影片
更多
2009-10-31
117 瀏覽
為咗HALLOWEEN呢次既活動,我地班義工放工之後又約咗出黎開會啦.(出黎開會人物有,負責做搞手既阿MING,ELLEN,蔚蔚,JULIA,SHIRLEY,CARMAN,同埋我)我地先係佐敦既仙跡岩開會,傾傾傾,傾到九點幾,分晒工作,已經傾到九九十十,咁大家要去食飯啦. (蔚蔚同ELLEN先走)阿MING就話去邊度食好,咁...大家係諗緊之制,阿MING話不如去土瓜灣既九記啦,我第一句話,佐敦有咁多野食,做咩要去土瓜灣,佢話唔去都得,後尾,.到最後大家都係飛的,去咗九記食飯.九記係位於土瓜灣街市再落幾條街既小舖,比較舊式既一間舖,舖位面積細細,但人客不少,我諗幾好食卦.一坐低,見到牆上既食物,係冇寫價錢,只係見到清炒時菜25蚊一碟,咁...就叫阿MING發板啦,阿MING就點了蒜茸蒸蝦 - 碟蝦幾大碟,好多蒜茸舖係面,D蝦唔係一般既基圍蝦或海蝦,而係老虎蝦,D蒜茸滲入係蝦肉裡面,好正.....椒鹽九肚魚拼魷魚 - 炸得夠乾身,唔油,好味白飯魚煎蛋 - D雞蛋煎得好香,D白飯魚夠大條,好味椒絲腐乳炒通菜 - 碟通菜大碟,賣相吸引,可惜冇影相,D腐乳好好味道.另叫白飯5碗,食得很滿足.到
為咗HALLOWEEN呢次既活動,我地班義工放工之後又約咗出黎開會啦.
(出黎開會人物有,負責做搞手既阿MING,ELLEN,蔚蔚,JULIA,SHIRLEY,CARMAN,同埋我)
我地先係佐敦既仙跡岩開會,傾傾傾,傾到九點幾,分晒工作,已經傾到九九十十,咁大家要去食飯啦. (蔚蔚同ELLEN先走)
阿MING就話去邊度食好,咁...大家係諗緊之制,阿MING話不如去土瓜灣既九記啦,我第一句話,佐敦有咁多野食,做咩要去土瓜灣,佢話唔去都得,後尾,.到最後大家都係飛的,去咗九記食飯.
九記係位於土瓜灣街市再落幾條街既小舖,比較舊式既一間舖,舖位面積細細,但人客不少,我諗幾好食卦.
一坐低,見到牆上既食物,係冇寫價錢,只係見到清炒時菜25蚊一碟,咁...就叫阿MING發板啦,阿MING就點了
蒜茸蒸蝦 - 碟蝦幾大碟,好多蒜茸舖係面,D蝦唔係一般既基圍蝦或海蝦,而係老虎蝦,D蒜茸滲入係蝦肉裡面,好正.....
椒鹽九肚魚拼魷魚 - 炸得夠乾身,唔油,好味
白飯魚煎蛋 - D雞蛋煎得好香,D白飯魚夠大條,好味
椒絲腐乳炒通菜 - 碟通菜大碟,賣相吸引,可惜冇影相,D腐乳好好味道.
另叫白飯5碗,食得很滿足.
到埋單時,唔知係老細定伙計,拎住張單俾阿MING睇話,多謝255元啦,好抵食咁話.
抵食OK啦,但真係好好味道.下次會叫阿MING再帶我地黎食飯.
張貼
