丹麥餅店

營業中

休息中

次次路過呢度都想試, 但次次都因為1) 唔知食乜好, 2) 唔想一路行一路食0野而打消念頭, 今日就因為食lunch 毫無頭緒, 0黎了呢度買個港式漢堡包($6) 試試.漢堡包即叫即整, 不過好快有得食... 個包微暖, 唔係咁脆, 茄汁多到beet 晒出0黎, 仲有半溶的無味卡夫芝士, 漢堡扒口感麻麻, 不過都幾juicy, 而且幾有肉味. 呢個港式漢堡包質素唔及時新, 不過$6 一個係抵得不能再抵, 算啦.下次會0黎買炸脾試試.

係聖保祿睇完醫生, 路經呢間麵包店, 人山人海, 排哂長龍, 咪抱住羊群心態, 排埋一份。我買咗最多人買嘅雙腸熱狗及熱奶茶, 杯茶夠濃和加咗好多奶, 勁好飲。腸仔加上d奶白色嘅醬, 幾特別, 但係嗰飽焗得太乾, 令到隻熱狗唔好食, 失敗!

熱狗多醬: 個飽幾脆, 但係就好似啲傳統飽咁較實, 啲醬幾油下, 但係整體都算幾好, 不過又唔值得專程黎試可能人少, 所以啲阿姐都幾好人

從小到大於此經過不下數十次亦知這裡頗有名價目表看得有點眼花瞭亂最終要了吉列豬扒包不知何以即整豬扒也不熱不脆(?!?!)亦薄薄的,吃得令人空虛;頓時心底一沉單計包微暖軟腍腍,加茄汁又沙律醬配角的它立時升格另外有位呀姐於排隊時無故搶去我的票細聲自言自語愕然十數秒後經收銀呀叔解畫原來呀姐是員工,她見我四處張望便想幫我排隊取包.....希望下次光顧,漢堡包不會再令我失望

由於現在逢星期五都要練跑，一定要食少少野依肚中學果時成日黎食～直到而家都無加過價～豬扖包＄１０（７／１０）～過豬扖炸竹唔錯而且介好大件。～又薄又脆～不過就無咩味。漢堡包＄６（８．５／１０）～好食～有洋蔥味，而且係有肉汁的，拍得住ｆｒｅｓｈｎｅｓｓ　ｂｕｒｇｅｒ～６蚊就有咁ｇａ質素～十分好～以前呢道ｄ薯條都唔錯～不過已經無賣好多年ｌｕ

個個都講呢到的豬扒包, 其實我覺得一般, 唔係差, 不過又唔係講到咁好食, 豬扒係勝在薄&淋, 但就冇乜味囉~反而凍啡就好正! 用黑白奶, 又香又滑, 如果叫少甜的話更加飲到咖啡味!經開銅記呢頭, 我反而想飲他們的凍啡!

我響附近學校返學，lunch好多時都會幫襯丹麥。最推薦的就係豬扒包，即叫即整。豬扒即刻放落去炸，豬仔包又係即刻開邊烘熱，加埋茄汁同埋沙律醬。咬落口豬仔包暖暖地，軟綿綿，豬扒就熱辣辣，而且好香脆，加埋ｄ醬真係好好味！熱狗都好好食，好新鮮，熱辣辣！同學有時就會買漢堡包或者魚柳包、炸脾、炸薯條。食過魚柳包同漢堡包，個人始終最喜歡佢個豬扒包。炸脾未試過，因為覺得好似好大隻。炸薯條係冇鹽的，不過我覺得油左少少，較喜歡麥記果種，唯一好o既係夠新鮮熱辣，即叫即炸！月尾冇咩飯錢就成日幫襯！佢地其他ｄ麵包都係抵食夾大件！最常買甜餐包同菠蘿包，兩個半大大個！抵！鋪頭收錢果個婆婆都好好人=]

星期日，路經見到此食店，記得openrice的食家對此食店有不錯的食評，即使不餓，亦要去試試，貫徹我為食的性格。去到，因為唔食得炸物，所以叫了一個普通的芝士漢堡。入到去，見他們不斷的煎漢堡扖，同烘麵包，所以好快俾到個飽我。我急不及待咬一口，暖笠笠，唔錯，飽內加了茄汁及沙拉醬，都幾match。但最特別的是漢堡扖，口感不是平常的，我想是自家制，個人覺得不是全肉的扖，但反而給予另一番味道。雖然普通，但幾好味，可以再試。

早幾日番工之前突登走過黎呢度買早餐,睇左兩睇決定買漢堡包!即叫即整,唔洗1分鐘就出番門口,食落口麵包面烘過,微溫,唔知點解自己好喜歡呢個包!漢堡扒都係微溫,有d肉汁,都幾好味!食完好飽,係1個好滿足既早晨!$6個漢堡包就可以令我咁滿足,抵呀!

在銅鑼灣工作多年也從未聽聞，直至最近放工後趕去附近上堂才驚覺這老字號的存在。實不相瞞，只試過豬扒包魚柳包和腸仔，豬扒魚柳都不是十分好味那種，但很香脆鬆化。麵包是剛從微波爐叮完拿出來的，拿回課室吃尚有微溫。只加茄汁和沙律醬，簡簡單單，卻足夠讓我滿足整個晚上。試問現時哪還可以找到即時在你面前煮熟好味的美食，讓你在繁忙的一天那緊餘的一點進食時間得到溫暖的感覺...當我見到趕來購買的西裝客，學生，OL和街坊時，便覺得我沒有來錯!

次次只會幫襯漢堡包,感覺上貪佢即叫即整,包內塗上茄汁及沙律醬,乾脆利落.

咁多年都係最愛豬扒包, 軟棉棉既豬仔包, 熱辣辣既炸豬扒,mayo + kitchup...最重要係份親切感

食過這裹的豬扒包和熱狗,以這個價錢食到這個質素的食物也算不錯了"只是服務態度真的不是太好.

港甲開鑼戰南華對傑志,又是光顧丹麥之時.這間屹立在加山口幾十年的老店,見証著香港足運近代的興衰史.睇波實在不能沒有吃,在英國就一定是炸魚薯條加啤酒,在香港就當然是港式漢堡包,炸雞髀,同波浪薯條.時間緊逼,打包入球場吃,熱狗十年如一,香腸如是,最大賣點是個加料的卡夫醬,無論怎樣平凡,在香腸上塗上其自製醬汁,登時有點精之效.魚柳包的魚柳即炸,雖然用急凍班柳,一樣比老麥的無Heart貨色好吃得多.由精工對南華,二萬八扯紅旗,到今日榜首大戰得三千多人入場,草場上的球味不再,手中的熱狗食味仍不變.不過,身為昔日精工球迷的我,看見南華落筆打三更,心裏還是沾沾自喜....

趕著去球賽，未吃東西。途經這裡，正好買點東西填填肚子。已幫襯了這裡近30年，例牌一個漢堡包，聞到炸脾的香味，又來一隻炸雞脾。漢堡包的包是凍凍的，塗一點茄醬，沒有牛油似的，漢堡也是凍凍的，整體感覺一般，不過6蚊一個，又真係便宜得嚇人。炸脾炸得皮肉分離，皮不于脆，肉亦乾鞋了一點，雖然下了淮鹽提味，欠缺了炸雞脾應有的風味。不過賣10蚊，又係平平地的。以前都唔覺咁差，下次都係睇番對面麵包櫃的出爐麵包就算。