丹麥餅店

營業中

休息中

經過這裏,醒起這裏的包好吃,叫了魚柳包,魚柳新鮮炸起,配合沙律醬,但實在太熱,食得很狼 狽, 又想趁熱食,唯有毫無儀態極速食完.有機會會試下漢堡.凍奶茶亦不錯.

在順吃完午飯後，跟女友慢慢步行過來銅鑼灣為公司辦點事，在途中突然下著特大暴雨。在我們停在路口避雨之際，回身一看，怎麼覺得這店的名字那麼面善呢﹖啊﹗原來就是昨天同事跟我說炸雞脾非常美味的的小店~既然無心插木中柳柳成蔭，那就買一隻來試試吧~即炸的雞脾外皮鬆化脆口無比，也醃得相當入味，唯一美中不足是店員在雞脾的背後"切了一刀"，這樣做雖然能確保雞脾可炸得更透澈，但是卻犧牲了雞脾的肉汁，實在很可惜~暫時來說，排行第二的是時新，而第一位就是在黃金海岸商場那間茶餐廳的作品，當然這只是以我的標準來說而已~

頌記得第1次黎食個時係夏天.見到間舖暗暗地.係無位坐嫁.要比左錢先.跟住同人講你要乜包.全部都係即刻整.要左朱扖包同魚柳包.朱扖係普通貨式.但佢個包同佢d醬做得好好.成個包都好好食.我覺得魚柳包最好食!不過買完要即刻食既話就要一路行一路食.有d "lee hea"...

加了價大約七點帶朋友來，我不想吃炸的，便買了熱狗（＄７）：個包係最好，外微脆內軟，條腸係『廚師牌』沒有什麼特別。沙律醬多一點較好。個人認為『宜家』的hot dog好好多，好鍾意宜家的超長脆皮腸，而且又平Ｄ我介紹了朋友吃豬扒包（＄１１），她認同豬扒係鬆軟但只屬一般，醬可多點凡事也不要抱過高期望吧

喉嚨痛, 買藥後經不起心魔的攻擊還是決定要來這裡試一試豬扒包小店外表很有80年代的感覺, 點了一個炸豬扒包, 是即叫即做的麵包尚暖, 外皮微脆, 內裡鬆軟, 最難得的不黏口, GOOD豬扒比較薄, 不過麵衣也薄, 不油膩, 咬感一般整體來說是 Above Average, 很有風味的一個豬扒包吃畢, 喉嚨更痛....

再一次食丹麥O既魚柳包'即叫即整即食'好好味

昨天要到南華體育會上水上安全章,跟同學仔到禮頓道一建築物內的茶餐室吃了一個下午茶餐,途經這麵包店,外面沒有任何裝修,驟眼以為是一間荒廢了的舊屋,怎知同學仔猛讚這店的麴包好好味,雖然剛剛吃了豬扒烏冬,也禁不住買了一個豬扒包留待上完堂吃走進這店子,給牫的感覺是環境好差,內裏空氣不留通,好熱,充滿油煙味,廚房是設在門口,你可以看到滾油在鍋內怒吼等了一會,熱騰騰的豬扒包接到手,以為一定好油淋淋,怎知紙袋一點也不油,因實在太熱了, 一定好熱氣,加上剛剛吃完烏冬,正想收埋遲點才吃,怎知同學仔極力推薦趁熱吃仲好味,於是待放涼了一點後才吃,哇,一入口,己感豬扒肉質不错,又不油,麵包夾茄醬,豬扒一口咬下去,暖暖地,真係好好味.價錢又不貴, $11. 但因比較匆忙,沒有留意還有什麽食物,如果可以坐低慢慢食就更好,有時間一定再次造訪這間鐡幕式餅店,真想不到在銅鑼灣這鬧市,有一間不外表不揚的餅店

其實我都算係熟客仔, 我比較欣賞這裡的奶茶. $9蚊有杯有"茶"味兼且茶味適中的,都算係咁! 我比較喜歡basic的麵包, 我又覺得這兒的麵包有homemade feel.幫襯了好幾次以後,最欣賞老板娘記住我的order practice. 之後次次我行入去佢都自動幫我落order, 倍覺有人情味呢!

2008年2月23日上午9:30 行過點都抵擋唔住係d紙包蛋榚o既誘惑, 一定要食番個, 好香蛋味啊! 又鬆又軟, 正! 香港區佢都算好正嫁啦! 但係點都唔及九龍麗香園.

店子外形懷舊,暗暗黑黑,一直吸引唔到我入去,只係覺得個開放式炸野工房幾得意~直至睇到d食評咁勁,無理由公司咁近都唔試試~叫一個魚柳包($11)同雞比($11)~買完後我遊蕩差唔多15分鐘先食...以為一定會凍曬唔好食啦,點知打開個膠袋仲feel到d食物warm笠笠~竊喜~立即拎個包出黎咬落去--咬落第一層,d包同間店一樣懷舊!外皮微脆,軟軟熟熟,有好香o既面包味,而且絕對唔係美心o個d落好多膨漲劑攪到鬆泡泡成隻化學製品咁~~之後食到塊魚柳,雖然好薄又係雪藏貨色,但d肉質都幾層次分明唔會林bei bei,最妙緊係d醬!!-->蕃茄+沙律,溝埋d油油地o既魚肉....感覺超良好~~至於隻雞比~ 咸咸地,塊皮炸到脆卜卜,中-大size~ 但由於比較歡喜滷水o個種,所以懶懶地話比大家聽"都唔錯"算嚕~~食得好滿足,下次會試下其他包(單睇樣,蛋撻同老婆餅都好突出)~

hotdog d包五得, 軟淋淋五好食, 腸仔好好食, 雞脾好味, 不過雞翼重好食, 朱扒包d朱扒好溥五好食. ice lemon tea 好淡, 總括都好食既

以前成日經過, 亦見過好幾次打哂”蛇餅”，不過由於唔喜歡等所以一直都無試．今日6點幾經過，買左個漢堡包（加左價$7），不過個漢堡應該係煎定所以唔駛等．摸上手微暖，入口，包微脆而鬆化，醬汁甜甜酸酸，唔錯但亦普通．但漢堡扒真係好差，係ｏｋ厚身，係食到ｄ洋蔥咩但就無乜肉味，更加無肉汁，最差係口感，淋bat bat，好似加左好多粉，好糊．．．再試就唔會，至於是否物有所值就見仁見智啦！

送走了舊同事，在利園附近閑游時無意發現了丹麥。看食評多了，一直想來看個究竟。小而舊的鋪面，一面是已經花斑斑的玻璃（OR 膠板？）麵包柜，一面是簡單的熟食爐頭。要了個豬扒包。麵包輕微烘過，加上茄醬沙律醬，再放上剛從炸鍋中撈起的薄豬扒，便大功告成。豬扒是即叫即炸，可是沒有什麽味道可言，即使混了各樣醬汁，也起不了什麽作用。整個包的最大好處就是夠熱辣辣，否則只屬非常非常一般。

一講本地創作，好多人都會想起時新。當然，時新是一個經典而又是近期被受寵愛的其中一間。但係，大球場附近還有一間，相信在大球場睇過波，又有番咁上下年紀的人士對呢間野都唔會陌生。路經此地，有點口痕，來這裡買個熱狗食。最簡單的一個包，腸仔是用一部唔知點形容的滾動著的機器烤熱，加上些少沙律醬弄成。好簡單的制成品，與我讀書時小食部的熱狗完全一樣。唯一不同的是當時在小食部賣$3，經過十數載後呢度既售價已係$6。仲見到好多小學生來買魚柳包炸脾。見到呢班小朋友，真係唔認老都唔得。

去伊呂波之前，肚餓到頂唔順，先嚟買D嘢食住先...本來諗住買熱狗，點知見到油爐上嘅炸脾，流晒口水，決定轉軚...不停地出爐，新鮮滾熱辣。從張相望落去，真係似一條牛脷酥多過炸脾...俾完錢邊等邊睇住師傅炸嘢，發覺D雞牌係預先淥熟才放入油爐炸，有D失望...炸起即食。辣口，皮當然脆；油就一定預咗多。食落入面嘅肉冇乜味，太乾身，不夠juicy...好生失望...跟牛頭角日月星嘅生炸雞脾，差得遠矣...