中央飯店

營業中

休息中

［意想不到的收穫］依家下下講懷舊，今次入尼間店，真是叫懷舊，地點系太子同石硤尾交界，仲要系個隱蔽的大廈內，真是無附近街坊帶路，都未必一下子搵到。飲茶的文化對香港而言系不可或缺，而推住車仔叫賣一籠籠點心，真是買少見少但今日，尼間仲有推車仔，真心一行十幾人團住坐，雖然坐得逼左d，但感覺溫馨～～今日點餐毫無保留甘點餐，4籠水晶餃、8籠燒賣、腸粉照上......一籠籠的點心，點完又點，好快甘擺滿張檯。而且食物食落有驚喜，好好味，份量都好滿足。最後點到滿滿的印仔食到飽飽，每人分攤，都只是40幾50蚊～～值得推薦推薦

茶癮又發作，記得上年去過中央，味道都唔錯，所以決定去懷舊一番。環境跟之前沒差，都係舊舊的，侍應依舊有點凶。坐底拿拿聲去拎野食先，今次一共食左四樣野。鵪春蛋燒賣 - 味道尚可，冇驚喜。金錢肚 - 個汁太濃，杰撻撻咁，食左一舊就頂唔順了。鳳爪排骨飯 - 呢個好野，今餐最好食既係呢個飯，料多味道正常。蝦餃 - 以為最穩陣既蝦餃，食落竟然有酸臭味，吐都吐唔切，好彩侍應幫我地取消左佢。總括，真的變差了。

是日嚟到深水埗懷舊一下, 此店位於大埔道, 正門其實不起眼, 因為在一座大廈的入口內, 好彩有外牆的大招牌先搵到.嚟到得大約7點, 但已經座無虛席, 得番一張枱(對正門口勁大風又熱...).  坐咗一陣, 侍應姐姐就話有客埋單可以坐入面喔店內牆上貼咗好多菜名, 老公見到呢個湯羮就話想試~ 味道其實唔錯, 杰度適中, 好似食碗仔翅咁, 有啲鴨絲, 不過份量唔細, 每人要飲成4,5碗....揀咗好耐先揀到個菜, 帶子鮮味, 芥蘭雖然唔係當造時節, 但係炒得好脆口, 唔會硬掘掘, 只係油多咗啲啲.呢味必點, 唔知點解嚟到呢度就諗起要食炸大腸, 好脆唔油, 個汁酸酸哋好正當兩個人食到飽飽之制, 侍應叔叔竟然送上兩碗紅豆沙, 再飽都忍唔住要食晒佢, 因為真係好味, 起沙,唔太甜, 又有淡淡的果皮香味 好滿足的一餐

今日出發之前一家落去屋企附近嘅舊式酒家飲個靚茶先雖然佢唔係叫酒家，但係都一樣有得嗌一盅兩件一間唔係中環但係叫Central Restaurant嘅「中央飯店」超級老字號飯店一入到嚟所有童年回憶番哂嚟!大家依家飲茶都係Tick點心紙, 真係好耐都未見過有推車仔既酒樓啦我哋朝早10點多入到嚟都坐無虛席呢度唔會好似依家D酒樓有得拎飛等位, 只有靠自己去搵有冇吉枱坐, 好在啱啱俾我搵到張!因為太肚餓既關係, 見到有架車推到嚟面前, 有咩都即刻拎幾籠嚟食好有懷舊Feel, 大家都係走埋去架推車仔度, 自己掀開個蒸籠蓋睇吓有咩食嘩! 煎榚點車呀!好耐冇見過...叫蘿蔔榚煎腸粉就係企喺車隔離等姐姐慢慢煎如果煎上嚟件蘿蔔榚有少少崩咗就會搭條腸粉或者加少少其他榚湊夠一碟我鍾意呢種隨意既心情味!仲見到其他炸物, 粥品餐車!正呀, 春卷.....正呀, 皮蛋瘦肉粥加薄脆!見到呢個日曆, 真係一陣懷舊味番哂嚟!絕對正宗懷舊...唔係嗰D新舖裝修扮懷舊!

晚上去到,沒什麼人由於我外賣選擇亦少,我指少的是碟頭飯選擇少我選了鹽焗雞飯現場所見,環境真係唔得真係好舊,其實舊並無問題但環境唔乾淨,地上充滿積水,台布又穿窿不過問題最大都係地上的積水,整個環境的感覺比人都好差佢地可能因為唔太著重環境衛生,所以較少人幫襯吧講返個鹽焗雞飯我完全無考慮到,外賣個鹽焗雞飯,d蔥油會直接倒落雞面假如你外賣,記得叫佢將d蔥油放落飯面,不要放落雞面由於個鹽焗雞飯比蔥油污染了好難準確評論到個鹽焗雞飯的味道雖比蔥油污染了,但個雞飯味道都幾好要留意,即使你沒叫加蔥油,佢都會自動加比你不過我幾欣賞係,比好多白飯,而且重有得叫多飯個份量一定足夠你食個價都係40,同區價錢差唔多考慮到個雞飯,味道同份量都幾好,所以都滿意不過個白飯,就唔太得,有些飯痴埋一齊,變飯團咁

今日假期同兩老去飲茶，爸爸話要食中央飯店懷舊下，所以老遠由屯門出市區食LUNCH。入到來，你會feel到老茶樓既感覺，好彩小妹細個都食過呢d茶樓，自己攞點心，仲有時有阿姐拎住點心或者捱車仔叫賣，叫人懷念，呢d茶樓買少見少。野食方面，老實講只係普通，但我幾欣賞個奶皇飽-- 奶妹好香，而且咬開係滿滿既奶皇，一d都唔偷工減料。

朋友帶領下，到此店用歺，位置不是在大馬路边，而是一大厦小巷之內，从装修到員工，可見一番历史，以現時租金昂貴下仍能生存的舊舖已買少見少。奌了四个小菜，家常便反，鷄几滑，茄子煲好香咸魚味送反一流，另一炸物似fusion菜，以荳府mix魚肉似的，好香囗，特别出色驚喜之味道未有發現，有的反而是親切感，老歺庁的味道，兒時的畫面不繼浮起，價錢合理座位闊落，深水步区食小菜好地方。

深水埗，是一個老地方，但奈何地，這區擁有一個年青人的大商場，擁有以科技行頭的電腦城，老城卻充滿活力，就是深水埗的寫照。這一區，潮食，絕對不缺乏，但更吸引我的，是這一帶的老食店，而是日在天時、地利、人和之中，我有機會來到這兒食個早午飯，心中想著老店的我，腳步把我留在大埔道，朝《中央飯店》這一個路牌而去。《中央飯店》，地點算得上是隱蔽，因為酒樓是隱藏在一個舊式商場的深處，單是在大街看到了招牌，你沒心去找，要尋出《中央飯店》的真正所在地，雖不算難，但一定要有心去找。入到來，你會感覺到這是一般老作風的老茶樓。像我這樣的生面孔茶答，當然不會讓我自己來，但食慣食熟的老深水埗，好多都自己入茶房，自己攞點心，再同班老伙記，老點心姐打成一片。對，這是香港少數仍有點心姐，點心車的酒樓，而且推車仔沒有牌，以點心姐大叫為準，感覺比起《美心》、《名都》更加之傳統。"蝦餃、燒賣、叉燒包、鯪魚球"，絕對是一個令人懷念的叫聲，亦令大家知道，我已經是一個 "阿叔"。更開心的，是讓我重遇見這即煎糕點的點心車，即叫即煎即上碟的蘿蔔糕、芋頭糕、馬蹄糕 (蔗汁糕)、同蝦米腸粉，有時候會是煎釀三寶...不過，是日的我以食蒸點為主

今日去新加坡前的早上,好靜,好有孤獨感,在家唔想對住四面牆一隻喵,就去中央坐下,都係時候習慣下呢種生活...中央早餐如地荗市集,環境都幾差,仍以車仔型式叫賣,一盅兩件就最好不過,點了牛肉餅,不是好大盅,好有牛肉味,飯剛好,叉燒餐包,呢到出名,蜜汁味香,叉燒多,正,蝦角,蝦肉成隻又香口,整體味道是唔錯,今次決定希望無錯,可能早茶以後就代替了興趣..

每年做節，都一定要食中餐，今次都唔例外，老爸選了中央飯店，以前是泉章居飯店，因要就姐姐，只好近近地，今次點了8個菜，其中梅菜扣肉是必點，半肥廋的肉好入味，梅菜甜而可口，再來了個霸王雞，都是店中出名，咸度適中，好有雞味，不用醬都ok黃金奶油大蝦，姐姐最愛，基本上咸蛋黃炸皮已經好好味，好香咸蛋味，封住成隻蝦，蝦又大隻，又爽口沙拉骨，我十分失望，根本是炸急凍朱扒加沙律醬，完全沒有誠意，又鞋又薄香芒沙律卷，又係好薄，又無料，得個脆，但無味，芒果都唔覺有炸大腸，我對大腸一般，點甜酸醬，唔錯，但我不太愛大腸金銀蛋莧菜，咸蛋好香，湯夠甜，加埋莧菜，湯撈飯一流元貝鴨絲湯，好似碗仔翅味，但有鴨絲，一般般成個餐，餸都好大碟，上菜快，但服務如都是大檔一樣，有同無分別不大，有心人可去試下，但不必刻意去幫襯

平時好少食中餐，突然想起好耐無去過中央飯店食晚飯，早兩日訂位，食返餐好 魚肚羹:魚肚爽口羹夠味鹽焗雞:招牌菜，好滑，咸味剛好無過火 荔芋香酥鴨:呢個要早一日訂，好鬆化，芋頭味濃，但鴨味反而不突出梅菜扣肉:另一必食菜 ，梅菜夠甜，加上半肥的扣肉，天衣無縫，好夾，唔肥膩生炒骨:合格水準，香，脆，可口金沙奶油大蝦:咸蛋王炒大蝦，夠晒香口，但咸了點綠豆沙:送的甜品，似粥，有米，好綿

近十年沒來了，童話和父母會多點來，時代不同，人流都小了，但都有它的價值所在，這處雞是必食的（熱度適中，雞太熱水份會流失的，鹽味夠嗆，)今次叫了時令羊腩煲，（肥廋適中，新鮮我不敢說是，但一定不是雪羊。）深水埗來說算數一數二了。三五知己聚餐是不錯選擇（因不太嘈雜還可懷舊下）

今日同一大班食食食朋友, 搞左個兩圍飯局, 試試呢門開左40年以上既中央飯店入面同舊式茶樓好似, 入口都比較舊, 但呢個吾係問題, 最緊要食物好味待應認該都係老臣子, 年紀比較大, 大家都好用心講解我地應該叫乜野野食, 先黎個預訂既八寶鴨八寶鴨: 以我所知係將鴨、冬菇、冬筍、火腿丁、豬肉丁、粟米丁、蝦仁、蓮子等等既材料用慢火忟數小時而成既手工上海菜, 醬汁特別, 而且鴨肉由於煲左好耐好林, 入味, 不過呢味十分滯!不能吃太多梅菜扣肉: 中央既招牌菜, 的確不錯, 梅菜香味突出,醬汁偏咸, 適合撈飯! 扣肉, 比較多膠質, 我毎人喜歡林少少, 不過都滿意沙薑雞: 將一隻吾係活雞做到有雞味而且雞肉嫰滑, 算係甘!黃金蝦: 邪惡之物, 將咸蛋黃浸落蝦度炸, 好香口好好味, 咸蛋粉味好出冬瓜盅: 清新之選, 要預訂, 金華火腿入味, 冬骨肉新鮮, 冬菇亦落足料!菜方面有金銀蛋菜心, 冬菇爬西蘭花, 骨髓會三鮮都不錯甜品方面, 我地預訂左西米奶皇焗布丁, 俾我想像中好,西米晶瑩通透, 奶皇味剛好.!!吾太甜

這天約了媽媽, 奶奶同老爺食晚飯, 上OPENRICE SEARCH 深水埗有咩酒樓好食. 見到中央飯店有夏天時令既冬瓜盅, 因為媽媽喜愛食冬瓜盅, 所以打去BOOK 位了! 當晚到達門口, 大門口已經給人一種很舊既感覺. 入到去, 裝修真係好懷舊. 坐底後, 我地好快就點好菜, BOOK 位時已訂了一個迷你冬瓜盅, 另外叫了生炒骨, 蝦醬通菜炒牛肉, 沙窩魚頭煲, 煎蠔餅, 四餸一湯! 先上冬瓜盅, 賣相同味道都唔錯, 清清地, 不太濃味! 之後餸菜陸續上來, 媽媽兒食蠔餅, 覺得麻麻地, 很油, 同埋好多蛋, 好厚身! 奶奶最愛食生炒骨, 她試了覺得D 肉好肥, 炸得唔係咁好食! 沙窩魚頭煲都冇一個魚頭, 同埋大多數係骨, 魚雲都冇一舊. 最後, 蝦醬通菜炒牛肉裡牛肉冇味! 總共食左$500 幾, 整體來說, 除左迷你冬瓜盅過我去, 其他都唔係咁好食! 由於覺得唔好食, 連相都冇影啦~~

去咗街市 肚餓揾早餐食 想食“嵩記”牛雜麵未開門 就去咗呢間酒樓懷舊吓……一樣咁舊無裝修  無再放痰罐點心推車仔 睇中就嗱  正點咗“什會湯粗麵1碗” 26元 好大碗 底食餸好多 有雞雜 豬潤 肉片 尤魚 今次無虾仲有2條菜 粗麵無鹼水味 買相好靚 但肉片 & 尤魚 染咗啲血汁 唔敢食茶錢 5元位 但要加一……