上海姥姥 (馬鞍山廣場)

營業中

休息中

市中心呢間時時都要排長龍的餐廳，今日竟然唔駛等，所以就入去坐BAR木台食下，叫左一個菜肉雲吞麵，仲有一客小籠包。小籠包皮薄，入邊嘅豬肉就比較咸同粗，質素一般，個麵就就幾好，粗幼不一，的確是人手拉麵，加錢有幾件牛腱，味道幾好。

放假梗係唔少得同媽媽一齊出街食lunch！行完街豬太郎同媽媽一齊嚟到上海姥姥，過咗lunch又未到tea time，唔使等位就有得入喇！仲發現有新menu𠻹！鍾意食辣嘅朋友就啱晒啦～#雞絲粉皮 $58前菜揀咗豬太郎鍾意食嘅雞絲粉皮，雞絲份量都唔少㗎，仲有爽口嘅青瓜，放喺底粉皮唔會好厚，份外清爽，更加開胃！.#招牌小籠包 $40食上海菜點可以唔食小籠包！平時偷懶唔想煮都會嚟呢度食返一籠，夾起上嚟唔易爆開，咬開湯包住有香濃嘅肉汁，正！.#麻辣無骨雞雙式面擔擔湯 $59終於嚟到今次嘅主角之一，呢款無骨雞仲可以有兩種食法，唔怕辣可以就咁拌麵，想轉食湯麵，加啲擔擔湯一樣好味！#家鄉八寶辣醬 $78最後仲揀咗個小菜，有8種料 — 雞肉、雞腎、蝦仁、五花腩、豆腐乾、冬菇、毛豆、竹筍，鮮味甜香，唔會太辣，餸飯一流呀！.#黑糖冬瓜茶 $23今次仲有飲咗黑糖冬瓜茶，仲有啲冬瓜肉，黑糖味香而不膩，加上夏日熱辣辣，冬瓜茶就夠晒解暑啦！.上海姥姥馬鞍山店

好耐冇食上海姥姥，早放工抽起條筋就去食Tea，伏到冇朋友………店員似夢遊，單冇錯野食係咁送錯，正價叫的野食係咁比加餐的size比我4粒小籠包比得2粒仲要同我拗!!!比埋張單佢睇都要拗!!!輕型雞絲粉皮$40得個一啖!!!加餐都係十零蚊，我點解要比正價?!!!拗完一輪佢話冇得轉餐，一係同我取消左佢，先有人加多一啖比我，多謝晒跟野食上的薑絲飛出碟外都上比人食，咁都得?!(見圖，佢上菜時已經係咁)雲吞:淡而無味小籠包:上黎已經凍左，掰掰煎餃k揚州炒飯:淡而無味擔擔麵同雞絲粉皮:靠花生醬打救以上服務質素同價錢絕對唔值得再幫襯食完得一肚火🔥拗完一輪連影相的心情都冇埋

今日同兩個阿姨喺MOS食上海菜@上海姥姥, 唸住一次半次食下家鄉菜, 點知食完之後我地異口同聲: 完全唔合格.>好味的: 午餐加HKD18嘅招牌小籠包 皮唔可以話特別薄, 充滿湯汁同埋熱辣辣嘅小籠包係成餐算好味的.>午餐: 酸辣湯酸味非常突出, 每一羹都可見一小舊透明嘅東西, 而口感就是食緊漿糊一樣. >午餐: 姥姥手製排骨拉麵🍜拉麵本身味道清淡可以理解, 湯底無味道, 排骨Dry.>午餐: 四季豆牛肉粒炒飯好多四季豆, 好多牛肉粒, 蛋絲, 葱花份量好足. 可惜用上過量油去彌補咬落乾到不得了嘅飯粒. 我食左幾啖, 但唔嘥野嘅阿姨清哂, 油到一個點.>午餐: 四喜烤麩>Order三個午餐, 原來最好味係Add On嘅小籠包同豆漿. 唔怪得咁繁忙嘅lunch hour, 行匀成個mall只有li度唔使等位👉🏻👈🏻.

今天來到馬鞍山廣場的上海姥姥食下午茶。之前勁多人讚上海姥姥嘅擔擔面，今日終於有機會試到了。店內環境乾淨企理，設計優雅，我選了一個位置，是可以看到幾位師傅在一間玻璃房裏面拉麵條及包小籠包的 。今日點了一個下午茶餐， 上海擔擔麵$29，雖然賣相一般，但是湯底好好味 ! 除了有濃郁的花生醬味道之外，仲帶點黑醋嘅酸，同埋帶點辣味，還有花生碎粒及免治豬肉碎。至於上海幼麵軟硬剛剛好，每一啖面都沾上濃郁嘅湯底。 人手拉麵， 口感果然有啲唔同。超讚 

呢間上海姥姥食過幾次晚市，襯今日放假，就可以悠閒地食個下午茶。下午茶選擇都唔少，有八款主食，價錢由$29-$38，仲可加錢要小食配豆漿或酸梅湯。點了五香牛肉拉麵($29)配五香燻魚+熱豆漿($18)五香牛肉有4塊，湯底清香，牛肉夠入味。燻魚先煎過再煮，很有上海風味，煎得夠香，稍嫌醬汁較多。另外，再點了一個嫩雞煨麵($34)配招牌小籠包(兩件)+熱豆漿($15)呢個煨麵好大碗，清清地有雞肉同菜粒，屬健康之選小籠包一貫水準，皮薄餡靚

上海姥姥在港九新界都有分店，走大眾化路線，卻一直沒有很大意欲嘗試。這天朋友沒有胃口，所以晚餐叫了這家餐廳的外賣。是日晚餐上海粗炒 - 不會過鹹，根根分明，適量的肉和菜，只是吃到最底會偏多油。整體味道不錯。雲吞幼拉麵 - 雲吞大小適中，拉麵不會過淋，湯底清，整體味道ok，沒有太大驚喜。香辣貢菜（輕盈版）-這冷盤前菜非常爽脆好吃！帶點微辣令人一吃上癮！以連鎖上海菜來說，整體水平與價錢成正比，是日常家常便飯的好選擇。

最近下午食來食去都係那幾間連鎖快餐店，食食下也覺悶。 因為佢地食物全千篇一律，沒有創意及變化，令人食多幾次也想轉下其他。 看到上海姥姥也有唔貴下午茶，侍應細心提醒下午茶湯麵份量也會偏細，不過我只想貴精不貴多，份量少也ok。五香燻魚來到時魚仍有點凍，但味道還可以。 不過燻魚有好多幼骨，每一口也要小心吐出幼骨，太麻煩了。五香牛肉拉麵，拉麵質感唔錯，份量也適中。 不過五香牛肉/牛展份量太少了，湯底也太清，口感似清湯麵。

平時好少去上海姥姥吃飯，因為以上海菜來說價錢算貴，而且份量比較細碟。 不過原來逢星期一至五 3點後也有下午茶，以平時晚餐價錢嚟講這個下午茶也唔算貴。 餐廳裏面唔多客，坐得到幾舒服。 點咗楊州炒飯$38 更可以加$15加配兩粒小籠包及豆漿。 炒飯炒得粒粒分明，炒得夠鑊氣乾身配料十分多。 小籠包一籠兩粒，一人下午茶份量剛剛好，外層皮薄但餡料味道一般。 熱豆漿唔夠熱，不過唔甜又有豆香味。 下午茶要收加一，不過服務也算不錯。

小朋友提早放年假~帶佢去馬鞍山玩，揀咗馬鞍山廣場嘅 上海姥姥 ～好豐富呀！分量大，呢度3-4人都夠食啊！姥姥金湯全家福 $168，有海蔘、金元寶蛋餃、福袋百葉包、鹹肉片、鮮甜大蝦、雞腿件、炸豬肉丸、鵪鶉蛋南瓜同番茄熬製嘅金湯底，好鮮甜！下面鋪滿津白同粉絲～勁滿足福袋百葉包，肉餡夾心金元寶蛋餃，肉夾心年年有餘老壇酸菜魚 $108，去骨嘅魚片，啖啖肉呀😋配唐芹、肉碎、辣椒乾同花椒粒， 老雞豬骨濃湯底！酸菜同麻辣味香料~酸酸辣辣，非常香濃惹味！唔食得辣嘅我都食到呀配有百葉片、蓮藕同粉絲，食唔停口啊！大紅大紫小籠包 $68，紅色嘅皮係加咗紅火龍果汁整架入面有帶子+ XO醬，勁多肉汁，好惹未啊吉祥平安八寶飯 $58，最後梗係要食甜品啦😆上面鋪滿桂花糖，有杏脯、腰果碎、紅車厘子、紅棗、紫同白糯米、入面係紅豆沙餡，香甜唔會膩，又唔粘牙👍🏻暖入心啊雪梨紅棗茶 $18/熱，清甜滋潤一下～暖笠笠啊

突然好想食小籠包 唔太多人排 今晚決定食呢間照舊點小籠包講真呢間好味過好多貴價上海野粒粒入口都好多肉汁 皮薄多肉必叫呀！紅油抄手呢個都唔輸 又係皮薄 辣汁好正 配埋生蒜 無得彈（因本人好鐘意食蒜 另外叫佢加多少少比我 員工都好樂意加）炸醬面 第一次叫 唔太好食 無咩味 下次會食其他酸辣湯拉麵呢個都好抵食 有面食之餘 仲有酸辣湯飲咁樣就唔需要單點個湯咁貴啦水晶肴肉都係覺得呢間好食過出面 口感好適中 香煎素鵝唔油 好香 次次都即炸 熱辣辣好鐘意呢間既小食可以選擇輕盈或正常咁樣可以咩都淺嚐唔好以為輕盈都好細份 每份都有六件但食完一放低筷子飲多啖茶都唔得好快就員工黎收晒啲碗筷：（

想食中式野，但又唔多想食飯嘅時候，我就會諗起上海菜。馬鞍山呢間上海姥姥都開業一段時間。由佢開張到現在，我食過不下十次，但真係失望愈食愈失望。今次正常晚市時間食野，係唔洗排隊。兩位直接入去食。小籠包賣相麻麻，食落都麻麻。小龍包皮厚，口感差，入面豬肉亦唔鮮甜。感覺好無heart😔食物唔應該係咁⋯ 抄手拌麵整晚唯一合格的拌麵，但都只係僅僅合格。凡係叫拌麵都有雞湯贈飲湯的份量有點少。味道亦無初頭新開張個幾個月咁濃咁清甜。你當佢係普通的一個湯吧。燻魚醬汁太濃，好黏口。魚不夠乾身。好多碎骨，斷開一條條細魚骨。食落要份外小心！整體上真係唔多滿意，好失望。之前覺得上海姥姥水準差咗，就停咗無食一排。再食返，感覺係一次比一次差。有時隔著玻璃看到廚房內的師傅們一路整小籠包，一路𥄫住女客人吹水，感覺有欠尊重。同區仲有其他選擇，短期都唔會再返嚟幫襯。

一個人入到馬鞍山，做完嘢已經1點半，諗住食完午飯才出九龍。見「上海姥姥」有午市套餐（飯餐$88-丶麵餐$78-）選擇也多，試試無妨。麵餐價錢實惠，有小食丶麵及飲品，我選了上海烤麩丶姥姥手制排骨拉麵及熱豆漿。另加$18-要了2個小龍包。餐廳裝修雅緻，座位間隔合理，不會太逼。因時間已過一點半，有很多空枱。最先上桌的上海烤麩，烤麩很入味，配有雲耳及花生，花生亦煮得很林。惟獨是雲耳，是奇怪的林，好似已經腐爛了，不敢多吃。👎🏻小龍包味道唔錯，皮很薄，夾起也不會爛，反映師傅的手工。只是餡料較少，不太夠喉。😋主菜是排骨拉麵，上枱時發覺與上次（幾個月前在另一分店）有很大分別。首先排骨很薄，可以話係紙咁薄，第二肉質死實，完全沒有肉味，雖然炸粉不厚，食落口感差兼無味。👎🏻👎🏻👎🏻 拉麵算是滑溜，帶有點點煙靭，湯亦較清，合我口味。雖然豆漿味道還可以，不過甜，小龍包及拉麵也算合格；整體而言，我對這個午餐是十分之失望。🙁🙁🙁

大家都知馬鞍山食嚟食去都係嗰幾味去到邊度等位都要等好耐今次嚟食上海姥姥一樣都係等左好耐其實食物嘅味道真係唔錯!!!不過份量就真係少少少.....今次叫咗上海粗炒，黃金魚塊，酸辣湯雲吞🥟。上海粗炒嘅粗炒其實好入味，可惜份量少之餘連肉都好少。房間愉快係我最鍾意食嘅一道菜，食落口好有鹹蛋味，而且炸得脆卜卜，味道口感都一流最後係酸辣湯雲吞，酸辣湯又夠酸又辣，但係個份量真係少到呢......啲湯少之餘連雲吞都只係得五粒其實呢個價錢如果份量可以多番少少嘅話咁就好啦

冇訂位咁walk in排左一陣就有位（bar 枱位）服務態度算幾好...算有禮貌小籠包..薑絲真係吹脹...3個人比一碟得3條🙄酸辣湯..飲一啖唔想飲..太多粉漿蔥油餅..好少蔥（唔通好貴？）松子魚又話原條..來到得一半咁樣四季豆算係最好食腐友卷一般同覺貴左d$5683個人如果咁既價唔需要食佢$400左右就控食整體合格既🤔