丼丼屋 (荷里活廣場)

營業中

休息中

星期五七點幾八點去丼丼屋食晚餐，事前響thegulu個app拎定飛，響商場行下，見差唔多到先行過去。門口有人等位，不過都入得幾快。因為唔想食咁多飯，所以叫左個迷你三文魚親子丼再加剌身定食。 迷你三文魚親子丼（$53）份量岩岩好，飯幾好味。三文魚正常，但魚子好好味，凍既，唔腥唔鹹，剌食定食（$38）包沙律，湯同剌身。沙律入面有菜，蕃茄仔，粟米同炸牛蒡，幾特別，不過有啲油，個沙律汁自己落，可控制份量。湯係麵豉湯，有多䓤，好香，蘿蔔粒同幾粒蜆肉，好味，唔腥同唔太鹹。剌食有兩片北寄貝同兩片三文魚，三文魚個厚度比丼飯上面既厚。