九記牛什粉麵

營業中

休息中

依間我真係認為全香港數一數二嘅車仔麵檔，佢嘅款式種類多，我最鐘意就係佢鋪頭嘅牛和豬嘅內臟，佢嘅牛腸，豬腸，豬粉腸，牛肺，牛展，嘩佢嘅腸真係新鮮到，一食就唔洗講野，真係嘩一聲，絕對無誇張，我每次去佢間鋪食，所有腸都要打孖，黎雙份，粉腸又夠粉，牛腸豬腸一食個種味，我去任何一間車仔麵檔都食唔返，佢仲有魚餅都相當受歡迎，好香口，不妨一試，我麵底多數都係粗麵，不過依樣當然自己鐘意啦，總之黎食就一定無介紹錯，鐘意食車仔麵嘅你，一定鐘意！

Whenever I walk through the cooked food area of the wet market, I always see this long LONG  line of people at this food stall. 九記牛什粉麵 (no English name) serves cart noodle. But don't be dissuaded by the lengthy line. It moves fast. The staff work fast, You literally hear the loud snap snap of the scissors as the man snips away at what you order. People also eat fast. They sit, shovel down their food and leave.Menu ... what can I say? There isn't really one that I could find though needless to sa

九記除左車仔麵之外，豬扒包同炸魚柳包都好值得推介！今日介紹一下豬扒包，一個豬扒包加杯熱飲$23,今時今日依個價錢真係好抵！個包熱辣辣好軟，豬扒薄薄地但有好多塊，配上新鮮嘅生菜丶蕃茄加沙律醬...美好的一天由依個豬扒包開始！

平時食lunch 一定大排長龍，有恨假期唔駛排隊，就要試試係咪貨真價實。招牌牛什麵 + 魚餅 $30 一碗牛什麵 ，係銅鑼灣真係超抵！仲要係足料，夠諗夠大塊，牛肺牛腩齊哂+$7 魚餅大過手掌魚餅成塊上！ 差不多每位食客都會點嘅招牌餸之一！大件魚肉咪濃好彈牙！最後要激贊香蒜任落！

我d同事成日都會帶我周圍食好西今日佢地又一正野推薦食到我心心眼😍😍😍一上到去，排九記條隊已經先聲奪人長到一個點可能新年其他舖未開掛但見到咁多人排隊我相信實力的象徵排隊其間我問班同事有咩必食item大家都一致通過炸魚餅所以我最後決定炸魚餅，牛腩，蘿蔔店主仲送多粒炸雲呑👍🏽👍🏽講返最令我期待的炸魚餅先新鮮炸已經令我加分入口鬆脆，而且唔會有好多粉味爆推薦大家必食蘿蔔清甜牛腩就不過不失超級推薦大家去食下本港特色車仔麵

以前係銅鑼灣返工同事就介紹我食呢個係銅鑼灣的平價車仔麵。今日再同銅鑼灣，好掛住車仔麵的味道，就過來食下。每次都要大排長龍。原來依家已經要30蚊3餸，不過係呢個百物騰貴嘅時代仍然係好好嘅選擇今次我叫左蘿蔔魚餅齋米線。佢嘅蘿蔔好大舊好林好入味！ 魚餅好香係必食！仲有齋吸埋湯都好味！如果想食記得早啲嚟因為熱門嘅餸兩點幾就賣晒！

星期六下午放工後同事話想食九記車仔麵, 約3:00 到達還是一條人龍在排隊, 大家分工共2人去排隊1人去霸枱. 不太肚餓祗選了三餸豬腸 / 牛腩 / 鯪魚餅撈麵豬腸是我必選的至愛車仔餸, 九記豬腸是新鮮貨, 洗得乾淨又略帶肥肓, 唯一缺點是味淡. 食車仔麵牛腩我比較喜歡腩碎, 九記是用比較貴的坑腩, 有牛筋也有牛腩, 牛筋炆得淋滑入口溶化, 反而牛腩比較瘦, 黐牙 鯪魚餅最好食, 彈牙之餘也充滿鯪魚肉獨有的香味, 一食就知是真係用鯪魚肉打成所製的煎魚餅, 不是坊間的雜魚肉充鯪魚肉三餸麵祗需 $28 好抵食, 但同事們和我都一至認為九記的車仔餸比較偏向淡味, 有點點不合我們幾個麻甩的口味

九記既牛雜好出名，都已經有唔少雜誌報章訪問過。一直都好想黎試下，但係因為店舖位於街市既熟食中心入面，就係咁就一直都唔的唔起心肝黎食。不過今日因為友人提議黎食個牛雜河，既然係咁就黎try try 牛雜河啦正值午飯時間所以九記好多人，排左條蛇餅出黎。不過流水作業式既落單取貨既形式令條人龍都郁得好快～大概十分鐘島啦都到我了本來想叫河粉食既，奈何太好賣了已經sold out 左，所以臨時轉左米線如果大家想黎食既，除左可以叫湯麵之外仲可以叫撈麵的，咁佢就會幫你走湯同埋係可以落鴛鴦麵的，只要request 就得架啦咁餸我就叫牛雜，見到老闆剪剪剪，又會幫你㨂牛雜，唔靚既佢又會剪左去拎去掉唔怪得呢度賣牛雜車仔麵都可以賣到出曬名啦碗麵都好多餸又靚仔架！d 牛雜洗得好乾淨，無怪味或者臭味，牛腸仲好爽口tim！而且都食得出牛雜好新鮮呢個蘿蔔係同行友人既車仔麵餸黎，因為佢話好好味俾左舊我食舊蘿蔔的確係好清甜，但係就略嫌無乜蘿蔔味，睇下你鐘意食乜野style 既蘿蔔啦三十蚊一碗真係抵食既，不過份量就唔算好大碗，好似普通潮式粉麵既size 啦大食既未必夠食，但係普通人都夠飽架啦

一直都知道灣仔鵝頸街市臥虎藏龍，好多好嘢食，但喺銅鑼灣返左成年工都未有機會去，今日終於決定去試吓！沿住橋底行過去，穿過露天街市，左邊上一層就係熟食中心一推門就見到長長嘅人龍，人氣車仔麵果然名不虛傳！呢度係自己搵位坐嘅排到你嘅時候首先揀要咩麵，都要視乎當日有咩供應，我見到常見嘅粗幼麵、河粉、米線、米粉、油麵都有之後過隔離揀餸，再俾錢，姐姐會問埋你飲乜嘢，之後就自己攞住碗麵去搵位坐喇第一次買有少少俾老闆嚇親，原來牛膀一定要跟牛腸一齊嗌，但係我又真係唔食牛腸㗎喎結果剩返晒係隻碗度浪費左煎魚餅好好食，唔怪得個個人都嗌啦！撈米粉都幾唔錯，鼓油甜甜地$30 有三餸其實幾平加＄7就有嘅熱飲，唔知點解姐姐會搵得返我比嘢飲我嘅呢？茶走甜度適中，好香茶味，高水準之作！唯一美中不足係下晝有少少口渴，可能煎魚餅唔多唔少加左啲啲味精

我自己一直都好住食牛雜嘅，咁喺灣仔返工嘅時候突然之間口痕好想食牛雜，跟住就上網搵吓最近嘅牛雜麵係邊度啦，原來就係街市！呢一間九記牛雜，真係聞名不如見面一嚟到就已經要排20幾個人，但係老闆嘅手勢十分之快，基本上1分鐘就煮好一個面。上網睇撈粗係十分之好食，咁身為半個潮州人嘅我梗係要試一試佢手勢啦，我哋分別叫咗一個牛雜撈粗同埋一個車仔麵形式嘅撈麵。牛雜雖然唔係特別好食但係十分之乾淨同埋好林入味既。而佢個雞腳同魚餅都係十分之鮮味，老闆10分好人咁送咗粒炸雲吞俾我哋只能夠講你係間野係灣仔區性價比真係一流

車仔麵制作流水缐：煮麵， 加餸，收錢車仔面是香港一種廉價麵食。靚靚車仔面深得食客稱讚的原因除了味道可口及佐料特多外。餸菜全由自己選擇，可選擇的有牛什，牛腩、豬紅、豬皮、蘿蔔、豉油雞翼、鱼餅（必吃）及蔬菜等等。今天就来个牛什加蘿蔔。排隊皆有因：1. 奶白色猪骨湯底，冇味精添加，在加牛什汁。2. 牛什新鮮兼洗得乾淨（吾知一個月水費單多少？）3. 不用大量柱候醤做底，所以牛什特別淺色4. 牛肚，牛腸，牛肺；淋爽度適中5.蘿蔔透心入味最后炎炎夏日，加支可樂，一個字“爽”。

今日老公及小公主獨自去偷歡，難得的寧靜應該好好享受。習慣了三人行，突然今日一個人的午餐，有些措手不及。一個人唯有求求其其揀間，熟食中心應該是不錯的選擇。甫進鵝頸橋街巿熟食中心，人山人海，特別是位於門口旁邊的「九記牛什粉麵」，是唯一的長長人龍。三餸車仔麵$28，加餸或飲品同樣+$7，一個午餐三、四十元在銅鑼灣區都稱得上超值。 車仔麵最吸引是配料多款式多，令客人在揀配料時眼花撩亂忐忑不安。 「九記」有廿多款餸，有傳統豬紅、蘿蔔、豬皮；又有創意配料如炸雲吞、魚餅。牛雜款式選擇最多，牛腸、牛膀、金錢肚……。第一次食車仔麵排隊15分鐘，真的很想知道味道是否值得筆者大排長龍。麵檔只有兩位阿姐，一位負責淥麵，一位負責加入配料，做到無停手。未到最後一刻，腦海中不斷思考究竟想點那個配料。最後決定了4餸……牛腸、豬大腸、牛肚、煎魚餅的河粉。見到每位客人的車仔麵內都有炸雲吞，以為是鎮店之寶，原來我都有人人有份，免費的。這個炸雲吞雖然不是新鮮即炸，但總算夠脆口，餡料細細粒易入口。內臟需要花大量功夫處理，這個招牌牛腸，重複清洗裡裡外外，撕走肥膏。處理煩複，因此不是經常在車仔麵檔中見到的。牛腸味道不太明顯，質感比

鵝頸橋街巿熟食中心係食晏聖地，清真咖喱、齋菜、碟頭飯同車仔麵任君選擇。諗住兩點半過後先上去九記避開人潮，行到樓梯頂推開度門，竟然都見到條 U turn 人龍，急急腳越過廿幾人走去龍尾。今日可以叫兩碗麵，度好晒叫 6 個唔同嘅餸，結果係好想食嘅齋同牛膀已沽清，只可以重温老友豬皮、豬大腸、煎魚餅同鯪魚球嘅味道。揀唔放湯食撈麵，必定要加炸蒜粒同辣椒油，將碗麵提香之餘，入口更加惹味。蒜粒同辣椒油大放任添，店主非常慷慨。人氣最強煎魚餅好味如昔，香脆兼彈牙；豬大腸洗得乾淨，零異味；豬皮夠入味，唔見有豬毛；鯪魚球冇煎魚餅咁香口討好，怕熱氣首選。加 7 蚊叫杯熱奶茶少奶。茶勁熱，夠香濃，細味會飲到多種茶香，真心覺得呢 7 蚊係超值。 一路食，條買麵人龍長時間都喺度。店員做到冇停手，難得佢哋冇黑面，仲會同生客講笑，樓面專員動作勤快，一眼關七，佩服之餘暗暗給讚。

上個禮拜試食車仔麵失敗之後，今個禮拜再接再厲！目標位於灣仔街市「九記牛雜」嘅車仔麵！今次叫咗一碗豬皮牛腩煎魚餅粗麵（我發神經叫左我好多年冇食過見冇乜好感嘅粗麵）！根據我嘅金句「湯底係粉面嘅靈魂」，第一口一定係飲湯先；淡淡的，應該係蘿蔔煮嘅，湯底正常，味精吾強！所謂3歲定80，而家去到30幾歲，我仲係唔係好識欣賞粗麵。。。跟住到豬皮，見唔到有豬毛，合格！到我最鍾意食的牛腩，牛筋同牛腩比例分佈平均，食到有畺味，好食！最後原來係最好食！魚餅有彈性又香脆，有魚味冇乜腥味，我估係其中一個鎮店之寶，一定要試！性價比高，只要$28！#chefPhilip

好多年前已慕名幫襯過這間成日排長龍既車仔麵，印象深刻。無論甚麼時間都要排長龍，還記得味道吸引又抵食。今次係附近放學後便帶兩位同學仔食平靚正西。分頭行事，二人排隊買野，一人霸位，少些 策略都唔掂。２７蚊三餸實在街仿費，牛肋腩，豬皮配煎魚餅，米粉做麵底。有我最愛既蔥花，仲送多隻炸雲吞。豬皮牛肋腩一般唔夠腍身，煎魚餅係必食，香口美味。今次重來感覺味精有點重手。。。成日都話淨係香港地先飲到咁好味既熱茶走，相信必定是用絲襪炮製，香滑得滑不留口，留有餘香，正！