丹麥餅店

營業中

休息中

和朋友仔決定1月去北京。選擇自悠行既我地之前係深圳書城見到本搭地鐵遊北京既書，好可惜只剩下甩頭甩尾既1本，還是返黎香港去新華書城睇下有無啦。行去新華時途經呢度，當時剛好放工時間，唔少人都黎呢度買個包頂下肚，朋友仔都忍唔住，買左1個豬扒包。只見一個女人負責炸雞脾豬扒魚柳呢d肉類，另一個男人就整包，都幾整整有條。朋友仔肚仔餓，我等佢食左半先食，雖然只係相隔幾分鐘，但豬扒包已經不太暖...頗喜歡麵包既咬感，烘過後有點脆卻又不會乾。加上茄汁和奇妙醬，是很港式既味道。至於主角--豬扒--是十分鬆化，但一點肉汁也沒有，失色了......

小學與中學的陸運會，都是假座南華球場舉行，每年都會經過這店入加路連山道，每次望著轉動的香腸和扒爐上的漢堡扒，香氣四溢，真是垂涎三尺，可惜袋口零用錢不多，祇有眼巴巴的份兒。時至今日，雖然經過這店不下數百次，但都不會停下來多望一眼，可能人在變，口味在變。曾幾何時，很想買一隻古典帆船模型來砌，砌帆船比一般飛機坦克複雜百倍，怎樣拉繩，結繩結，上色等，很多攪作，但太貴無錢買，曾告訴自己，大個一定要買一隻來砌，到現在？無諗過買，我就算唔嫌煩，都無地方擺。講完「肺」話，講返個漢堡包，今日路過，雖然唔餓都要買一個圓童年夢。包唔係好大個，塊肉亦係，肉上面有 mayonnaise，下面放茄汁，包身暖，咬落無汁流，但不會乾啃啃，無洋蔥的香味，但吃後不會有胃氣湧上，味道調較得恰當，份量不太，剛好適合不太肚餓的我，食完開心晒！

補回11月尾的食評,boss訂左agnes b 拎蛋糕,lunch hour 幫佢去拎,順道買個港式漢堡包試下先~好多人排隊買~多數都係買豬扒包~但我因為唔想熱氣,都係要漢堡包啦~因為即整熱辣辣,所以味道ok~包係甜甜地的.少少醬, 漢堡唔係好大塊.其實揀咩餡料都係呢個包架喇~所以冇分別.食過呢間都係覺得時新係最好~(以港式漢堡包黎計).

如果唔係老公話我知丹麥餅店的豬扒包好出名和好好味,我諗即使我行過都唔會識得入去幫襯 整間店十分懷舊, 豬扒包係即叫即整, 麵包烘熱, 豬扒炸起十分熱辣辣, 咬落內裡一邊茄汁另一邊奇妙汁,好滿足而且仲好飽肚即沖奶茶亦十分可口, 好夠奶又夠甜,我好鍾意 丹麥餅店俾我一種好懷舊的感覺,我想喜歡的應該唔只食物, 還有那種懷舊的情懷

咁岩經過呢間餅店，遠遠已經聞到香味見到店員都在即場夾包，就買一個試試!豬扒包, 十一元一個豬扒是炸的, OK 鬆軟包很香, 很軟另加, 這個包是一面茄汁, 一面沙律醬茄汁很有蕃茄味, 似茄膏沙律醬都很香見到還有漢堡包和香腸包, 下回要試試!

15/11/2008 約2:45pm睇完一場欖球賽,未食lunch就出黎買野食由於近排太熱氣,所以唯有選擇非炸類既熱狗($7)包睇住佢烘過,腸是熱熱的放落包裡,連同沙律醬,正友人食豬排包($11),一樣烘過的包,豬排睇住佢用滾油即炸放落袋度都熱辣辣,佢激讚好味呀,話我冇介紹錯 一個包填肚,再飲些水剛剛好,又唔餓,夜少少打波又唔怕會嘔這裡可以說是唯一的不二選擇

　　那天去完圖書館去搭車行經見到這間非常舊式的快餐店，第一時間走入去看看，門口玻璃櫃內的麵包都很舊式的，很特別很開心啊！看看餐牌樣樣都想食立即叫了一個漢堡包＄６，豬扒包＄１０及熱狗．漢堡包內有茄醬及一些白色的我想是他們秘製的醬汁罷，一口咬下去，漢堡肉應該係用人手造出來的，肉汁鎖在肉中，白色醬汁甜而不膩，真係好好味；熱狗一般而豬扒包都很正不油膩，大件及脆身．　　平，靚，正．．．一再回味．

一早, 幫公司搞拈野. 係利園附近. 當然去呢間舊餅店買個傳統靚包. 老店, 有著古式的炸爐, 烘爐. 電爐煲茶. 所有爐是黑黑的, 可以稱為半古董. 豬扒包, 即叫即炸, 而且不油, 加上少許茄醬, 是一個確不同的豬扒包. 電爐奶茶, 香濃的, 舊式奶茶甜味由奶茶師父來定, 平常好多時都攪唔勻. 今次沒有攬, 飲到落底都沒有糖剩杯底.終於一嘗丹麥餅店, 麵包靚之餘, 奶茶又得, 見到漢堡, 熱狗, 全部都好想食. 不過....早餐, 有限胃口.

而家好少可再見到一d好舊式o既餅店囉見到佢咁多人，無論小學生，上班族，太太，揸車經過o既人都會去買個包黎食一間小小o既餅店，無裝修可言，睇落好落後但係就偏偏我去3次，3次都係不停有幾個人排住隊咁買包食仲有，佢整包同埋煎野食o既用具都好舊，我之前都冇見過漢堡扒係即叫即整o既，其他所有包都係即叫即做o既，食落口熱烘烘o既平均一個包10蚊一個我食過豬扒包，魚柳包同漢堡包最好食係豬扒包我朋友話佢覺得lee間o既豬扒包整得仲好食過macau o既而其他兩個都唔錯嫁

本想到榮記確定位置, 路過丹麥餅店, 次次都僚過門不入, 今日真係餓到 “牛牛地” 漢堡飽 $7 只要茄汁, 飽面有 微香脆, 肉質豐厚, 口口都咬到洋蔥的香味, 不是太juicy, 但好味 ! 下次想食炸石班飽呢

從幼兒園到格子裙年代, 丹麥已陪伴我及無數人走過了十多個年頭. 小時零用錢不多, 2塊買一條雞肉腸是便宜又滿足的選擇. 腸不是煎亦非炸, 而是放在圓形滾筒上保溫.個人最愛非豬扒包, 而是漢堡包. 沒有任何特別, 只是略乾的一塊漢堡扒上有茄汁及mayonnaise. 但醬的份量剛好, mayonnaise甜滋滋, 茄汁酸溜溜, 小時吃起來滋味無窮.豬扒包好吃與否講運數, 好運的話新鮮剛炸好, 皮脆多汁, 不幸的話..... 乾得咬不動呢~要吃炸物的話寧選雞中翼而非雞全翼, 因全翼炸的火候較難控制, 水準不穩.酥皮蛋塔, 老婆餅, 雞尾包不俗吃~唯一容不下的是薯條, 不知老闆是否抱"我食鹽多過你食米"的心態, 薯條鹽的份量無限量加強, 鹹得吃不下呀.....四眼老闆娘頭髮由白變黑再變白, 難得她仍認出我們一群"百厭星", 偶爾還會遇見她的"貓大帝", 從我第一次見那貓的一家N口, 算起來現在的"大帝"應是孫子了.

係就係好多人話好, 好多人排隊.但係我就未覺有幾咁正.雞脾又唔係話好滑. 係炸得香香地咁0者.個豬扒包又唔係太好食, d汁都唔覺得好好味.蛋撻都係好一般, 仲要$3, 貴過好過街舖好多.

這天第一次來，看著餐牌上猶豫了一會不知吃甚麼好，最後決定要了魚柳飽，另外還要了一隻熱狗。這裏像一般小食店，先付錢，然後去等廚房整包。店內沒有座位，所以只能買走邊行邊吃。特別值得一提的魚柳包。魚柳飽魚柳是即叫即炸，而且炸得剛剛好，外面很香脆而內裏依然是嫩滑的魚肉，最好就是買了之後即吃，這樣便最新鮮香脆了。而配的醬汁基本上可以隨自己喜好而改變，茄汁，沙律醬等任均選擇。午餐或下午茶又多一個平價的選擇

由於丹麥餅店位於本人母校附近，一直對此店都不陌生，特別是那熱熨熨的腸仔，簡直是人間美味，但當我還是初中的時候，丹麥只是我的次選，如果要食炸薯條炸雞脾，必定會去舊新光戲院附近的小食店買，唯其後小食店沒再做了，丹麥成為母校附近碩果僅存的一間港式小食 / 麵包店今日由於入大球場睇波，順路買了一個魚柳包($11)，師傳先於麵包內加上茄醬及沙律醬，再把那比麵包更大又鬆脆非常的石班魚柳放上去，完成! 輕咬一口，再一路沿棉花路直入球場，美味的麵包加上美好的中學回憶，我就是欣賞那份簡單，那樣港式 值得一提是丹麥附近開了很多新鋪，希望老店仍能頂得住，好讓我的師弟妹能享受那種港式風味吧 ^^

跟親愛的係cwb配完眼鏡片便行去維園游水因為親愛的未食野, 於是便順道帶她試中學附近的魚柳包原來親愛的都聽過依間鋪頭的~要了魚柳包, 魚柳當然係即叫即炸包也是烘熱的, 再加上沙律蕃茄醬魚柳包便新鮮出爐了 : )炸魚柳鬆脆, 雖然不是甚麼靚魚柳, 不過跟沙律蕃茄醬很夾, 比老麥的新鮮很多但係點解有骨o既?