九記牛什粉麵

營業中

休息中

今日上完堂後，小妹很想吃好味的車仔麵，友人介紹這家九記，像要必食的這樣，好，就試試吧！這家麵店位於街市樓上的熟食檔，果然人山人海。 坐位都尚算充裕。 點了車仔麵($27)，選了米粉，餸包括牛筋腩、蘿蔔及魚餅，湯底為清湯，味道ＯＫ。牛筋腩夠腍亦入味；蘿蔔亦腍身，味道卻不太出；魚餅夠鬆化，魚味濃，煎得夠香，但很多味精，吃完回家後要狂飲水；每碗附送一粒炸雲吞，雲吞皮厚，餡料份量少，味道普通。 茶走($7)，即是奶茶的奶改用煉奶，小妹覺得這個真的香濃，口感幼滑，在家很難沖到這個味道。 整體來說，這裡的車仔麵一點驚喜也沒有，味道普通，但由於價錢相宜，還可以接受，反之，奶茶則有驚喜。

係鵝頸橋街市第一次食清真惠以外食店，九記粉麵係書見過介紹 ，一直都想來試下，但惠記咖哩加羊肉係我最我，所以冇去過其他店，九記好易搵，最長條龍就係，排左十幾分鐘終於到我，先揀麵，我揀左粗麵，因為本想要撈麵，但揀晒餸都冇問我要撈定湯，佢又好快手咁幫我加埋湯，我叫左三餸$28，如加多一餸加$7，魚餅、牛腸、牛筋腩，魚餅係招牌菜，人人都會叫，果然係唔同d 大塊味道ok，牛腸爽口但咬唔開，牛腩超普通貨或者可以叫唔好食，麵一般，辣椒油都麻麻，下次來可試過第二間，有間素食$35三餸，同另一間車仔麵都想試下

記得小時候係鵝頸橋街市附近住 所以屋企人會成買比我地細路做早餐 不過時間飛逝 出來做野啦 久不久都會掛念 難得星期日放假就同媽媽去懷念下囉最鐘意佢地既幼麵乾撈 出名牛雜 不過我自己覺得雞腳同炸魚餅無得輸 豬紅 豬皮 雞腳超入味 軟滑 無腥味又彈牙 豬紅唔散 QQ的 叫左份菜心添我媽媽就較喜歡湯米線 筋腩豬皮都好yummy齋 都係佢首選添其實還有多種餸選擇 每碗老闆都加粒炸雲吞架 叫埋野飲都經濟

每次經過這都見到好多人排隊，應該唔會太差啦，哈哈，偏偏相反。今次帶ABC來食，只剩豬紅豬皮蘿蔔大腸！ok無所謂。员工手腳快，秒速有得食。湯底唔咸唔淡唔係好熱唔知想點！大腸咬極唔孄，過得自己過唔到人，猪皮蘿蔔紅等又乜味，好聲氣叫多葱意然夾起幾粒比我，淥面哥哥左減右減，可能我個樣似無胃口掛…………其實已經食過兩次，一直奇怪D人做咩要排隊食佢？？？可否給負分

有幾款麵擺咗出嚟，但其中有款白色較幼嘅擺得較遠，我唔肯定係咪河粉。我問：「請問有冇河粉？」佢答：「見倒嗰啲」個老闆娘都幾串。我個朋友同我講佢過往嚟食都受過幾次氣。我食牛腩，只有一湯匙嘅分量，其餘係牛根。我食雞翼，佢俾我一隻雞中翼兩隻雞翼尖。（之後我朋友話食兩隻雞中翼要加錢）食完後，有人走嚟收碗抹枱，條濕毛巾抹完枱後，張枱即時散發一陣油麵味⋯

没想到鹅颈桥街市有那么多美食，除了羊腩饭还有这家经常看到排长队的粉面，三菜一面/粉只要27块钱，我觉得不贵吧，和朋友一人点一份，再点不一样的六个菜混吃，这样就都能尝到，煎鱼饼是推荐菜，也是蛮多人点的，我本人没觉得很惊艳，反而觉得猪血和猪大肠不错！我平时不爱吃猪血，但他家猪血咬下去很嫩，应该就是煮的刚好，没煮老，猪大肠看起来很干净，只是还没煮的很烂，但我觉得那个味道有点像卤味，好吃！还有猪皮和鲮鱼球，额…鲮鱼球是不是自家挫的，都是不成圆，味道一般般吧。汤底很浓，怕是味精没敢喝多，总的来说性价比还是不错的

之前跟朋友提過灣仔鵝頸街市熟食中心有一檔午市長期排長龍的車仔麵，一直都想試一下，前幾天剛好他在灣仔這邊見客，兩人的試食兵團遂匆匆成行。去到熟食中心，離遠已見到一條長長為數廿多人的人龍，全部都是排隊買車仔麵的，難得來到當然照排啦。等了差不多十五分鐘，終於輪到我們，事先已做了research，知道這裡的炸魚餅很出名，當然唔執書啦，要番一份，加埋牛腸同牛筋腩，配個幼撈麵。而朋友亦要了炸魚餅，牛筋腩及豬紅配湯幼麵。首先當然要試下那個馳名的炸魚餅，這裡的魚餅因太受歡迎，貨如輪轉，排隊期間見廚房不停端出剛炸起的魚餅，夠哂新鮮，雖不是即叫即炸亦不遠矣。魚餅咬落外脆內軟，不是手打彈牙那種口感，卻食得出是自家製貨色，微脆軟糯的口感加上調味得宜，難怪大受歡迎了。除了魚餅，這店的牛什亦做得頗特色，不是外面炆得上哂色的那種，牛腸上碟仍是象牙色的，看似淡而乏味，但食落卻甘香入味，邪惡食品永遠都是這麼美味。其他的配餸亦具水準，牛筋腩炆得惹味軟淋，豬紅亦煮得入味，不會一夾就散。一向對車仔麵的湯底不會太有要求，而這裡的卻有點驚喜，雖不是甚麼貴價湯底，但起碼飲落味道夠清，不似一般的味精湯濃膩封喉，配埋幼麵吸收湯底味道，

同朋又去左呢間係灣仔街市既車仔面擋度食，我叫左冬菇，魚餅，時菜黎食。 冬茹厚厚既，入味。 魚餅今次冇咁脆，但好香同唔咸，反而逾飯逾想。 feel 到真心既魚既感覺。 而菜呢係仲爽口，湯底有少少淡。

今日黎左灣仔, 朋友推介我食呢間係街市既車仔面舖。 上到去好多人, 好嘈, 完全係一個熱鬧既位。 呢間車仔面排左好多人呀, 等左15分鐘先排到。 我揀左蘿蔔, 煎魚餅, 冬菇米線, 飲凍檸茶。一共33蚊, 仲送左粒炸雲吞添。 冬菇大大粒又入味, 蘿蔔有6大舊, 成條蘿蔔, 鮮魚餅好香又大舊, 加埋就好大一碗。 

每次到鵝頸街市熟食中心, 九記實係我必然之選, 但唻過咁多次, 冇一次係唔使排隊, 幾時條龍都係咁長  佢哋既車仔麵底有幾款, 都係嗰幾類~ 粗糼油麵米粉米線之類, 而又可以湯麵或撈麵, 而我就一定食佢哋既撈麵, 因為我鍾意食甜醬, 撈麵沾甜醬食真係超正, 再加上佢哋有蒜粒任加, 真係正上加正~ 餸的款式都係好大路嗰啲, 雖然佢哋個名叫牛什粉, 但我覺得佢哋最出色既唔係牛什, 而係魚餅, 魚餅既味調得很好, 亦很彈牙, 有時我會order兩份魚餅 但今天只叫了一份, 因選了豬大腸及冬菇~ 豬大腸不靭, 但有點小肥糕, 食完要做多幾part yoga先得啦  今日連樂大媽個對頭人"珍姐"都唻幫襯, 就知佢有幾出名啦!! 一碗三餸麵加一支大可樂都只係$30, 真係好食又抵食

一子錯，滿盤皆落索；人生中，有許多選擇；今天應穿什麼衣服？應否買這個股票？該和伴侶去哪裡逛？ 每一件事情，我們皆要經過深思熟慮才下決定。對著食物，我們也要考慮，也要挑剔；吃大腸，膽固醇可能會過高吧；喝糖水，糖尿病耶；回想以前，港人有哪樣東西不塞到口裡？今時今日，已不同昔時往日矣。車仔麵 ，對各位土生土長的香港人來說，絕不陌生；超過二十多種的材料、粗幼、質感不一的麵條任君選擇；是種既飽肚、又廉價的平民美食。早期的車仔麵l於木頭車中售賣，車上有多個金屬造的「煮食格」，分別裝有湯汁、麵條和配料，顧客可自由選擇麵條，配料和湯汁，通常十多塊錢就可飽吃一頓。位於銅鑼灣鵝頸橋熟市的九記牛雜粉麵開業多年，憑著出色的自家製鯪魚餅、餃子等車仔、便宜得發笑的價錢，一向甚得上班一族的歡心，其人氣絕不遜於灣仔同樣以車仔麵打出名堂的另一麵店；適逢午市，必大排長龍。據聞店主曾於大餐廳工作，後來甘心放棄厚職，繼承父親的車仔麵生意；孝順之心，盡在不言中。二十四塊大洋，任選三種配料；從最基本的魚蛋腸仔，到牛什齋卜應有盡有，總有一樣東西能滿足你的味蕾。自家製的水餃不容錯過；店主會因應當天的菜源來決定包哪種餃子，多以西洋菜

灣仔的鵝頸街市，大大小小的食肆的光顧過，也算是一個壯舉吧。由早餐、午餐、甚至是晚飯，他們各有各的風采。這一家九記，我來過多次，不過都是早餐時段來，但午市大排長龍的車仔麵卻未曾一嚐。這一天，同同事上來，剛好大家都不想吃飯，而我們經常來，大家也有留意到這一個人龍車仔麵，所以今天決定吃麵。食車仔麵，最好當然是配油麵，但偶爾也想轉換一下，所以選擇了粗麵，不過這粗麵絕對不能與一般雲吞麵檔的麵去相比，因為車仔麵要求快，粗麵一向都是採用好粉好腍的那一種，口感，其實一般。車仔麵最重要的，當然不是麵，是自己手指指散執的配菜。牛腩，永遠是我的首選，而且車仔麵講求味濃，有腩汁，有味道濃濃的粉腸，加上豆味同豉味麵同樣香濃的麵筋，有肉感，有煙韌感，有內臟的獨特香味，所以食材都簡單，價廉，再以濃郁襯托，可好。店方送上一粒非常香口的炸雲吞，多香口。簡單價廉，就是車仔麵的原有的特色。對，只是原有特式，香港的物價上漲得大利害了，中一、二，$50，日日食車仔麵活一個星期，已經沒有這一回事了。現在，車仔麵，只是簡單同快而已。

$23蚊個車仔麵, 要足料, 大碗, 抵食, 香港仲有邊到可以做到?$23蚊, 三個餸, 今次叫了豬皮, 牛腩和牛肚, 加米線。牛肚好淋, 好入味, 好正。豬皮, 都好入味, 無毛, 爽脆。牛腩總覺肥了點, 沒太多牛腩味, 下次都係選返魚餅, 上次食過魚餅, 有魚味, 粉唔多, 適度。在上枱前, 老細總會在每碗麵加上一隻炸雲吞, 好脆, 有菜係內, 雲吞皮炸得剛剛好, 超正。

成日都會上熟食中心食呢間/波仔記,但波仔記比較多因為味道OK有黎過呢到既人都知只係波仔記同九記有車仔面食九記排晒隊而波仔記座無虛席但大家見九記排晒隊就會去九記食我都帶過人上去食晒2間大家一致話波仔記好味好多其實不如我講下呢2間店既行銷手法九記排隊係因為你想叫野食就係排佢條隊叫野食,再自己搵位而波仔記D客係走一個黎一個,就算下午2:30,過晒LUNCH又未到3點3,都好多人黎食,永遠冇吉位咁個個客坐底就可山以慢慢剔要D咩食物平心而論,兩間一樣咁多人食,只不過係九記要排隊姐同我見好多人食完坐係到成粒鐘有D就係家長帶小朋友去補習班/興趣班但未夠鐘就係到坐坐坐好啦,入食評波仔記有得比你自己慢慢剔食咩,再交俾WAITER而九記就限死你排隊兼要食3樣餸起,排到你就冇時間慢慢諗,因為後面班人會黑面,而D WAITER又係會...(自行想像)你,真係食野都食得唔安樂我食車仔面多數都係揀D質眾不同既野,人地食咩豬皮我偏要食腸仔但佢要3個餸起就真係唔掂我好多野唔食佢D選擇又少我平時只係揀到2樣,淨返果樣俾人食味道係OK佐湯底就...係水

自從後巷車仔麵結業，每經過銅鑼灣他曾立足的兩個地點，心裡總有點戚戚然，仿佛舊朋友遠去了，從前在舌上10載之久的味道與情懷無法再重溫。黃金地段容不下利錢不高的食肆，是近幾年司空見慣的情況，政府的熟食大樓說不定是個可讓地道食肆避風擋雨的安身之所。九記牛什由爸爸轉到兒子手上，實幹地在灣仔鵝頸橋街市建立了兩代情的車仔麵，雖不是驚人的美食，但勝在真材實料，價格大眾化，深受街坊與附近工作人仕愛戴。九記牛什由大清早7時營業至下午5時，是下班後沒法嚐到的車仔麵，貪心的我又要賞盡各式餸料，所以是日誠邀了好友 "材記" 幫口。還未到中午12時，九記牛什的招牌下已築成長長的人龍，真感意外，原本欲避開人潮，結果都是一樣。"材記" 對食沒甚要求，純粹義氣仔女拿出好心與好胃，於是我負責排隊發辦，"材記" 就擔當霸位的工作，顯然是人多好辦事。耐心的等待，終由轉彎的人龍轉到店面的前排，首先是挑選麵條，大致也是粗、幼麵、河粉、米粉及油麵等。麵好了，再跟著向前行，就像流水作業式的。下一部輪到挑選各式餸料，最後店主會為在每碗麵添上一粒炸雲吞，心意心意吧！我要了一碗撈粗麵，一碗湯油麵，被擱上不同的餸料後，看似有點雜亂。撈麵有