不倒翁中日火鍋料理

營業中

休息中

對不倒翁極失望!!!!! 我同老公每週都會打邊爐, 不倒翁亦是其一心水選擇, 幫襯了2年多, 食物水準一直都幾好, 但係尋日再幫襯卻換來一肚氣!!!我地例牌叫咗手切牛脊, 鮮魷, 蝦滑, 野菜籃, 桂花蚌, 招牌水餃同一支紅酒, 大部份食物都新鮮, 只係那個機切扮手切本地牛, 那些牛肉每片均3mm厚, 肉色又唔靚, 無セ牛味得個肥字, 根本不是手切, 問經理又吹水話一定係手切仲話d牛靚到不得了, 最激死人係后尾見d真正手切靚牛送入房, 大佬呀, 佢哋係客我地唔係咩, 收得又唔平, 2個人(支紅酒只係2百幾)要1000元埋單,阿蘇未推介之前都唔係咁既!!! (以前有個肥仔經理有2次仲主動同我地換d靚手切牛, 不過冇見佢好耐lu)如果有信心挑戰可以試吓佢比唔比d好野你, 我哋唔想博佢大發慈悲先有好牛食, 咪攪, 以后唔再去!

朋友講了好多次不倒翁好食, 我一直有點不信, 故此終於決定試一試.星期五晚當然是滿座, 我們四人選擇了卡位, 桌子不大,但相當舒服自成一角. 我們點了鴛鴦湯底(蟹窩+芫茜皮蛋), 兩者都很清淡. 汁醬盤種類十分豐富, 其中有wasabi,用來點聖子十分適合.$168一碟的雪花牛肉非常好味, 不管是本地或入口的, 十分新鮮. 四寶丸包括牛.蝦.豬.墨魚, 非常爽口. 我至愛的黃沙豬潤當然不會令我失望. 珊瑚蚌和聖子也非常出色.其實做火鍋能脫穎而出, 離不開用料靚和新鮮, 當然價錢會貴少少,但都是物有所值.飯後免費送水果和糕點, 我們沒有預留糕點, 所以那天已送完, 沒有機會吃.以後不用跑到九龍城老遠去食火鍋了, yeah!

好友 H 請答謝宴...揀左呢間...五個人食左:肥牛.....象拔蚌....刺身船.....駝鳥肉....豚肉....帶子....珊瑚蚌....粟米...蘿蔔....墨魚滑....水餃....貢丸....金菇...生根....生菜...魚片...蝦丸....魚片....等等...食極唔完....湯底要左沙爹及豬骨湯....印象中最好味係D水餃....同蘿蔔.....反而佢聲稱招牌的牛肉有D失色....打到咁上下...沙爹湯得果邊燶燶地....店員好醒地同我地換過一煲....換到黎令人覺得貼心既係...佢連原本係煲入邊的料都同我地換過新既.....咁既服務態度....值十個讚!!!!

我從來不是個會掠奪別人成果的人，我得承認這間火鍋名店不是我發掘出來的。我也是從電視看到介紹才知道這店，一試之後，真的驚為天人。當然，又是一分錢一分貨，這店並不便宜唷！位於佐敦地鐵站附近商場2樓的火鍋店，近來，佐敦漸漸又成為了另一個火鍋聖地。佐敦的火鍋店我試過的真的沒幾間，給我點時間，我會為大家嚐盡各店，挑最好的介紹。火鍋當然要吃牛肉，這個是大的手切肥牛，看到那些雪花已知不得了。輕輕灼一灼，沾一點點醬油，油香在口中溶化，肉質又嫰，真的別處無可媲比。水餃皇，HK$44，這裏是半份。內裏包著的全是爽口鮮味的大蝦，HK$11一只，真的好貴。不過，吃的時候，我只懂不停叫，好好吃唷！南翔小籠餃，餡料是小籠包一模一樣。為了在滾燙是餃皮不至於穿破，皮比一般的餃厚一點。咬開跟小籠包一樣，肉味鮮甜，還有湯汁溢出，有創意又好吃的餃。

這天老友G小姐宴客，邀請我和E君到她最愛的火鍋店食飯，好高興。我地點了以下的菜︰項目 價錢@ 頂級雪花肥牛--------88--------------厚切的雪花肥牛，好有口感。滑豆腐-----------------35 日式野菜藍-----------68--------------好少見D菜咁壯，但又唔老。西瓜汁-----------------60 炸魚皮-----------------38帶子片-----------------88--------------薄切的帶子，過左火鍋湯之後，好細，新鮮但唔夠甜。鴛鴦鍋底--------------108------------沙嗲同清湯都無特別醬油--------------------15--------------好多款，亦好好味 食飽飽還送生果，亦係新鮮好味。這間火鍋店的食物確是不錯，座得相當舒服，但價錢也較貴。若主要食海鮮，不是我的首選…

去食, 因為聽聞阿蘇大讚, 而且做完野成12點又諗唔到去邊度食..叫左四寶丸, 手切牛肉同埋d普通野, 因為已經夜, 好多野都冇哂lu~老實講, 唔算好難食, 但係真係普通囉, 以咁既價錢, 真係貴左d..因為有特價, 每人先$200咋!不過都有值得讚既, 服務真係幾好既~但係, 去一次就夠了, 同埋, 名人推介既真係唔等於係事實囉~

朋友極力推介，話佢個肥牛超讚咁我地咪3個人去試lor環境同服務都幾好個牛真係幾好味由於朋友怕腥，所以我地無叫刺身同海鮮食得超飽，埋單每人$350。先知道佢個黑椒牛丸要成 $88!!墨魚滑個potion 小出面一半，又無乜突別係幾好味，不過咁既價錢應該要有驚喜無叫海鮮都要咁既價錢，我地一至覺得唔抵食都唔會再encore!

本人一行11人（3男8女）去了佐敦不倒翁打邊爐，當時有個女待應介紹我地食一個12人套餐，當中包括：1. 魚生 x 1 2. 肥牛 x 2 - 靚牛肉，都幾好食！3. 象拔蚌 x 1.5斤 - 數量唔多，好少，同平時自已叫爭1/3左右4. 22碟打邊爐任點 - 只係例牌無加大一人都唔夠一件5. 生果 x 16. 壽包 x 12個7. 啤酒汽水 x 12罐根本唔足夠12人吃 ... 每位埋單要成300元 ... 好唔抵！下次各位朋友去吃的時候記得唔好叫12人套餐，超唔抵！

喺佐敦果頭苦苦尋覓地方食飯...見到一個牌寫住"中日火鍋料理"就有少少興趣於是諗咗一陣突然有個人走埋泥話呢間好食當初以為佢係職員先咁講但係都上咗去d 又真係好好味,好新鮮雖然d野真係好貴($35 2個公仔面!!!-0-)但係都算物有所值P.S.:後尾d 職員話果個人係熟客,日日都泥~ 一間餐廳可以令一個人日日都去,可想然之, 有幾好食

因為要請老婆的朋友"大律師"吃飯, 唔可以失禮, 所以book這間(明知是落樓要$300-400每人計)三人行,本來被安排到"馬蹄"sofa坐,但覺得不好坐,轉到window seating細檯吃.very good!首先第一讚是:好有禮儀的女服務員(全店只得一位女子)....好像是olypmics 的禮儀小姐:頭髮束上,全程有笑容,態度熱情,小小upselling我們叫酒,洽到好處 殷勤有禮.行走飲食咁多年,都只有老板才有這種面容.第二讚:食物有:四寶丸:彈牙,有鮮味,菜:一盤set 得好beautiful什菜魚生拼:新鮮,但量少(hk$328)雪花牛肉: 一口溶化(hk$128).踮!雲吞k la.其他一般.conclusion: 請人食飯無失禮,都值得豪一下!

同佢地食飯真係多數都掂, 今期0黎左le 度賀我同女朋友and 一個朋友生日, 一入去見到阿蘇, 好似好出名.食左好多丸同餃, 比較特別有燒賣餃, 但其實同雲吞無乜分別. 不過好足料, 啖啖蝦. 牛肉亦都非常爽口, 小食就食左雞軟骨, 都唔錯不過d西瓜汁就差d, 唔夠凍呀, 扣分-----------------------------------------------------------------------------------------------------------------服務一流, 同個侍應/部長玩左好耐, 衞生亦釨, Toilet very clean----------------------------------------------------------------------------------------------------------------好開心女朋友開始容入我生活圈子今日係184日

自問甚喜愛吃火煱，所謂好吃其實不外乎用料夠新鮮又靚，服務不太差，地方乾淨，基本上所差無幾。好似本地手切牛肉，很多又咪由街市肉檔每日交貨來(有時自己也會直接買些回家)，但為何仍時常外出吃? 貪其熱鬧氣氛啩…今晚試吓呢間，原因是蘇絲黃曾讚到它頂呱呱，即管睇吓係咪咁好。三人訂了位，被安排於一卡座。總覺此等卡座似乎較適合二人世界，因長方枱造得太淺，坐於兩旁基本上沒有太多空位擺放生料，只能放在餐車上，不時要企起身才能挾到。周圍又只得較大的圓枱，冇辦法啦。蘿蔔牛腩湯底: 加了黑胡椒粒，不過不失，惟蘿蔔切得過厚，滾了個半小時仍未腍。初時味道還可以，不過加多兩三次湯之後頓覺成煲湯變鹹，之後更變本加厲，最後直情覺得好鹹唔敢再飲。手切本地牛肉: ($138大)，雙飛切法，未算入口即溶，中間部分有些少「韌」，並不是頸脊部分嗰種口感。It's fine but not great!招牌水餃: ($88八隻)，熟後變得大大隻，一隻餃內有三四隻蝦，但甚少木耳絲或筍絲，感覺上和吃鮮蝦雲吞沒有太大分別。餐牌上餃類選擇不太多(魚皮餃欠奉)，最後encore 來多半份四隻($48)。雜菜籃: 雖然簡簡單單只有五種蔬菜(唐

火鍋店有剌身和海鮮供應, 環境舒服地區寬敞, 服務好有熱誠的招待和親切的笑容。侍應會幫客人將鍋裹滚出的泡撥走, 不斷換骨碟和加茶等, 這種服務已加了不少分。*花膠雲英雞湯底~ 雞不夠鮮味, 湯底一般, 花膠幾好。*日式雜菜籃~ 賣相吸引, 有雜菇和幾種菜。*墨丸併蝦丸~ 彈牙, 蝦丸不夠蝦味, 墨太較好。*不倒翁金牌手切肥牛~ 牛肉味香, 有少少肥膏幾好。*脆脘骨腩~ 鮮味但切得較薄。*飯後還有生果和糕點送。

星期二朋友聚舊,要坐得舒服,所以黎左呢求,果然已經安排左卡位,好舒適.三文魚刺身, 帶子: 新鮮好食手切肥牛: 有牛肉味,正!雪花肥牛: 略有咬感,都ok四寶丸: 不過不失娃娃菜: 正, 新鮮好林燒賣餃: 較"漏"蔗水:清涼唔甜, 好味冬瓜湯底: 清清地,OK整體上唔錯, 侍應service好好,加上坐位舒適, 值得一讚!只係覺得有點貴,不過一分錢一分貨!!

天氣持續寒冷, 最好還是吃火鍋.今次去了蘇絲黃推介的不倒翁, 結果食食下真的見到蘇絲黃幫襯.要了涼瓜咸菜排骨湯底, 涼瓜味不太出, 因有很多黑胡椒粒, 味道反而似咸菜豬肚湯.桂花蚌鮮甜爽口, 打邊爐推介.手切肥牛肉, 本想要求要牛脊肉, 但侍應說這就是, 姑勿論此言屬實與否, 牛肉嫩滑也可算有肉香.皇牌水餃果然不錯, 大大隻鮮蝦加爽爽木耳絲, 滿足口感.菜籃有多款蔬菜, 有西洋菜, 娃娃菜, 秀珍菇, 金菇, 生菜等, 新鮮清潔.最驚喜反而是湯底的排骨頭, 肉醃得咸咸香香, 有肉有根, 嫩中彈牙.喝着西瓜汁, 一凍一熱, 十分過癮.附送的兩片西瓜和杞子桂花糕也不賴.