾次都係失望而回,有感水準下降了不少. 呢日同另一半講起,另一半未試過,所以特登放工一齊去食.星期6下午4點幾人都仲未係好多,唔洗點等位就有得坐,不過預左100%要搭枱. 坐低不作他選,當然點番佢最出名既清湯半肥腩伊麵, 另一半點左清湯腩伊麵.2碗一齊上枱,不過上菜既阿叔冇講邊碗係半肥.齋睇2碗既牛腩肥瘦都係一樣,所以叫唔叫半肥都係哂氣,佢係唔會理你的. 牛腩一望比我以前第一次食時都係差左好多,入口仲要十分'鞋'同又韌又黐牙,伊麵還好不過唔入味.份量就一貫都係細細碗. 另一半一路食一路問我: d牛腩好食在邊度,攪到我都有d歉意...油菜都ok大碟,普通.食完又再一次失望,但係冇可否認當年第一次食真係好正. 現在水準真的下降了不少,難道係因為太多人讚得多開始求其了?覺得天后既清湯腩仲好食過佢. 唯一改進左既係我覺得入面既伙記d阿叔既禮貌好似好左少少,起碼冇第一次來時粗聲粗氣.

其實這兩個星期已去了三次, 水準真的較其他店鋪高. 因我的牙縫關係, 由我判斷最為客觀. 其中一次很深刻, 因牛腩腍到沒留在牙縫之間!! 其餘兩次都留有一點, 要用牙籤. 我通常都吃牛腩粉, 但哥哥說牛腩麵更佳, 於是有次叫了淨腩及淨粗麵. 當然好吃, 連湯也飲哂, 但發覺淨粗麵的湯竟較淨腩甜, 看官必明吧.無論如何, 牛腩粉及牛腩麵都出得大場面, 香港人之光也!

雖然住得遠，但每年都會特登去一兩次食牛腩，都去咗十幾年了。咖哩腩依然好食，水準十分高，最重要係其他地方吃不到這種港式咖哩味。雖然卡路里甚高，但跟伊麵係絕配。牛腩方面，感覺兩三年前起就已經不復當年水準。今日再去覺得水準還是很一般，牛腩粗鞋味淡，湯除了咸，牛味欠奉。粗麵更可不提，吃了一半已放棄。如果只吃牛腩，今時今日，可以吃到比這裡好吃的牛腩店舖，香港多的是，跟本不值花力氣走上斜路再排隊等吃。店舖小裝後感覺新淨咗。內地客多咗。除了老闆娘，一些男伙計態度依然兇悍，如果受不了氣/串的，別來也罷。

有些味道，是非常之極端，如麻辣，羊騷，孜然粉，蜆芥醬等等，那種味道是令人愛恨分明，喜歡就喜歡，不喜歡就不喜歡，沒有灰色地帶，你碰著一個相貌普通，而且沒有共同喜好的女生，也很難說出：(其實，我有少少鐘意佢 。。。) 當然，以上我提及的極端味道 ，少不得咖喱的一份。九記的清湯腩固然了得，咖喱牛腩一樣水準甚高，隔一晚再來，今次便與侍者說：一個喱腩撈伊。我這個伊麵偏執狂，連吃撈麵也要用上伊麵，只因九記的伊麵，真的太好吃了。很難去介定，九記是賣甚麼咖喱？印度？巴基斯坦？東南亞？日本？與女生一樣，如果合眼緣，是無須去理會甚麼國籍。$42一碟喱腩撈伊，份量十足，牛腩與牛筋堆得滿滿，咖喱汁下得很多。身上的淺色恤衫，稍一不慎也會沾上點點咖喱漬，情侶相處之間總會有些爭吵，不過如果大家面對面，心平氣和講清楚，彼此的誤會也隨之解決。之不過時間一過，繼續拖下去兜大圈，只會令到關係越來越惡化，正如白恤衫上的咖喱漬，如不即時"解決" ，污漬便難以清除，從此，這個污點，跟著你一生一世，怎也抹不掉了。經過咖喱的加冕，牛腩的肉質更加軟淋，鬆化，咖喱味道濃惹又刺激，將沒甚味道的牛筋，弄得成為天下美味，入口啖啖骨膠原。底下的

今日放假,特別由荃灣去中環九記牛腩食牛腩.大約下午三時半去到,此店聞名己久,首次去担心要排隊,當時人不太多,坐下即問有無喜愛的坑腩?但服務員阿姐卻好像很忙,等了一會,衹冷淡的回覆:這裹沒有分的,衹有一種牛腩!這話講了兩次.我衹好叫一碗牛腩伊麵,賣29元.牛腩偏瘦,味道一般.牛腩未見特出,伊麵亦很普通?我認為天后的華姐或大利都比它好!九記名大於實,服務又差!一試無妨,但我食一次就夠了!P.S.後記----後來我查看餐牌,衹有分牛腩,爽腩及牛筋腩,不知是否正確?

曾經聽過一首湯寶如的舊作"活著就是等待"，其中一段：人活著就是等待 。。。人生，的確如此，又或者，是達明一派口中的"繼續追尋"？更可以說是吳奇隆的"死心不息"？光顧歌賦街的九記，也十個年頭了，每一次也是牛腩，肥腩瘦腩坑腩樣樣齊，最遺憾的，是一直與爽腩沒緣份，每一次去，總是時辰未到，或者賣清光。所以，九記的爽腩，一直是心中的懸念。與結識異性的道理相若，別處吃爽腩或許不是難事，在九記吃個爽腩，真的要講一點緣份。於社交場合結識女生，不難，但要找一個可以持續發展下去，也是講求緣份。這一個晚上，到大班樓沾一分光前，先來到九記吃個牛腩，姑且順口問問侍者，有沒有爽腩，侍者很堅定地答：有！聽罷心裡大喜，有心栽花花不響，無心插柳柳成蔭，這一夜，終於圓了十年之夢。爽腩賣＄85，一律淨吃，想跟麵要另叫。我一向愛配搭伊麵，當然來一碗淨伊麵吧。現今自稱為清湯腩店比比皆是，有些只是混水摸魚呃飯食之流，月前在紅磡吃過一間，真的吃得令人X那星。豬扒也可當貂嬋，完全當食客白癡，可怒也！身為台灣人的朋友小V，在他的家鄉隨時吃到好吃的紅燒，或清湯的牛肉麵，當她來到香港的九記，吃一件爽腩，喝一口牛湯，大讚好吃得令人驚艷，有些

咖喱牛腩伊30蚊碗1. 份量少; 2. 咖喱味不夠濃，只有辣; 3. 有幾件牛筋及牛腩碎; 4. 伊麵一般整碗麵無咩特別，不過服務態度不錯，絶對無那種高傲、唔稀罕做你生意嘅感覺。

茶餐廳、大排檔、魚旦粉…是香港特色，而九記牛腩一定列入入本土美食文化的代表之一。有麝自然香，九記──根本不用甚麼食評、宣傳。單憑九記的老字號，對牛腩的執著與堅持，來往不絕的客人，說它是香港牛腩一哥，亦不為過份。有別於出面的魚旦麵舖，它全家店舖只賣牛腩！哈！好聽的：便說是對品質的供應要有保證；難聽的：我不在乎你嫌選擇不算多，你大可走啊！店內還設有最低消費，食物份量又小，價錢亦偏貴。店員動作快到有如想趕客，又沒有甚麼禮貌可言（尤其是收銀阿姐）。是的！我這食評不是贊九記，可惜我卻被其牛腩攻陷了。奉勸各未試九記牛腩的食客不要光顧，否則會泥足深陷，不能自拔！哈哈…現在我變聰明了，每有下雨的午飯時間，才會到九記！因為比較少人，不用排隊！

看牙醫前跟男友到中環吃東西, 先到九記, 這家店很有名, 但這也是我第一次來蠔油牛腩撈伊麵比起湯麵, 男友比較愛吃撈麵, 上桌的時候看到份量其實不太大牛腩炆煮得很軟腍, 牛味很突出, 因為是用清湯煮, 味道比較簡單麵條也蠻好吃的, 不會太軟身不得不提的是他們的清湯, 說是清湯, 這湯卻是有很濃很濃的牛肉精華每口都是滿滿的牛肉鮮味, 鹹度剛好之餘也不油, 我喝了好多口咖哩牛筋腩河粉我就比較想試九記的咖哩, 本來想要米粉, 才2點多就賣光了...咖哩湯底很濃稠, 喝一口全是咖哩的香味, 也有很重的牛肉香牛腩也是煮得很軟腍, 牛味濃郁, 比起清湯的呢這個味道就是很濃郁的咖哩香, 入味得很不過個人覺得就點太辣, 本身我是很會吃辣的下一次再來我會點個清湯就好吃過天后的兩家, 大埔的, 荃灣的, 九記現在已成為我心中最好吃的一家清湯腩店

星期六去到看見要排隊，原本以為要等好耐。點知等候時間不是太久，可能是一個人的關係，點了咖喱牛腩河，份量適中，牛腩頗多，咖喱味濃，牛腩好腍'lum',$28算係ok。可以一試再試。

因為阿仔在勝香園未食飽，我哋走到對面街的九記，在門口排了數分鐘就有位。與勝香園相比，九記有冷氣真的舒服得多。在半飽的情況下，阿仔要牛腩河，我就要了肥牛河。兩碗河粉很快上枱。相比之下，肥牛比牛腩出色，$28一碗依然超值。最後，阿仔都係食唔哂碗河粉，剩下了1/5，但一行出門口，佢就問我幾時再食過。下次會試下Ｄ牛筋腩和爽腩。

一直都有聽聞九記牛腩非常出色, 慕名以來, 期望始終太大了...蠔腩撈粗 (, 評分: 7)- 牛腩稱不上稔, 粗麵底吃不出有甚麼特別, 普普通通腩湯粗 (, 評分: 7)- 湯真的很清, 吃不出有牛腩味, 真的有放藥材嗎? 不油b膩是真的, 這點倒值得一讚!總體而言, 沒有特色可言, 也不是難吃, 份量適中不會太飽, 只是它永不會在你的肚及舌頭留下印象而矣。Btw, 侍應服務OK, 會同客吹水, 不錯!

一直聽聞九記牛腩很出名, 吃完沾仔記後旋即到此試試其牛腩米.晚上九點多還是人山人海, 牛腩一咬之下雖然牛味足, 但真的很難咬, 難以下嚥, 不明白它好吃到那裏去, 而湯米一般, 難道要吃貴一點的坑腩才行?