九份飽 (淘大商場1期)

營業中

休息中

好耐冇去過台灣🇹🇼🥲，好掛住台灣嘅嘢食，唯有食住台灣嘢頂癮先。今次呢間#九份飽 店舖裝修好有誠意✨，好似去咗台灣街頭嘅感覺🤩。食物方便價錢合理、份量好大，我哋叫咗五樣嘢三個人share好夠食👍🏻🍛懷舊滷肉飯(大) $43滷肉係半肥瘦，食落口肥嘅部份富有油香，而且滷得入味，十分惹味😋。如果可以多啲汁，或者滷肉嘅份量更加多就好啦🤤！🍜紅燒牛腩刀削麵 $62刀削麵係比較粗同厚身，口感有少少煙韌，阿瘦🐰都幾推薦👏🏻。牛腩嘅份量都幾多，有4、5舊，唔會好鞋，湯底味道都唔錯~🍠QQ地瓜球 $36 🌟🦁🐰推介🌟上枱時熱辣辣，應該啱啱炸起🔥。口感QQ地，壓的似麻糬咁。有紫薯同蕃薯兩種味，紫薯味入邊有黃色蕃薯餡，而番薯味入邊就有紫薯餡🤤，配埋表面酸酸地嘅粉，令人忍唔住一粒又一粒係咁食😍！🍳肉鬆起司蛋餅 $36表面嘅皮煙煙韌韌，肉鬆同芝士好夾，不過略嫌餡料唔夠多🙈，芝士無澎湃嘅拉絲效果，但係整體味道都唔錯👌🏻。🐥鹽酥雞 $38相對之下鹽酥雞就比較普通，不過都係熱辣辣，唔會好油，而且一份都有好多舊~

喺九龍灣非常肚餓😅，想嗱嗱聲去間好味嘅餐廳坐低開餐，咁馬上喺人肉電腦💻裏邊搜尋吓😆，搵到呢間台灣🇹🇼餐廳🥢離我唔係好遠💪，咁就即刻行過去醫肚😆$52 嘅「紅燒牛腩米粉」：牛腩湯底都幾濃郁，米粉吸收咗啲牛腩湯，真係幾惹味😆，米粉份量仲超多，食得好飽🤩；「紅燒牛腩」大大件，煮得軟熟夠腍，幾正🤩$28嘅「豆花胚芽奶🧋」：小麥胚芽係小麥精華所在，營養價值高，但係體積就只佔小麥嘅3％，營養就佔小麥97％，所以營養超級集中😆；呢杯「豆花胚芽奶🧋」清新又好飲，仲加有香滑嘅豆花😆$45嘅「酥炸魷魚」：用薄薄哋嘅脆漿包住炸過，好香口😋；「魷魚🦑」幾彈牙🦷😆$42嘅「芋圓仙草豆奶」：芋圓圓圓哋😆兼煙煙韌韌🤩，仙草黑萌萌滑脫脫😆，配埋豆奶甜甜哋食得好開心😆真係飽到呢😆

-🔸紅燒牛腩米粉 $52🔸香酥雞扒魯肉飯 $52🔸海苔肉鬆起司蛋餅 $38🔸芋圓仙草豆奶 $42🔸蜂蜜檸檬蘆薈 $25🔸OREO黑糖咖啡 $28-時不時都想食台灣野，同男朋友都經常嚟依間九份飽，貪佢平靚正，裝修又好有台灣特色。紅燒牛腩米粉好香，牛腩大大舊又燘得好軟稔同入味。雞扒魯肉飯嘅雞扒炸到卜卜脆，配埋鹹香十足嘅魯肉飯，一次過滿足咗兩個願望。仲有每次必叫嘅蛋餅，溶到滿瀉嘅芝士係超正。再食埋芋圓涼粉，配埋台式手搖飲，完全可以一解台灣癮啊！

今日幫襯呢間店舖最初係俾佢門口長長嘅人龍吸引住，然後就係比佢特別嘅裝修注視住，碰巧今天冇人排隊即刻幫襯睇吓佢咩料。一入到去燈光昏暗再加上台灣古色古香嘅裝修，俾人嘅感覺好似去返七80年代嘅台灣一樣。食物選擇不多，只有10多款面粉飯，小食也是差不多，反而台式飲品有2-30款，我哋叫了一個香酥排骨刀削麵 & 一個紅燒牛腩米粉再加一杯荔枝鳳梨（叫了主餐加配只需加$10）刀削麵煙靭彈牙口感十足再配合香酥排骨炸得香脆鬆軟加埋椒鹽非常惹味👍；紅燒牛腩米粉湯底有啲甜甜地怪怪地我唔係咁鍾意不過牛腩就炆得好林好入味；荔枝鳳梨好似水加糖漿不值得推介。

平時好少喺淘大食嘢🙊今日經過就入咗呢間台灣嘢食！門口同事都幾好招呼😊入到去紅噹噹成個裝修都喺燈籠幾有九份老街嘅氣氛😳點餐淨係得一張紙劃周圍都無乜圖睇唔係好知啲嘢係咩樣都有咩配菜對我呢啲要走嘢同食物敏感嘅人唔係咁friendly🥲如果想知就要逐一問了酥炸排骨刀削麵排骨脆口好味，份量算夠，可惜麵稍為少咗啲紫菜肉鬆起司蛋卷已經寫咗走沙律但係食落先知都係有😣但佢原來仲有我同男友都唔食嘅辣汁伴碟頂硬食咗佢，其實都係好味嘅...🥲大腸包小腸完全係唔知咩嚟所以叫糯米腸包台灣腸上面仲有啲酸菜芫茜佢食完話呢個真係好飽🤣

台灣美食一向都是香港人很熱愛的食物之一，而這一間九份飽在香港也是非常出名的。今天我們二人就來到這間餐廳試一試。這間餐廳的裝修很有台灣風味，有很多不同台灣的名勝風景，也有很多當地特色的擺設，很配合台灣餐廳的主題。我們點了紅燒雞扒滷肉飯，紅燒牛腩刀削麵，海苔肉鬆起司蛋餅，oreo巧克力奶茶，黑糖芋頭牛奶和甜品芋圓仙草豆奶。先說香酥雞扒滷肉飯，一上菜的時候鹽酥雞扒味非常之香。 新鮮即炸的香酥雞扒，外脆內軟。而且調味很足夠，非常的美味香口。滷肉飯很入味，肥瘦相間的豬肉肥而不膩，餐廳所選用的珍珠米，飯味香，整體來說很美味，值得推介！紅燒牛腩刀削麵，手工刀削麵煙韌可口，麥味香濃，而且配上餐廳特別煮製牛肉湯，牛味濃！紅燒牛腩很入味，而且餐廳給的分量很多，非常的滿足，性價比很高！海苔肉鬆起司蛋餅，簡單的食材但炮製出非常美味的小食。海苔肉鬆起司等味道很出，配上剛剛煎起的蛋餅，起司呈現半溶的狀態，口感很好也很美味！飲品方面我們首先點了oreo巧克力奶茶，oreo的味道非常濃烈，而且整杯奶茶的甜度剛剛好，非常好飲！另一杯是黑糖芋頭牛奶，芋頭味很夠,而且還吃得出有一粒粒的芋頭肉。 黑糖味很香，配上牛奶也很搭配

店面到行入去所有嘅裝修到超級有台灣夜市嘅感覺💛好掛住幾年前去過嘅台灣九份&十份～— @karlatsui @karlablings 🍗鹽酥雞粒 $38嚟到嘅時候仲係好熱 炸得剛剛好 份量都唔少🥚海苔肉鬆起司蛋餅 $38原本都唔係特別鍾意食起司 但🧀咬落直程係唔見咗可能融化咗(?) 味道正常表現～不過如果多啲肉鬆嘅話會好啲😝香酥排骨麵 $48麵質比較普通唔遠唔硬 湯底味道幾濃 朋友話排骨都係正常表現😚九份芋圓（冰）$38嚟到嘅賣相真係有啲失望🥲仙草只有兩小片 豆腐花更加兩少粒嘅份量 芋圓都係放喺最底層 大家千祈唔好俾我呢張影得幾好嘅相欺騙左 賣相同份量真係$38都唔值!!!!!!! 而我叫嘅冰芋圓 真係會擺幾粒冰喺面😂有少少好笑🫠 不過 佢啲芋圓煙靭又唔麵粉感!!!!!拯救咗佢好大嘅分數!!!!#觀塘 #九龍灣美食 #九龍灣 #觀塘美食 #美食 #蛋餅 #芋圓 #九份 #九份芋圓 #鹽酥雞 #香酥排骨麵 #karla_九龍灣

經過九龍灣淘大，見到呢間台灣餐廳好多人食😆夜晚6點幾已經就快滿座🫣我同男朋友見呢度價錢都幾親民，決定入去試下！呢度既裝修充滿台灣老街風味🏮環境偏暗，掛滿紅色既燈籠，每個角落都有唔同佈置，包括台灣車站、郵箱、雜貨店等等，牆上更掛上舊式電影海報，設計好有心思，充滿懷舊感🥰❥ 香酥雞扒魯肉飯 $52送上枱影完相，雞扒仲係熱辣辣😛🔥雞扒大大塊，外皮好香脆，雞肉好嫩滑，食落香口又有肉汁！魯肉切左粒，肥瘦均勻，撈飯食一流😚❥ 紅燒牛腩刀削麵 $62湯底香濃，牛腩份量都幾多，食落好淋好入味👍🏻有得揀刀削麵/油麵/米粉，我揀左刀削麵，麵質煙韌有彈性，吸湯能力唔錯！❥ 大腸包小腸 $36第一次食呢款台灣地道小食🤩意思即係糯米腸夾住台灣香腸，面頭再灑上雪菜同蒜蓉，食落好有風味，味道又幾夾！❥ 九份芋圓（冷） $38有芋圓、仙草、豆腐花、珍珠！芋圓同珍珠口感都煙煙韌韌，仙草幾有咬口，整體唔會太甜，加埋d冰，降溫又解渴🤣❥ 胚芽珍珠奶茶 $28珍珠奶茶飲得多🧋呢杯特別之處係面頭有胚芽顆粒，飲落充滿穀物香味🥰珍珠都夠Q彈煙韌，可以自選甜度！❥ 荔枝鳳梨 $20大大杯，清新解膩！呢個價錢，抵👍🏻

裝潢好有特色以九份老街為主題天花掛住紅燈籠，恍如置身於台灣老街同朋友一人一碗紅燒牛腩刀削麵紅燒牛腩亦是超有人氣的湯底濃郁，唔會好油膩，味道適中牛腩軟腍入味，配菜都唔少牛腩口感軟糯酥爛，肉上嘅筋位帶上油花與湯汁咬落肉汁豐盈配上煙韌帶嚼勁嘅刀削麵掛上濃厚湯汁，真係抵讚肉鬆起司蛋餅蛋卷用料絕對無手軟，好足料蛋餅口感酥脆，啖啖都係滿滿的芝士香好少會在街買台式飲品久違了的味道，對我來說食台灣野珍珠奶茶是必需的芋圓仙草豆奶芋圓煙煙韌韌，口感滿分，仙草配埋豆奶又香又滑，我每次黎都會叫

💕九份飽餐廳的裝修充滿台灣風情，天花掛上燈籠🏮配合彷商店街嘅場景，尤如置身九份老街🥹🔸香酥雞扒魯肉飯 HKD$52雞扒金黃色脆卜卜，炸得酥香脆口魯肉肥瘦比例剛好，一點點肥膏有恰到好處嘅油脂感，配上粒粒分明珍珠米，令人百吃不厭🔸綜合湯 $26裡面有百頁豆腐 貢丸同爆漿魚丸清湯湯底加入炸蒜更貼近台灣地道風味🔸🥣九份芋圓 HKD$38食完正餐點一份甜品就最完美🥰芋圓可以揀凍或者暖，配料有超滑的豆花、仙草同紅豆，份量夠2個人開心些牙❣️🔸九份檸檬綠 $25+3檸檬綠味道清新，可自選甜度，酸酸甜甜頗為解膩，另加Q彈珍珠都唔會好Heavy

呢度嘅紅燒牛腩真係超級好食，佢係配搭刀削麵嘅口味，再加埋紅燒嘅湯底，唔會好油膩，味道亦都適中，相當之多嘅配料，有蘿蔔仲有菜心，牛腩當然係炆得非常之林，非常之入味

今日同朋友黎左九龍灣淘大既九份飽食台灣菜，5點幾就到所以暫時唔算多人😙1. 台灣擔仔米粉 （$45）呢個米粉見圖都感受到佢好足料，店員好細心，見我等緊朋友，額外加個湯俾我！魯肉碎夠惹味，推介！2. 肉鬆起司蛋餅（$36）朋友話係呢到蛋餅係必叫，所以share左一個黎食！上枱時熱騰騰，肉鬆足料，感覺自己去左台灣夜市😎3. 九份芋圓 （$38）朋友話之前叫過外賣，感覺一般，但今次堂食好味好多！芋圓夠煙靭，款款都唔同，又唔會太甜味道：4/5服務：4/5環境：4/5性價比：3.5/5

今日又來九龍灣到行街啦，每次見到依間台灣嘅餐廳都覺得好吸引，而且人氣好高，大排長龍😆 好彩其實好快有得入，而且裏面環境漂亮，好似去咗台灣嘅感覺，滿滿都係去台灣嘅回憶啊🙆🏻‍♀️🤩加上嘢食好多元化，價錢亦都超抵，幾十蚊就食到🥳首先叫咗一個主食，係香酥排骨刀削麵刀削麵超級彈牙，而且湯底一啲都唔鹹，唔係出邊食開嘅味精湯，加上排骨份量超多，用料十足！肉質都好鮮嫩多汁😚✨台灣擔仔刀削麵同樣地高水準嘅發揮，裏面嘅材料有賈丸、鮮蝦💓酥炸花枝丸外脆內軟，薄薄嘅一層外皮包住q彈既花枝丸😛芋丸仙草豆奶最後點少得甜品，材料好豐富，除咗可以飲到香甜嘅豆奶之外，仲可以食到珍珠、仙草、同埋五顏六色嘅芋頭丸，超滿足🤩💓最後叫埋伯爵紅茶同埋抹香珍珠奶茶🧋都係高水準嘅發揮🙆🏻‍♀️

九份飽從北角起家，以正宗台灣口味和台灣古早風裝修而成名🛶週末晚上過來已有近十人在排隊，不過流轉算快，15分鐘左右就能入座裝修以民國時期的城鄉為主，有雜貨店、剪髮鋪、郵筒和山城燈籠等🏮氛圍十足，恰好滿足仍未能通關往台灣的相思之苦😍餐牌和台灣的點菜類近📒自己簡單選好所需的主食、小食、古早飲品、台式手摇和甜品就交給店員落單🍚香酥雞扒魯肉飯 | $52 | 7/10賣點有點失望😕肥瘦適中的魯肉四散而且不算多，炸雞扒脆口但肉量偏少，味道不錯🌯玉米起司蛋餅 | $32 | 7.5/10餅皮煙韌，粟米帶點爽口感，芝士夠熱拉絲🥰醬油膏帶點辣🍘炸甜不辣 | $36 | 8/10每塊大小不一，上檯時非常燙口，有點像香港街邊燒賣，咬落有點彈牙😋份量算多🥘滷味拼盤 | $36 | 7/10有豆腐、豬耳、雞蛋、雞翼和牛肚，滷味入味不會偏鹹，豬耳牛肚是Vip，每一口也有點嚼勁🤣滷汁的香而不膩味道🧆黑糖花生麻糬 | $25 | 5.5/10花生味豐富🥜但麻糬唔煙韌和份量偏少，黑糖焦甜感不起眼

好食台式小店,九龍灣美食攻略2022好耐無食台式野食啦,今餐係出發之前最後一次係餐廳食飯寫埋呢間就暫別香港今日食左牛肉麵,紅燒湯底,牛骨味甜,唔辣,好濃香牛腩好大件,出奇地入味軟淋,好食,牛味濃郁刀削麵粗而彈身,吸湯一流,最正係個湯底,真心好飲唔口乾酥炸魷魚,香脆惹味,小食一流,每次都必食之選所有食物都係即做,有溫度有味道,一流啊~甜品係芋圓豆花,黑糖湯汁底,加冰好似飲台式野飲咁,入味冰涼解油膩豆花嫩,鮮草嫩,芋圓QQ~彈口仲有酥炸排骨滷肉飯,大大碗,滷肉偏濃味,有肥肉甘香,汁撈飯.雞扒夠大件又脆口,一流!九龍灣牛頭角道77號淘大商場一期地下G142號舖 #九份飽 評分8/10消費$250