三小漁

營業中

休息中

觀塘工廠區餐廳林立，中午好多打工仔lunch，今日去呢間三小漁有驚喜，喺電訊一代大廈，好易搵，一上電梯前小小就見到，門口大大隻加非貓從餐牌選擇同坐位睇，晚市應幾適合一家人一聚，午市選擇係客飯套餐為主，有個特別亮點，可轉豬油撈飯先來個菠蘿咕嚕肉，賣相幾吸引，份量亦好多呢度咕嚕肉係採用梅肉，好正宗，食落啖啖肉夠淋，亦炸得剛剛好，夠香口，粉漿不會over，菠蘿係用原隻切，大舊又juicy 同行太太叫咗酸菜魚片米綫，魚片爽滑彈牙，湯底酸辣好開胃其實全個午餐最重點就係呢個豬油就算酒樓都好少有，莫講話餐廳，問咗侍應姐姐，佢話原來夜晚有個餸叫做豬油粉絲煲，所以豬油係新鮮整出嚟，午餐攞嚟賣，撈飯真係好正最後飲埋個杯凍檸茶，夠濃少甜，正

今日在觀塘「三小漁」食午餐餐廳闊落，簡潔舒適，乾淨企理。服務員態度非常好👍🏻我哋點了兩個套餐，菠蘿咕嚕肉和酸菜魚片。呢間餐廳係用砵仔蒸飯，蒸得好好，飯香，粒粒分明👍🏻亦可以加$5升級豬油撈飯，餐廳姐姐推薦我哋加，因為係師傅每日新鮮提煉而成，撈落飯食真係仲香濃，仲好味😋「菠蘿咕嚕肉飯」選用豬肉肥瘦適中，外皮炸得香脆，炸粉唔會好厚，而且係用肉眼筋位置，爽口彈牙好味👍🏻👍🏻調味唔會偏酸或偏甜，份量亦十足，菠蘿和肉都各有5-6件，正！期待晚市的「冰鎮新鮮菠蘿咕嚕肉」😋「酸菜魚片」湯底香濃，辣味恰好，唔會太酸，好味👍🏻👍🏻送飯一流魚片好滑，完全沒有骨，啖啖肉，正！

想在觀塘吃精緻的中餐，於是去到位於成業街的電訊一代廣場的三小漁。晚市提供湯羹翅、海鮮和主菜等等，午市亦有不同食物可以選擇，而且餐廳提供多人同行優惠。這晚一共品嚐了三款食物。在等待食物之前，先享用桂花烏龍茶 。 茶香非常清澈、吸引。先品嚐冷盤話梅淮山。淮山經過醃製，入口軟腍，氣味獨特，配合話梅，整個小食令我非常開胃。然後一嚐蟶子王。蟶子皇份量十足，香甜鮮嫩；上面配合粉絲、香蔥等配料，令口感、味道以及香氣進一步提升。蓮藕蜜椒骨擺盤精緻吸引。蓮藕費切成薄片，經油炸後非常鬆脆，而且沾上蜜汁，甜度誘人。蜜椒骨設成一口大小，方便食用；肉質香脆，配合蜜汁和芝麻，既香又甜。甜品是桃膠燉手工菊花豆腐。這道甜品非常考大廚的刀工， 豆腐切得這麼幼細，放在水中散開，方能做到恍如菊花花瓣般精美。甜度配合得恰到好處，是這一餐一個完美的句號。

同三位朋友一齊食飯，餐廳離APM 5-10分鐘步行距離，係商業中心一樓。我哋選擇觀塘食飯，係因為工作區假日人比較少，用饍比較舒服，呢到又冇限時間。7點嚟到，見到門口有隻半米高左右嘅茄菲貓Lego, 餐廳裏面有好多Lego 卡通人物。檯之間距離好足夠，座位多卡位，食飯傾偈好合適。我哋叫隻半隻炸子雞，炸得啱啱好，雞滑，鹹度合適。梅子排骨，有7-8件，好味，酸酸甜甜，黃金炸魷魚，用鹹蛋黃炸嘅，剛剛炸好一定好味。仲叫咗個菜，金銀蛋菜，落咗好多靚嘅皮蛋，鹹蛋，又有鮮味嘅高湯，呢個菜真係做得好好，越簡單嘅菜越少餐廳會認真做。雜菜粉絲煲水準幾好。

上個月與朋友們到三小漁吃晚餐🥢， 真心不錯😋， 因為地點近我公司，所以再嚟食午餐。 午市都幾多人， 幸好我預早訂位， 今次點了午市套餐📋📍、小食、飲品和甜品。水煮魚片$62、青麻剁椒蒸海斑塊$72、黑磚豆腐(件)$18、煙燻溏心蛋(半隻) $18、泡椒雞腳$38、桃膠燉手工菊花豆腐$48、法式焦糖燉蛋$58、豬油撈飯$5、冬瓜薏米水(跟餐價錢) $5、 洛神花茶(跟餐價錢) $5。 🔸黑磚豆腐🧈 ～ 上次食過一次難忘， 口感外脆內軟， 值得一試。 🔸煙燻溏心蛋🥚 ～ 醇香美味的溏心蛋， 有淡淡的煙燻味， 更有流心效果。 🔸泡椒雞腳🍗 ～ 酸酸辣辣的味道，清脆爽口。 🔸水煮魚片🍲 ～ 鮮嫩的魚片，配上又香又辣的湯底， 食起來感覺特別惹味。 🔸青麻剁椒蒸海斑塊🥘 ～ 海斑塊肉質很滑又無骨底有粉絲吸了醬汁味， 香辣有勁，拌飯之選。 🔸豬油撈飯🍚 ～ 邪惡的豬油撈飯，食起來特別香口。 🔸法式焦糖燉蛋🍮 ～ 面層薄薄的脆焦糖， 燉蛋口感滑嫩如絲，蛋味非常濃郁。🔸桃膠燉手工菊花豆腐🥣 ～ 又係必食推介， 菊花豆腐賣相好靚， 做得好精緻， 糖水整體味道清香。 🔸冬瓜薏米水🥤 ～ 味道清甜又健康， 清

父親節正日，同老婆外父外母去了這間位於觀塘的人氣海鮮小館「三小漁」慶祝。位於一個小型商場一樓，位置唔顯眼；門面甚至有點似間茶餐廳 ⋯⋯ 事實上，餐廳午市開始營業，中午飯市及下午茶真係一間茶餐廳！內隴裝修也同一間茶餐廳沒有大分別，有很多卡位及四人枱，正中位置則放了幾張12人大圓枱，明顯方便晚市而設。環境擠迫嘈吵，又有點混亂；很難想像晚市這麼多客人，而且主打廣東海鮮。餐廳牆上層架擺放了一罌罌香料，另一個層架就放了一包包江瑤柱及魚翅；似乎對晚市很有信心。小菜價錢定位同正規廣東酒樓差不多，也有多款游水海鮮。海鮮並非街坊小店價錢，絕對稱不上便宜。生炸皇子鴿（$72）原來只是BB 鴿。一向不太鍾意食BB 鴿，雖然鴿肉較幼嫩，但鴿肉味道就未夠濃郁。鴿皮亦因為較薄而炸過了火喉。竹炭黑磚豆腐（$18 / 件）同坊間其他小館的椒鹽豆腐如出一轍，只不過表面炸衣加入了食用竹炭粉變成黑色而已。有噱頭，但賣相並不吸引。味道方面，略嫌未夠惹味，椒鹽味未夠濃郁。以「三小漁」的定位及用餐環境，西澳洲龍蝦（$580 / 斤）的定價稍為偏高。當然有很多高級酒樓的游水海鮮定價還要貴得多，但同樣地，坊間也有很多差不多級數及環境

Happy Friday 四個女人六餸一湯，食得開心食得滿足，友人食過一次介紹再訪，主要都係唔限時，舒舒服服嘆杯啤酒🍻飲啖茶傾談飯聚是我一向對餐廳的要求，食物質素當然都係主角，這次用餐🍴十分滿意，餐廳服務員態度和藹，地方闊落夠大，樓底也高所以傾談時不會吵鬧，氣氛很好👍下次會再來試下海鮮🦞，走的時候見隔離枱滿滿的龍蝦鮑魚，真的很吸睛🤩這次主要是試下出名的冰鎮咕嚕肉和燉湯，果然名不虛傳😋值得一去。

一行十幾人食lunch，分開兩枱各六個，其中一個餐有菇，食落口發現係酸既，搵女同事反應，佢話話唔到事，睇住佢叫完個貌似係經理既男人處理，男人喺水吧黑面之後完全唔理我地，過左五分鐘再叫人請佢先出黎，講完話個菜入面既菇酸左，佢話叫我地轉餐，但已經13:40，我話食唔切cancel算，佢黑面答：唔得，一係你叫第個餐外賣。我話唔要喇其他唔啱食，佢堅持話叫我一定要叫返，如果唔係4-6人送既菜要收返正價$1xx，咁明明我地一枱係六個人，減一個餐都係五人，都合你送野既要求，同埋係你食物有問題，佢就話唔食都一定要照收你$42低消，或者收返你野飲錢然後你同行既人無左原本有既九折，大佬成件事都唔合理，全程個男人態度都好差，完全係百般刁難，無啦啦就俾佢屈左$42，然後走左之後發現我地另外嗰枱既單無啦啦仲收多左加一同埋無左折扣，亂咁黎。雖然其他人話佢食物品道都不過不失失，但咁既經歷，呢間店真係不可一不可再，請都唔再食

朋友介紹到三小漁吃晚飯🥢，位於觀塘成業街10號電訊一代廣場1樓B01號舖。 我們訂了房，所以私隱度極高。 ✨晚餐的菜式有煙燻溏心蛋、 黑磚豆腐、 蓮藕餅、古式東坡塔、 大龍躉兩食、 脆皮風沙雞、 冰鎮新鮮菠蘿咕嚕肉、啫啫通菜煲、 鮮魚湯胡椒魚肚芥菜煲、 粉葛鯪魚老火湯、桃膠燉手工菊花豆腐。 🔴煙燻溏心蛋🥚 ～ 入口軟綿綿的溏心蛋，再加上煙燻味，醇香美味。 🔴黑磚豆腐🧈 ～ 黑色的賣相好型， 外脆內軟的口感再配上炸蒜粒🧄， 很好味，我們食了兩碟🤣。 🔴蓮藕餅 ～ 蓮藕口感爽脆， 豬肉餡夠結實👍🏻， 口感不錯。 🔴古式東坡塔 ～ 賣相非常出色🤩👍🏻， 當然第一時間要打卡先🤳，肥美不膩的五花腩疊成塔狀， 非常精緻， 切開五花腩還有大量梅菜🤤， 大家都忍唔住要點返碗白飯🍚。 🔴冰鎮新鮮菠蘿咕嚕肉 ～ 顏色鮮豔奪目的賣相， 咕嚕肉啖啖肉， 菠蘿🍍非常甜美。 🔴脆皮風沙雞 ～ 真是皮脆肉嫩🤤， 重點是食完唔會感覺好油膩。🔴大龍躉兩食 ～ 龍躉兩食各有特色， 啖啖肉又肥美的龍躉， 魚肉很嫩😋！ 🔴粉葛鯪魚老火湯 ～ 湯料砌得非常有心，粉葛湯好濃郁，份量又多🥣，每人起碼飲到兩碗。 🔴鮮魚湯胡椒魚肚芥菜

這家中菜的擺設真的讓人有一個想去嘗試的衝動，剛好我們一家人在節日中選擇了這家店，可以讓我們試試它的真偽。先說冰鎮咕嚕肉這個菜式的噱頭顧名思義就是將熱騰騰的咕嚕肉放在冰上，讓咕嚕肉的外皮冷縮熱漲的原理令外皮更脆。真的不錯。鮮菠蘿芝士焗大蝦球十分香脆，而大蝦也很新鮮。椒鹽鮮魷這個菜式的炸皮比普通的椒鹽鮮魷好吃，但份量很少。蒜香蒸蟶子十分新鮮，好吃這間店的食物外觀擺設吸引，食物水準還可以，但價錢偏貴。節日吃一次半次還好。

觀塘高質中菜想食大排檔小炒但又怕熱，試吓呢間中菜。店內裝修簡約，5-7人坐有弧形梳化，環境幾舒服。小炒至矜費海鮮都有，款式極多話梅准山$48: 擺盆精美，以葉子碟盛裝，准生切成幼條疊起，話梅酸甜好開胃，不過份量好少，$48有d 貴黑磚豆腐$18/件： 豆腐皮阿鬆脆，配炸蒜好惹味，內裡豆腐又滑又夠豆香酥炸特色蠔餅$108: 酥炸脆卜卜一大塊，上枱震撼又香。酥炸好邪惡，脆漿一口一口吃唔停。蠔份量唔勁多但都乂大粒夠鮮味冰鎮新鮮菠蘿咕嚕肉$148: 加上了小麥芽糖裝飾，上枱好吸引。咕嚕肉份量多，皮脆，菠蘿好新鮮，如果有其他生果會更好啫啫雞： 一上枱勁香，好似啫啫通菜甘惹味另外，店內有很多Lego 卡通公仔，so cute

壽星同事話食呢間，我哋做啦啦隊梗係舉腳贊成啦⋯⋯一入到去，見每枱枱面的餸菜，碟碟賣相精美，完全係打卡📸佳品！實在令人好期待，點知～結局完全反高潮！燉湯，有元粒乾瑤柱，入口才發現嗰乾瑤柱完全係臭雪櫃味，飲咗成一壺熱茶，嗰陣臭雪櫃味仲殘留喺口腔揮之不去🤢🤢🤢🤢🤢金銀蛋時菜，嗰粒蒜頭一樣係咁（臭雪櫃味）🤢🤢🤢🤢🤢冰鎮菠蘿咕嚕肉，外皮做得薄脆（這點確實值得一讚），至於嚿肉，完全冇味，除咗有外皮嘅酸甜之外，唔知道自己食緊啲乜🥲砵仔絲苗白飯更加不知所謂，完全係違反商品說明！我未食過粗劣，0飯香的所謂絲苗白飯！最後，千祈唔好對呢間食店的服務有任何期望。（完）備注，我哋成班人嬲到要轉場食第二round先可以消咗d怒氣！Btw….好好彩，比我哋即時搵到間喺裕民坊嘅西餐廳，10分有驚喜，超級好食！（附圖）

觀塘區好多特色餐廳, 不過好多都限時, 呢間打電話去問話不需限時, 而且openrice嘅食評都唔錯, 唯獨是服務態度一般, 本著唔信邪嘅心態就去試一試😝🥢蜜椒蓮藕片$48蓮藕炸得脆脆, 面頭漿了一層薄薄的糖漿, 脆脆甜甜做前菜唔錯🥢椒鹽鮮魷$128成棵花擺喺碟上, 非常之漂亮, 打卡絕對一流, 魷魚炸得熱辣辣, 好香脆而且唔算油膩, 炸皮脆口唔硬, 亦唔會太厚粉, 魷魚新鮮炸得唔會過老, 口感彈牙煙韌, 面頭灑上炸蒜粒, 少少辣, 絕對惹味之選😋🥢酥炸特色脆蠔餅$88蠔餅個炸粉我就唔係好識欣賞, 太過鬆脆, 睇落去好似好大碟炸蠔餅, 其實都係炸粉同埋蔥粒充撐場面, 蠔仔嘅份量唔多, 蠔仔細粒及無乜蠔味, 食落唔惹味, 好似食炸粉咁🤭🥢話梅骨$98話梅骨味道適中, 有話梅味, 排骨質地有趙頭有口感如以往的食評所寫, 服務態度就認真一般👎, 我哋掛住傾計, 話梅骨及椒鹽鮮魷各淨咗兩件, 另外個炸蠔餅淨咗一半, 侍應居然問我哋仲要唔要, 清咗張枱先😲, 咁我哋當然話要喇, 因為食下野傾下計好正常啫, 當時目測店舖喺有吉位嘅, 而我book位嘅時候亦都問過有冇限時(當天星期三), 佢哋回覆係

奶奶生日飯，食到我小小聲！。 除咗生菜係後加，前面全部應該要時間做嘅餸，居然可以落單後5分鐘即上，咁只有焗蝦未到咪叫佢慢慢先，佢話已經焗緊。好野在全部都是微熱（即係唔熱），D野完全唔對路！仲有，我都未食完碟嘢已經有幾個侍應猛咁問係咪可以收走，最後果次我已經諗住佢再問我即刻會問侯！唔會再去D咁嘅地方食嘢囉！🤬🤬🤬

當我以為三小漁是以川菜為主的時候, 卻見到其午餐菜式包羅萬有, 除了水煮系列和酸菜魚外, 也有傳統港式的咕嚕肉和椒鹽豬扒, 但最吸引到我的, 是其剁椒蒸海斑, 還有原盤豬油撈飯, 如此湘式和港式的Crossover, 我倒是沒有試過.先說其豬油撈飯, 豬油和豉油在上枱已預備好, 調配份量OK, 豬油夠香而豉油鹹香度柔和, 飯身偏硬, 加上豬油口感剛好. 剁椒有紅和青椒, 不太辣也不太麻, 外表看起來很刺激, 但內在其實偏向溫柔. 海斑皮肉相連, 魚肉口感實在, 魚皮爽彈, 略嫌豉汁味道偏重, 和豬油撈飯的味道互搶起來, 有點可惜.Three Minnows looks like a Sichuan restaurant but she offers different kinds of Chinese cuisine, for example the Hunan spicy chili steamed dishes and Cantonese pot rice with pork oil. The taste of rice is hard and it is just right w