上品火鍋料理

營業中

休息中

食物新鮮、種類豐富、環境舒服、服務態度佳。這是我第四次光顧。上一次差不多一年前，食物品質能夠維持質素及滿意度令我需讚！價錢雖然不屬大眾化，但也不算高價。價格與食物品質一致。不論是朋友聚會、請客、家庭聚會都屬好地方。

今天架婆生日，佢本身想食海鮮小菜，我地去開鵝頸橋，街市附近果幾間，通常星期五六日我地吾會去，因太嘈食海鮮仲有打邊爐可以選(平靚之選今天我來回味吓情懷，以前我平均一星期來一次，衣家好少來，好多嘢都變左，人啦(已經走淨一個識既侍應)，食物啦(個花膠雞湯底，個湯清左好多，雖然隻雞依然好冧，但個湯已經吾起膠，以前D膠可以lim住嘴唇，無得輸，依家無驚喜，食吾反個味道好失望)當然啦!對我來講姐，對於那些新客仍然ok既。叫左隻鮑魚，鮑魚肉切片都有十零片就無特別，但鮑魚邊就正喎，錄左3秒食得，入口即溶出奇地好味海中蝦上枱時仲好生猛，大聖子都很鮮甜，海鮮只要新鮮便可，吾會太差吾知係我錯覺定點呢!以前就算宵夜時段都係full house,但今晚得三分一full,但請記住今天係星期六，如果星期六郁靜？甘平日呢,係咪仲靜?關吾關佢個湯底事呢？大家都吾知，當然做好D對大家都好

星期五晚打邊爐真係好難book位，最後見到上品open rice 竟然book到，所以開頭都無乜期望😅去到發現佢有幾個舖位，原來有好多張枱。我同朋友一行四人，叫咗椰子花蛤蟹湯 （$198）。開頭淨係上咗湯，以為$198咁唔抵😂原來仲有盤花蛤同蟹。嗰湯好好飲，起動前建議飲番一兩碗先😋我地叫咗碟綜合牛（$380），都幾有牛味，唔錯！份量亦算okay!但我比較鍾意佢地啲丸類，芝心蝦丸超好味，鍾意芝士嘅朋友千祈唔好錯過😜下面依個直頭原隻蝦包住係入面，雖然貴咗啲（$98 4隻），但都值得試！總括黎講，雖然價錢偏貴但食物新鮮，我地今次無乜叫海鮮，所以每人食咗約$380。其他地方book唔到位都不失為一個幾好嘅選擇哈哈！

星期五約舊同學食飯，凍凍地就去打邊爐，好多地方都full booking, 上品一打電話去就有位，以為之前食評可信就去試一試，點知非常失望，好懷疑之前食評是否打手。食物外表好似好正，但食落完全兩回事，象柭蚌竟然咬吾開，牛肉無牛肉味，連河粉都吾好食，D牛丸蝦丸okay, 另外一樣好似魚片既野都係蚊吾開，豬骨湯底好濃但沒味，食物細碟，環境尚算舒適，不太迫，吾怪得咁易搵到位，食過最差的打邊爐之一。而且價錢不便宜，失望😞

食材大部分冰凍不是新鮮的，且份量少的可憐，一盤鵝腸88蚊，就只得5，6條！蓮藕疏疏幾排，肉丸得幾粒，下面鋪滿厚厚的花菜絲！鋪到要谷爆碗！問服務生怎麼可以這樣，他回答：係咁㗎啦服務麻麻味道又差，一點都不誠實，之前灣仔分店已經好失望，想給天后分店一次機會，沒想到一樣差...搵笨！打邊爐最緊要是食材新鮮，份量同價錢成正比，其次再談味道，這樣的經營不如關門結業好過啦，不明白顧客怎麼容忍這種火鍋暴利文化存在

颱風天，本身訂左咗中菜，不過去到佢話仲係8號風球唔俾泊車入去，所以我哋就走咗覺得天后電氣道一定會有嘢食，所以貿貿然我哋就揸咗架車過去天后碰碰運氣。經過上品，嘩！8號風球但係都好多人喎，冒着連一兩日都打邊爐嘅肥仔風險，都入咗去食。因為以前嘅上品如果你唔定位，其實冇乜機會可以食到。湯底款式都幾多我哋帶咗澳門豬骨煲同埋麻辣鴛鴦，麻辣叫咗中辣希望佢會辣啲啦，不過想到枱一食，唔，對於我來講係小辣姐！平視我好鍾意食蝦滑墨魚滑嗰啲，而咁啱佢啲蝦玩蝦丸墨魚滑墨魚丸款式都有好多，有一個係鳳尾蝦成隻蝦係入面，出面包住蝦滑，唔錯！魚皮10分脆，好似響鈴咁淥左3秒鐘，外面說索左啲麻辣嘅油，入邊仲係脆卜卜，非常正！不得不提係佢哋嘅服務，我哋坐咗樓上上面有四台人，但嗰位侍應姐姐非常細心非常有禮貌而且做嘢亦都非常快！

好耐無嚟過，對上個次嚟食都幾年前，服務好似好咗，雖然唔覺得抵食，但服務補番令我覺得值得再嚟~👅食物：❤❤❤❤我哋叫咗2人海鮮套餐叫魚頭湯底加多個炸魚皮，套餐有有個刺身拼盤同牛肉海鮮拼盤，甜品同菜，湯底個魚頭可以食既，都幾滑，其他野都幾好味亦算新鮮。份量：❤❤❤❤感覺唔多野但原來都幾飽。環境：❤❤❤❤人唔多，少人可以坐卡位，枱面好多位擺野亦坐得好舒服。抵食：❤❤❤計番每人約370，唔算好貴但亦唔平。服務：❤❤❤❤幾好，其實有一部份係買服務，職員會定時過嚟幫你'不'走啲泡泡，又過嚟加水，叫職員每次好快有回應，就算佢哋忙緊都會有應你先，感覺良好。#上品 #上品火鍋 #上品火鍋料理 #天后 #foodie #foodies #hkfoodies #hkfoodie #hkfoodieyiki

朋友們都食得好開心呢度嘅食材 喺第二啲地方都食唔到㗎就好似 蜈蚣咁嘅樣嘅黃沙喉杏汁豬肺湯保持到水準如果可以再濃味少少咁就perfect我懷疑佢杏汁落得唔夠 加入牛奶 頂檔呢度最正就係 普通食材都加心思入去做呢度嘅雞子真係要叫三碟先夠喉佢除咗攞酒浸過夜之外喺底仲有浸滿紹興酒嘅粉絲就算淥咗好耐粉絲都仲有紹興酒味簡直係一流牛肉拼盤 多到差啲食唔曬都係四百幾蚊唔似得有啲地方畀四百幾蚊食到嘅牛肉只係夠一個人食佢絕對唔會畀啲平嘢你去充數每樣嘢都好新鮮甚至餃類淥咗好耐個皮都仲係好彈牙臨走仲有甜品送畀你食服務一流

朋友生日，因為我地幾個全部都係港島區收工，所以今次我地揀左天后呢間都幾多人推介嘅上品火鍋料理店烚下烚下慶生日因為有幾個朋友放工都唔早，我地約夜晚8點半去食，不過呢晚客人都頗多，要等到差唔多9點先入到去開餐。係等位嘅時候我地留意到呢度有生日優惠提供，其中最吸引係用優惠價點象拔蚌刺身，難得撞啱我地又係慶祝生日，當然要享用呢個優惠啦!象拔蚌刺身好大份，蚌肉非常鮮甜，我地一塊一口火鍋未預備好我地已經清哂全盤象拔蚌火鍋湯底好足料，開始打邊爐前我地每人都飲左一碗呢個黃喉其實我唔知係咩，不過好爽口彈牙肥牛擺得好靚，肉質軟嫩有彈性呢個好好味，好鮮甜，同象拔蚌有得比丸類應該係自家製的，入口有彈性，口感爽脆

朋友介紹，今次係第一次去吃。晚餐時段，我地6點幾到，又有卡位坐，d位又舒服，印象唔錯。點左個鴛鴦鍋，並非平時的平蛋芫茜同沙嗲，反而係豬肚同豬骨瑤柱做湯底。。good...佢地仲有杏汁白肺呢d做湯底。。。。湯底入面的材料都好多，又有菇，又多豬肚。晚上8.15 前埋單有85折，但酒水，手切牛肉等等都冇。其實佢d嘢唔平，只係俾外面食開的有d心思，例如流沙丸(流沙蛋黃)﹑蟹子丸等不過本人略嫌手切牛肉冇乜肉味有樣驚喜係佢的刺身超新鮮

天后有不少明星食店，質素高的食肆有很多選擇，又不用分時段，值得逐一到訪覓食。這個夏天出奇地冷，故此打邊爐仍十分受歡迎。上品雖是貴價火煱店，也有一些抵食的套餐。先選了個特色湯底冬瓜盅素翅，健康但鮮味。選海鮮拼盤可以優惠價199吃原價300多的例牌象拔蚌，人少少份量十分適合。象拔蚌十分鮮甜爽滑，單看外觀充滿光澤已十分吸引。個人認為生吃更勝熟吃，口感爽脆很滿足。這份櫻花牛刺身是另一驚喜。想不到份量如此多，而且顏色鮮豔奪目色，油脂分佈勻稱，端上桌時不期然哇了一聲，師傅就像創作了一個藝術品，作品既有觀賞價值又令人垂涎。叫了一份稻庭烏冬，附有麵勺子一個，方便放麵在湯底中不會散開，儼如麵師傅般瀟灑。價錢雖然比一般火鍋店略貴，但這些點子都值得一讚。

一班老死gathering,其中一個話食過呢間唔錯，就一齊去試啦。叫左生蠔，龍蝦刺身，甜蝦刺身，象拔蚌，牛刺身，豬肺湯同埋打邊爐。特別推介係生蠔同甜蝦刺身，呢間D蠔好清甜得黎唔會太咸，值得一試。甜蝦直頭超晒班，女仔超鐘意食，我地食完一份要再叫多份。龍蝦刺身都好新鮮，但甜蝦同生蠔實在太正搶晒鏡。豬肺湯個個都話好飲，但我就麻麻地😂，打邊爐飲可樂先係定律！最後仲叫左個牛刺身，第一次食，都幾鮮甜但小弟唔係幾識欣賞，唔覺得特別正。間野幾好座，服務都唔錯。

身邊有幾位吃貨鍾情象拔蚌，於是我地就安排左今晚呢個象拔蚌之約。上品出名食材新鮮、優質，餐廳乾淨企理、坐得舒服。當然，上述優點亦都反映咗係佢嘅定價上面。今晚我哋坐喺隔離嘅舖位，好似比正店舖位坐得更舒服。睇下個餐牌，定價真係一啲都唔平。好，先來一隻2.8磅嘅象拔蚌。侍應話可以選擇切片狀或條狀，口感唔一樣，咁我哋就揀鴛鴦切啦。象拔蚌一上枱大家即刻心心眼象拔蚌呈淺棕色，帶點光澤，非常之新鮮！師傅應該係將象拔蚌前面吸管部份切左片，蚌身嘅部份就切左條狀。切左片嘅象拔蚌口感非常爽脆，味道鮮甜；而蚌身嘅部份味道就比較濃郁。另外，象拔蚌嘅內臟我哋都冇放過，放入鍋裏面煮十幾秒再食，質感軟淋，味道都唔錯。打邊爐當然唔止食象拔蚌，我哋另外仲叫咗鹹蛋黃炸鮮魷、一個鴛鴦湯底、海鮮拼盤、安格斯肥牛、響鈴、五彩丸、墨魚滑同埋娃娃菜，都幾豐富架。鹹蛋黃炸鮮魷真係超級好味，軟腍嘅鮮魷外層包左厚厚的鹹蛋黃蓉，香濃好味（不過呢啲野膽固醇係頗高嘅，只適宜一件起、兩件止）我哋個鴛鴦鍋係潮式胡椒豬肚鍋拼沙嗲鍋，兩個湯底都幾濃味。呢個響鈴外型飽滿，在湯入面浸三幾秒就食得！呢個海鮮拼盤造型夠晒浮誇，不過海鮮嘅份量就唔算太多。值得一讚嘅

是晚同朋友食生日飯~友人介紹呢間好食，所以訂左晚上6點，限定要8點3前交台會有85折(定8折，忘記了) 麻辣湯底好惹味，冬瓜湯底都好清甜喔!!牛肉係勁好味!!好濃肉味，又不太肥，但份量真心好少我地點左大份，三百幾，但份量得其他餐廳既3份2左右。好味但性價比不高。牛爽腩本來係熟既，淥一淥就食得，好淋好入味，值得一讚。聖子皇同手打滑都好味其他菜色既質素都比同類型餐廳高少少。埋單折左後$400一位(冇折既話差不多要$500 )。整體用餐體驗不錯，但貴了點

每逢gathering 諗唔到食咩都會去打邊爐。幾年前食過上品，價格偏貴，但一分錢 一分貨，真材實料，幾年後再試覺得水準仲高左添。新鮮鮑魚切片點泰式辣汁好開胃。椰子花䖬蟹鍋，湯底超濃，本身已經好多料，花䖬同蟹仲要另上，保證新鮮。野生魚片，好新鮮，賣相精美。上品牛肉拼盆，一次過食曬牛嘅所有部位，牛魔王朋友表示好滿足。手打墨魚滑超彈牙；芝士爽蝦丸爆醬芝士同新鮮蝦肉令人興奮。雖然魚皮鮫其貌不揚，但係皮薄肉鮮特別好食。