丼丼屋 (創紀之城五期(apm))

營業中

休息中

我地一家大細都鍾意食丼丼屋，食物選擇多，餐廳又BB friendly。不過都係岩岩先知原來觀塘呢間丼丼屋與別不同，係聯乘鳥開主題店。餐牌款式的確同其他分店唔同，多左幾款鳥開滿腹套餐。名古屋鳥開親子丼定食 ＄135先來一份基本款，最鍾意半熟滑蛋，用蛋汁同湯汁撈飯食，上面仲有隻生蛋黃提味。雞肉腍腍的，幾滑，幾入味。套餐跟湯、沙律、飲品等。自選小食要左刺身，有少少幾件，都相當新鮮。最鍾意呢個甜品，類似寒天果凍的東西，滑溜溜加上黑蜜汁好味。唐揚雞兒童定食 ＄65一睇餐具就知道同其他分店不同。呢度用上熊本熊餐盆，小朋友更加開心。主食有炸雞，相當Juicy。奄列中間有少少肉碎同蔬菜。南瓜同番薯甜甜的。食埋碗湯烏冬已相當肚。甜品仲有忌廉泡芺同蘋果汁，大滿足。北海道名物炸雞丼定食＄92今次期間限定係北海道名物炸雞丼，滿滿嘅炸雞，淋上醬油，好吸引。炸雞仍然維持脆度，中間相當Juicy，醬汁醬油味濃，令炸雞更加濃郁醒胃，送飯一流。呢間分店更加舒適，鳥開主題定食亦相當唔錯，值得Encore。

好耐冇食日本野，掛住丼飯🍣🍣丼丼屋🏠：- 炙燒海鮮丼 🌟🌟🌟🌟- 追加刺身拼盤 🌟🌟🌟- 鳥開親子丼 🌟🌟份量好夠，少飯多刺身，啖啖肉嘅感覺 🤣Lunch set 送果茶🍹

APM餐廳選擇唔多，今次去左丼丼屋食～平日有套餐嗌，套餐會包野飲 湯 小食 同甜品叫左什錦刺身飯 刺身幾新鮮唔錯👍🏻另外咖哩牛肉飯就一般，日本咖哩都係偏甜同淡啲 反而鍾意佢個甜品多啲😂

星期五晚同朋友食晚飯，因為佢想近佢公司多啲，所以就揀咗去APM等位等咗半個鐘，喺條好窄嘅走廊度等，只要你唔覺以行開咗，你又會要再搵個位企喺度等😫終於有位，但張枱窄到根本連電話都擺唔到😩我同我朋友嗌同一樣嘅嘢，加埋個盆，真係多dd位都冇！擺個餐落嚟嘅時候，仲要我專登企起身不捨得為佢放低😩成個餐唯一一值嘅係呢個魚生！雖然我唔鍾意食三文魚，但如果我唔食咗真係乜嘢都冇得食。呢度乜嘢都少，（I mean nothing much to choose)仲得75分鐘俾你。我一向都唔鍾意去啲有限時，同要排隊嘅餐廳，如果唔係為咗我朋友，我係點都唔會去，總之我就係唔會再去啦！

行開觀塘apm，竟然見到喺六樓有間丼丼屋，即刻就同老公入去撐枱腳～坐低先發現原來呢間係新開嘅《丼丼屋x鳥開》首間聯乘店！望住個餐牌，真係樣樣野都想食，不過最吸引我哋嘅一定係店舖推介嘅【鳥開丼物】～最後我哋點咗一個『鳥開芝士親子丼』同埋一個『鳥開辛味噌親子丼』『鳥開芝士親子丼定食』用咗秘製湯底醬汁煮成滑蛋，喺滑蛋上面有香濃嘅芝士加一個蛋黃，仲有嫩滑嘅雞腿肉，口感豐富超足料！定食仲配有香濃海帶麵豉湯，開胃芝麻醬沙律、甜豆同埋黑糖果凍～不得不提嘅係定食包嘅刺身：除咗有肥美嘅三文魚，仲有鮮甜大隻嘅牡丹蝦！一個定食包咗超多野食，仲有杯冰凍果茶，清新香甜～另外一個『鳥開辛味噌親子丼』一樣咁好味，佢嘅特製肉醬有少少辣，好開胃，連埋雞腿肉、滑蛋同生蛋黃一齊食，食完一啖又一啖，停唔到口！呢個鳥開丼物套餐真係好好味呀！

好多人來排隊，見到刺身飯都幾靚，不過我大肚中唔食得刺身，唯有食熟食嘅飯。吉列豬扒蛋飯嘅豬扒都炸得夠脆，不過唔夠juicy, 好彩有蛋汁撈下。個飯係日本米，食落都幾軟幾好食。

丼丼屋同日本名古屋著名滑蛋及雞肉料理專門店「鳥開」聯乘嘅親子丼概念店「丼丼屋×鳥開」🐔🐣我叫左🐔🐥 名古屋鳥開親子丼定食🐂🐔 牛肉壽喜燒親子丼👶🏻兒童定食 - 唐揚雞定食🐔🐥名古屋鳥開親子丼定食🌟「名古屋交趾雞」嘅雞腿肉肉汁豐富 結實彈牙😍 加上用日本🇯🇵新鮮雞蛋同鳥開自家製高湯煮嘅半熟蛋漿 軟軟滑滑 配上日本米一流👍🏻鳥開手羽先炸得好 唔用厚粉 用鳥開嘅得獎秘製醬汁製成 好入味👍🏻👍🏻💛定食： 包括自選小食(「鳥開手羽先」或 刺身)、副菜、日式湯、沙律、甜品及果茶🐂🐥牛肉壽喜燒親子丼🌟加入日本雞腿肉同牛胸腩切片 結合鳥開秘傳醬汁 仲有洋蔥、牛蒡做配菜 將原顆蛋黃拌勻配日本米🤤🤤🤤諗起都想再食😍👶🏻兒童定食 - 唐揚雞定食🌟有鳥冬、唐揚雞、奄列同配菜🥦🍠 +蘋果汁黃豆好少成件脆雞食 但佢今次食哂兩件🤣因為啲肉好嫩易咬

疫情前曾經去過名古屋鳥開，印象十分深刻。據說香港丼丼屋與鳥開首間聯乘店進駐觀塘APM商場，帶來多款親子丼，將當地獨有的丼飯料理帶到香港。於是收工決定去APM 尋找印象中的回憶。店內環境舒適，空間闊落。下單方便，利用QRCODE自行下餐。MENU有不同的定食可以選擇，這一次當然要試最著名的名古屋鳥開親子丼定食。這個定食配有一款小食，可自選刺身/鳥海手羽先。最後選了鳥海手羽先 。定食包含日式湯、沙律、副菜、黑糖寒天和飲品，非常豐富沙律有沙律菜、蕃茄、青瓜，新解爽脆副菜為豆豆配紅蘿蔔絲。黑糖寒天作為一道菜的尾聲，滿足！名古屋鳥開親子丼定食（$135）「名古屋鳥開親子丼」為「鳥開」的代表作，以當地名物名古屋交趾雞的雞腿為主要材料，是日本的純種走地雞，肉質紮實及肉質豐富。配上鳥開謹製的鰹魚高湯烹製而成的香甜滑嫩半熟蛋汁，配上香軟的日本產米，讓我想起家鄉日本的味道！鳥開手羽先（即雞全翼）炸到金黃色，皮脆肉嫩，另用了秘製的醬汁，加上少少的檸檬，毫不油膩，且帶出雞肉的鮮味。最後當然要用甜品作結。

疫情下兩年半冇去日本，好掛住食壽司！同朋友上堂前一於去過下日本癮！😋我地叫左炙燒海鮮丼，最抵係佢+$15轉set，有湯、前菜、飲品、甜品！真係好抵！唔加都對唔住自己！🤩隻蝦好出色！新鮮！👍🏼係帶子同三文魚薄左少少⋯😅甜品係黑蜜jelly~ 都好味！飲品係果茶，surprisingly又唔太甜，好飲！👍🏼整體以日本菜泥講算正常價錢，本來見到個飯以為會唔夠飽，估唔到食完完全飽曬，大滿足！😌

雞蛋愛好者生定熟煎定炒都一樣咁正丼丼屋推出咗一系列嘅親子丼勁多蛋白質，正呀叫左鳥開芝士親子丼定食，刺身好新鮮，而全部定食會跟埋幾件刺身鳥開手羽先(雞翼)一次滿足到我兩個願望佢呢個丼飯係用咗名古屋交趾雞嘅雞髀肉，好滑好juicy 。食親子丼最怕係好乾，但因為佢係好Juicy 又有蛋醬保持濕潤，送飯一流。另外仲叫左蝦天婦羅配碁子麵，個面麵原來係名古屋當地特色食物，再配冷麵試下，天氣咁熱就岩哂開胃小食叫左炸魷魚酥，口感都酥脆，幾正

一到食飯時間都幾煩惱，都唔知食咩好，行到觀塘apm，見到丼丼屋同來自名古屋嘅滑蛋及雞肉料理專門店「鳥開」聯乘嘅親子丼概念店「丼丼屋×鳥開」，正作新推介「名古屋鳥開親子丼」，賣相又幾吸引，決定上前一試。原來「名古屋鳥開親子丼」屬於鳥開丼物系列其中一款，，更係日本丼物比賽嘅金賞受賞，當然要即時下單。名古屋鳥開親子丼🐥這款金賞作品真係非同小可，那半熟蛋汁香甜滑嫩，嫩滑肥美嘅名古屋交趾雞雞腿肉，還有蛋香濃郁蛋黃，真係令一人試難忘。牛肉壽喜燒親子丼🐂🐥這牛肉壽喜燒親子丼真係落足料，他們除了以「鳥開」秘傳鰹魚高湯烹製香甜滑嫩半熟蛋汁，更加上肉質紮實嘅日本雞腿肉、嫩滑味濃牛胸腩切片，雙重滋味。進食時，先戳破牛肉上的蛋黃，蛋漿即時流出，拌上牛肉/米飯，更顯滑溜豐盈口感，令人滿足。

最近約咗朋友去觀塘見面食個飯，揀咗觀塘apm入面嘅「丼丼屋 × 鳥開」，原來係丼丼屋同埋名古屋滑蛋及雞肉料理專門店「鳥開」合作新開嘅聯乘店。呢度環境夠大夠開揚，啱晒我哋黎食住飯傾心事❣️我哋叫左2個定食share一齊食👯‍♀️♨️鳥開手羽先丼(我哋升級咗做定食，就有多杯飲品、果茶、小食同甜品）手羽先用咗鳥開日本總店嘅製法同秘製醬汁製成，整得好脆，配埋個温泉蛋😌真係冇得彈🤟🏼蛋入面係流心，軟軟滑滑，好味！而雞翼下面鋪滿椰菜絲，夾埋飯食，食咗雞翼都唔會覺得膩！甜品都唔錯，個果凍唔太甜，又幾好味！♨️鰻魚丼個鰻魚燒到香噴噴，表面脆脆，裡頭嘅肉夠彈又好咬口！店員話可有2種食法：1️⃣配佢嘅蒲燒醬汁，可以加添鰻魚嘅鮮味2️⃣試完個蒲燒醬汁，就可以加日式湯入飯同鰻魚食2種食法我都好鐘意，蒲燒醬汁味道濃，之後再加個清清哋嘅日式湯真係食到2個不同層次嘅鰻魚👏🏼👏🏼

丼丼屋4月打造首間「丼丼屋 x 鳥開」親子丼概念店，新出「鳥開丼物」系列定食，有親子丼定食、仲有單點開頭唔知「鳥開」係咩意思，原來係名古屋著名嘅滑蛋雞肉料理名店，代表作有「名古屋鳥開親子丼」，勁到喺日本嘅丼物比賽攞埋獎🏆🐮 「鳥開丼物」Beef Sukiyaki Oyako Don牛肉壽喜燒親子丼💰$83 牛肉壽喜燒係我鍾意食嘅，濃郁肉汁仲有用「鳥開」秘製高湯烹製而成嘅香甜滑嫩半熟蛋汁，拮開蛋黃撈埋晒一齊好好食，好滿足😋最估唔到係除咗牛胸腩切片之外仲有日本雞腿肉，口感更豐富🍣Assorted Seafood Don什錦刺身丼💰$98有三文魚、甜蛋、三文魚籽、飛魚籽、帶子粒、青瓜，新鮮好食🐥Deep-fried Sesame Chicken Wings 炸芝麻雞翼💰+$25平時都好鍾意食芝麻雞翼，炸得香脆，醃得剛剛好💰$206/2ppl🚩丼丼屋 × 鳥開 (創紀之城五期(apm)) (觀塘) @dondonyahk 📍觀塘觀塘道418號創紀之城五期(apm)6樓L6-3b號舖#dondonyahk #丼丼屋x鳥開 #DONDONYAxTorikai #觀塘 apm #鳥開丼物 #新店限定

丼丼屋這間日式餐廳價錢平民性價比高和風汁牛肉定食🍱沙律菜清甜和風味噌湯味道一般正常和風汁牛肉定食醬汁很惹味白飯分量適中定食內容頗豐富配上清新一口的甜品十分飽肚！

有一段時間沒有到丼丼屋用膳，今次到觀塘創紀之城分店， 點了兩款比較吸引的定食🍱🤩，牛肉壽喜燒定食$150、拖羅丼定食$158。 牛肉壽喜燒定食🍱 ～ 有湯、沙律、刺身、副菜、甜品和果茶，牛肉鮮嫩， 雞蛋沾上牛肉， 口感更加滑溜， 壽喜燒味道甜甜的， 拌飯很不錯。 拖羅丼定食🍱 ～ 有湯、副菜、甜品和果茶， 拖羅有三件😋， 油脂味重， 厚切肥美。 一向幾喜歡丼丼屋的定食☺️， 價錢相宜又美味。     丼丼屋 (創紀之城五期(apm)地址: 觀塘觀塘道418號創紀之城五期(apm)6樓L6-3b號舖