不倒翁中日火鍋料理

好耐冇食過打邊爐，搵到呢間食海鮮邊爐，嘢食好似幾高質，我哋order咗個二人餐，每位$380 ，包咗刺身拼盤，三款新鮮海鮮，火鍋配料湯底，每人一杯嘢飲，仲要茶介+1全包，價錢非常合理。先嚟個刺身拼盤，刺身有吞拿魚、三文魚、同埋八爪魚，三文魚好厚切肥美，吞拿魚同埋八爪魚都新鮮，質素好OK。跟住呢就開始食火鍋，我揀咗招牌鴛鴦鍋底，有芫荽皮蛋湯同埋沙嗲湯底。海鮮呢就一開始食芫荽皮蛋湯，食海鮮嘅鮮味。蟶子王好大隻，肉身好厚，超級爽嫩鮮甜，裙邊嘅部份好爽脆，拖一拖就食得。桶蠔好大隻，咬落去卜一聲鮑汁，鮮味creamy。南非鮑魚都好大隻口肉，最重要係一啲都唔韌，爽嫰爽嫩，好正。食完海鮮我哋就食頂級雪花肥牛，牛肉好靚，雪花均勻適中，唔會太肥冇得食，肉質軟嫩，牛味濃郁，沾上我自己調製嘅火鍋醬油好好味。手打丸有牛丸、鯪魚丸、蝦丸同埋墨魚丸，細細粒迷你版，一口一粒，每款都真材實料，爽彈爽彈。水餃同埋雲吞好有驚喜，特別係嗰隻鮮蝦雲吞，皮薄餡靚，個皮滑溜溜，裏面包住好多隻蝦，超級爽口，而且蝦味濃郁，似係海蝦。最後食埋啲菜同埋個超級爽口嘅生麵已經好飽好滿足。點知原來仲有個甜品送，係桂花杞子糕同埋椰汁馬豆糕，兩款都好清甜，食到飽晒食都唔會覺得腻。…查看更多

今日同朋友到佐敦打邊爐，好快店員安排好座位。我地今日點了極尚火鍋：四川麻辣鍋+番茄薯仔鍋，海鮮（生劏龍躉片，生猛海蝦，南非鮮鮑魚，堂灼桶蠔，紐西蘭蟶子皇，日本鮮元貝，頂級雪花肥牛肉，日式魚生刺身拼盤，鎮店水餃皇，唐生菜，手打四寶丸，韭菜餃，生麵。四川麻辣鍋+番茄薯仔鍋：有辣有唔辣岩晒喜辣同唔食得辣既人。四川麻辣夠惹味，番茄薯仔夠清甜。生劏龍躉片：肉質好，味道鮮甜，厚身有口感。生猛海蝦：爽口彈牙又夠鮮味。南非鮮鮑魚：大大隻，肉質彈牙又夠鮮。堂灼桶蠔：口感唔錯，入口鮮冇腥味。紐西蘭蟶子皇：鮮甜可口打邊爐一流。日本鮮元貝：大大粒元貝，除左有口感外仲有鮮甜味道。頂級雪花肥牛肉：肉質好，夠牛香，油脂分佈平均。日式魚生刺身拼盤：新鮮又厚切，令口感味道都讓人十分享受。鎮店水餃皇：大大粒蝦，鮮味十足難怪係叫鎮店。唐生菜：新鮮好味道。手打四寶丸：味道唔錯，有口感。韭菜餃：大大粒又有好香韭菜味。生麵：份量都幾多。酸梅湯同竹席茅根水都好好味道。仲有桂花糕甜品送，味道都唔錯又唔會太甜。…查看更多

🔶🔷🔶人均唔洗$400 有刺身有海鮮拼盤🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力。不倒翁開左咁多年，最出名就係食刺身加海鮮打邊爐，呢間火鍋店係以高質食材取勝，唔係一般放題比得上喔。極尚火鍋2人套餐（$760）叫套餐會免曬茶芥加一，呢度都慳番成舊水。混醬方面，我覺得必試自家製XO醬，有好多瑤柱呀。飲品同樣係自家製，有竹蔗水或者酸梅湯。一開始就食左刺身拼盤先，有3款刺身，打邊爐前食左刺身先都幾特別。湯底有好多選擇，瑤柱冬瓜湯清清地又解熱。海鮮拼盤可以自選3款海鮮，我地揀左鮑魚、蟶子、元貝。頂級雪花肥牛雪花平均分布，血紅色代表牛肉夠新鮮。另外仲有鎮店水餃皇、唐生菜、手打四寶丸、韭菜餃、生麵，其中水餃皇入面嘅大蝦非常彈牙又大隻。@budaoweng_hotpot 。📍不倒翁中日火鍋料理 (佐敦)佐敦佐敦道23-29號新寶廣場2樓…查看更多

位於佐敦老牌火鍋店「不倒翁中日火鍋料理」開業已經超過20年，火鍋食材無論海鮮、牛肉、手包餃子、丸子等，一向以高質抵食見稱，近期更推出「極尚火鍋二人餐 」超多嘢食，包一個鍋底、超靚牛肉、刺身拼盤、三款海鮮、手打丸、手包餃子、蔬菜、生麵和飲品，而且仲要免收加一，真係性價比超高👍👍🌟極尚火鍋二人餐 $ 380(每位）✨招牌駕鴦鍋｜芫荽皮蛋、沙嗲一邊清熱充滿芫荽香，另一邊沙嗲香濃嘅味，配打邊爐美食一流✨頂級雪花肥牛肉（細）
我哋加咗加＄100轉安格斯手切牛肉，睇埋相已經知道係勁高質，油花滿滿、入口軟腍、充滿牛香，抵食✨日式魚生刺身拼盤 三文魚、八爪魚、希靈魚，件件大件新鮮肥美✨鎮店水餃皇｜韭菜餃自家手包大大粒超足料，水餃皇餡料豐富尤其鮮蝦特別彈牙，韭菜餃肉餡鮮美，充滿韭菜香氣✨生猛海鮮三款海鮮生猛海蝦、紐西蘭蟶子皇、日本鮮元貝，新鮮得無話可說✨手打四寶丸自家手打牛肉丸、鯪魚球丸、蝦丸、墨魚丸，新鮮彈牙，充滿膠質好味道✨生麵｜唐生菜食埋生麵和唐生菜，生麵配上沙嗲湯底，每條麵條超級掛湯，沙嗲味道超好食✨奉送甜品每位人客更奉送馬豆糕和桂花糕，清甜好食🌟燒鵝下莊 $ 218望見燒味櫃見到燒鵝超靚，又忍唔住嗌咗一碟例牌，果然係皮脆肉香，燒鵝味道濃香，肉質多汁嫩滑…查看更多

晚上到了位於佐敦的-不倒翁火鍋🍲，嘆番個每位只需要$380, 就可享受到極尚火鍋二人套餐，包晒醬料$同加一，認真超值☺️。刺身拼盤，有吞拿魚、三文魚、同埋北寄貝，新鮮味美，質素唔錯。冬瓜瑤柱鍋底，湯底清甜，又可以品嘗到食物嘅鮮甜。海鮮任選三款，蟶子王爽嫩鮮甜，南非鮑魚肉身厚有咀嚼感，龍躉魚厚身大塊，肉質煙銀爽口，頂級雪花肥牛，牛味香濃，肥瘦適中，肉質幼嫩很美味。雲吞及水餃🥟，皮薄餡十分之足料，蝦大隻且超級爽口。手打丸類的有四款，分別是牛丸、墨魚丸、鯪魚丸及蝦丸，真材實料，各有特色，新鮮又爽彈。生菜🥬及生麵份量多很飽肚。酸梅湯，酸酸甜甜的，消滯都唔錯。食完送了椰汁味好香的椰汁🥥糕。…查看更多