上海弄堂菜肉餛飩 (綿發街)

營業中

休息中

舊同事住在跑馬地，她是正宗上海人約我在她家附近的一間道地上海傳統菜式的飯館午膳，地方不大但五臟俱全，有一大塊落地玻璃窗，透光度充足；我們一推門店員立刻上前殷勤招待；坐下看看餐牌，嘩！有很多選擇，花多眼亂，隨便點了蝦仁跑蛋套餐加白飯其餘便給舊同事發板。先來了蝦仁跑蛋套餐餸白飯～熱氣騰騰的一道家常小菜，爽口彈牙；隨之而來的是醉雞套餐餸白飯～酒香味美，清爽涼菜，百吃不厭；然後又端上燻魚一碟～厚實鯇魚做出燻魚，有嚼感，完全沒有魚腥味，反而甘甜美味，滋味無窮；最後來的是小籠包～肉質香濃鮮美，皮薄餡靚，湯汁豐盈鮮甜，把小籠包輕輕提起，一小口咬開慢慢吮嘬，令人愛不釋手。這頓午膳很開心能嚐到正宗的上海菜，足矣🤗

本身諗住快食簡單一餐，但出奇地有驚喜亦睇得出裝修擺設有心思，連筷子都刻有上海弄堂👍🏿先嚟個前菜 糖醋排骨酸酸甜甜好開胃/ 見色水深啡色就知道好入味/ 大部分排骨用上半肥瘦 食落有口感得嚟唔痴牙上湯腿茸津白重點夠熱/ 上湯鮮甜 並唔係味精湯/ 份量多小籠包上枱時熱辣辣/ 包皮偏向厚身有質感/ 肉涵新鮮汁多賽磅蟹 最出色🥺未試過份量多到差啲食唔曬/ 調味適中絕唔油膩/ 加上蛋黃一流整體用餐質素高，環境有心思配上上海特色，侍應服務態度友善。食物唔多講了，cp值高！

在跑馬地辦了點事，順手吃個飯才回家想吃中菜，便隨意入了一家上海菜館，裝潢很有中國味。看到優惠價的黑松露小籠包當然要點一客！店家本有全日套餐，不過我們二人想分著吃，就單點了幾款餐點。陳年花雕醉雞7時多，點了店家最後一份醉雞一嘗，酒味香淳，雞皮爽口，雞肉結實而有肉香，果真是熱銷的菜式！不是一般冰鮮貨可比擬。家鄉燻魚口感結實，醬汁香氣充分地滲入魚肉裡，味道香甜濃郁，相當正宗！黑松露小籠包本以為黑松露味會過於濃郁，在這裡卻發揮得恰到好處沒有搶去豬肉的風頭，而是隱約為它帶來一絲香氣，好吃！嫩雞煨麵看見奶白色的湯頭我就放心了清淡而鮮的湯頭，滲入蔬菜的清爽，麵條軟綿而不爛，is my all time comfort food.菜品出色，店員親切有禮，必須收藏在口袋的餐廳!

今天來到跑馬地的「上海弄堂」食上海美食。店子不大，但也整潔雅緻。菜式有多種配搭選擇，我選了最喜愛的回鍋肉、無錫骨和紅燒牛肉。“超值一人套餐”，共五道菜：湯、涼菜、主菜、飯/麵、飲品。湯：酸辣湯，非常足料，有豆腐、木耳、冬菇等，味道濃郁，醒胃。涼菜：鎮江肴肉，很別緻的啫哩肉，伴有薑絲，現在已很少地方可以吃到了。主菜：弄堂回鍋肉，夠鑊氣，爆香的豬肉片非常可口。配菜有爽口的青紅椒、椰菜和豆腐乾等。飯麵：菜飯，油香兼有咬口。飲品：酸梅湯和茅根甘蔗水，炎炎夏日，清熱透心。午市小菜一樣附送飯/麵和飲品。“無錫小排骨”，基本上是無骨的，啖啖肉。鎮江醋酸酸甜甜，特別惹味。“上海紅燒牛肉”，牛腩肉燜得非常腍軟入味，口感非常好。這裏的菜式選擇多，又好味，價錢平民化，是嘆上海菜的好去處。

估唔到係跑馬地呢d高尚住宅區都有d呢d價錢相宜，質素亦唔錯既上海小菜館。餐廳裝潢簡僕清潔，令人感覺好舒服。佢d套餐都幾多選擇，唔洗叫得一大碟餸，所以就算我地兩個人食，都可以試到好多唔同既菜色。我最鐘意係個鱔糊同煎餃。鱔糊炒得香，鱔身亦爽甜，加埋清新既芽菜絲，絕配。煎餃size 比我想像中大，煎到皮脆金黃，咬落去仲有濃厚既肉汁，爽呀！最後值得一讚既係侍應姐姐好欣勤有禮，好有小店既人情味，欣賞！有機會會再黎食

餐牌選擇豐富💗。午餐牌都有多種選擇和配搭。一坐低，店員便送上麥茶，叫我們慢慢看餐牌，非常有善。餐廳裝修中式菜館風格，簡潔舒適。我們點了兩個午餐套餐加多個小籠包。‖ 蒜香排骨 ($58) ‖排骨外面脆卜卜，肉不算厚，但味道不錯，帶點香口。‖ 回鍋肉 ($70) ‖有豆乾、椰菜，和青、紅椒一起炒。這道菜的醬汁好惹味，所以炒起的回鍋肉不錯，特別是椰菜，把醬汁吸收透，好味😋。我們都各加$10，選配擔擔麵。擔擔麵好香花生味😊，湯底香濃，麵質軟彈。‖ 小籠包(4只) ($48) ‖外表濕潤剔透，賣相吸引。夾起時，底部有點被蒸籠紙黏住。小籠包內裡充滿湯汁，餡肉味道ok。至於飲品，分別配凍豆漿和凍茅根甘蔗水。豆漿香甜順滑，茅根甘蔗水則十分清甜解渴，兩者都好喝。其實還有好些菜式想試，不過肚子飽飽，留待下次有機會再試吧！☺️店員服務好好，招呼周到，又關心體貼，讚讚☺️👍🏽。

自從跑馬地黃泥涌三角公園封鎖咗行車線入口之后, 已經絕少入去哩個我以前返室內設計助理嘅工作地方.未封路之前, 久不久都話揸車經跑馬地轉個大圈過返九龍, 今次專程坐電車入去感受一下, 當然..... 面目全非了...... 如果唔係出差香港島, 被D港島區同事無意間知道我識少少風水, 叫我去佢跑馬地屋企睇睇, 相信都唔會走入嚟.睇完風水之後, 由於想自己四處行下緬懷一翻, 於是婉拒咗同事晚飯之邀請, 約埋女友小熊四圍行.行到一處叫綿發街, 見到一間叫上海弄堂嘅餐廳, 小熊話哩間上海菜好出名, 於是就入去幫襯.其實...... 吸引我行入去綿發街原因係我見到一個類似戰時防空洞入口嘅建築物.小熊睇份 menu 睇得好開心, 我就八八卦卦睇個防空洞.....問小熊有咩想食, 佢話睇中好多野.....最后點咗兩個 set, 前菜有燻魚, 醉雞, 小籠包, 酸辣湯, 主菜有獅子頭同紅燒肉百頁結, 擔擔麵一辣一走辣多蔥, 另外再點一客蒜香排骨.小熊話哩間上海店好出名, 果然見到食家蔡瀾一個大大嘅"蔡瀾推薦"金招牌, 記然咁出名, 就專登試吓最最最簡單嘅野, 豆漿!試過好多上海店嘅豆漿, 淡茂茂, 唔

今天下班打算簡簡單單吃個晚餐就回家了，因為最近都好像吃得有點多，想調整一下！所以今天就選了間上海菜館的吃吃看，而且也很久沒吃過了！上海紅燒牛肉湯麵（８２元）看起來感覺簡單，但實際吃起來真的挺考功夫的！這個味道真的很好，麵湯看起來非常清淡，但入口味道鮮甜惹味，更帶點蔥香，配上滑中帶點口感的麵條，吃起來就剛剛好！而紅燒牛肉是選用了牛腩的部位，燉煮得非常入味，醬香味十足，而且入口鬆化，有油香，配上鮮甜的湯底，一碗麵能吃出兩種不同的體驗，既濃又淡！茶位（５元）晚上五時後要收取的茶位費。

家住跑馬地,  離 上海弄堂菜肉餛飩店 不遠, 所以一想起吃上海菜.  便立即去.餐廳面積不大, 裝修帶中國上海古典風, 店內掛上舊上海風景畫,  富懷舊感座位整齊, 店員迅速送上餐牌.餐牌彩色印制,  好清晰.    有散叫及套餐,  我 最愛一人套餐.  有分 超值 , 豐盛 及 極品套餐 三種,  包括有 5, 6, 8 款組合,  如湯, 小食, 涼菜, 點心, 主菜, 飲品.....今日我和妹妹下午茶時段來,  大家吾肚餓,  兩人叫了一位極品套餐 共享,  全有 8  款.飲品 (4選1) :  凍茅根甘蔗水,  加$3,  生津解渴, 唔會過甜, 用紙杯環保又衛生. 湯 (2 選 1) ,  選了酸辣湯,  上海菜館必食的一個傳統湯羹,  非常足料, 有木耳, 冬菇, 豆腐, 雞蛋絲等. 味道香濃, 酸辣比例好適中.特色涼菜 (4 選 1)  花雕醉雞 加 $8.    酒香濃郁, 雞肉嫩滑, 滲透了香濃的花雕酒味, 好食.小食/點心 (4 選 1)   小籠包, 上海菜出名點心, 每次必食.  即叫即蒸,  要趁熱食.  充滿湯汁,  包皮不太薄不易漏湯, 餡料好味又豐

今日中午和太座在區內上徒手體操課，落堂後正找地方來個遲午飯，被横街内這上海小店招牌吸引，便入内光顧，雖是不大的面積，枱數五，六張，但看來亦好雅緻😀先選了我們至愛的家鄉燻魚做前菜，味道正宗，魚肉軟硬適中， 醃製工夫恰到好處，這一餐冠軍之菜😋😋👏👏主食點了陳年花雕醉雞套餐，無錫小排骨套餐套餐奉送飲品(選項有豆漿，酸梅湯，茅根竹蔗水)及白飯或菜飯(改擔擔麵另加十元)醉雞花雕酒味濃香，雞肉甘甜嫩滑，全無油膩感 ，水準之作😋😋無錫小排骨， 甜醋味香濃， 排骨肉鬆軟甘香，肉質入口 融化，豬軟骨好有嚼感😋😋太座作主食的擔擔麵賣相亮麗，聽她說味道好地道👏我的菜飯清香又有口感，好决定👏一頓享受的上海式午餐在品嘗一杯熱豆䊢之後完结了👍🏼

今日想食上海料理，見到網上介紹呢間係跑馬地嘅「上海弄堂菜肉餛飩」款式多多，於是與 honey 一齊嚟試下，餐廳雖然細細哋，但座位尚算寬敞。😊一睇餐牌發現款式配搭多多，有三款“一人套餐”，裏面有湯、特色涼菜、小食、主菜、蔬菜、甜品，每項都有“2-4”選一嘅選擇，除此之外，還有各款午市優惠套餐，真係款式多多喎！😉經過一輪挑選後，最後揀咗一客$168“豐盛一人套餐”及$68“菜膽獅子頭午市套餐”！😚【酸辣湯】 ~ 酸酸甜甜少少辣，餡料又多，令胃口大開 【寧式燻魚】 ~ 有燒魚感覺，肉質甜甜哋幾得意 【小籠包】 ~ 包內有湯及鮮肉，一啖一個 【餛飩雞】 ~ 窩仔上感覺超，雞湯鮮甜，雞肉浸湯夠晒入味，餛飩有滿滿肉餡，加埋小棠菜，絕不單調 【菜膽獅子頭】 ~ 肉丸大大個圓碌碌好搶眼，肉汁豐富調味適中，配合小棠菜拌碟 還有“陽春麵”及“菜飯”，食完飽飽！ 飯後飲杯“茅根甘蔗水”、“豆漿”，清清甜甜，感覺舒暢！😘

原來呢度有一間好食嘅上海菜，真係唔講唔知道！於是今日都好想介紹一下，食上海菜我自己最鍾意食嘅莫過於就係小籠包啦！呢一度嘅小籠包真係好好食，外皮非常之煙靭，而且小籠包入面嘅湯汁亦都係非常之多！仲要係好香濃嘅肉質味道！好吸引

今日去咗跑馬地，見天氣凍凍地就想食啲熱辣辣嘅中式嘢，所以就去咗上海弄堂。每位食客都會有一杯大麥茶，比普通中式茶多一陣香味。最近天氣轉變，感覺好乾燥，所以叫咗姬松茸豬展湯滋潤一下，燉湯好滋潤好補，飲完成個人即刻暖哂。我叫咗紅燒肉百頁結一人套餐，配脆皮春卷，春卷啱啱炸起，熱辣辣好脆口，而且用咗比較健康嘅蔬菜餡。紅燒肉百頁結嘅紅燒肉煮到好腍好入味，肥瘦適中，唔乾得嚟又唔會太多肥膏。之前未食過百頁結，質地有啲似腐皮。加錢轉咗個擔擔麵，上海弄堂嘅擔擔麵不嬲都好高質，少少辣好惹味，麵又夠彈牙，仲有好香嘅花生醬味。朋友就叫咗比較健康嘅嫩雞煨麵，有好多菜粒同雞粒，雞肉都夠嫩唔會乾。最後仲叫咗個小籠包，一上菜熱辣辣，蒸氣令到小籠包脹卜卜，皮夠薄，豬肉好肉地，肉汁同濃湯完美混合。

今天到來時原來已是下午茶時間（$39-$59）！好抵食.包一杯豆漿或特色飲品. 可以再加精選特惠指定小食店員給了我們座在近窗位置.非常舍意.我們叫了兩個tea sets再加一個干四季豆.食上海嘢一定要食這味餸.因工夫不少.在家中不易整.其中一個tea是嫩雞煨麵麵,我喜歡配麥茶！！煨麵好淋身及有濃濃的雞湯味加酸辣湯.配麥茶簡直是絕配另一個是擔擔麵加小籠包再配豆漿！擔擔麵可選辣度,我們選了“小辣”.剛好.想辣時就在那辣度停了.非常適合不能食辣的客人.小籠包一流夠熱新鮮整！Happy tea time~~~

同媽媽喺附近行街行到肚餓搵嘢食，呢間個環境唔錯， 啲嘢又啱食就揀咗呢間，都冇揀錯 入到嚟都坐得幾舒服，同媽媽食，係要搵啲坐得舒服啲嘅餐廳我哋都叫咗好多嘢食，有凍酸梅湯幾好飲，唔會太酸，亦都唔會太甜，飲得出有烏梅味，睇番餐牌先知原來佢用咗烏梅，山楂同甘草去煲唔怪得知咁夠味睇餐牌好多樣都好吸引好想試，叫咗個特色涼菜拼盤三拼，陳年花雕醉雞， 媽媽讚不絕口， 啲雞皮同啲雞肉都好嫩滑， 而且食得出有酒香， 啲雞又冇乜肥膏，皮薄肉嫰， 花雕酒好入味鎮江肴肉， 口感好爽，唔濃味，配埋啲薑絲好夾， 好似唔係好多餐廳有得食， 難得呢間有，亦都整得好食，真係必試香菇烤麩， 平時少食上海菜， 睇賀年節目講烤麩講得多， 都未食過，店員耐心解釋烤麩其實係齋嚟嘅，類似麵筋幾特別， 第一次食， 配埋啲木耳好夾， 唔會太重口味得嚟，又唔會淡而無味姬松茸豬腱湯，佢個賣點係足料冇味精， 咁因為我係同媽媽去食 媽媽煲開湯食得出，個湯佢哋真係冇落味精， 而且媽媽都話好足料，煲出嚟都好濃味，但又唔會一味死鹹，媽媽都覺得好飲香煎鮮肉餃， 勁抵食勁大隻， 皮薄餡靚， 個皮煎到脆卜卜， 咬落去有肉汁流出， 個人認為必試必食， 個餡勁