上海弄堂菜肉餛飩 (歌賦街)

營業中

休息中

發覺上海菜嘅小店愈來愈少，難得比我搵到間精緻嘅小店，一定要試啦！食咗幾款菜式，真心覺得好食又正宗，價錢又唔貴，小店乾淨企理，很喜歡！❤️平日有午市優惠套餐送豆漿、酸梅湯、甘蔗水我哋今次飲甘蔗水，好清甜解渴。🔸薺菜豬肉餛飩（$62）❤️非常好食！皮好滑，厚薄適中，有彈性，餡料飽滿，薺菜好新鮮。湯底係簡單嘅醬湯湯，但都已經好好食！我見有客人會專程嚟買生餛飩回家打邊爐，可見有幾受歡迎！🔸陳年花雕醉雞（$68）雞滑得嚟有咬牙，唔會梅，花雕味唔算好濃，但幾香，係比較清淡嘅菜式。🔸蒜香排骨（$58）大塊足料，炸得夠脆又唔油，配埋炸蒜超香口。🔸擔擔麵（+$10）花生味好濃，湯底濃厚適中，上海幼麵又滑又彈牙，掛湯力不錯，個麵好好食。🔸酸辣湯（$18）酸辣度剛好，材料切得夠幼細精緻，可見廚司係用心製作，用嘅醋好香，滋味唔搶喉，喜歡！

晚上約了附近工作的朋友吃晚餐，朋友喜歡吃中菜，這次選了在中上環的一間上海中菜小館，一邊聊天，一邊吃飯。店內的裝潢以中式古典為主，採用深色木色調。甫入座，店員端上兩杯茶和一個前菜辣花生($10)。花生香脆，有微微的乾辣椒和花椒香味。一杯熱茶伴花生，聊聊天等待菜餚上桌。先上桌的是鎮江肴肉($88)，口感很好，肉凍口感爽口，帶點冰涼的口感，微鹹。加上附碟的薑絲，再蘸上少許醋，微凍中帶點酸口，讓人胃口大開。小籠包($48)四隻，香熱的小籠包裏面的湯頗足夠，湯有肉香不太油膩，肉餡鮮嫩，皮微厚帶嚼勁。小棠菜燴百頁($88)有家常菜的感覺，份量足，小棠菜新鮮多汁爽口，百頁掛上菜汁，份量適中，與小棠菜呈現兩種不同的爽口感。這道菜是伴飯良品，健康之餘也能滿足對味道和口感的追求。獅子頭菜飯($82)，兩大個獅子頭伴菜飯。獅子頭口感介乎厚實和軟中間，有點像吃釀肉的豆腐，如混入馬蹄或者菱等爽口的蔬菜更佳。菜粒能均勻混和飯粒，把獅子頭蘸上碟上的汁，伴熱菜飯吃也不錯。最後是甜品桂花酒釀丸子($35)，桂花量多，而且桂花夠香，甜度剛剛好。攪拌後吃，會嚐到酒味，酒味適中，不會蓋了桂花的香味，丸子量多，也很有嚼勁。整體

近排成日都好想食小籠包，中環收工後就網上睇下附近邊到有，搵到呢間食評唔錯的上海菜館，餐廳乾淨企理，擺設都係濃濃上海風，食物質素一定都唔差得去邊！睇完餐牌都係決定食一人套餐，今次叫左個貴小小的$168豐盛一人套餐，有湯、涼菜、小食、主菜、 飯麵同飲品！酸辣湯：酸辣湯好足料，滿滿肉絲同木耳，酸度適中偏辣，暖胃又開胃。涼菜+$8 陳年花雕醉雞：雞全部都大大舊，一入口會散發住濃厚的桂花花雕味，而雞都好入味滑溜！主食 沙窩雲吞雞：滿滿配料包括雞、雲吞、火腿絲同菜，值得讚係湯底做得唔錯，好鮮甜！雲吞每隻都大大隻，好足料！飯麵類選左陽春麵：又係好大碗，食完完全係捧住個肚走，超飽！飲品一定要選酸梅湯，超級解膩，生津解渴！總括黎講超級抵食，份量完全可以2個人一齊食，會再光顧！

👉行完文化氣息🈵️🈵️嘅PMQ, 過隔離歌賦街食上海菜啱啱好‼️👍.📌超值1人套餐 $118 ～ 點了2⃣️個餐，🈶️湯、前菜、主菜、飯/麵、豆漿。。。抵食👍• 酸辣湯 ～ 味濃足料，酸辣度適中，黑木耳、荀絲夠爽口。• 擔擔麵 +$8 ～ 麵質滑溜，湯底香濃，肉碎、花生碎少不了，點了少辣，其實係BB辣！• 醉雞 +$8 ～ 酒味不多，入口冰涼，夏天佳品。•寧式熏魚 ～ 魚肉炸好經過製作仲有少少脆，甜甜哋幾好味。• 無錫骨 ～ 酸酸甜甜好夠味，仲🈶️好多最愛嘅豬軟骨，脆脆好味道。•紅燒肉百頁結 ～ 大大件五花腩好入味，肥肉甘香，邪惡度🈵️分。百頁結吸收咗汁醬略咸了點。•菜飯•豆漿 ～ 豆味好香夠濃稠，🈶️驚喜。👉茗茶 $10/位👉前菜花生 $10👉加一服務費

晚飯時間同朋友一齊喺歌賦街，我哋呢晚想簡簡單單食一餐，見到呢間上海菜館，地方雖然唔算大，不過乾淨企理，似乎幾啱呢晚嘅胃口，於是就決定入去開餐😆我哋叫咗兩個 $118嘅「超值一人套餐」，包5款：湯、特色涼菜、主菜、飯麵、飲品，每款基本都有四樣俾你揀😆；我哋咁樣揀😆：湯 - 酸辣湯：呢個湯先上，都幾足材料，有幾多肉絲，湯底亦都幾辣，好味開胃😋特色涼菜- 陳年花雕醉雞（加 $8）：醉雞🐓幾入味又有花雕香😆- 鎮江餚肉：有三件，啖啖肉😆主菜- 弄堂回鍋肉：回鍋肉薄切，炒得香口😋- 古法紅燒肉百頁結：典型傳統上海菜嘅濃油赤醬，真係味道非常濃郁，亦都充滿豬油香，好惹味😆飯麵- 菜飯：我撈咗 紅燒肉 嘅醬汁，更加好味，好快食晒成碗菜飯😆- 陽春麵：簡單幾好食飲品 - 豆漿：唔係好甜，幾有豆香😆

有一次行過歌賦街，見呢間上海餐廳幾有特色，想試~結果之後一路冇下文🤦‍♀️今日係銅鑼灣返學，放左學終於同朋友來呢度試下了😂去到餐廳係五點半左右，時間尚早，餐廳一個客都冇😂餐廳地方唔大，但裝修幾雅緻，幾舒服👍坐低就上茶同餐前小食~🥜花生一D都唔普通，見佢有D辣椒乾同花椒，食落微辣帶麻，幾好食😋最後兩個人食晒成兜🥜花生🙈睇左陣menu，見超值一人餐幾抵食咁😳$118，有齊湯、前菜、主菜、飯同飲品，所以就叫左個一人餐，再加多份🐷小籠包同🍲蔥油拌麵~落單冇耐已經上菜，勁快😳先上🐟寧式燻魚同🥘酸辣湯~🐟寧式燻魚，質地唔會太乾，唔會太硬，有D驚喜👍因為之前食過一間好硬掘掘，感覺好麻麻😢甜甜地，好o岩送飯😏🥘酸辣湯，料超多，每一羹都好多料😳味道上，好酸好辣，兩個味都好勁😂我麻麻地酸辣湯都覺得呢個幾出色🤣🍲蔥油拌麵一上枱覺得幾吸睛😳D蔥好多，深綠色，唔係啡色😚因為好多蔥，所以一上枱已經聞到蔥味😏麵質煙韌，唔會好淋👍味道上唔會好鹹，唔錯😋🐷回鍋肉跟🍚菜飯因為對回鍋肉情有獨鍾，所以諗都唔洗諗，一人餐主菜就叫左呢個~豬肉片仲多過D菜😳一碟有齊豬肉片、豆乾、椰菜同辣椒~少少辣，好好送飯，好快就清晒成碟（食送），

聽說這小店上海菜頗地道, 今日下午正在區內辦一點事, 完成後已過午膳時段, 正好來一個上海式下午茶餐😀午市套餐選擇頗多, 我點了超值一人套餐包括：飲品-香茶, 生津解渴, 炎夏佳品小食-陳年花雕醉雞, 酒香而不搶味, 肉質滑嫩, 好好的餐前涼菜👍😋湯-自家養生湯是椰子燉雞湯, 清甜可口, 椰香滿溢, 湯料雞肉冧軟, 椰片仍有嚼感👍主菜-古法紅燒肉百頁結, 豬肉炆得軟硬合度, 味道中和而不感肥膩, 百頁結入口爽脆又鮮味😋😋主食-擔擔麵這餐我至愛, 中辣味較溫和, 湯頭濃郁, 麵條爽口彈牙😋😋飽餐後再享用多杯香茶才完結這回味上海式下午茶餐👍👍

上海弄堂係我哋幫襯多年嘅上海餐館弄堂係上海小巷嘅意思亦係品嘗上海家庭小菜的好地方老闆娘胡太係上海人1949年從上海移居到香港有超過40年入廚經驗上海弄堂運用名廚相傳已久嘅獨特配方製作地道上海菜今次點的一人套餐包豆漿、酸辣湯、寧式熏魚、紅燒肉百頁吉和菜飯（$118）另外再加醉雞擔擔麵 （$85）前菜花生加上花椒炒過，非常惹味，好麻辣的朋友一定喜歡食物質素有保證，真心推介給大家上海弄堂菜肉餛飩 (歌賦街) (中環)中環歌賦街35-37號地鋪

🔖 中環返工嘅朋友福音到，有冇諗過返工可以食到高質素嘅上海菜，今次熊貓叫左一間上海菜，幾有驚喜 💬 上海擔擔麵 配 酥炸排骨 $79 外賣平台 discount後$79蚊，擔擔麵湯底非常濃郁，少許企身，混合埋花生令到湯底昇華曬，擔擔麵份量剛剛好，排骨炸得好脆，但係偏乾身，冇乜肉汁，排骨上面加左好多炸蒜粒，加埋排骨本身嘅味道就會比較鹹，但確實惹味🔥 📝 總結 以外賣黎講算係有水準，但係價錢真係偏貴，discount左都要$80食到豐富少少，所以各位打工仔自己衡量一下啦

中環放完工去歌賦街同同事一齊搵食～同事話突然想食銀絲卷，所以就去咗上海弄堂～平時lunch time都經常光顧，今日第一次食晚市💛入到去坐低店員就送上香脆花生俾我哋食住等～兩個女仔實在太肚餓，唔覺得叫咗好多澱粉食😝😝因為菜單圖片太吸引，咩都想試～點完後好快就一碟一碟送上，銀絲卷（$28）送到枱面我哋就已經好興奮！黃金色嘅表面，溫度剛剛好，外脆內軟～再沾上煉奶一齊食♥️好滿足♥️第二碟薺菜豬肉餛飩（$58）每一粒都光澤飽滿～餛飩外皮厚度適中，餡料豐富！薺菜豬肉味親清爽鮮甜！第三碟嫩雞煨麵（$75）乳白色嘅湯底係用熬好嘅雞湯製成，非常鮮味，岩晒我鐘意飲湯嘅湯怪。雞肉和蔬菜份量適中，口感潤滑，回味無窮。第四碟香菇烤麩套餐配菜飯（$72）上海必食名菜！木耳好大塊😍 每個材料都非常入味，口味偏少甜，由於烤麩係加咗醬油紅燒，入口帶有濃濃嘅醬香！忍唔住一口接一口！ 🧡上海弄堂一直都係中環人嘅上海菜首選！店員姐姐親切醒目，會一直注意你有冇咩需要～真心推薦！👍🏻

高性價比雅緻上海菜～～～落雨媽咪冇出街買餸，下晝就同家人去咗附近嘅呢一間上海菜食午餐😛～～～餐廳裝修雅緻，午市套餐幾抵食，環境好坐，服務態度亦不錯。～～～#小棠菜豬肉餛飩🥢Pok choy and porkdumplings雲吞皮非常煙靭有彈性，中間嘅餡料亦都足，而且佢哋嘅醋非常香，整體很不錯。～～～#上海炒竘蒻麵🥢Sauteed Konjac Noodleswith sliced pork andvegetable in soy sauce一向都鍾意食粗炒，但係又怕肥，今次見到佢哋嘅餐牌裏面有炒蒟蒻麵非常有趣，而且低卡，就叫黎試下，整體味道到位，而且可以揀少油，貼心。～～～#無錫小排骨🥢Wuxi ribs香香甜甜嘅無錫小排骨非常入味，酸酸地幾開胃好下飯，配搭辣辣地嘅擔擔麵很合適，幾解辣。～～～#酸辣湯🥢佢哋嘅午市套餐可以以優惠價追加酸辣湯，酸辣湯非常足料裏面有冬菇豬肚木耳絲等等，值得一試。～～～上海弄堂菜肉餛飩 (歌賦街) 中環歌賦街35-37號地舖

港島區一向都有好多美食，今日晏晝心血來潮，想食中菜，於是同朋友約左喺中環shopping，打算掃完貨之後就出發去覓食😜 我地去完歌賦街一間小店買布丁做飯後甜品之後，就路經呢間名為「上海弄堂菜肉餛飩」既餐廳，睇完餐牌之後我地就決定入去試菜。餐廳內部幾寬敞，設有不少座位，亦有唔少堯富上海特色既擺設同埋畫報，裝潢設計滲透出古典韻味～我地進入店內，店員就為我地安排左一張小圓枱，枱上放置左醬料、紙巾、牙籤同埋餐具。餐牌方面，分開左午市套餐同埋一人套餐，主食、前菜、飲品等等都包括在內，簡潔俐落。不過可能因為係中式餐廳既關係，佢地既一人套餐餐牌只有中文。細閱餐牌之後，我地決定點一個超值一人套餐同埋一個午市套餐。超值一人套餐包括餐湯、特色涼菜、主菜、主食同埋一杯飲品，真係好抵食。酸辣湯 🥣🌶餐湯方面，我地揀左套餐招牌嘅酸辣湯。酸辣湯用料十足，有木耳、冬菇絲、腐竹等食材。酸辣味道適中，唔算好辣，酸酸地幾開胃。鎮江肴肉(3片)🥓涼菜方面，我地揀左鎮江肴肉。平日真係好少會食到呢種特色小食，所以一見到就立即落單。半啫喱狀嘅肴肉層次感豐富，一層啫喱一層肉，佢既肉質結實，肉味濃郁。除左就咁試佢既原汁原味之外，我地

小妹一向很喜歡吃上海菜，今日跟先生特意跨區光顧位於中環的「上海弄堂菜肉餛飩」餐館。甫進餐館，已受那古典風的裝飾格局吸引著，仿如置身上海老街一樣。服務生先端上熱騰騰的麥茶供客人飲用，這裡的麥茶挺特別，甘中帶甜，喝下喉嚨很舒服。長途跋涉來到餐館，當然點了很多食物。先生點了一人套餐：包有酸辣湯、醉雞、2隻小籠包、回鍋肉和擔擔面。醉雞肉質嫩滑，酒香味也夠出，回鍋肉同樣惹味，都是值得推介之選。以一人套餐來說，種類和份量都實在太豐富了吧！小妹則點了素餛飩、五色蔬菜春卷、炸銀絲卷和上海素粗炒。小妹對於素餛飩的印象可說是最深刻，餛飩所用的材料是純天然的蔬菜，全無味精，湯底就連一滴油都沒有。清淡得來相當健康！非常好！其次是五色蔬菜春卷，春卷內的主要食材是軟綿綿的芋泥。外脆內軟，十分滋味可口！總的來說，這上海餐館鑊氣十足。值得推介！

之前有試過這裏的上海菜，味道很不錯，今次在openrice見到有套餐，份量又幾多 ，於是跟朋友放工到這裏一試。套餐分為三款價錢，豐儉由人，我跟朋友各點了 其中兩款， 當中都包括小菜、點心、餐湯、飲品 以及飯麵，十分豐富：特色涼菜揀選鎮江肴肉以及花雕醉雞。肴肉肉質彈牙結實，充滿咸香味，有濃濃骨膠原的感覺；至於花雕醉雞則花雕酒味道濃，雞肉尚算滑口。主菜則揀了回鍋肉及醬燒茄子，兩款味道濃沃，不會過鹹，而且份量亦夠多，用作配飯就一流。 尤其是茄子煮得淋身，但又不會過於稀爛，仍然保留應有口感，回鍋肉肉片就爽口，有少少微辣頗開胃。香煎鮮肉餃頗為出色，裏面豬肉餡料飽滿，有肉汁，而且皮薄軟滑，味道很不錯。至於酸辣湯、椰子燉雞湯、菜飯、擔擔麵都 有正常發揮，反而豆漿有驚喜，豆味濃郁，滑溜有少許質感，不似豆奶水般稀身冇味，值得推介。這樣的價錢從前菜到飲品都包括在內，另外scan枱上的QR code更享有會員優惠，我們就加添一份手拍青瓜，質素亦都很不錯，是一頓非常豐富，好食，價錢又相宜的晚餐。

午餐時段突然想吃上海菜，想起了公司附近這一間之前只吃過外賣的上海餐館，於是便和同事過去嘗試一下堂食不來不知道原來他們有提供午市套餐，價格在中環地段來說算便宜點了一份回鍋肉配搭菜飯，回鍋肉醬香味濃，本身已經是配搭白飯的好選擇，菜飯同樣帶有蔬菜清甜，令到整個午飯的層次感非常豐富， 十分滿意加配一個酸辣湯，同樣味道令人滿意，酸辣味道十足，是一道非常惹味的酸辣湯同事點了一份擔擔面配搭酥炸排骨，反饋同樣滿足，排骨吃了一件，外皮揸得酥脆，內裏肉汁飽滿吃到中段和同事意猶未盡再點了一份菜肉雲吞，中上質素，餡料飽滿，豬肉結實有油分，滿足