三小漁

營業中

休息中

超用心製作小菜👍👍 冰鎮咕嚕肉脆口好食價錢唔貴風沙雞好惹味 價錢比起出邊抵食蓮藕好脆口好特別 👍👍👍👍👍 牛柳嫩口 連醬汁都好特別一定要試 玫瑰花茶加烏龍茶都幾好飲款式多 喺觀塘裏面係超級驚喜

都有一段時間無來三小漁食晚飯，今次都係例牌幾個小菜，佢嘅雞係做得幾好嘅，不過今次想食得清啲唔想太多肉所以無叫🐔😜，上次食過佢新出一個小炒味道幾好，不過裏面嘅白蝦仔（連殼）就唔係炸脆嘅，所以跟本食唔到，（同食蔗一様）😕不如落蝦米或者銀魚仔啦！今次再叫來試一次都係一様唔脆就連腰果、花生都唔脆☹️好彩韮菜花夠嫩同味道鑊氣都夠，配料唔好真係浪費廚師的好手勢🧑‍🍳其它要讃廚師嘅炒粉絲👍同蠔餅👍都保持到水準，不過蠔餅份量好似比以前小咗啲🙄😁

前排有一晚喺觀塘做完嘢，朋友推薦咗一間有特色嘅中菜館。佢哋係以粵菜為主，食粵菜最緊要就係夠鑊氣，餐廳係呢方面我覺得做得幾好好抵讚，而且佢嘅價錢都好親民屬於抵食之選。👏🏻**冰鎮咕嚕肉**呢個咕嚕肉係佢哋招牌菜之一。咕嚕肉炒到熱辣辣，再放喺冰鎮盤上面上碟，冰火交融之下嘅咕嚕肉係外脆內嫩，外凍內熱，好好食。糖醋汁亦都係恰到好處，唔會太酸或者太甜。🔥❄️**黑皮炸豆腐**呢個炸豆腐係驚喜之選，估唔到佢咁好食。唔好睇佢上枱睇佢黑萌萌唔係咁靚仔，其實咬入去入面白雪雪好香口。😋**避風塘炒蟹**呢度餸咗真係展現到餐廳嘅鑊氣係夠勁，港式避風塘風味，如果鑊氣唔夠係好食，但係呢度嘅避風塘炒蟹就相當出色，一嚟到已經聞到勁香。亦都好好彩當日隻蟹啲肉好結實，肉質本身好鮮甜再配合埋避風塘風味真係一流。🦀

同朋友去觀塘食晚飯, 朋友推介三小漁, 餐廳以粵菜為主. 點了的菜式都不錯沒有中伏. 最驚艷是招牌菜黑磚豆腐, 外脆內軟豆腐味香濃, 非常特別！話梅骨也有驚喜, 很入味又不會太鹹！甜品也好吃及有特色！

今次帶朋友黎，好彩仍然冇失望，最愛沸騰魚、豬油渣雜菜粉絲煲，正！😍再試埋店員介紹嘅打咭咕嚕肉，發現唔係淨係打咭，都好味😋店員親切有禮，樂意詳細介紹，感覺舒服

🐟🥢🍚午市精選小炒/龍躉☑️青麻剁椒蒸龍躉件 -$75食龍躉好似好奢侈，但係午市套餐一個人食龍躉黎講，呢個價又唔算特別貴，除咗呢隻味仲可以揀黑蒜味或者欖角紫薑味，而呢隻味酸酸辣辣咁樣超好食，好開胃，個汁撈飯都一流，下面有粉絲墊底，龍躉件大約有五件，有骨的，肉嘅份量都算對得住個價錢，最緊要係好食，魚肉都幾滑，幾值得推薦。午市套餐仲會包白飯同飲品。☑️豬油撈飯 -+$5轉豬油撈飯要加$5 ，豬油會用隻細碟另上，白飯係砵仔蒸絲苗白飯黎，粒粒分明，撈埋豬油食真係冇得頂。🆗酸菜魚片配白飯 -$62魚片嘅數量都算多，而且無骨幾滑，而配料有啲奇怪，係大豆芽、紅蘿蔔絲，同埋蔥，反而冇萵筍、金菇嗰啲。至於個湯底就一般般，有好多酸菜所以都夠酸，但係就唔係好夠辣，同出面嘅酸菜魚比冇咁惹味，魚片亦都唔入味。☑️黑磚豆腐（一件）- $18外表真係好吸引，黑色嘅脆皮，配上金色嘅炸蒜，下面有沙律菜墊底。黑色嘅脆皮真係好脆口，而入面嘅豆腐超級嫩滑，整體嘅配搭同味道都好好😌。☑️熱華田午市套餐包熱飲，凍飲+$3，呢杯阿華田沖得好濃味，好飲過其他餐廳好多。

提前咗一星期book位，尋日收到電話話叫我落訂金$200，原本都已經諗定要去食，咁俾訂金冇乜所謂，主要係今次嘅員工態度太差，我訂左12位，明明去到有大枱唔肯俾我，我出聲要求好意思同我講兩張枱一樣，我指咁要坐嗰張大嘅，又改口話嗰張係14人枱我哋得12人唔俾坐，最尾見我嬲嬲地先肯轉張大枱俾我，落單原本我想散叫，個經理就不斷游說我哋叫我哋叫套餐，我先生唔想諗食乜，就按佢意思叫咗一個4000幾嘅套餐，原本之前食過幾次我對佢哋食物係有信心嘅，點知今次中晒伏，個套餐最貴嗰個龍蝦伊麵超級無敵鹹，之後個蒸魚又係勁鹹，最尾個炒飯都超級鹹，同個經理反映，一開始安撫我哋就話送甜品送嘢飲，叫我哋自己去雪櫃拎雪梨水，點知小朋友攞咗兩支雪梨水入嚟就即刻有另外一個經理好緊張，問我哋係咪要加嘢飲，之後我哋同佢講話係你哋同事話叫我哋自己去攞因為啲食物太鹹太難食賠償俾我哋，我哋叫呢個經理試吓食物，佢話龍蝦敏感唔敢試，試咗個炒飯竟然同我哋講話自己食得鹹覺得OK唔覺得鹹，搞到好似我哋特登去搞事咁，原本應承咗送甜品明明話蒸緊，我買完單等咗一陣都未有，再問返又話同事冇落單，真係非常搞笑，奉勸一句今時今日咁嘅服務態度只會令啲客走晒

呢間其實已經book mark咗好耐，今次終於湊齊人去食啦。我就試咗佢個招牌菜，冰鎮咕嚕肉。呢一道菜真係唔試唔知有幾好味，冰火二重天，食落去一開頭好凍，咬到中間就會開始熱辣辣。勁好食。而且咕嚕肉本身唔係炸定，炸漿薄身，咬落去唔會一舊舊炸漿，非常出色。而第二道出色既菜係椒鹽鮮魷，炸漿簿身，份量適中，炸皮唔會淋曬，亦都唔會好油膩。總括黎講，呢間餐廳值得一試，但係一定要多啲人去食先最平，可以叫多幾道餸試試。

為食🐽報告環境：⭐️⭐️食物款式：⭐️⭐️味道：⭐️⭐️⭐️⭐️性價比：⭐️⭐️⭐️為食豬返食指數：🐽🐽朋友生日去試粵菜，入到留意到台台都有冰鎮新鮮菠蘿咕嚕肉，甘一定要叫。再睇吓個Menu，選擇都算足夠。就點菜。嘢食方面就叫左。1. 冰鎮新鮮菠蘿咕嚕肉：過去係其他餐廳都試過。今次個咕嚕肉炸得幾好，又熱又凍，係好味既。2. 南瓜汁菠菜豆腐：上到嚟有驚喜，以為只係一個菠菜同豆腐分開既一個餸，點知係一條條嘅菠菜豆腐條，再加南瓜汁幾清新同好味。入邊仲有雜菇，健康首選。3. 黑磚豆腐：炸得好好，佢出邊好脆，再加上炸蒜蓉，食到流晒口水。嘢食嘅質素都算幾好，係個性價比低啲。試吓無妨。

今天晚上兩個人在外覓食，想吃小炒類的東西，無意中找到三小漁。打開餐牌，菜式選擇非常之多，有選擇恐懼症的我們，看了好一陣子才決定下單。我們今天主要點了小菜類，包括脆皮風沙雞、酥炸特色脆蠔餅和豬油渣野菜粉絲煲。點了半隻雞，雞皮炸得很酥脆，雞肉烹煮時間剛剛好，雞肉嫩滑，讓人不禁一口接一口，可是骨頭上微微有血，有些人可能會比較不能接受。酥炸特色脆蠔餅有別於潮州菜餐廳，一絲一絲的脆脆非常蓬鬆的包裹着蠔仔餅，有少量蔬菜混入蠔仔餅粉漿，幫助這道菜式不那麼油膩。豬油渣雜菜粉絲煲最特別，粉絲炒得乾身，再伴上椰菜、雞蛋，表面再灑上酥脆的豬油渣和灑上蟹籽作點綴，口感非常豐富。要注意的是，豬油渣一上菜時是酥脆的，但是慢慢吃着吃着，會受潮變軟，但還是一樣好吃。每道菜的份量都很大，我們全部都吃不完要打包回家。他是一家海鮮餐廳，可是我們今天晚上完全沒有試到海鮮，下次多人一起來一定要試試看。

觀塘lunch time度度都係人 本身同幾個同事一齊排譚仔 三小漁經理出嚟派傳單係咁叫我哋試吓 就即管試一試🤭價錢都幾抵 同埋選擇都多 ，人多總會有嘢食送我就叫咗個椒鹽豬扒飯 ，好有鑊氣同埋乾身😉呢個價錢性價比真係幾高同埋份量都幾大份🤗都可以講埋杯凍咖啡 ，都真係幾好飲 菜館嘅裝修茶餐廳嘅咖啡 同事們叫咗個蔥油雞 碟幾靚 雞都幾滑身 😛我哋人多送咗份風沙骨 都幾好食重點係唔使點排隊同埋多大枱，我覺得可以encore🥢🥢😛

剛訂座，一個男人接聽，講野冇尾音又兇，唔知以為爭佢錢咁，好唔想幫我book枱我：唔該我想問今晚有冇7點2位呀?男：電話！我：xxxx xxxx，唔該跟住個男就cut 線講真我唔知你啲野食有幾好食，我都係見openrice咁多好評先試下，不過啲態度咁，幾好食都係假，所以我唔會食。如果大家唔信，可以試下係咪真係咁。

今晚同屋企人喺觀塘食飯就揀咗依間三小漁呢度環境都坐得幾舒服，原來佢係一間粵川菜餐廳以川菜為主粵菜為輔不過因為我哋唔係好食辣嘅關係，所以都冇乜點佢嘅辣菜式我哋今晚就點咗招牌話梅骨、鮮菠蘿芝士焗大蝦， 啫啫通菜煲，芥菜魚湯煲，西蘭花鮮魷甜品方面就叫咗桃膠燉菊花豆腐整體嚟講食物質素方面唔錯，份量亦都好大碟招牌話梅骨酸酸甜甜炸得好好鮮菠蘿芝士焗大蝦，蝦生鮮蛋呀，芝士同菠蘿鹹甜味道組合夾得好出色啫啫通菜煲夠火候，芥菜魚湯煲亦做得清淡之餘亦有鮮味，最後驚喜就係桃膠燉菊花豆腐，豆腐軟滑加上桃膠彈牙，秋冬食呢個甜品好滋潤

🌻粵菜晚餐🐱同朋友去咗觀塘，諗唔到食乜嘢，喺觀塘廣場附近行吓行吓見到呢一間好似會坐得幾舒服嘅三小漁！上到去果然冇估錯，原來都坐得幾舒服！餐廳好闊落，我哋四個人一齊去到都好鬆動！佢哋係以粵菜為主，我哋叫咗幾樣特色嘅嘢，包括咗黑磚豆腐，豆腐帶着竹炭嘅香味，感覺好新奇！另外我哋仲叫咗佢嘅招牌菜式冰鎮咕嚕肉，咕嚕肉爽口彈牙，加埋佢個冰鎮效果真係令人回味！廚師都真係有啲功力，下次可以再嚟試吓！📍 三小漁 (觀塘)觀塘成業街10號電訊一代廣場1樓B01號舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸

朋友BOOK咗枱食晚飯，第一次落單果陣喺個男人，佢SELL海鮮，我哋唔啱食就話唔要海鮮，同佢講緊要乜果陣就黑口黑面，走前又無覆單，要問佢叫咗幾多樣嘢先答有幾多樣，佢走咗之後我哋自己數下發現佢寫少咗一樣，問佢拎單睇下少咗乜嘢啦，另外叫咗個姐姐補落，但個餸一直都無黎，要追咗三次先成功落到單。另外，我哋有個餸係生菜煲，但上枱果陣變咗椰菜花，我哋問點解係椰菜花，果個男人就話佢改咗椰菜花，係咁問我哋要唔要，係咪唔要，我哋為免比人加料就無換到，真係惡過惡人谷。食物質素大多都可以接受，擺盤係靚嘅，味道可能要睇彩數，朋友話之前去食都唔會好咸，但果晚隻雞咸到食唔到。其他餸菜唔難食，但又唔可以話好好食，只可以話食得落口，但呢個價錢可以有好多選擇，唔需要嚟睇人面色囉。唔會叫佢哋時價海鮮嘅真係要諗下先決定好唔好去。