九記海鮮小廚

營業中

休息中

太座想來了一段時間, 上次因為要排大隊, 外父大人無耐性等被迫放棄, 而這次因為時間剛剛好來到時沒人排隊只有我們, 大家都覺得只係等一下啫, 等了大概15分鐘就有位了, 店內面積一般大, 但枱面則只有大枱同細枱, 所以在後來我們見有些客人(一個人來的)要搭枱! 而大部份客人似是街坊, 好像我們這樣誇區來的食客不多, 說回當晚食物:酥炸雙鮮(九肚魚併鮮魷) – 果真是鎮店之寶, 炸得好乾身, 椒塩沒太搶味, 九肚魚肉雖淡白但仍夠白滑, 鮮魷肉夠厚身彈牙!苦瓜炒蛋 – 蛋炒得顏色夠靚, 苦瓜還有點點甘,生炒骨 – 碟頭夠, 肉多骨少, 汁掛得很靚, 只係配碼只有洋蔥絲,青椒絲而已,酥炸鯪魚球 - 鯪魚球有成13粒, 好抵食, 魚膠嘅調味足夠, 即使唔點蜆介汁都好夠味, 由於這店師傅炸功了得炸出外皮一層簿膜之外,皮的顏色也是剛好, 內部魚肉亦是全熟,上湯浸時菜 – 這個菜除了有炸蒜肉鋪面之外更有一大堆蔥菜-一種醃漬過的咸菜, 不過這裡並沒有將蔥菜處理過所以相當之咸下, 唔落好過落了!咸魚雞粒炒飯 – 整個飯落了相當的油去炒, 所以比較油膩, 其仔的配料都落足, 咸魚有咸但未夠香, 雞粒是雞脾

最鍾意去呢類地方食野, 特別有風味.全部野都好有水準.蜆芥鯪魚球：炸得好香, 起好香口, 但嫌唔夠彈牙, 蜆芥個味就幾好.椒鹽魷魚拼九肚魚：外層炸得夠脆, 魷魚好新鮮, 九肚魚夠嫩滑.蒜蓉蟶子：蟶子好鮮甜, 配蒜蓉好好味.牛仔骨：肉嫩, 有牛味.田雞煲：薑蔥爆, 肉厚而嫩, 啖啖肉, 入晒味, 正!呢d野食配啤酒真係一絕!

今晚打完波，前輩話帶我地去食好野。都冇睇過餐牌，前輩就已經發哂板喇。好快食物就一一上枱喇蜆芥鯪魚球：啱啱炸起好香口，一食就諗起澳門個鯪魚球，不過比起上黎，澳門就鯪魚球就彈牙多喇。蜆芥亦都味道重啲酥炸魷魚，九肚魚：呢味真係好正，尤其九肚魚！除左外層夠脆之外，入面嘅魚肉仲係非常嫩滑，令人不禁食到停唔到口呀！蒜蓉聖子，蒜蓉蝦，蒜蓉扇貝：三味海鮮都好鮮甜，將鋪係上面嘅普通粉絲加上海鮮鮮味同蒜蓉都變得好好味！另外仲有蒸䱽魚，牛仔骨，豆苗等等，全部都做得好有水準！真係令人回味無窮呀！除此之外，職員都好親切友善，好有人情味。佢地擔心冷氣風口對住我會凍親，主動較細佢一定會再幫親！真係多謝前輩嘅好介紹呀

這餐其實是兄弟的生日飯，之前他來過這裡覺得不錯，女友也推介過這裡，所以在他生日一個後月的今日來到這裡和他補回這餐生日飯。反正男生都是喜歡大吃大喝，喝喝啤酒就更有味道，小菜館就正合口味。薑蔥田雞煲，是女友最愛，而又常常推介給我的菜式，點菜時老闆都說今日的田雞好，果然沒錯，腿部肉厚而緊緻，泡油的功夫做得好，火候剛好不過老，背部也炸得微脆，也好吃，用薑蔥爆過就更惹味，我們三人一致讚好，再來也是我必點的項目。先來的是椒鹽雙拼，即是椒鹽鮮魷拼椒鹽九肚魚，也是食客常點的項目之一，用上新鮮的魷魚，不是很大件但的確是糯口彈牙的，外面炸得夠脆，不錯的。九肚魚方面我則偏好更嫩滑一些，入口像奶油樣的口感。三人吃了六個餸，三個白飯，一支啤酒，菜式不錯之餘，吃得飽飽埋單都是五百有找，實在是便宜得發笑，難怪連黃貫中也不時過來光顧，亦是不少人的飯堂。最重要還是兩位兄弟吃得盡興。

之前係OPEN睇人食得咁滋味~就叫男友帶我試試佢!!11點去到,得一台人食緊~~~環境算係咁呀乾乾淨姐淨,係有隻我好驚既喵咪坐低冇耐呀姐就走埋黎同我地講:聖誕快樂~睇完燈飾黎食野呢?哈哈~呀姐真係NICE啦~即刻叫埋野食先!!!叩左個炒菜+沙爹金菇肥牛煲+椒鹽鮮魷+大啤1枝再黎個飯同粥~呀姐"畢"左勁大碗飯~話:橫掂都收鋪,整大碗D比你!嘩~呀姐真有心!!!沙爹金菇肥牛煲:正!!!個汁好好味!!!粉絲又夠多椒鹽鮮魷:外脆內軟~~一D都唔"un",係味道淡左少少個菜正正常常都係正野!!!結果2個人都係食唔晒d野~埋單個時老闆仲走黎問做咩食唔晒呀!!哈哈我地都唔想嫁!!!呢間鋪真係比我一種好warm既感覺!!LIKE!!埋單$185!!!!!!!!!!!!!!個人認為超值!!

天氣嚴寒。吃一頓煲仔菜後，身體暖笠笠的，確是最佳的享受....數數手指，自從搬離舊居後，已有一段不短的時間沒有去"九叔"那裡去吃小炒。今夜再臨，九叔是一如以往般的熱情，依舊是在不斷地sell店內的蒜蓉蒸蝦....知嘞知嘞但因之前已吃過不少次了的關係，雖然是好吃，但倒不能次次都點的吧....太太想吃些煲仔菜暖胃，小弟自然奉命行事。先來一個熱辣辣的黑椒牛仔骨煲。味調得十分之濃烈，絕對是送飯佳品；黑椒汁十分惹味，青椒及洋葱絲夠爽甜，不過牛仔骨的肉質卻因受梳打粉攻擊底下變得味如嚼臘....本想試甚得食友們高度評價的椒鹽鮮魷及九肚魚的，但忽得悉當日下午太太才剛吃過椒鹽鮮魷，也就唯有作罷。再來一個上桌時還唧唧聲作響的薑葱魚腩煲 (這可是九叔當夜的推介呢)。魚腩的確一如九叔所言是甚新鮮，肉甜而不重腥氣；稍嫌薑及葱的份量不夠多，帶不出應有的香氣來；調味是一如以往的重手，吃完一口之後，便馬上要扒一啖飯去送之....去街市買一斤豆苗要三十至四十大洋一斤，在這裡叫一碟也只需相若價錢，但卻是大大碟之餘也炒得極具火喉，顏色碧綠誘人又沒渣少油。所以若要想食豆苗的話，還是到菜館或街坊小炒店去吃吧....兩個人食三個

在屋企附近，食過三次，老爺喜歡吃海鮮，也讚好。今日同老公兩人去吃，照舊雙併炸鮮魷及九肚魚，炸粉份量適中，口感一流。推介勝子，鮮味十足。蒜蓉蒸蝦也不錯。不過由於經常都好多人，有時要等好耐，同分開上，你可能食完第一碟，第二碟先到。

其實這是飯聚的下半場!因厦門小食九點半打烊,食友們的酒興正濃而帶來的美酒還沒喝完,所以一行十人便來了這邊借個場地繼續.當然亦點了幾款香口的菜式作為佐酒(當然我還是可樂)小吃.椒盬鮮魷拼九肚魚----兩款也炸得乾身,粉漿厚薄適中,能增加脆口感覺之餘不會像一個硬殼,可吃到魷魚的鮮味及滑溜的九肚魚質感.椒盬骨----椒盬的味道很重但不算太咸,在可接受範圍,只是豬扒的肉質較硬身.蒜蓉蒸勝瓜----蒜蓉下得夠狠是此店特式,帶點辛辣的蒜本來襯上甜味的勝瓜是不錯的組合,可惜吃了幾條後開始出現苦味.蒜蓉蒸開邊蝦----呈粗粒狀的蒜頭鋪滿了整個碟面,加上芫荽及蔥是幾乎看不見蒸的是蝦!中蝦是吃得出的新鮮、肉質彈牙,蒜蓉味道濃郁好此道者必發狂.以此價錢吃到質素不錯而份量又足的小菜,最重要是各食友也盡興而回.從一個飯局開始,一班互不相識的陌生人因興趣一致而聚結,發展成現在的朋友關係,這算不算是食緣?

父親節，來九記海鮮小廚嚐嚐，不料...我們order幾樣食物:1.蝦醬通菜牛$39-好味2.椒鹽九肚魚$48-ok3.炒時菜$39-ok4.生炒骨$39-惹味5.薑荵炒田雞$49-最好6.豉汁魚雲$xx-good埋單，發現計貴咗，咪問下Lo。點知~佢話見到我地咁多人(7)，就同我擅自加大，成$100呀!(1碟$49咋!就算兩碟都呃我$2啦!離譜)

令媽媽回味的一個小館，因為抵字。上次黎都幾個月前，價錢無變。半打蒜容蒸帶子一樣的 $80，一樣有好多蒜。今次轉試椒鹽白飯魚，粉有 d 厚，墊碟菜多過隔離？ 不過都算幾大碟呢。蝦醬通菜，明明叫左走腐乳...無走到...伙計話呢期通菜貴 d ，所以 $25 抵喎。o者o者雞煲有豬潤啵，味少許咸左 dd因為食食送都飽，無叫白飯，埋單比老闆問左兩次有無叫白飯，話無仲要比佢問點解唔叫白飯？Errrrrr.....環境都係大排檔咁，會比人掉位..........

為咗HALLOWEEN呢次既活動,我地班義工放工之後又約咗出黎開會啦.(出黎開會人物有,負責做搞手既阿MING,ELLEN,蔚蔚,JULIA,SHIRLEY,CARMAN,同埋我)我地先係佐敦既仙跡岩開會,傾傾傾,傾到九點幾,分晒工作,已經傾到九九十十,咁大家要去食飯啦. (蔚蔚同ELLEN先走)阿MING就話去邊度食好,咁...大家係諗緊之制,阿MING話不如去土瓜灣既九記啦,我第一句話,佐敦有咁多野食,做咩要去土瓜灣,佢話唔去都得,後尾,.到最後大家都係飛的,去咗九記食飯.九記係位於土瓜灣街市再落幾條街既小舖,比較舊式既一間舖,舖位面積細細,但人客不少,我諗幾好食卦.一坐低,見到牆上既食物,係冇寫價錢,只係見到清炒時菜25蚊一碟,咁...就叫阿MING發板啦,阿MING就點了蒜茸蒸蝦 - 碟蝦幾大碟,好多蒜茸舖係面,D蝦唔係一般既基圍蝦或海蝦,而係老虎蝦,D蒜茸滲入係蝦肉裡面,好正.....椒鹽九肚魚拼魷魚 - 炸得夠乾身,唔油,好味白飯魚煎蛋 - D雞蛋煎得好香,D白飯魚夠大條,好味椒絲腐乳炒通菜 - 碟通菜大碟,賣相吸引,可惜冇影相,D腐乳好好味道.另叫白飯5碗,食得很滿足.到

我未去過土瓜灣,今次都係朋友仔帶我去食一餐"家常便飯"賣點係平靚正之餘,仲有屋企feel添~望落去碟碟都係好有"蔥"feel,全部都被"蔥"蓋住~今晚我地個個都係要食清淡d,唔好咁肥膩,所以只叫一碟煎炸野椒鹽鮮魷即叫即炸好好食呀,唔會炸得好厚,鮮魷剛剛好,唔韌就算過左一陣再食都脆口又ok喎~豆腐魚頭勝瓜湯因為我地鐘意食勝瓜,老闆又ok喎,所以就叫左lee個湯喇味道好清,好好飲,勝瓜唔會太熟,好脆口,魚頭唔醒帶有少許胡椒味~蒜蓉蒸勝瓜底層有少許勝瓜比較生,蒸耐少少會更好,全靠蒜蓉一個字..........香呀!北菇蒸田雞當味道太淡又話唔好,太濃又話唔好,始終都係油爆田雞好食d,但係lee一餐係我地要求要"清淡",田雞肉都ok,係味道比較淡啫~蒜蓉蒸開邊蝦蝦肉好新鮮喎,又勁多蒜蓉,好香好惹味,因為我係"蒜蓉怪"蒸鱔我要夾開d"蔥",先影倒d鱔,味道好好唔會太鹹太油膩,鱔肉當然好食啦,好滑~又夠大碟..............正!!莧菜真係好清喎,連一滴"油"都無,老闆真係好聽話食落又幾好味~6個大人食左4百幾蚊,係話抵唔抵食?

老家係土瓜灣成20年, 從來都未食過呢間大排檔,昨日返去幫屋企人整野, 佢地就話近近地去九記食.9點左右去到已經冇乜人, 只得3枱半醉客,坐低睇餐牌, 選擇唔太多, 都係大路野.因應屋企人需求, 分別點左以下幾樣小菜:京都骨 $39 冇肉味, 京都醬汁唔夠濃;椒鹽雙并(九肚魚, 魷魚) $49 炸得剛剛好, 魷魚夠鮮嫩, 正;麻婆豆腐 $39 辣味唔夠, 炸菜太多偏鹹;沙爹粉絲牛肉煲 $39 牛肉太重梳打粉味, 冇沙爹味; 豉椒鵝腸 $39 最差, 極度隨便, 唔知用咩睇形容.總括黎講, 土瓜灣大排檔多, 呢間只屬下等, 味精亦都落得好重手.

從報章的介紹，與家人來到土瓜灣這間人氣小店。8 點坐低，都唔算等左好耐位。但係我地之後就多左好多人黎等位又逼爆店啦，之後多人既時候，落單真係有 d 亂，坐位都係，老闆都唔得閒收錢，大家都要耐心慢慢等。人手好似有 d 唔夠，疑似老闆娘落單、蒸蝦都係佢。環境舊舊的，疑似老闆娘說十幾年無轉過 menu，檯布都係膠檯布，所以睇舖面都好難估到佢都係人氣小店。4 位叫了4 味：蒜蓉蒸開邊蝦 $80 - 漏左單，結果係即刻蒸，睇牆上雜誌話係游水草蝦 14 兩，唔知係咪咁多啦。不過我估都有 15 隻到，唔算係大蝦，但係都算幾乾淨，d 腸都起得七七八八，不吝嗇的落芫茜同蒜蓉，食到成日都係蒜蓉，好味呀。本雜誌有 d 似幾年前的，但係都話蒜蓉蒸開邊蝦係 $80，咁即係海嘯前後都無加價啵。蒜蓉扇貝 $80 - 好大塊呀，不過得6隻，又係好多蒜蓉，不過 d 粉絲就少左 d 同埋唔爽囉。薑蔥田雞煲 $49 - 田雞我食唔慣，所以覺得比較多左 d 骨，但爸爸話算幾好。白飯 $4椒鹽鮮魷九肚魚雙拼 $49 - 本來係要椒鹽鮮魷，但疑似老闆娘話雙拼都係一樣價錢，所以要左雙拼。我覺得九肚魚多過鮮魷好多，唔係太抵添，九肚魚

　　朋友講起話好想去試下，咪一行四人去試下攞！不過，因為好鬼肚餓，叫左餸又唔記得睇個價錢，爭係記食左五個餸先要＄２５０幾蚊，真係平到死！仲要食得鬼咁飽，味道都唔錯，又夠鑊氣，又好大碟，咁既價錢，認真抵食！今次我叫左蝦醬通菜，好似係　＄２５－　＜＝　好味蒜蓉蒸開邊蝦　　　＄８０－　＜＝　好多蒜蓉，喜蒜蓉者必食金菇肥牛煲　　　　＄４９－　＜＝　一般......蜆介鯪魚球　　　　＄？？－　＜＝　好正、好香蜆介味椒鹽尤魚拼九肚魚　＄？？－　＜＝　超正，一次過試到兩個口味 ^o^行開一定會再去試下！