上海姥姥 (德福廣場2期)

營業中

休息中

自己一個人揾食食乜都無乜所謂啦(當然唔好難食)見到門口有個$29蚊下午茶好似幾抵甘就去試下見到加15蚊就有雞絲粉皮加甜豆漿就加黎試下又可以試多樣野又平估唔到又幾好粉皮唔厚醬汁香濃雞絲都有鮮味估佢唔到我為呢個擔擔麵而黎當然要試真下嗯，呢個比我想像中既辣唔同一搬都係甜甜少辣甘唔係話呢個好辣但係有少少嗆喉既我近期成日食辣所以覺得幾好而且料又多都幾多葱粒同肉粒份量唔多但已經十分滿意加埋杯甜豆漿同加一$60埋單好抵又好食

果日本來想去 megabox 太興食下午茶，但去到睇咗餐牌好似無咩吸引，於是行完 aeon 就搭 shuttle 去德福。去到德福大約六點鬆d，係二期逐層走上去睇下有咩食店，最後揀咗上海姥姥。由於時間尚早，我地2條不用坐吧枱位。打開餐牌，感覺選擇較上海婆婆少。由於5係肚餓，所以我地只叫咗3樣野。1. 魚柳雪菜面：湯底夠味，面質ok，可惜魚柳係炸過，5係醋溜果隻，所以肉質較為“實“咗d2. 紅油抄手：紅油幾嗆喉，雲吞size 都ok，一碟6隻，愛辣既人應該 like3. 豆沙鍋餅：一碟8小嚿，頭尾4小嚿很少餡。煎炸尚算鬆化員工服務幾好，效率都幾快埋單大約一百七十幾

唔係第一次食上海姥姥，不過見好耐冇食，而且轉左餐牌，就再試下。呢間餐廳唔大，所以座位都比較逼，今次俾人安排左係吧台，其實大住個肚要坐上張高椅都有D麻煩，雖然個人唔介意，最多慢慢黎，但帶位女侍應望住我個肚，都唔問我一句要唔要再等下一張枱，我覺得佢D服務態度係差，反而餐廳入面佢D同事見佢安排吧台俾我，即刻好緊張過黎幫我，感覺先好d。個人建議真係唔好坐吧台，吧台望住佢地一邊包小籠包同拉長d拉麵一邊不停講野，但完全唔帶口罩(做樣都冇)，d豆漿同酸梅湯就咁入擺，衛生真係一般，望住其實都有d影響食慾。我叫左$78 姥姥手製排骨拉麵+雞絲粉皮(輕盈)+豆漿，老公叫左糖醋魚塊+白飯+宋嫂魚羮+雪碧。宋嫂魚羮真係好好食，又多料，又大碗，味道係屬於清清地。雞絲粉皮就一般野，不過不失。個手製排骨幾大塊，我覺得油左少少，老公就覺得肉質肥肥地幾好食，我比較欣賞個拉麵，食落都幾彈牙，份量唔算多。糖醋魚塊，我食左好多，酸甜好開胃，又唔會太多粉。

多人等位, 但流轉快, 3個人星期六晚等了15分鐘就有枱(要過一半人數到咗才可入座). 在這裡吃過幾次, 以前是幾好吃的, 但最近在這裡用餐卻發現水準下跌了。有d食物保持美味, 有d卻需要改善。小籠包仍然好味, 排骨拉麵不錯, 今次肉排還俾以前鬆軟, 鍋貼味道依舊好味但卻煎得太燶, 松子魚中規中矩(略嫌太酸了一點), 獅子頭好乾好硬好咸, 3個人連一舊獅子頭都食唔晒, 剩下一半, 這個以後應該唔會再叫。結果5樣嘢, $4xx埋單, 價錢算合理。

今日去九龍灣交通部交文件，到食晏時間，就要搵地方食晏啦，入到德福商場見到電梯裏的廣告牌，五樓是最多嘢食的樓層，就揀咗喺5樓，然後見到有間上海姥姥門口有午餐嘅餐牌，有菜飯餐和麵餐選擇，我揀咗排骨菜飯，包括酸辣湯和一杯豆漿，同行朋友就揀咗排骨麵，包碎蒜蓉拍青瓜和熱豆漿。另外也可以再加十元，有兩個小籠包。餐點來的時候，真是大驚喜，排骨一大碟，共有兩大塊豬扒，上面仲有葱花，豬排是炸得香脆入味，配上香葱碎來吃，食落香口，真是為排骨提味好吃。哈哈！開心大發現，找到一間稱心值得再去的地方吃東西。

平常很喜歡食滬菜，所以都幫襯唔少同類餐廳。今日不用等位，但被安排坐左去最入的出菜冷巷，枱面細到放唔哂D野食。很迫夾。有冇發現呢個裝橫有D似王xx？平常的餐館除了熱茶，碗筷還有餐紙，呢間係冇餐紙嫁，可能出於環保原因吧！小籠包是例牌叫的菜色，味道與其他滬館品嘗到的大致相同，但湯就少左D。老上海炒飯以肉碎，椰菜配肉鬆，味道比一般的差，冇驚喜。呢兩條小黃魚色香味都唔得，其實條魚好好肉地，但有點腥味，可能食材不夠新鮮，好在有蒜香葱花襯托，感覺還OK試過呢款干扁四季豆呢個菜色之後，出現了一個疑問，呢間餐廳難道不是上海菜館？我覺得有好濃郁的四川風味，可能同調味大有關係。其實又不是不可口，但一試就知道個分別。總括而言，食物好快凍，凍左就可以用難食形容。一句講哂，本人覺得不夠正宗，不入流。

德福可以揀嘅上海菜館真係寥寥可數，如果想食上海菜「上海姥姥👵🏼」可以話係唯一嘅選擇，每次中午時段都會大排長龍，今日都唔例外，可能人太多每次向男經理👨🏻‍💼查問入座問題時，佢都會顯得好唔耐煩，縱然態度如此，大家都係會繼續等候。今次我地被安排坐係水吧🥤前嘅高枱，完全對水吧一覽無遺，整體都算乾淨，店員好勤力擦拭吧台，唯一友人不滿係用膠壺嚟助熱啲熱豆漿。可能係中年繁忙時間，等咗十幾分鐘先上菜，先嚟嘅小食素鴨🦆煎得好香脆，但上碟時已經唔熱食落口感覺好油，另一碟酵麩鬆軟入味，顯得較為出色。到主菜嘅排骨麵，排骨大概手掌咁大，食落唔算太熱，咬落雖然鬆化，但油膩感都不少，麵就比較熱同咬落都好彈牙。水煮魚麵🐟🍜嘅辣度🌶適中，但芽菜多過麵，魚塊🐟大概有五塊左右，尚算合格🈴

輪到食同事生日飯，因為佢鍾意食上海嘢所以就近近地留番喺九龍灣食上海姥姥✌🏻醉雞$69: 皮肉都好嫩滑，但酒味唔係好出🤔香辣貢菜$45:辣辣地，貢菜好爽口👌🏻水晶肴肉$71:無乜特別🤔涼拌海蜇$69:份量好少同無味👎🏻招牌小籠包(4件)2籠@$40: 皮薄多湯汁，好食👍🏻👍🏻水煮魚片$92:以為係魚片，但原來係炸魚塊，但味道ok，有豆芽同粉皮墊底👌🏻雪菜肉絲炒年糕$72:我唔鍾意食年糕，無食到🤣生煎鍋貼(3件)$40: 煎得唔夠脆，個皮有啲淋同唔係好熱👎🏻酸辣湯拉麵$58: 因為裏面有筍 ，唔飲得酸辣湯，無食到🤣蒜蓉油麥菜$55:清清地，唔太油👌🏻紅油抄手(6件)$48: 抄手層皮好厚，紅油汁唔好食👎🏻豆沙鍋餅(8件)$44:層皮一啲都唔脆，油油地😅豆沙餡得甜味👎🏻

其實我都很喜歡食上海菜，因為很喜歡上海菜奉行「濃油赤醬」，味道偏向鹹甜的煮食風格。除此之外，上海菜不是單純只食豬肉，食材也有包括牛肉、雞肉、魚肉，上海菜菜式甚至是素質也能做到。不過正正因為如此，所以我在上海菜餐館裡面，每次看見同檯的人點餐的時候，選擇了剁碎的豬肉做餡料，每次在咬破表面時都會噴出湯汁的「小籠包」以及「湯包」的時候，我都會感到有點無奈。但是為了食飯時和諧的氣氛，我每次看見「小籠包」的時候，都只能眼巴巴看着「小籠包」，只能看不能食。所以我平日跟家人出外食飯，遇上食上海菜的時候，就會感到有點煩惱。例如她們最近又在九龍灣「德福廣場」二期五樓的位置，又發現到一間食上海菜的餐廳，餐廳的名稱叫做「上海姥姥」。「上海姥姥」跟坊間很多上海菜餐廳一樣，主打招牌食品都包括「上海小籠包」。至於午餐堅決不食豬肉的我，就只能夠繼續在「上海姥姥」餐牌其他的食品裡面苦苦搜索，直至能夠發現到，適合我一個人在正餐時間享用的雞肉類型上海菜。在上海菜餐廳裡面找尋適合我一個人享用的雞肉類菜式，本來不是什麼難事，但是要在上海菜餐廳的午餐時段裡面，都能即使食到的「雞飯」午餐就很講運氣。我不斷在「上海姥姥」的精美印製餐

上海菜既連鎖店已經逐漸普及化了，越來越多，好多地方都有得食，今次試下依間，其實我只係第一次食，對佢環境感覺不錯，幾舒服，燈光氣氛都控制得幾好!!!!!佢既食物質素確實不錯的，以一般連鎖店來說，算幾好，可以一試啊～!!!!!!我幾推薦佢既小籠包，肉汁多，餡都豐富，皮薄，唔太乾，整體幾好!!!!!可惜好易夾爛，一夾就穿咗少少，食到唔完整，價錢都可以接受，但等候時間太耐，服務員既態度又有少少欠佳!!!!

上海姥姥這款賀年菜，内容豐富，但每種食物只有兩件，可惜用菜和粉絲做底的份量太多了。藉得一讃的是湯好味道。店員態度好，有耐心，可以解決顧客問題。小籠包好味道又多汁。窩貼沒有用牛油紙放底，涼了就黐住碟十分難夾。麵沒有剪，太長亦綑在一起，希望會改善。枱的位置太少，3人枱亦只是細四方枱，放不多食物，叫4樣以上就放不下，莫非覺得客人只吃拉麵?整體來說食物也不錯，座位舒適 ，店員服務很好。 可以再去， 亦可以介紹朋友。

淘大有間上海婆婆德福有翡翠拉麵小籠包，想呢區食上海菜最大路係呢兩間，當然樓上果間金X庭係幾好食既但勁貴同細碟到暈。今日就去試下間上海姥姥。上海婆婆其實係翡翠拉麵集團嘅～上海姥姥係大家樂集團嘅⋯⋯其實抄名你好抄到咁足好唔好🙄間野因爲勁細間，次次行過都勁多人等位一直無試，今晚竟然唔使排即入啦小籠包 $40/4 湯汁唔多，上面好彩唔硬，肉唔夠鮮$70正常size醉雞，份量唔多，雞背瘀左，不影響味道，酒味好味唔會好搶同苦，雞皮夠爽滑，但雞肉唔夠醉同肉有啲實，雞脾位有啲油脂好好多上海粗炒$80 碟頭算大，味唔會過咸，色水夠，汁好味。配菜可以多啲，因為真係除左幾片菜，火腿肉絲好少豆沙餅 $40 外少少脆，紅豆醬多，紅豆夠大粒又軟豆醬甜味剛剛好。整個餐最好呢個座bar枱就見到廚房有兩個哥哥姐姐喺度拉緊拉麵🍜見到都好攰👍🏻杯茶真係幾香幾好飲解晒上海菜既油膩感🍵待應斟茶夠主動，落單快上菜仲快，由坐低到食完都唔使半個鐘🤪果然係大家樂式快餐店快食上海菜黎講性價比係高既～但如果要慢慢嘆就會搵間啲枱無咁迫

有一段時間冇食蔥油拌麵。見今日唔係太肚餓，呢到有得食。即管試下，另外撘左朋友既lunch set加錢叫多左個小籠包。蔥油拌麵食跟餐湯上，我覺得個湯可有可冇。蔥油拌麵係幼身，較淋。個人鍾意有咬囗既，麵，佢唔係我杯茶。個汁既味道亦麻麻。本身我冇食過好“正中“既蔥油伴麵，不過我覺得平時係同區既“大城少廚“啱我謂囗多d。起碼個豉油幾好味。小籠包慣常地好，皮薄，有肉汁，上枱又夠熱。下次未必再幫襯，個價位唔算平。，又唔算好食

諗住餐餐都係食包吖，食茶記果啲。今次同事話食上海佬佬。早過十二點半前去人未係好多，等一陣就有位，不過我地幾個人係坐中間果張奇怪長枱 坐埋一邊好逼咁，加上周圍好似酒樓咁嘈，都幾唔舒服。啲食物就普普通通咁啦，所以都唔記得影相。個醉雞無乜酒味，好似係雪櫃攞隻雞淋啲酒就上碟。涼拌青瓜就淡味，不過正常既。個海蜤就好乾身，無乜汁。最好味就係個皮蛋，幾入味幾香口。個生煎鍋貼都幾好，咬入口仲有少少汁，係個皮厚左啲。其實仲叫左個黃金炒飯同其他，不過無影低。黃金炒飯就係唯一我記得係幾好食既。其他連味道都唔記得了。

今日興高采列嚟食下午茶坐低十分鐘無人俾餐牌，當然亦無人落單點左個牛展面加口水雞，面無味，失敗！口水雞會淡而無味？失敗中嘅失敗！乜話，下午茶仲要加一？你好野！盛惠51.70三毫子都要攞番！唔單止永遠black list更要傷心share 俾朋友