上海姥姥 (馬鞍山廣場)

營業中

休息中

今日本身想食壽司做下午茶，但係呢排天氣開始轉涼，所以想食啲熱嘢暖下胃，經過上海姥姥就比佢個 $29 蚊起下午茶吸引到，呢個價錢又真係幾抵食。叫咗四川擔擔麵，另加 $15 蚊配招牌小籠包同酸梅湯，再叫咗一份輕盈四川松花皮蛋。四川擔擔麵 ($29) : 每次食都咁正斗 🥰 勁鍾意佢濃濃既花生醬湯底。招牌小籠包 : 熱辣辣大大粒，不過其中一隻痴底 😭 所以漏晒啲超正既汁出黎。四川松花皮蛋($32/輕盈) : 雖然係輕盈，但係份量都唔少，味道幾惹味之剩價錢亦合理。👍🏻

今日參加學校的步行籌款，學校好好，車我地去馬鞍山公園玩。到達時已經12點。由於帶住兩個小朋友，所以都係食飽先再去放電。 公園傍的商場一出門口就係上海姥姥。兩個女可能因為太肚餓，份手制排骨拉麵一出黎，就如風一般消失了。佢地分曬，相都影唔到 佢地嘅食評話，好味道。所以，家長門，可以點依個餐。跟住就係依份黑醋骨，聽個名係好好味，食一兩件都係好好味，但第三件開始就好溜，唔想食。由於份量大，人唔多建議唔好叫。唐心蛋，一碟四個。細女唔食，大女食。叫依份有風險，味道唔係個個小朋友接受到，三思。肴肉，唔多介紹。例叫。佢有輕盈份量，4個人食岩岩好。素鴨，小朋友係唔食既，如果自己想食就坦白啲。我岩口味，有醋跟上， 加埋冬菇口感，唔錯。仲黃金魚塊，太咸。無影到相，有小朋友唔建議叫，對健康唔好。價錢方面，為我來說，係有啲貴。但我建議一餐半餐食下係可以既。

有時係會想食下上海野，好食又就腳少不免要排下隊啦，問題係值唔值得排呢？我又覺得呢間值喎！雖然集團式，但中路價位水準又幾好，位置又就腳。擔擔麵呢家野，除左醬就係麵，花生味重之餘要有d辣先好食，反而我唔著重d肉碎。呢碗夠哂花生味，又少少辣，湯底濃杰度剛剛好！拉麵係店內師傅仔手拉，夠彈呀同麵味，中上質素。小籠包呢，皮就夠薄，餡就爆汁，but放左兩三分鐘個皮太快變硬，個皮做好d就perfect 啦，可惜塊皮係小籠包好重要部分，扣左分，中路質素啦！

今日放假同朋友去咗踩單車吸收下啲正能量，由大埔踩去馬鞍山，之後順便食埋個晏晝再踩返去大埔還車，去咗馬鞍山公園附近嘅商場開餐，餐廳位置幾好對出就係行人天橋可以偷雞擺架單車係出面望住開餐，叫咗香煎素鵝、招牌小籠包、賽螃蟹、蝦兵蟹將黃金炒飯。香煎素鵝 ($31/輕盈) : 雖然係輕盈份量，但係每人都可以食到兩至三件，啱哂人少但又想試多幾款既人，不過餡料唔夠多同外皮淋咗少少唔夠脆口。招牌小籠包 ($40/4件) : 以小籠包價錢來講唔算貴，味道亦唔差，包皮幾薄之剩夾起上黎都無漏汁嘅情況出現。賽螃蟹 ($88) : 以前呢款菜式餐牌一直都無，總係覺得有啲美中不足，不過依家終於有喇 😍 所以每次都會叫嚟食 🤤 必叫菜式之一。蝦兵蟹將黃金炒飯 ($108) : 唔知呢款係咪期間限定菜式嚟，因為唔係正常餐牌到，食落感覺有啲似食梗福建炒飯，都幾真材實料食到有一條條既蟹肉 👍🏻 味道都唔錯。

五香牛肉拉麵：一碗有五片五香牛肉，牛肉是薄薄的，牛展的筋和肉分布均勻，入口重牛肉味，非常軟熟，湯頭有淡淡的牛肉香。拉麵軟硬度適中，麵條的味道不錯，能吸收牛肉的香氣。水煮牛肉拉麵：外表很辣，因為湯面鋪滿紅紅的油，還有7至8隻辣椒混合於湯麵中，不過入口辣度只是一般，由於鮮牛肉味濃郁令湯頭非常惹味。這碗拉麵真的很抵吃，拉麵分量十足，鮮牛肉有大約十片大大片的，而拉麵的配料也不少，有很多香嫩的芹菜和芽菜。嫩雞煨面：這個最適合小孩吃，麵質比較軟身，所以容易咬，而且有切碎的菜葉和雞肉，算是健康的菜式。可惜嫩雞不嫩，粒粒都是雞胸，小孩還是咬不下去！小籠包：質素保證之作，四隻小籠包豬肉餡料和濃湯滿滿，皮薄但不會穿，這些就是大師傅的好手工。人人都愛吃不是沒道理的！

我一向都好少花時間去寫差評語，但係呢一次真係忍唔住一定要上嚟寫！😡全間鋪頭啲職員都非常態度惡劣，面黑黑，好似得罪咗佢全家咁！我以後都唔會再嚟呢一間鋪頭！真係好嬲！😡依家啲咁嘅社會環境，好多鋪頭啲服務態度都好咗好多啦。但係呢一間仲可以咁，好似唔優做生意咁，真係唔知佢哋想點！😡以前你食嘅時候啲職員嘅態度都冇咁差㗎，唔知點解可以越嚟越差！😡雖然佢哋啲嘢食同價錢係可以接受，但係態度差成咁就冇人再想再嚟啦！😡

馬鞍山廣場食市寥寥可數，每次經過呢間餐廳都見到出邊排滿人，午市既情況會比較好，最鍾意食佢嘅排骨，姐係豬扒，因為豬扒可以炸得好香口，加上一啲薑蔥同醬汁，送飯簡直一流另外我自己個人口味都比較喜歡食酸辣嘅食物，所以佢嘅酸辣湯麵都係走唔甩！成碗嘅面都好足料，最後湯係飲唔晒，因為都會留咗肚食其他食物最近都有季節性嘅食物，既然大閘蟹未有得食嘅時候，就梗係試吓佢嘅蟹粉小籠包，勁juicy ，d蟹肉又多，可以再翻炒食多籠！其實都明白點解佢會咁多人排隊食，雖然都係普通上海菜，但係佢個質素可以保持到同價錢乘正比已經好好！P.S個點心師傅好靚仔，隻眼又大，係個櫥窗度望住佢拉面同包小籠包都覺得賞心悅目

同朋友係附近買完野，經過上海姥姥唔洗排隊就入去醫肚雞絲粉皮幾夠凍，粉皮好晶瑩通透，唔會痴埋一舊舊，略嫌花生醬太多，有d膩小籠包好多湯汁，皮又夠薄煎鍋貼個底煎得好脆身酸辣湯雲吞酸辣湯個味係唔錯，但個雲吞完全唔得，包個皮太厚，食完個餡就直接放棄個皮唔食了。小插曲，酸辣湯拎出嚟嗰陣時完全唔熱，只係微暖，個人唔係好接受到好似係廚房擺左好耐咁，同侍應反映後，佢摸完的確唔熱，主動問我地想換過一碗定係叫其他款。食物質素比之前黎食係差左，但好彩員工服務態度搭夠。

係馬鞍山呢個美食沙漠想食上海野，第一時間就諗起上海姥姥。佢既擔擔面我覺得最好食，湯底十分濃郁，麵質煙韌有咬口。食上海野又點少得小籠包，皮薄多汁，夾起時要小心唔好整穿。下午茶套餐就最抵食啦。

黑醋排骨炸醬麵雲吞麵今次晚餐食左呢3款個人覺得食物質素方面原來冇得彈，每一道菜都係好有心思，味道控制亦好好，唯獨可能上菜方面等耐少少，但係都情有可原，一食就知佢係即叫即造。

帶住白仔去嘆上海菜姥姥食過很多次啦，佢既擔擔麵算是最接近舊公司煮的味道，所以我去到通常都點呢味，另外就會點嫩雞薈面，同樣都是味道不錯👍🏻今日仲點左炸銀絲卷添，點埋練奶更好味仲有就是小籠包，飽飽再去作戰了

出去玩左一日，夜晚返馬鞍山食晚飯，周圍都等位，難得今晚上海姥姥唔多人等，（可能因為周圍開左新食肆d人過哂去）所以就排隊，等左15-20分鐘就入得。雖然我唔係幾鍾意佢只可排隊不派籌的安排。坐下即落單，欣賞佢上菜速度好快。叫左個「熏魚」，份量都多，屬冷盤，醬汁味道濃甜甜地，但小心比較多骨。小籠包皮薄多汁肉嫩，絕對要一試！揚州炒飯有豆乾、叉燒粒、蝦等，整體質素不俗！上海排骨楊春面，排骨份量不多，偏乾身，面質和湯底都ok的。佢d枱都唔算太近，四人枱之間的通道算行得闊落，亦見到佢識得大人奉茶，小朋友比清水，可見其細心。

50蚊雲吞雞超級唔值得一件正常size雞、配一件雞脾尾既骨、一條小棠菜同一粒雲吞。以前有半隻既雲吞雞就算過百都會覺得ok，起碼6粒雲吞。雖然雲吞都好咸，但至少半隻雞嘛。今次50蚊咁既size，湯淡、雞無味，得雲吞有味但咸，失望！素鵝上枱時擺得好求其，又唔脆，水準下降。另外上海炒年糕，份量兩個人到，都夠既。但好多豉油好咸，肉絲少，又係唔抵。上菜時個店員插左隻拇指落去。。。無嚟一排，估唔到差左咁多，特別係個價值50蚊既雲吞雞，唔會再叫啦。

之前就嚐過尖沙咀的分店，今次路過馬鞍山就入來嚐嚐🦅🦅🦅雖然號稱29蚊就有，但原來要加配小吃才算是餐，才會附上飲料🤢好吧，17:50才來到，反正就是要當晚餐來吃。率先上來的是雞絲粉皮。。。。超可愛。。。囧但想不到是最好吃的應該是說醬汁可口小籠包就麻麻啦，一夾就軟，想穿，似乎蒸的過程太久了炒飯比不上單點的份量，且要42元，單點也只是73蚊，且選擇性又多，除了配小吃有豆漿送之外，優點沒蔥油麵竟然比云吞好吃，不。。。應該說上湯也比云吞好味🤦🤦🤦🤦

突然之間想食上海菜，諗起朋友之前推薦上海姥姥，一於去試試啦。去到正好是下午茶時間，有精裝下午茶套餐。精裝下午茶套餐有8款食物可選，另可加錢套餐升級（小食+飲品）。我選了酸辣雲吞湯（4件） $29，另外套餐升級+$15 手拍小青瓜（輕盈），飲酸梅湯。食物不消一會兒便送到，酸辣雲吞湯比我想像中大碗，大大碗酸辣湯配4粒雲吞大大粒。4粒雲吞粒粒飽滿，絕無欺場，啖啖菜肉餡料。酸辣湯亦足料，有肉絲、冬菇、木耳及蘿蔔等，味道融洽。手拍小青瓜（輕盈）味道稍為遜色，唔夠入味。酸梅湯不過不失。埋單連加一$48.4