丼丼屋 (荷里活廣場)

營業中

休息中

一直都係丼丼屋既忠實粉絲。最近見佢換左餐牌，多左唔少選擇，仲有石板燒添。而今次同朋友就嗌左寶石海鮮丼同親子丼，兩樣野味道都唔錯，份量適中，值得一試。白飯上盛滿唔同款式既海鮮，用紫菜包住切粒海鮮同白飯，超級滿足，味道亦相當鮮甜。玉子燒味道比較普通，價錢亦都比較貴。跟餐既湯，味道清淡。蛋控一定要試！不過今次啲蛋就熟左少少，雞肉就不過不失，無乜特別咁。感覺上，轉左餐牌之後，食物款式多左，但味道不如以前，退步左。

成日見到丼丼屋好多人，都無機會去食，今日要去新蒲崗打波前，去鑽石山廣場食個晚餐先鑽石山都好多餐廳選擇，不過最後比丼丼屋吸引左難得時間仲早，唔洗等位！好坐早入去，因為坐低15分鐘後已經見人等位。睇menu時見到名古屋鳥開親子丼好吸引，有隻流心雞蛋係個飯上面，於是叫左來試試！店員話加多少少錢可以轉定食，見隔離枱枱都有加定食，雖然我都怕會食唔曬都忍唔住加左個定食真係好大份，超級大滿足。Menu相片如實物，蛋及雞肉份量十足，足足蓋過成個飯

都有一排冇去丼丼屋食飯，所以星期五夜晚就去咗食，發現佢哋轉左Menu，食開既剌身迷你丼已經冇咗年lu，但係因為都好想食啲刺身，所以今次就帶咗呢一個新野 - 迷你海鮮丼，然後再加沙律定食。迷你海鮮丼包括左三款好細嘅刺身飯，有三文魚飯，吞拿魚飯同帶子飯，分量非常少啱晒唔鍾意食飯嘅朋友。最鍾意係三文魚魚子飯嗰碗，三文魚非常新鮮，魚子一啲都唔腥，最唔鍾意係吞拿魚飯，淡而無味，又甩啲紅色出黎，非常麻麻，至於帶子，好普通，因為唔係大嗰啲帶子，有少少硬。

小米放假，約定在荷里活晚餐，就交由小米選擇餐廳和搵位。來到鑽石山地鐵站，先了解小米在哪家餐廳。小米回覆：2個井字中間都有1點，招牌係黃色的餐廳。明白了！就是上次跟小米食吉列豬扒的日式餐廳。　由於六時多，晚市剛開始，客人不多。而小米跟母親大人因為肚餓，早已點了吉列豬扒野菜定食和烏冬。吉列豬扒野菜定食　小米喜歡食炸豬扒，香脆又啖啖肉。豬扒連炸皮來量度，真係超大塊，厚過手指。自己嚐了一件，吉豬口感好乾，Charm到脷有少少痛。　無奈小米不吃沙律菜，自己就可以增加膳食纖維了！　豚肉烏冬  體積雖小，幸好母親大人食量不多，這碗烏冬份量是ＯＫ的。如果換左係男性，可能要加餸。滑蛋吉列豬扒丼　　自己也要來一份。滑蛋吉豬大大碗。吉豬跟剛才小米那份定食，應該呎寸一樣。但這碗有汁有滑蛋來滋潤，無咁乾，容易吞。而醬汁又甜甜地，撈飯一流。三個套餐，合共265.1個大洋。剛好265個信用咭積分，可以當265元使用，實際上只付1毫子。真係好抵！

荷里活呢一間食日本壽司飯嘅丼丼屋每到星期六日就有好多人食㗎啦如果唔早啲去排隊可能就要等一個鐘頭以上㗎啦啲刺身都幾新鮮 啲飯都幾多好飽肚除咗個餐之外仲可以自己追加一啲嘢食好似沙律咁唯一唔好就係間鋪細咗啲

今日唔知點解覺得好肚餓，6點走左去食呢間丼丼屋其實本身食過滑蛋雞肉/豚肉，覺得還可以的今次就揀左，炭燒雞肉丼，野菜烏冬，牛油焗什菌呢間就係野菜湯烏冬，係唯一一樣我覺得ok既野食，佢d厚烏冬幾彈牙，個湯有d忌廉呢個係牛油什菌。👎🏻無味的，牛油塗得唔平均，一開始以為佢好多，點知其實個底係錫紙疊高左，比自己去bbq整既牛油金菇仲差🤮呢個就係炭燒雞肉丼。雞肉太咸，味道一般，有陣炭味的，好似去左bbq咁🤭個人黎講無咩特別，食完好口乾，實在太咸！

假日同妹妹食lunch落左去丼丼屋估唔到都幾多人等位 等左半個鐘左右就坐低叫左兩樣野再追加野菜定食由於覺得加兩個$15x2既定食唔太抵所以就直接加一個$20野菜定食 多d菜 一齊分享落單既時候叫左豬排分開上 保持脆身炸粉唔算薄 亦唔算太厚中規中矩 可以接受既 不過就唔好同吉豚既專門店比較啦 反而滑蛋飯係正既 就好似親子丼咁 甜甜地好味因為太掛住日本 所以叫左個鰻重 頂癮鰻魚量都ok 無泥味 無乜骨 鰻魚汁都適量 係呢個價錢黎講 合格整體 唔好用你係日本食野既standard黎睇 其實佢都唔差

星期五七點幾八點去丼丼屋食晚餐，事前響thegulu個app拎定飛，響商場行下，見差唔多到先行過去。門口有人等位，不過都入得幾快。因為唔想食咁多飯，所以叫左個迷你三文魚親子丼再加剌身定食。 迷你三文魚親子丼（$53）份量岩岩好，飯幾好味。三文魚正常，但魚子好好味，凍既，唔腥唔鹹，剌食定食（$38）包沙律，湯同剌身。沙律入面有菜，蕃茄仔，粟米同炸牛蒡，幾特別，不過有啲油，個沙律汁自己落，可控制份量。湯係麵豉湯，有多䓤，好香，蘿蔔粒同幾粒蜆肉，好味，唔腥同唔太鹹。剌食有兩片北寄貝同兩片三文魚，三文魚個厚度比丼飯上面既厚。

趁返工前同男朋友食個Lunch眼見吾係好多人等呢間 就即刻按飛先等左大概5分鐘就有2人位拿拿臨叫左野食先我叫左個寶石海鮮丼好大個Wasabi都好激（要加多D醬油）味道都唔錯既將D wasabi淋落D魚生上再流落去D飯 然後撈埋一齊食男朋友叫左個特上大盛海鮮丼佢知我中意食蝦特登比左隻蝦比我食好鮮味比較淡味抹茶味不濃我男朋友試飲一啖後好搞笑咁話Ok la 但唔中意😂😂基本上服務&環境都係一間正常日式餐廳應有既不過埋單就要自行行出去收銀處埋單食個Lunch 3百幾蚊 應該算係貴左D😂😂PS 其實都吾係第一次食 之前食開都係晚餐食物質素都叫有保證既不過就唔好Expect 真係高高高級貨

屋企樓下間丼丼屋其實都開左好耐, 每次見到佢門口都企左好多人, 於是就無咩動機入去食,因為想快又唔想浪費時間等位坐, 所以就好多次過門而不入。不過呢日難得好心情, , 又賺左少少外快, 於是就揀左丼丼屋作為我的晚餐,好彩平日夜晚其實都唔係好多人, 叩左3個no 就到我了。丼丼屋間野都坐得幾舒服, 唔會背貼背, 樓底又高, 都唔差架。講埋個飯, 我叫左十勝帶廣名物豚丼, 而佢有兩款價格可供選擇食少少肉就夠既可以揀並盛$88, 而想食多肉既可以揀特盛$108, 分別就係多多兩塊肉, 而飯既份量係一樣既碗飯送到埋黎就已經覺得呢幾塊肉好香好香, 北海道豚肉油多肉香, 而D肉又有用燒汁燒過, 入口係甜得黎又有D醬油的咸咸味,最衰屋企無D專業的光波爐, 如果係我都希望自己係屋企整到。呢一餐係貴貴地, 但係偶爾品嚐一下高質素的肉也是賞心悅目的

一行三人去到荷里活廣場食飯，要講坐得耐唔趕人走又抵食既餐廳，肯定係丼丼屋。佢大部份飯都係單點，如果加$15蚊就可以轉基本餐，多咗前菜、沙律同湯。呢個北海道豚肉飯好香，豚似半肥瘦，厚度適中，燒得岩岩好食落唔會太硬。醬汁好入味！我點既係regular size,大約同一般連鎖快餐點大牛飯差不多size，女仔黎講係夠食，男仔應該争啲。滑蛋豬相對較大份，豬扒炸得金黃香脆，又唔會太乾身。蛋味夠香！香辣海鮮烏冬好吸引，佢會係你面前將啲辣湯倒落去個烏冬度，咁就可以防止烏冬煮到林晒，湯夠辣亦好香，海鮮都好多，有好多蜆、3、4舊魷魚同2隻蝦。

用心品嚐的一餐 -- 丼丼屋這晚娘親突然不想煮飯, 話想食一餐不慌不忙的晚餐,左想右想, 究竟哪間餐廳的食材是用心選過的呢? 我想起: 丼丼屋是晚我們叫了兩個丼, 第一, 是滑蛋吉列豬扒飯第二, 是咖哩吉列豬扒滑蛋飯。首先說說丼丼屋的米。飯來到, 先吃一口米以測試餐廳的真章。一吃, 口感軟綿, 有日本米應有的飯香。丼丼屋的米, 以嚴選日本產米作為餐廳重要食材, 平時去city super 買日本米, 動輒也要1X-2X 1KG, 這兩碗飯, 值。再說豚。產自北海道的豚肉的確不能與五豐/巴西其他雪藏的肉相比,那豚除了肉質鮮嫩軟腍外, 脆卜卜, 惹味非常。若是錯配的話, 就會糟蹋了其中一方。埋單價錢雖然不便宜, 但我和娘的確可以用心品嚐。

一個男人唔一定去茶餐廳嘅，今日對自己好啲去食日本野，位於樂富商場，地鐵一出上電梯就到！午餐中午時間過去開始多人，好在我一個人唔使等就入到去午餐大約＄80，滑蛋牛肉飯牛肉都有牛肉味，滑蛋蛋味濃郁，簡直係牛肉同飯的絕配，而佢哋用嘅米都好有米香午餐仲包埋一碗味增湯沙律同果茶湯我估都係開粉做成，不過他們都有落足料味道略為偏鹹沙律有車厘茄山菜，最特別就係有兩塊煙肉脆，特別有口感果茶今日是白桃紅茶，太甜，因為他們是用濃縮汁加茶，這杯嘢飲真係失色另外加＄15有兩隻芝麻雞翼，燒得好香口，雞肉好滑，芝麻好香！＄80.1個午餐都算是貴的選擇，間唔中對自己好啲！

呢間出名係作佢個日式蛋豬扒飯 豬扒雖然係炸豬扒但佢油膩唔算好油 烤炸得幾好 個蛋當然出色 因為作佢係半熟蛋 煮個時個時間拿捏得幾好 豬肉都林身架 所以我都好鐘意食呢個飯 玉子都好好味

Haven’t been to this chain restaurant for a while, in the past usually there are lines waiting for seating and the Tsing Yi or North Point location. Not sure if it is me or the restaurants but for some reason the Diamond hill location has more variety of dishes to select while the North Point shop has much fewer. The 3 of us ordered our own set menu, the deep fried pork cutlet with an egg was surprisingly tasty. When the yolk was popped and ran over the cutlet and rice, it had a well blended