上海姥姥 (馬鞍山廣場)

營業中

休息中

週六中午，和家人來個滬式中午餐⋯⋯ 姥姥家鄉粗炒 （上海粗炒）等候：約5分鐘 （ 最先上桌的一味）賣相：上菜已是圖中的模樣 溫度：室溫，入口部分是凍的材料：白菜、冬菇、豬肉絲麵：乾身且短，似麵碎份量：三小碗評價：大失所望！與半小時後下一輪上菜的相比，份量明顯有別，鄰枱的熱騰騰到出煙，我這碟彷彿如隔夜餸菜混在一起，用微波爐稍為加熱，還要溫度不夠上筷就如給小孩的麵食，每條短短的；可是鄰枱的可夾起到視線水平四川擔擔麵等候：約40分鐘（三番四次催促才上的）溫度：熱騰騰材料：白芝麻、蔥段、豬肉碎湯：花生、麻醬和少辣帶出這碗麵的精髓，味道不錯麵：略為硬身，要慢慢咀嚼 份量：兩小碗評價：麵的份量不算多，料更不在話下，但湯的美味可搭夠招牌小籠包等候：足足一小時(不停催，回應也是制作中，跟本就是等齊所有入單的小籠包一起上，怪不得有部分食客等到放棄）溫度：熱騰騰外層：皮太厚，唯一好處是不易穿餡：多汁，肉質鮮嫩 評價：中規中矩，不過不失炸銀絲卷等候：約10分鐘賣相：不錯（如圖）值得一讚：伴碟的隔油紙亦不見得有太多油份溫度：熱騰騰評價：外脆內軟，咬到裡頭一絲絲卷成的麵團非常欣賞 香煎素鵝

happy Friday 放工後諗下同朋友食乜好，結果揀左長期都咁多人排隊嘅上海姥姥，試下佢係咪真係咁有吸引力先:） 七點都咁多人了 排到8點，真係排左一個鐘，終於獲安排入座座位尚算舒適，有二人空間叫左5款食物，好肚餓 燻蛋幾特別，食到燻的香味上海粗炒不錯，欣賞有唔少菜，好健康加上豆瓣醬好好味^_^ 小籠包係亮點，湯多而不易穿，熱騰騰非常滿足 排骨炸得剛好，炸粉不會厚曡曡，麪的份量也多，另一滿足之選ˊ_>ˋ 鍋貼內的湯充足，但口味不太特別，加上不夠脆，失了少少分數叫左5種食物，只係30分鐘就食完店外仍然有一條長長人龍和朋友都匆匆離開，讓其他人入座啦^_^埋單只係每人$98店亦不設加一，又抵食，或者就係佢嘅吸引之處啦

馬鞍山多了很多食肆，上海姥姥開了好幾個月，終於試到。上海姥姥當然是佷上海菜，我只試了個冷盤，水餃麵和小籠包。冷盤，水餃麵不過不失。小籠包絕對值得推介!!!!小籠包皮薄餡多汁多~~贊皮很薄不易穿，用筷子夾起頂端，見到餡料和湯汁在皮內滾動。滿滿的肉汁，很鮮甜，吃的時候小心點喔^^

星期五晚，同媽媽行開新港城。大概七點，見到上海姥姥出面大排長龍。見到佢咁受歡迎，就試下佢啦。入到去都坐得幾舒服，唔會太逼。等左大概十分鐘就上菜啦。蒜蓉白菜。油唔算太多，味道都適中。唔錯 擔擔麵。份量十分之多。一個女仔一定食唔晒! 肉碎略嫌太少。整體幾好食!冷盤三拼，薰魚，豬手，醉雞。最好食呢個! 薰魚唔會太多骨，細骨都可以食落肚。醉豬手既味道十分好，酒味岩岩好，食落精神! 醉雞就反而比較多骨，而且肉唔多，有少少食到成口骨都未食到肉。建議各位可用燻蛋去取締呢個。招牌小籠包都好正! 皮不會太厚，肉質彈口，一咬穿皮已有湯流出。正! 食物味道不錯。兩人食咁多野係食到超飽! 埋單$200。價錢公道。

每逢晚市時間經過 @上海姥姥，都能看到人龍長得可怕啊* * * * * * * * * * 全店以黑色作主調，配上古代美人油畫，盡顯型格時尚又不失古典優雅由於近日有太多以上海XX為名的食肆開張，筆者搞不清楚亦對她們印象不深，家住地區馬鞍山也開了家上海姥姥，每次路過都看到一大群食客在門外輪候入座，一向對要排隊的食店興趣不大，故此也沒有刻意定這裡為心水選擇。惟近來下午時份，家人希望到此吃午飯，我們眼見今天店內不擠擁，就是用餐的最好時機啦，哈哈~ 等候只是第二個號碼就入座了，環顧四周，中國古代美人油畫與典雅燈飾營造出古色古香氛圍，看看餐牌，吃的就是普遍的上海菜式，揀一些大路的小試牛刀，如姥姥精選冷拼、招牌小籠包和四川擔擔麵就是我們今趟選擇。姥姥精選冷拼 HK$82溏心燻蛋回味口水雞醉豬手姥姥精選冷拼包括溏心燻蛋、回味口水雞及醉豬手，先來吃溏心蛋，大大顆蛋黃橙黃亮麗，流心晶瑩迷人，外層煙燻香氣濃郁，蛋白彈滑，溏心黏黏香軟，建議加些鹹度提味會較理想。回味口水雞，雞件肉質算嫩滑亦富肉汁，雞味頗濃厚，帶黃雞皮爽彈配上麻辣香料，惹味度提升不少，其辣味應是普遍人接受到的。筆者原初以為帶微微酒香的醉豬手質

來到馬鞍山見完客，一枝公在商場揾野食，看到上海姥姥排幾十人，早幾天在灣仔食過 又到回味既時候 等了大約30分鐘到我了，BAR優先，又是坐BAR枱正 點了擔擔麵，香煎素鵝，小籠包。香煎素鵝 香脆可口，香甜既冬菇加咸香既外層，層次分明，好掂。擔擔麵 看到師傅手拉麵知道叫對了，好有口感，湯底杰度ok，麻香醋香均衡，可能我好辣，下次要加辣 小籠包 皮薄多汁，趕住食唔記得影相重點係無加一，無茶錢 大排檔價錢，名店級水準，下次再來 開飯喇

呢度平時夜晚七八點嘅時候排長龍，今日六點左右路過得一兩個人排隊所以想試新餐廳，睇吓係唔係真係咁正。其實六點嘅時候都坐滿全場，淨係得返吧枱位，我哋照坐。兩個人叫咗四個餸，酸辣湯，小籠包，上海粗炒，香煎素鵝。。酸辣湯我哋覺得唔太好飲，因為太酸。最好食就係小籠包，皮薄多汁，肉餡都算大舊，一人兩舊有啲唔夠喉。上海粗炒冇乜味道，油左少少，但唔難食，菜都算多，如果有叫其他小食的話，份量剛剛夠兩個人食。齋數鵝味道偏淡，夠脆，但略油膩。總括來講呢度嘅食物好普通，如果要排好耐先有位食野就唔值，呢價錢算合理-平均＄30-60.一個餸。但有得揀我就會去遠少少另外一邊既上海野度食。因為味道真係爭啲。

擔擔麵一般，味道有些淡；但總體可以接受. 欖菜肉鬆四季豆比較入味，但味道過重，尤其食到最後感覺太重味。雞絲粉皮ok一般般但最最煩是太多太多人排隊，夜晚9點都好多人又未覺得特別好食

是晚點了四樣食物，逐樣點評。 1.醉豬手，味道入味，酒味適中，分量合理，不會太多骨。不錯，故晒圖。 2.麻婆豆腐，能做到麻中帶辣，辣道適中，最緊要是豆腐夠滑，和麻辣醬汁成絕配。 3.招牌粗炒，即上海粗炒，在餐牌上被標示為推介之作。事實上，買相、味道十分一般，且份量一般，不是大大碟，一個人吃也吃得完。 4.小籠包，差不多是到上海館子必吃的。該店的小籠包卻是毫無驚喜，一般過一般，惟獨皮夠薄。湯汁清如水，肉色暗啞，鮮味不足。上菜用的蒸籠紙總是努力地抓緊小籠包，好不容易才把包子夾起來。另外，是免加一，免茶水。不過奉上的茶可謂無茶味，只有顏色。其他方面，約七點到，排隊等位約半小時，ok啦。服務一般，服務員不是經常留意客人示意。是次無所謂地在bar用膳，不太舒適，且桌面較小，讓人不敢多點東西。

頭盤海蜇完全無味，自己後加醋亦很淡。雞絲粉皮算最好至於醉雞，你飲到d酒水就有酒味，d雞完全無酒味...上海姥姥，小籠包唸住隱陣，結果，黎到未食三隻穿左，有隻夾下肉饀跌出黎排骨擔擔麵正常服務一流，野食三流，但人龍依舊長，因為呢到係馬安山，食店少人多，好食d都會排死人，但咁難食又要排長龍，有d矛盾

上星期經過仲裝修緊, 今日同老婆行過見到今日試業, 即刻試下可能因為第一日試業, 好多人等位, 門口帶位話如果坐吧檯可以快D入座....吧檯? 上海菜? 成間舖個設計都幾舒服, trendy, 最入面竟然係吧檯! 其實我都幾鍾意吧檯, 同老婆可以親密D!不過張吧櫈有D重, 男士要幫手拉下!看完MENU, 點左姥姥上海冷拼, 小籠包同擔擔麵再看清楚MENU底部, 原來呢度不設茶費同加一!一個字...好抵呀! 即刻請示老婆, 追加一個可樂!!!由於掛住傾計, 除左小籠包之外, 其他兩個食到一半先記得未影相 >_<小籠包個皮夠薄, 好彩食四個, 四個小籠包個皮都無穿, 肉汁都夠鮮味, 水準之作!另外姥姥上海冷拼, 勝在可以完全自選, 我選醉雞, 海蜇, 老婆選燻魚醉雞夠入味, 其他都OK擔擔麵都唔錯, 份量都夠下星期再路過, 要再試其他!