中記

營業中

休息中

係灣仔食一餐，平均都要$50-$60。但係喺灣仔駱克道熟食中心就可以搵到$30一個即炒嘅下午茶！$30-32一個下午茶，真係喺香港好少地方搵到仲要即抄埋俾你就真係買少見少。但係落單阿姐就有啲怪怪哋，經常都十問九唔應，就唔好預咗有服務。落單睇你好唔好彩，如果多人落單嘅話可能都要等成三四個字先有得食好彩記得你一個叫嘅話就5分鐘左右就嚟到你面前。嘢食我差唔多次次都係叫XO肥牛炒公仔麵加杯熱奶茶。先講個熱奶茶，中規中矩，係奶味比較多茶味都幾算有，係一個合格嘅奶茶。個XO肥牛抄公，就比較重口味偏鹹，但乾身唔算太油，肥牛大概五至六嚿，食落去係啱我口味嗰種，所以我都幫襯咗好多次。