中記

營業中

休息中

兩個男人收工 又想飲吓啤酒 行行吓朋友就介紹咗呢一間灣仔街市上邊嘅中記小炒 位於喺駱克道街市 河，方便搭電梯就可以直上 轉右第一間就係由於朋友係熟客嘅關係 今次決定等佢介紹！我哋兩個人就叫咗芝麻雞，椒鹽鮮魷同埋一個炒菜。大部份菜式都係$60-$70呢一個價位，以晚餐嚟講呢一個價錢真係好抵，港島區冇乜地方可以做到 啤酒就大概25蚊支，配上打卡一流既戰鬥碗，爽 好快就拎咗白飯同埋例湯俾我哋 出奇地 呢啲都唔使收費 可以任添 啱晒食量大嘅朋友，我就食唔到咁多 食物質素都係茶餐廳水平，不過不失！但係環境就比較嘈吵，如果對環境質素有要求嘅朋友可能就未必咁啱！overall 每人$100多啲，真係非常抵食

在灣仔食大排檔，上咗市政大廈上面的大排檔。6點上到去，大部份食肆都沒有客人，見到這一間最多食客。環境真係麻麻，坐低見到枱油油的，還有飯粒。但朋友話，大排檔預咗㗎喇。廚師推介價錢也不貴，非常便宜。還有串燒。廚師推介：蜜瓜炸脆奶 $68很少地方有炸奶，還算挺特別的，外脆內軟，但蜜瓜奶有少少香精的味道。廚師推介：野生椒七彩牛柳絲$88非常普通的一碟餸，牛柳絲好鹹，沒有白飯真係入唔到口德國鹹豬手$118豬手是微暖的，皮有一些是脆的，肉少少韌。真的非常普通。三個餸 $280，價錢是便宜的。見到午市套餐$36 ，的而且確是非常便宜的，但在進食的過程中，真的看見一隻很大的老鼠走過，馬上胃口也沒有了。可以理解，街市樓上是非常污糟，但老實說，當真的看見的時候，還是很難接受的。唯一可取，就是價錢便宜了。

平時老公踢完波都會同啲波友去中記到食飯，所以今晚決定都帶我去麻甩一下🤣今晚禮拜日都唔算太多人，一去到就有位唔使等。一坐低姐姐就拎咗碗筷同埋兜水俾我哋洗，老公大力推介中記嘅德國鹹豬手，我就揀咗個炸蜜瓜脆奶同埋細既蠔仔粥。見到佢仲有好多菜式好吸引，例如金沙涼瓜同埋士多啤梨骨，可惜都係得我哋兩個人真係食唔到咁多🥲地下比較油，但都可接受第一樣上菜嘅竟然係炸脆奶，心諗會唔會係炸定😳一啖咬落去吐都吐唔切，熱到出煙呀🤣外層炸漿好薄好脆，而且炸到好乾身，一啲油益味都冇，入邊嘅蜜瓜奶我相信都係X他牌子😏隻味一模一樣㗎，好彩唔會話好甜同漿口細蠔仔粥每人都可以分到兩碗，而且入邊嘅蠔仔係我見過咁多間蠔仔粥裏面最大既😳份量都好多，唔會因為佢大粒而比少啲不過味道就偏鹹，而且冬菜味好重，落少啲冬菜就好啦少少美中不足嘅就係冇芹菜碎同芫荽🙈德國鹹豬手嘅豬皮非常之香脆，而且肥膏唔算太多，豬手肉亦都非常之嫩口😻可以喺熟食市場食到個咁高質素嘅豬手真係好喜出望外埋單都係$234😻抵食到爛呀！！！！

椒鹽豬排飯 都算得上係大排檔/茶記餐牌既必基本配置 當灣仔區既椒鹽豬扒飯動不動都要$60左右既時間 今日手多多搵到間係駱克道熟食中心入面既《中記》有$30既椒鹽豬扒飯仲要配嘢飲 (下午茶)🤯 平到擦新我嘅三觀 決定會一會佢🤔椒鹽豬扒飯 (下午茶 $30) 炒底 (+$6) + 熱奶茶 + 外賣 (+$2) 佢既份量真係唔少 啲飯滿到個蓋都就黎冚唔實 豬扒都有五六件👍🏻 啲飯炒得粒粒分明 口感軟硬適中 鑊氣夠既 無咩調味 旦撈埋啲椒鹽配料 個味係啱啱好😉 豬扒味道正常發揮 唔會乾到咬唔到 亦唔會話好勁既鬆肉粉味始終都係外賣 十幾分鐘嘅路程 再脆既豬扒都會冧哂🥲奶茶入口都順滑 茶味同奶香都balance既 加一包糖甜度啱啱好 唔錯😋以$38蚊呢個價錢 唔會比其他賣緊60-70蚊嘅差 係灣仔區黎講 佢既CP值係爆哂燈🥰

晚上去了駱克道市政大廈吃晚餐，其實已餓了很久，因為美食展內不可飲食，只能偷吃一兩粒試食的零食，在肚餓下吃東西特別開心。我們選了中記，因為它小菜選擇多，而這裡吃飯都價錢實惠。黃金蝦，鹹蛋黃味夠香又不太油，蝦較細隻但都有少少鮮味。比較少見到有田雞菜式，所以選又勝瓜炒田雞，田雞份量幾多，夠味。蠔仔粥是最差的一個菜式，湯底只是鹹，毫無誠意，完全不想吃下去。豉椒炒蜆，有鑊氣，蜆都算大隻，朋友話有少少沙，我就唔太覺。人均百五，幾抵食。

香港嘅大排檔鑊氣小炒買少見少.可以話絕跡咁滯.想懷緬過去港人風味.受港府的條例管制.難上更難.遺失的港風的味道！今日我介紹一間係灣仔駱克道市政大廈熟食中心二樓嘅《中記》呢度賣嘅嘢全部都係過去港人熟悉的味道！今日我嚟到呢度係嘆佢哋超底嘅下午茶！我哋點餐如下：1. 馴名豬扒星洲米 X1 $30元 配餐飲：凍檸茶要加$3元2. 咖喱吉列豬扒飯 X1 $32元 炒飯底要加$6元 配餐飲：凍鴛鴦要加$3元馴名面豬扒星洲米.豬扒超多份量.件件大件肉厚.米粉係用幼身嗰種.咖喱炒得乾身.唔會成碟油.👍😋😋😋咖喱吉列豬扒飯.件豬扒大過我塊面.飯底要炒底.炒得剛剛好.唔會太濕或者太乾.粒粒飯還有蛋香味！👍😋😋😋

炸雞髀配炸薯條🍗$28成日諗唔到有咩食🤔結果又走咗去下午茶😂以港島區嚟講，呢度食嘢嘅價錢，真係無敵😚今次第一次食炸雞髀😆真係即叫即炸，新鮮熱辣辣😏雞髀好大隻，炸到好乾好脆😎薯條炸到金黃色，香脆可口☺️包埋熱飲，抵食，唔錯👍中記 (灣仔)灣仔軒尼詩道225號駱克道市政大廈街市熟食中心2樓 CF9-13 號舖

一間以平見稱而廣受歡迎的大排檔,發覺除了價錢平之外,其食物質素,服務,衛生可以用恐怖兩個字形容.一間位處熟食中心的食店,衛生一般是可預見的,但我從廚房門口望入去,眼見廚師不但食煙,更徒手將煮好的食物扒到碟上.食物柯打了超過三十分鐘,肯定是走了單,我親自到廚房口請侍應追單,廚師聽到話就出,佢地根本冇睇過,事實係連單都冇埋,佢哋係唔會煮的,最差是我一共追了三次,都係咁回應,最後只能埋單走人.講到食物亦非常不堪,免費送的白飯是石仔飯,香酥檸汁雞用雞球唔用原塊雞扒,肉質硬實,黑椒薯仔牛柳粒,牛肉又靱又硬,明顯煮過火,豆腐支竹火腩煲眼見比較順眼,但第一口的枝竹竟然是凍的.說實話,我覺得任何一間兩餸飯店都比呢間名店好得多.

好耐冇行灣仔，朋友介紹街市熟食市場入面有間叫中記既小炒，非常抵食，就一於去試吓啦。上到去坐位闊落，感覺上幾乾淨，餐牌亦都多元化，幾適合一班朋友黎食，重可以飲番幾杯🍺🍻咸蛋黃炒鮮魷，好好食，好夠鑊氣，真係唔錯。😋😋😋😋沙律骨夠入味，抵食大件，份量十足😋😋😋😋串燒就叫左雞翼、牛柳粒、雞軟骨同芝士丸。灑上七味粉孜然粉，十分惹味😋😋😋😋蒜蓉牛油焗秀珍菇，好香，好好食😋😋😋😋

打完羽毛球，見樓下街市有熟食檔，好鬼肚餓，嗱嗱臨去食個飯先🤣求其揀咗間，中記，因為見到好似最多人食，望落去大部分都係熟客仔，講真，我都幾年冇去街市食嘢，估唔到環境都好乾淨。同朋友仔叫咗個焗豬扒飯同焗肉醬意粉， $42一個餐包嘢飲，真係好抵，不過佢嘅下午茶仲抵，但係太肚餓，食個飯先🤣豬扒都幾大件，飯係炒底，芝士、蕃茄、菠蘿，全部都唔少，咁嘅價錢真係好有誠意。意粉啲肉醬都係，多到滿瀉。要推介金茶王，呢杯奶茶真係幾好飲，夠濃夠香，比普通茶餐廳好飲，值得一試👍🏻總括嚟講，真係平靚正。

街市既熟食中心雖然環境不討好，但其實隱藏左好多美食，今次就去左灣仔熟食中心尋寶，呢到既座位都幾闊落，冷氣都好夠凍。今次我地試左兩個下午茶餐，包括炸雞脾配炸薯條同招牌西多士，跟餐有飲品，我地就叫左凍奶茶要另+$3。炸雞脾火喉控制得宜，炸到外脆內嫩滑，仲要好juicy，配埋炸薯條，都只係$28。西多士內裡好鬆軟，仲搽左花生醬，夠曬正宗，而外面又吾會炸到過曬火好硬，好岩我口味，而價錢都只係$23。熟食中心租金比較便宜，所以相對價錢都比較經濟，不介意環境問題既可以去尋下寶，發掘更多美食。

一向都好小食大牌檔的我，聽朋友講話呢間芝士焗豬扒飯好正，心諗點正，今日咁啱又去灣仔政府大樓有D文件處理，擇日不如撞日，就同同事一齊去試吓睇吓有幾正先，一吃之下，果然真係名不虛傳，又真係做到唔錯，價錢又平，原來呢度嘅奶茶又係好出名，平日我都係飲咖啡☕️多，今日不妨試吓呢度出名嘅奶茶🧋😇————————————齊心抗疫午市特價套餐：鮮茄🍅焗豬扒飯$42：果然係望到就想食，賣相吸引➕足料份量➕食落出色=平靚正😋誘人的芝士😍…….足料的蔬菜、紅蘿蔔🥕蕃茄🍅青椒🫑南瓜🎃洋蔥🧅⋯⋯等等炒飯底炒得夠香👍呢個鮮茄🍅焗豬扒飯確實係做得出色好味道👍————————茄汁焗肉醬意粉🍝：又係非常足料的蔬菜，面頭的芝士焗得非常恰當，香氣撲鼻，一看就知道非常好吃😋足料的肉醬、意粉的軟硬度適中，味道更是出色👍—————————奶茶☕️：呢杯奶茶一飲就覺得好香濃香滑👍雖然我小喝奶茶，但也知道奶茶要如何冲出來才好喝，奶茶香滑一定要靠師傅沖出來的手勢，手勢好奶茶就會香滑，茶要適中，不可過濃，否則沖出來就會有苦澀的味道，掌握到沖出來恰當的時間，奶茶就夠香滑夠濃郁👍—————————-奶茶出色……焗飯意粉好好食😋其實開心🥳簡…單就

經過駱克道市政大廈街市熟食時記得朋友曾說《中記》不錯。剛好下大雨那就試試吧～ 在門外打卡後便有lift 直上二樓了。首次上來，地很乾爽，通道也暢順。隨意地挑選了焗芝士炒飯牛柳粒配奶茶。 街市好處就是份量大而划算。 芝士帶點點焦以增加香氣，芝士控就👍🏼 這裡奶茶滑，比例均勻及茶底沒有很苦澀味。 價錢是親民價好抵食又飽肚 😌老細人很好人還介紹了其餐廳特式餸菜，下次要再來！ 飯後距離灣仔站A出口也只是數分鐘而已，實在方便！

街市的熟食中心一向以大件夾抵食聞名，我自己就經常與同事到駱克道街市吃午餐、其中這間中記是公認最好食的。難得這次能在下午茶時段光顧，發現下午茶的價錢相當便宜，介乎$28至$32，還要即叫即炒。XO醬雞扒撈麵 - $32四五塊超厚肉的雞扒，雞皮炸得很薄很酥而不油膩，雞肉頗嫩滑不柴，還有不少青椒和洋蔥絲，另外打開伊麵底熱呼呼的，有少少濕炒好濕潤，充滿著鮮味咸香的XO醬。無糖可樂 +$3罐裝不是汽水機沖出來的。

我自己不會只去特色餐廳，更會多幫襯些人情味小店，例如駱克道街市有好多平野食，下午茶時間更是平靚正，大概三十多元都有一個餐，灣仔區都好受老街坊歡迎的！炸雞脾配薯條🍗😄 、 西多士是我最喜歡的下午茶之一， 大大隻炸雞脾大過塊面，炸到外脆內仍熱乎乎的！🍗西多士又是邪惡又吸引， 配上牛油🧈蜜糖滋味！配上平時愛飲的熱奶茶檸香☕️等都不錯的！中記灣仔軒尼詩道225號駱克道市政大廈街市熟食中心2樓 CF9-13 號舖