中央飯店

營業中

休息中

上星期去食懷舊感十足的茶樓茶樓自己搵位，有啊姐推車仔叫點心，好有返細個同屋企人飲茶嘅感覺！一坐低，就有好多點心姐姐過嚟問食唔食呢樣呢樣，好多時抵擋唔住都會叫咗好多嘢食，不過真係好有以前飲茶嘅感覺，都係開心嘅！嚟點心時太肚餓，食咗一半先影相點心大部分都唔錯，係炸嘢稍為凍咗啲，粥好錦又足料，我哋都叫咗兩碗！食點心之餘仲叫咗招牌嘅鹹雞！好多雞啊，8個人一人分一舊都仲有淨食到一半先聽到職員話做埋今日就開始裝修，但裝修幾耐幾時開返就唔知啦！唔知裝修完仲有冇咁懷舊feel!

今日與同事為慶祝到達工作里程碑，當然要找間特別一點的餐廳。每次飲茶都是去那些連鎖店，今次就嘗試街坊飯店吧！飯店的入口頗為隱蔽，還好大街有非常顯眼的招牌。門口的霓虹燈很有七八十年代的感覺。客人們都是隨便地坐，看起來很多都是老顧客。兩三個推着點心車仔的姐姐叫唱着點心，有的侍應忙着為客人加茶，有的忙着打牙骹。我們開了壺香片，意想不到的好！隨着點心車逐一的到來，我們前前後後叫了五款點心。雞扎內的芋頭粉粉的，很美味！本來叫的乾蒸燒賣都已經放到枱上，一看到點心車內的魚肚燒賣，念頭一轉便改單吧。姐姐不厭其煩地幫我們換掉 。滿滿的魚肚是滿滿的滿足。樣貌不太討好的腩仔卷盛載着驚喜！腩仔皮腍入味而不太膩，很喜歡。炸點亦不過不失。另外還點了蝦腸。雖然皮厚餡少，同事卻覺得並不錯。厚本點的是叉腸，可是姐姐聽錯了蝦腸還特意給我端上一碟樣子一流的。我們更正後，她不好意思地端上另一碟叉腸給我們左挑右選。最後都是選擇了姐姐特別挑選的蝦腸。沒有人頭湧湧，沒有鬧市味道；悠閒地與同事午飯聊天，樂以忘憂。

今日同爺爺奶奶食午飯就book左依間中央飯店其實我就未黎過因為奶奶好鐘意依度既燒腩卷門口有招牌 但要行入幾步先見到門一打開門就感受到一種老香港既味道好多顧客都係上左年紀既伯伯簡單裝潢 木椅 老伙計仲有細個最fascinating既點心車望住d嬸嬸推住車仔或者拎住d點心問你要唔要好似翻翻去細個時候爺爺即刻出左去拎點心d嬸嬸用個印仔cup印好懷舊呀！食物方面 未必特別出色但d飯好抵又有好多舊式既菜式 例如芋角 燒腩卷不過呢 可能我坐得入d啦所以電話收得好差 嗚所以如果想感受下懷舊既老香港風味就要黎試下啦

今晚一行四人到中央食晚飯。霸王雞半隻，份量大，雞皮爽雞肉滑，加上一些薑蔥，好味。炸大腸，系切件上的，炸得比較乾身，有d仲帶少少肥膏，邪惡但好食，碟底的酸蘿白好醒胃。咕嚕肉，炸粉不厚，肉粒略炸過，仍帶點濕潤，個汁調得甜酸適中，好開胃。菜芯炒鴛鴦魷，鴛鴦魷碎濕濕，發得未夠時候，比較硬身，好一般。付竹意米糖水（送）付竹煲到仍有一小片一小片，意米令到糖水有少少𠎀身，淡淡的不太甜，好食。白飯1個，埋單 $430，抵食！

小時候在深水埗長大……東廬大廈是上學、逛街必經之地……由大埔道一方進入，石硤尾出，是捷徑之外，也可一逛內裡的涼茶舖，士多舖、米舖、飛髮舖……當然還有今日重遊，充滿滋味回憶的鹽焗雞飯店……呢道招牌菜數十年如一，仲食得番嗰種美味，冬瓜盅用大冬瓜，比外面的"標準"大很多，大良炒鮮奶、百花釀豆腐，呢D懷舊菜唔算精彩，但味道可以！南乳齋煲食剩好多，粉絲太腍。反而菠蘿咕嚕肉、芥蘭炒牛肉有驚喜，茄汁煎大蝦幾好肉，過得去！甜品送紅豆沙，可惜太過"和稀泥",溝太多水……是晚8個人食，埋單都係$900+，抵過對面海同類茶居好多！聽講早茶點心也不錯，下次懷舊再試過！！😎

講到舊式茶樓,我知道嘅來去去都係得嗰幾間.一係就連香,我都去過幾次,今次就食下從未去過嘅中央飯店.舊式茶樓當然係可以搭枱,應該話冇得比你唔搭檯先啱.如果真係好想兩個人錯張四人枱,可以開四個茶位.好可惜點心唔係用鐵盤託喺條腰嗰種,不過都好嘅,咁樣托法好傷腰骨.因為唔用點心紙,所以要金睛火眼咁樣望住經過嘅點心車,啱心水嘅唔多,第一段就叫咗炸點.呢度好在炸物可以畀你自由配搭,我哋就叫咗煎堆,春捲,鹹水角.個樣已經好清楚咁話你知佢係凍嘅,油冧冧加上林坺坺. 春捲好粗好大碌,有好重既芋頭味.煎堆仔好細個,豆沙好好味,不過甜咗啲.鹹水角實在太多油,過咗氣,而且餡料好少.再嚟就食咗鮮蝦腸粉,蝦都幾大隻,腸粉軟得嚟唔爛,但係唔知點解豉油非常黑,唔通用老抽.叉燒包上枱果陣真係燙手架,但係包多肉少,而且裏面唔夠汁,有少少乾.鴨腳扎裏面嘅芋頭大舊得好誇張,而且略乾,成舊收入口有難度,老人家食要小心.另外豬肉實在太肥太鹹,鴨腳就非常瘦,真係好似皮包骨咁.鳳爪就啱啱相反,非常肥美,夠曬入味,而且炆得夠淋.排骨就同一般茶樓差唔多,除咗份量多咗一倍之外,不過好大部分係因為有非常多嘅芋頭墊底.最後我哋仲另外叫咗一個陳

放工得一個人開飯,又唔想成日去食茶餐廳客飯咁頹,好似肥媽話齋想食好DD,飲返個住家湯,就諗起平時飲早茶既中央飯店.一支公叫左個白果腐竹豬肚湯同埋個炸大腸,食熱氣野一定要搵D滋補湯水中和返,唔想食到爆瘡白果腐竹豬肚湯超多白果,入口啖啖都有,豬肚就有十多舊,超級足料,腐竹味濃,有D飲鹹豆漿既感覺,一大煲,飲到我成肚水炸大腸又香又脆,大大碟,真係要搵多幾個人食先食得哂,菠蘿係罐頭菠蘿,夾埋炸大腸食,中和返D油膩感

父親節前夕的中午飲茶，十一點到，都幾多人，要搭枱，洗定茶碗等人齊開飯。叫左水仙，比足茶葉，味濃有多款懷舊點心，好似燒腩卷，大飽，炸虾角等炸虾角只係出左6-7碟，一推出尼就賣哂，唔夠人快鳳爪排骨煲仔飯，又係出兩盤，約十二煲，未推出尼已經排緊隊，今次夠快手，有兩隻鳳爪，都幾多排骨，不過飯比較淋，唔夠爽口金錢肚夠淋，有花生放底叉燒餐飽，新鮮出爐，熱辣辣，飽夠鬆軟，多餡，好味雞扎，新鮮出爐，有芋頭，魚肚同雞，超足料魚肚燒賣，好少係出面酒樓食到，好多魚肚放底，絕無欺場茶錢$6再加一大中小點分別$17，15，13，唔算貴總括:點心夠新鮮，款式多，多懷舊點心，仲係有姐姐推車仔，味道尚可，舊式酒樓值得支持

老友從澳洲回來，兩個人想飲杯茶，食個包，重拾兒時味道。上網找了資料，挑了這間中央飯店。甫進酒樓，眼看穿圍裙賣點心的姐姐；嗅到油膩、食物香氣、舊式酒樓混在一起的熟悉氣味；聽到瓦杯碟叮叮噹啷，甚是興奮。不過，連服務都是兒時水準，自己搵位，粗聲粗氣，頂唔頂得順就睇你啦！同友人一見到架腸粉車，簡直為之瘋狂「阿姐，煎腸粉，燶啲呀，唔該！」今日吃的，都是飽肚野！其中大包，更加是可遇不可求，味道正宗，餡料充足總評：你說好好味，它不是；我說盡是回味，它可貴！

1海蔘鮑片鵝掌~賣相雖然唔夠靚仔，但豬婆蔘夠"淋",好入味2蜜餞合桃牛肉粒~好好送飯3四喜拼盤（炸大腸，炸鮮魷，炸豬扒，野雞卷）~邪惡拼盤。大腸一流， 野雞卷內有雞肝，好特別4西洋菜陳腎湯~夠火候，足料5瑤柱豆苗6炸子雞~皮薄，肉滑。推薦7蒜蓉芥蘭8酥炸生蠔~ 勁好味，我地訂咗3桶生蠔，足足16隻。隻隻都好大隻， ****記得預訂9八寶鴨~功夫菜， 鴨起晒肉。鴨身只留鴨皮，再釀入八寶料。正 ******記得預訂

大家如果有睇開新聞的話，就會知道屹立80年的信興酒樓已經係2016年12月29日結業。係深水埗這一類舊區的舊式茶樓已經愈來愈賣少見少，而中央飯店都是舊式茶樓，主打都是平、快、正的港式堂食點心，基本上行入去冇人會招呼你，你地自己搵位，搵到位就坐底，跟住竟會有阿姐或是阿哥黎幫你開茶同位。個日我地差不多１０個人，本來都想食添好運，但想吹下水，都是去番中央飯店比較好，因為我地一食食整個半鐘，真是唔容易搵地方架！係中央飯店吃仲會見到舊式的推點心車，同有姐姐係你問有咩食既時候同你講冇呀，得咩咩渣，要唔要呀？這態度是另一種「親切」，有時候新式酒樓跟單送菜唔係唔好，但就係少左ＬＥＥ種好搞鬼既人客同服務人員的交流，我地叫咩都唔一定全部有，但個陣一叫而有的感覺，是另一種享受。我地都叫左差不多１０幾籠點心，多不勝數，有煎蘿蔔糕、魚肉燒賣、蝦餃、年糕、雞札、牛肉球、春卷、芋頭糕、咸水角、叉燒腸粉、叉燒包、鵪鶉蛋燒賣、牛肉腸粉、鮮蝦腸粉等等，真是舉唔晒，仲有一個飯同一個鍋米，個鍋米超級大鍋，１０幾個人都夠晒分，超滿足，每個人除番都是５０幾蚊落樓，我地收入普通既，真是好抵食，基本上各點心同菜式都是有味道既，所以人

中央飯店，係深水埗一帶長大，有咁上下年紀好多都識，係傳統既客家菜，十幾年無嚟，今日同屋企人嚟懷緬一番。呢度侍應全部伯伯，但都好nice, 有問必答，難得。炸大腸，金黃鬆脆，又唔會太多肥膏，高質素！咕嚕肉，粉唔算厚，亦唔太多肥膏，而且菠蘿青椒洋蔥配菜多。炒鮮奶，食落似炒蛋白，好食，唔蘇唔膩梅菜扣肉，客家菜表表者，梅菜香，送飯一流呢度招牌菜，荔芋鴨，好多芋蓉，鴨肉反而少，但炸皮多d鬆脆d會仲好，呢個有少少失望。三鮮炒骨髓，又係呢度名菜，keep到水準，所以配料都入晒味。黃金奶油蝦，未上到碟已好香，但因連蝦殼炸，食嗰時有d唔方便，但蝦都鮮甜，而且好大隻，抵食，好味最後推介，西米焗布甸，要訂，金黃焗面，裡面有西米吉士，仲有中間一層流心蓮蓉吉士，以為好甜，竟然唔係，所以大家都添食。注意，原來送糖水，綠豆沙都好粉好蓉，但連續兩個甜品，真係超標。咁耐無嚟，但今次食完，都覺得有下次，呢d食店，買少見少，有份老香港情懷。

近排興懷舊菜 所以和家人來懷舊一番 如果小呢這一區都會比較難找到 ，離地鐵站大概十分鐘路程， 15年冇嚟過 再嚟番 感覺冇變過 舊式嘅門面 燈箱極之懷舊的水晶燈， 佈置雖然簡陋 但很有人情味。食物水準依然一流 ， 我哋叫咗荔芋鴨 必食的 ，如果要叫八寶鴨必須提早預訂 ，三鮮骨髓 唔係咁多地方有得食， 炸大腸 超級脆， 黃金蝦 件頭大隻蝦頭亦很多膏，梅菜扣肉 蚊得好夠淋 等等多不勝數， 飯後甜品仲有西米 蓮蓉 焗布甸。 樣樣都好好味 價錢亦都很合理，今晚非常滿足。

年尾同家人團年，家人受電視節目影響話好想食懷舊菜，訂左中央飯店呢間充滿兒時回憶既餐廳，事隔15年再次幫襯，帶黎一圍15人親友團年，張枱好大，坐15個剛剛好不太逼，上菜了，炸大腸是1.5份，好酥脆，襯酸蘿蔔同甜酸汁一流。金銀蛋菠菜，蒜子上湯無得輸，霸王雞，雞肉又厚又滑，200蚊有咁大隻，物超所值。三鮮骨髓1.5份，骨髓很香滑，仲有粟米仔好爽脆。炒鮮奶，其實似炒蛋白，有帶子蝦肉腰果碎，好滑，不過油略多。咕嚕肉1.5份，非常大碟! 味道酸甜剛好，炸得香脆，唔會好厚粉。南乳齋煲，夠惹味，茄子好食。金沙奶油大蝦2份，用咸蛋黃牛油炒香，蝦好大隻，略為油膩。荔芋鴨1隻，200蚊，荔芋好香，下面有帶皮的鴨肉片，出面好少食得到。西米焗大布甸，呢個要早1日預訂，上枱已經好香，入面夾有吉士奶皇蓮蓉，唔會好甜，甜味主要來自蓮蓉，個皮有焦糖效果，15個分光光。埋單2200蚊，團年大滿足。ps 如果想食八寶鴨，糯米鴨，西米大布甸要隔日預訂。

店名：中央飯店Central Restaurant地點：深水埗大埔道140號東盧大廈地下，電話: 2777 6888(1)    白果腐竹豬肚湯；(2) 百花釀豆腐；(3) 炸大腸拼炸春卷；(4) 東江鹽焗雞； (5)蟹肉扒鮮菇； (6) 三鮮牛骨髓 (珍珠筍+磨菇+冬菇)。共五人享用本餐，合共四百六十五元。食物的色香味如何：三鮮牛骨髓，鮮美爽口，很令人「食髓知味」，而且加入珍珠筍，使整碟餸菜沒有那般單調；東江鹽焗雞味道十足，製作正宗，滑韌適中，豆腐味道略淡；磨菇+冬菇多汁，好。環境：60至70年代的裝修，只是如果提高清潔度就更理想了。服 務：較一般，最欠佳的是現在是廿一世紀了,仍然不提供信用卡付款，衷心希望他們改善。衛生：廁所衛生尚可，但狹窄。抵食：價錢普通，和親友聚會可以選擇。