中央飯店

約咗呢間茶樓即刻回到60年代， 所有傢俬擺設都唔係復古，係真古。 餐牌大部份用毛筆寫，手字仲要幾靚。 月曆係手搣嘅嗰款，五十年不變。入邊無論店員或食客都係想年紀人士，應該係佢哋嘅童年回憶。 一盅一件孖寶只要$33 ，平過深圳。 嘢食正常，都係傳統嘢，阿姨手推點心車仔，有feel。市面上好多復古懷舊餐廳，呢間係真舊餐廳，1961年開嘅，希望可以長命百歲啦。 ps：原來古仔同張家輝都係呢度拍過戲，片名叫做「使徒行者」。…查看更多

呢一間深水埗名物屹立多年真係大件夾抵食，啲夥記係年長少少，不過服務好好而且好有人情味，今時今日香港真係好難搵得到。炸大腸份量足且又炸得好脆口，點埋甜酸汁就perfect。粟米魚肚羹勁大鍋，竟然$100都唔使，入面仲係勁多魚肚，認真誇張。炸腰肝卷係呢度嘅名物，好食，唔多油，雖然知道入面係豬潤豬腰呢啲內臟，不過食嘅時候又唔係覺得好邪惡喎，外層脆漿都幾薄，整得幾好。最後要咗個蝦醬通菜，又係好大碟，非常滿足。…查看更多

優點：推點心姐姐積極有禮解說清楚，樓面哥哥補茶水勤快，傳統手推點心車吸印仔，茶葉味濃，接受八達通付款缺點：整體食物質素不敢恭維：雞球大包：體積相當大，但麵包乾噌噌好重鹼水味，肉餡材料單薄燒賣：唔新鮮肉好霉沒有鮮味叉燒腸粉：皮厚，叉燒份量足，豉油救全家煎蘿蔔糕芋頭糕：蘿蔔糕太粉，芋頭糕還可，點心姐姐落足心機慢慢煎到好香焗蓮蓉西米布甸：吉士味淡，蓮蓉太甜，此餐唯一能接受的食物…查看更多

排骨陳村粉就係豉汁排骨再搵陳村粉墊底，d排骨ok，有肉類應有嘅質感同肉味，陳村粉都吸到d排骨嘅肉味。蝦腸都唔錯，當然唔可以同出面高級酒樓嘅出品比啦，始終價錢差好遠，呢度蝦都算新鮮，腸粉本身唔算滑，不過都唔鞋。叉燒包係好食嘅，有一種懷舊嘅味道，同埋入面真係有叉燒，唔係只有叉燒醬。鴨腳扎真係好耐冇食過，出面酒樓好少有得食，雖然未係最正宗，不過都收晒貨啦。焗西米布甸好濃郁，仲要焗到燶燶地，令到個布甸會香d，呢度都算焗得夠乾身。…查看更多

一間舊式酒樓除咗有推車仔嘅點心車之外，更加重要就梗係有啲懷舊點心啦。鵪鶉蛋燒賣，可遇不可求，一籠有三粒。雞扎印象中都好似越嚟越少見，雞扎入面有落魚肚都算正宗啦，入面舊芋頭都夠粉。蝦餃一定要試，鄙薄餡靚，蝦餃入面除咗蝦同埋肉之外仲有筍絲，啱晒口味。山竹牛肉雖然好多人都知其實唔會係全部都係牛肉，而且香港嘅山竹牛肉質素普遍都係麻麻地，不過就總係心思思飲茶嘅時候想叫嚟食吓。呢度個鳳爪嘅質素都OK，夠林夠入味。…查看更多

深水埗主教山配水庫附近有間歷史悠久，且仍保留推點心車文化和提供多款懷舊點心嘅飯店，蔡瀾先生也推薦過。行完配水庫，我哋決定去中央飯店見識和嘆杯茶，一盅兩件。 飯店在商場內，飯店名稱大大個用上紅色霓虹光管掛上門口，充滿着六七十年代懷舊氣氛。適逢長假期，店內坐滿茶客。不過，我哋幸運地不需多等就可入座。坐下後，大家都急不及待，環顧四周，尋找點心車。點心姐姐👧👧熱情 地介紹車上點心，我哋盡情地 叫了10多款點心試試。 包括蝦餃、乾蒸燒賣、魚肚燒賣、山竹牛肉、叉燒腸、雞包仔、馬拉糕、豉汁排骨、雞絲粉卷、沙翁、芝麻糕和蓮蓉焗西米布甸等。我哋試後，一致認為芝麻糕和蓮蓉焗西米布甸最為突出。芝麻糕散發出濃郁芝麻香味且甜度適中，口感亦綿密細緻。 而蓮蓉焗西米布甸，剛好熱辣辣出爐，散發出陣陣香濃蛋味。西米粒粒分明但仍軟滑，中間混入香滑清甜蓮蓉，面頭 烤至少少金黃焦香，令布甸更有層次感，口感豐富，甜度剛好，真令人垂涎欲滴。整體然而，如不介意環境衛生一般，但又想體驗昔日香港茶樓分獲，品嚐懷舊點心，中央飯店係一個不錯選擇。…查看更多

周末倆口子去了舊式茶樓飲茶,嚐了懷舊點心,又有點心車,味道也是八十年代的,抵食夾大件,可惜熱度不足夠有改善空間,服務員態度正常,衛生也合格,下次試食炒飯麵吧,飽足感恩.…查看更多

星期六下午一點到已經滿座自己搵唔到位唯有問樓面可以坐邊好彩叔叔都好好人執一執張大枱叫我搭枱中央飯店保留傳統推車仔嘅模式廚房煮好啲咩姐姐就推出嚟叫賣保證新鮮熱辣辣😋🥢蝦餃蝦餃皮薄粒粒飽滿爽口，蝦肉彈牙大大粒🥢牛肉球同行友人自己食晒，話OK🥢叉燒腸最後一碟，賣相麻麻食落真材實料，腸粉皮適中叉燒餡料多，加埋甜豉油好好食🥢炸芋角最有驚喜芋泥好滑有芋頭香芋泥入面再包住好似叉燒包嘅餡外層酥脆不油膩整體食落鹹鹹甜甜連平時唔食芋角嘅友人都話好好食😋🥢燒賣又係粒粒飽滿好大粒蝦肉爽口彈牙亦睇得出粒粒手工製造🌸🌸🌸🌸呢度星期一至五下午茶一律$17真係好抵就算假日，食左五點埋單都只係$15x抵食！啲姐姐好勁可以一輪嘴講出勁多碟新出爐嘅點心記性好好😂😂…查看更多

， 10:30早茶，環境尚算清潔，服務員姐姐有招呼，問你飲乜嘢茶，水滾茶，杯碟及餐具，沒有傳聞之中咁污糟，都要簡單清洗一下，炸蝦角、西米甜品、蝦餃、鮮蝦粉果，味道良好，熱力充足，反而叉燒包嘅感覺就比較差少少唔係唔夠熱，係啲餡料比較多肥膏，可能係傳統製法係這個配方，總括來說性價比算高，但係留意多數係要搭枱，除非你有三至四個人，值得一試！…查看更多

專登請咗假同朋友去迪士尼慶祝生日，出發之前大家約咗不如去試吓去一啲懷舊嘅港式茶樓食點心。所以揀咗呢一間試一試。一入到去好似停留咗喺70-80年代咁，好似走入咗另外一個世界咁，店員姐姐好熱烈咁招待我哋食呢樣食嗰樣，最後我哋點咗蘿蔔糕鯪魚餅鳳爪，都正常發揮。重點嚟啦，大家都係為咗喺出面好少可以食到嘅西米焗布甸，一人一碗大大碗，扁桃焗到燶燶哋入面有蓮蓉襯托出布甸嘅清香，可惜太早，大家基本上食到一半已經飽，所以食唔到其他點心了。但整體舒舒服服坐喺度傾偈都好開心下次有機會再嚟試其他點心囉❤️…查看更多

舊式茶樓，自助搵位，仲保留左推車仔文化，買少見少。點心同樣保留左啲連所酒樓少有的點心，雞絲粉皮，魚肚燒賣，等等。拎哂就要等下轉，吾知等幾耐。味道不錯，氣氛幾多，傳統酒樓，比較嘈啲！…查看更多

因為聽到朋友介紹，今朝早起身特登拎咗價舊相機 ，試下去探險呢一間傾就好耐，好想去始終未去嘅 懷舊茶樓。原來一啲都唔難，由石硤尾站大約行十分鐘 ，我食完之後又試下行去深水埗站都係大約 15分鐘之內。今日食得唔多，叫咗一籠燒賣，佢嘅味道真係好懷舊好懷舊， 質感比較 豐富同埋紮實，絕無欺場。另外叫咗一個西米布甸， 呢樣嘢真係恨咗好耐啦，唔係間間茶樓肯做； 食落去真係覺得唔錯，好多懷舊嘅感覺返番嚟， 蓮蓉係有嘅而且唔算好甜好啱我口味。…查看更多

今日2月8號星期六晚上同我先生及我家姐一齊吃晚飯，想試吓呢間民間飯店深水埗中央飯店，其實都有抱着期望嘅心去嘗試，但得出嘅結果只係平平，因食物偏好鹹，尤其油泡班球鹹得好緊要、東江鹽焗雞唔夠滑嚡熠熠。地方環境太嘈，但都希望佢生意好😅。整體評價我只好比一般。…查看更多

初六想去試中老店，真中伏，食物好鹹，環境髒，食物很多凉了，服務员態度差又亂蓋印又逼人家要點心，如果有零星我會比零星，而且一問也是用正價並没有下午茶優惠，真中伏，伏，伏。…查看更多

推車仔點心買少見少，前排就同朋友嚟咗呢間歷史悠久嘅中央飯店～禮拜日下午一點左右去到全場full晒，要自己搵位，好耐無感受過唔係排隊攞飛既餐廳😂餐牌好多點心選擇，不過見佢keep住出爐既都係嗰幾款點心多😅😅 受歡迎嗰啲仲要好快就被搶晒😂👅燒腩卷受歡迎懷舊之選，見到嗰陣已經得返最後兩籠😅裏面嘅燒腩仔肉質唔乾唔韌，都算好食👍芋頭夠腍，包體鬆軟，不過啲水氣搞到底下嘅麵包好濕🫣👅👅柱侯金錢肚夠入味，幾爽口👅蛋黃蓮蓉包見到佢寫住蛋黃先嗌，但係一粒仔蛋黃都食唔到，亦都完全冇蛋黃香，包體又唔夠燒腩卷鬆軟，超失望！🤦🏻👅👅水晶鮮蝦餃外皮晶瑩剔透，口感煙韌，但個人係唔鍾意咁厚皮😅😅裏面蝦肉彈牙，芫荽香口👅👅魚肚燒賣魚肚夠厚，吸汁，好食😋肉果部份都幾彈牙，亦都食到蝦肉，唔錯既👍好耐冇嚟過呢啲推車仔點心，基本上食咩唔係自己揀，係要視乎佢有咩出爐😅可能禮拜日都多人，食食吓如果有出爐就要加快腳步去拎，如果唔係好快無晒，所以都食得有啲唔安樂😂😂 感受吓氣氛OK，下次應該都係去返正常落單嘅酒樓/點心店算😂…查看更多