丼丼屋 (荷里活廣場)

營業中

休息中

好耐無黎食丼丼啦，次次黎我都一定order咖喱吉列豬扒飯，厚切又juicy的豬扒，啖啖都好有口感，咖喱汁好香，又唔會好甜，very nice我阿媽叫個燒牛肉洋蔥飯，我一睇圖好似吉X 家的牛肉飯，不過呢度個價錢就貴一倍，覺得黎呢度點解會叫快餐店都有的飯點知食落有意外驚喜！！燒牛肉有些炭燒味，好香，不太肥，牛肉肉質嫩，仲有juicy的，飯仲好大碗，心諗果然識揀！老公食十勝豚肉飯，今次豚肉煎得耐左，乾左少同濃左少少。芝麻雞翼即叫即炸，夠脆和多汁，不錯呀！

睇戲前肚餓，去丼丼屋食個飯先，之前食過魚生飯覺得味道唔錯，今次想試多少少，於是叫左兩個細set,一個是洋蔥豚肉烏冬，另一個是饅魚飯。豚肉烏冬個湯夠味，豚肉口感都唔錯，而饅魚飯的饅魚都幾好食，不過個飯上面的蛋碎不好吃、而饅魚汁也不足夠。

星期日奶油包同朋友係荷里活廣場做左樣好特別既事就係參加左一個韓國年輕偶像既簽名會簽名會完左奶油包同朋友咩力氣都冇晒就決定去丼丼屋食個魚生飯獎勵一下自己去到見到丼丼屋都好多人等位奶油包同朋友等左15分鐘先有位坐低後因為大家都太餓而且係門口已經諗好食咩所以好快就ORDER左4個特上盛大蝦海鮮丼唔好講笑2隻大蝦簡直好食到喊蝦肉爽身蝦膏又多而且三文魚同吞拿魚都好肥美加上帶子又夠鮮味食完呢個特上盛大蝦海鮮丼真係立即好似叉滿電咁平日奶油包食丼丼屋都係食豬扒飯但以後奶油包會改食魚生飯因為實在太好食....

今日放假同男友去荷里活廣場看早場看完電影就吃lunch見丼丼屋有新款lunch set 就決定入去試下。我地1:30pm黎到唔洗等，坐左八成客人左右。幾鍾意呢間分店因為都幾闊落同大間，坐得幾舒服午餐套餐配果茶，加$5可轉其他飲品新款套餐分別有二重貝烏冬同鹽燒花魚。因為二重貝烏冬喺其他分店食過所以今次決定食鹽燒花魚靚就幾靚，燒得都幾好，但條魚真係十級腥，連我平時咁鍾意食魚都接受唔到從來都未食過啲咁腥嘅魚真係好差！以後食返燒鯖魚穩陣啲男友點了滑蛋雞肉，佢表示味道正常。兩個人食咗＄160，價錢可以接受總結: 會再幫襯但一定唔會食呢款燒魚

Honey喜歡吃日式咖哩飯，想起Don Don 屋。相對有些曰式連鎖食肆，Don Don 屋一如在日本吃的味道。Honey點了日式咖哩牛肉飯，加配基本定食set。我曾試過點日式咖哩吉列豬扒飯，其咖哩，跟牛肉飯的咖哩，咖哩味道是不同的，可能由於牛肉的油份溶到咖哩汁裡，更香濃。基本定食有麵豉湯、沙津和高纖小食。豐富美味。我點炙赤蝦魚生壽司飯。魚生鋪滿碗面，三文魚和帶子都新鮮。然而，赤蝦就不太新鮮，有魚腥。而壽司飯的份量也很小。加$10配特飲，我選炭燒咖啡。我喜歡日式咖啡多於意式咖啡，更香濃而不苦澀。

見到了鰻魚飯的廣告已流曬口水又見到facebook上的食客投訴鰻魚很早就售罄所以一放工約6點半就來到很快被安排入座了我想一不想就點了鰻魚飯而友人則點了不同的定食實話說 鰻魚飯有點失望鰻汁小,魚唔夠肥,蔥也干干的個湯是鰹魚湯 是一般鳥冬的湯底吧咖哩蝦飯 炸蝦的粉也太厚吧炸粉是蝦身的5至6倍 太跨張了吧咖哩豬飯 炸豬比蝦好好多有肉汁 旦非常嫰滑 但沒有味的咖哩超濃與無味的旦超夾炸天婦羅烏冬 估不到是全餐最好味的食物 蔬菜炸得超嫰多汁 又熱辣辣雖然是熱氣一點 但很回味

去荷里活廣場睇戲食飯，行過見到塊板寫住喺呢間餐廳食完飯買飛可以減$15 迷你三文魚親子丼（$53)迷你牛肉烏冬（$48)見餐牌有得叫迷你版 即刻揀左兩個，可以一次過滿足晒想食魚生又想食烏冬既慾望份量都唔細 又好足料 兩個夾埋都係$90 多幾蚊珍寶蝦什錦刺身定食（$148)隻蝦堅大 仲要有兩隻 d 肉都彈牙 算唔錯啦其他刺身仲有帶子 吞拿魚 三文魚 玉子同三文魚子基於荷里活廣場無其他日本野食（除左元氣），呢間都算唔錯啦 成功止左好想食日本野既癮

因為太遲先做完d野，搞到想穩d野食都難去到hlw嘅時間，得返依個系仲可以落order，所以就去左食依間。入到去真系好開心，因為覺得終於有野食，之前睇一睇個menu睇落都ok，都幾多選擇，有魚生，有天婦羅，又有咖啡簡，而我最後就叫左個極上天婦羅餅丼黎食，都ok好食。不過d飲品有點貴。

睇完戲諗住6點前食，會容易攞位，但估唔到5點都半滿。叫左兩個飯，加$38可有定食既湯，沙律，唐揚炸雞。滑蛋炸豬扒飯，豬扒鬆脆，肉都算嫩，最鐘意滑蛋夠多，送到晒d飯。三文魚石鍋飯，新野，好熱既石鍋，上檯已feel 到不得了的熱，一定要小心食，因為熱，好快就有飯焦，如同我一樣不喜歡硬飯，一定要快拌勻。三文魚蓉雖然碎晒，但份量好多，加埋紫菜碎同蔥粒，配埋調製過的甜豉油醬汁，唔咸，幾好味。唐揚炸雞有2件，樣貌不太吸引，但估唔到都鬆脆，雞仲有點juicy感，好味。原來睇戲，憑票可甜品，飲品，買一送一，但完全睇唔到宣傳單張，係隔離檯叫先知，士多啤梨芭菲， $40， 仲買一送一，都幾抵，中層有大大粒爆谷。

去荷里活咁多次都係第一次去丼丼屋食-滑蛋雞肉丼✨🕺🏿一上台超級吸引✨飯上面舖上半生熟的滑蛋😍而且蛋好香 👍🏻雞肉都幾嫩無雪味✨但味道較淡流質嘅蛋漿撈飯食好juicy💯❤️✨✨✨✨✨✨✨✨✨✨✨✨✨飯量比較多 女仔食應該會飽到上心口😂唯一扣分嘅係日本餐廳但不是用日本珍珠米 用如係珍珠米就更好啦👅👅👅👅👅👅晚餐黎性價比都還好✨✨✨✨✨✨✨有機會再試天婦羅炸物 ✨🕺🏿同行友人的魚生丼✨雜錦魚生丼✨

平日怕熱氣唔係好敢食炸物，不過呢個炸豬排就真係好得，就算要飲多2杯涼茶都要嚟食。豬排炸得好鬆化，吉列外殼係冇油嘅感覺，豬排炸得啱啱好，一d都唔實，好冧好易食，加埋被滑蛋和汁一齊食，味道好好。而且仲有菜沙律和麵鼓湯，成了我豐富的晚餐。

丼丼屋~總有一間係左近！係囉，唔知點解我去開既地方都見到佢其實佢既食物都唔差，但個人認為定價又唔算平喎雖然我為食，但都會睇下價錢值唔值得既不過都會去食下，如果唔得，下次都免不過丼丼屋既吉列炸蠔定食我每次必點大約百幾蚊賣相又唔錯椰菜絲白飯任加（不過食得幾多丫）有個麵豉湯最正係個主菜，不過飲品要另外點先有睇到就會想食，正又正過，好食又好過平時既放題廣島蠔炸得好香脆，外脆內香又多汁味道恰當，唔會好鹹，好好食椰菜絲亦新鮮爽脆邊係我會返食的一款

丼丼屋其實都食過好多次，但我每次黎差唔多十次有九次都會食佢既十勝豚丼，細size 有4塊肉，大既有6塊，每次都會叫定食，比較抵（大 size $123)塊肉食落有啲似豬肉乾果種感覺，雖則每塊肉瘦的位置較多，但個邊位比較肥，咬落有啲肥油咇岀黎真係好香，食落又唔會漏，加埋個燒汁真係正到不得了，我仲要叫佢加多啲汁添xD跟餐沙律配醋汁好醒胃。今日跟餐加$28蚊有份魚生，魚生都好新鮮。另外叫左個滑蛋雞定食，$75其實都幾抵，滑蛋都唔錯，不過啲雞比較淡，無論如何，我既最愛都係豚肉飯

今天一個人食飯,又不想食快餐,決定挑選我自己喜歡的日式菜式。因為一個人的關係,所以也很容易找到位子,二話不說已經很快看完餐單。決定豪豪地...點了一個特上盛大蝦海鮮丼定食(約$140)因為是定食的關係,所以也配有前菜和湯。這個海鮮定食的海鮮份量想不到也幾多,二個大大隻的海蝦。仲有厚身的刺身,完全滿足到我味蕾。刺身也夠新鮮,食下去也夠鮮甜味美,加上也有帶子和吞拿魚,款式也很多,不會覺得沉悶。而飯也是用珍珠米,粒粒飽滿剔透,所以口感也很軟身芳香,雖然這餐飯並不算便宜,但是用料豐富,刺身也夠新鮮,也值回票價吧!

次次黎丼丼屋都係食魚生飯魚生都算新鮮肥美性價比高今次點左個每日限定既九兵衛三文魚魚子親子丼本身唔太餓怕食唔晒落order時希望可以少飯點知店員話唔得唔可以改餐入面任何既野即時O左咀未試過有餐廳reject我少飯呢間真係第一次上黎open rice睇返原來係「咪0徒野飯店」鼓勵人原頭減廢但係又唔實行。。。希望佢地檢討下發生左咩事餐送到上黎女仔食黎講算多飯但同時都好多魚生有兩片大根同麵鼓湯味道OK，魚生新鮮，自己加少少鼓油吊味，十分出色係飯多左D，不過我都照食晒佢