九記牛什粉麵

牛雜魚餅豬紅撈麵豬紅有煙靭咬口，似係食雞紅嘅質地，平平無奇下次可以唔使再試。炸魚餅有鯪魚肉香味，魚餅軟韌有口感，味道調校得較為重手，不過幾好食。草肚軟腍味道可以有咬口，帶淡淡五香汁味道，而牛蒡軟腍恰到好處，牛蒡味香好食，肥牛腸味道非常淡薄而且韌度十足，牛肺則夠軟腍，可惜五香汁味又係淡薄咗。五香牛雜整體表現一般，牛雜味及五香醬料香味薄弱，而烹調及掌握軟腍度合格。豬油醬油撈粗麵濃郁惹味，雖然油膩但係絕對係天作之合，有機會下次要試吓佢地嘅油麵。而炸餃子則唔知係乜東東，但係餃子都夠薄脆。咖啡香味足夠兼味道濃厚，淡奶香滑咖啡帶微微苦澀，算係一杯較多誠意嘅咖啡。…查看更多

昨晚睇完YouTube 介紹鵝頸橋熟食中心美食，趁今日重係星期六，早上返工前食個早餐先。九記逄星期日休息，亦都係只有佢早上8:00前已開。都係要牛什加油麵，加粉腸和魚餅。牛什新鮮，係細佬仔時，食到嘅爽滑諗嘅味度，尤其係牛腸、肺、膀，魚餅亦係必叫，粉腸係即煮，要第一樣叫先，否則老闆娘會問候您。早上食有個好處，係乜都有，又唔駛排長龍。價錢方面，已經加到三餸或牛什，都係$40，之後每個餸$10，加嘢飲$9。我叫6個餸加咖啡，就要$69，可能好多人覺得貴，不過我食完早餐，要到晚上收工，才會食第二餐。而且食完一次佢嘅牛什，有排都唔會食其他牛什，所以係慳咗好多錢。…查看更多

每次上親去，都見到長人龍，沒有耐性等待！直至今日才有機會去嘗試！到達時是下午三時左右，沒有太多人客，亦沒有人龍，匆匆跑過去，發現牛筋腩，雞腳已經沽清，油面亦賣晒，唯有退而求其次要米粉，揀餸只揀了出名的魚餅，蘿蔔及大腸！朋友揀選蘿蔔，牛雜….因為第一次幫襯，唔識果度的規矩，以為可以用八達通，原來只可以用現金，所以忙亂一輪，支付現金，動作稍為慢咗少少，當時後面並沒有人等待，收銀小姐高聲呼喝，找回$10嘅時候，遞到好埋我對眼，俾我睇，真係咁嘅Service，嚇怕人。我沈得住氣！到找位置坐的時候，又係大聲戚喝一輪，因為坐錯枱…. 唉，未食都俾人多番喝罵….亦可以沈住氣！😕🙁戲肉係嚟食好嘢吖嘛，魚餅真好味道，大腸又靱又無味，蘿蔔味道普通，值得一讚係米粉，柔軟嫩滑，湯底係清湯，不過咸，頗不錯！朋友彈牛雜，沒有味道，煮得未夠火候，唔夠腍，唔入味，佢嘅觀感係普通！呢篇食評係我哋自費，不是鱔稿！並且，我哋係土生土長的港人也！其實，出咗名都唔使咁趾高氣揚嘅，所謂一山還有一山高！後話： 食完牛什面，徒步行過去惠記外買咖喱羊腩及燒鴨，侍應個個笑面迎人，態度和善，非常難得！唔怪之得係嗰度幾十年，口碑載道！👍👍…查看更多

前排網上好多人都係咁推薦下就想黎試試，一去到發覺都好多人排隊 (最少有20-30人)，趕時間真係食唔到，因為我都排左20分鐘先買到。佢依度係自助形式，買完自己拎同搵位。價錢方面就好平，$40就有3餸加麵，係打工仔思物。招牌魚餅 + 牛根腩 + 冬菇+ 撈粗魚餅係用新鮮嘅鯪魚肉手打整，真係好香口，仲有少少酥脆。而牛根腩同冬菇都係用時間炆，都食得出唔係普通滾熟佢，牛根腩好腍同好有口感。而撈粗都幾好，如果唔想食有湯既嘢，係不錯的選擇。…查看更多

以前24蚊，食到依家40蚊嘅車仔麪店，最出名就係炸魚餅，其次就係牛雜，今次我專登帶埋朋友嚟食，因為佢話想食牛雜，家十蚊仲有檸檬茶飲，雖然貴咗好多，但係味道依然好食。…查看更多

這天去老人院探完親戚，準備回家前，還想着吃完飯先走。聽說鵝頸熟食中心超多美食，不知選哪家，就看人潮吧，我們轉了一圈，發現這家長期有排着人潮，所以我們轉回來了。這家所以服務，其實沒服務，都是自助的，我們先找了座位，我才去排隊買吃的，排了有10分鐘吧，或者不止，就到我了。一碗牛雜米線，一碗3拼車仔麵（炸魚餅／炸雲吞／蘿蔔）。原本沒有要選炸魚餅的，不過看前面的人潮基本每人都有選這款，我就選來試試了，也確實是最好吃這款，沒有一丁點碎骨，還有滿滿的蔥花，我超喜歡的。但相對的我覺得其實的餸及粉麵都還好，不算好吃，人潮這麽多我想是吃情懷跟羊群心理吧。不過也有可能不合我們的口味而已。…查看更多

🌟香煎魚餅喺餐廳用新鮮嘅鯪魚肉手打製造，味道嚟講真係非常出色，好多食客嚟到都主要係食呢一個菜式，非常香口，熱辣辣嘅口感非常好食，而且出奇地完全係冇腥味，呢一個真係非常出色🌟牛腩，餐廳嘅每一份牛腩都有牛腩或者牛筋，兩種都會有少少，佢嘅味道非常入味，而且比嘅份量都幾多，每樣起碼有兩三件，整體口感都唔錯。🌟豬腸，清洗得非常乾淨，完全冇奇怪嘅味道，而且滷水嘅味道非常入味，我同朋友都非常鍾意！🌟豬皮，份量真係好多，起碼有八大塊，豬皮非常爽口脆身，忍唔住食完一件再一件最後加多支維他奶，埋單都係非常抵食！正！…查看更多

一直都想食好耐，見到youtube 仲有個channel 會一直影住佢開檔。見最近馬田去左食，都幾好評，就終於的起心肝去！星期六，今日落大雨，12點前已到，但都係好多人。由排隊落單到有得食都搞成5個字，不過食碗麵就3個字搞掂😂環境都乾淨既，仲要落雨 佢地都一直有人狂拖地。我叫左魚餅，蘿蔔，牛腸，豬腸。成碗個湯底都好清，食牛腸同豬腸會食得到佢本身嘅味道。牛腸好爽，豬腸就幾重豬味，兩者都已經去晒啲脂肪，成件事唔肥膩。 我平時就鍾意食肥豬大腸，所以今次會覺得牛腸好味啲。蘿蔔好清甜冇渣。魚餅就好似大家都會叫嘅，其實同普通鯪魚肉差唔多，不過都好味。米粉底，我明點解有comment 話太淋。唔會爽身，但我又唔覺太淋，都好味既。四餸，叫多杯檸茶，total $57。所有野都好味，但你話係唔係會成日掛住既味道，就未必係。好味既車仔麵囉。…查看更多

窮人恩物，食物大大份，新鮮牛雜，價錢合理，三餸麵都係39蚊，仲想點？銅鑼灣區喎大佬！ 唔好叫「九記」，要叫聲「九哥」啊！我愛九哥，九哥好嘢！（難怪人龍排到人地舖，排隊尾起碼等30分鐘。唔係愛係咩啊？）…查看更多

本人確實從小跟母親光顧這間九記，之前在鵝頸橋熟食街市其他位置我們都知道；現在偶爾都會幫襯。由九記父親到兒子及新抱⋯⋯食物變化不太，最大的變化是該新抱從OL斯文look變為態度惡劣街市婆look, 呢個變化系我及家人長期光顧才見到。寫此食評是表達為何一間有些微明氣車仔麵店新抱就可以這麽自以為是去不尊重食客，是否因為在街市就可以沒有教養及文化？是否在街市就不需要注重好客之道？是否生意好就可以不尊重客人？希望九記負責人及該新抱好好返思！本人決定不會再光顧此麵店，亦不會推薦此店給朋友特別是外地朋友，免得丟香港人面子。…查看更多

位於灣仔鵝頸橋熟食中心九記牛仔粉麵。每逢中午時段一定排長龍。三餸麵只需$39叫咗：豬紅、豬皮，煎魚餅醃製得好入味，煎魚餅大大嚿好味😋老細每一碗都會送多嚿炸雲吞，又幾好食。…查看更多

響銅鑼灣鬧市想搵一餐平平地嘅午餐都好難唯有向熟食中心埋手而鵝頸熟食中心不嬲都多好嘢食今次就試咗九記牛什粉麵我嗌咗碗幼麵餸就揀咗豬大腸、炸魚餅、齋同埋牛肚豬大腸好乾淨👍🏻聞落食落都冇陣難聞嘅味道炸魚餅好高質素👍🏻👍🏻👍🏻非常彈牙又夠香😋😋齋就正常發揮吸收咗湯之後嘅味道都係合理期望之內牛肚都係正常發揮偏冧身合乎我個人口味係個麵底怪怪地😕幼麵煮得過份地冧似煮俾老人家食多啲份量方面都足料唔會覺得食咗陣風😂環境方面由入𨋢到排隊到坐低到行樓梯走熟食中心嘅唔企理係意料之中不過又未至於唔衛生👍🏻…查看更多

三餸麵（$37）凍檸茶（+$9）麵底要咗粗麵，本來要湯嘅，見前面位客人碗撈又唔錯咁，最後轉咗撈粗。三餸揀咗牛腸、豬粉腸、煎魚餅（牛筋腩賣哂、豬大腸賣哂，牛膀只限牛什）。牛腸（5件）少許肥（多啲更好），有牛脂香，夠軟身但有咬口。豬粉腸（6件）夠粉，沒有苦味，淋得嚟亦都有咬口。煎魚餅（1厚餅剪開4件）啱啱廚房出爐，熱辣辣，微脆口，彈牙，中間有不少蔥碎，夠香。撈粗麵底比想像中好味，粗麵無鹼水味，尚算彈牙，加埋麻油、豉油，味道不錯。…查看更多

想食車仔麵一定要去鵝頸熟食中心嘅九記牛什粉麵，呢間車仔麵每逢中午時段就會大排長龍，佢係即叫即煮，最出名係牛雜同煎魚餅，遲左黎就可能食唔到三餸麵唔使$40，我叫左牛肚、豬紅、蘿蔔，每樣都燜得超級入味，其中牛肚係最有驚喜，食落超級軟熟，慢慢係個口到化開而豬紅就鮮味十足，食完一舊又一舊，反而蘿蔔就略嫌太鹹。見到朋友叫左煎魚餅，又大塊又香口，下次都想試下。老闆每碗都會送多舊炸雲吞，又幾好食喎。而且呢間車仔麵仲可以叫撈面，加左香油同秘製豉油，都幾特別。…查看更多

今日嚟到駱克道街市，朋友介紹話呢一間車仔麵，喺下晝嘅時間成日都要排好長嘅隊，順便同同事過嚟試吓係咪真係咁好食🤣 我哋大概12:30到，人龍起碼有30個人，但係都好快就有得叫，係自助形式叫，比完錢自己再食😊我就揀咗牛肚牛腸豬紅同埋魚餅，面嘅我就揀咗粗麵！首先想讚吓佢嘅魚餅，係用新鮮鯪魚肉做，煎到非常香脆，香噴噴嘅感覺😂 食落佢亦都唔會有好腥嘅口感，非常好味😂 牛雜都洗得好乾淨，唔會有臭味，亦都炆得非常好食，有機會會再返嚟幫襯🙏🏼…查看更多