三小漁

營業中

休息中

同屋企人食飯，因為有長輩都㨂食中菜，呢間觀塘中菜又幾有驚喜～玫瑰花茶好香玫瑰味，飲完覺得好養生XD前菜嘅酸甜木耳都唔錯，不過不失。最特別係球體狀，口感好得意。呢款咕嚕肉真係好靚呀！一上菜係被驚艷到。除咗靚，佢都好好食，好多肉，而且煮得岩岩好，唔會令肉過硬，好鍾意呀。之後嘅通菜都好好食，夠味濃郁，重重嘅蝦香。最後主食嘅豬油渣粉絲真心唔錯，油香重，食到停唔到，好難得！份量一睇相就知真係好多。4個人食，埋單4百幾，都好夠食！

同長輩食飯當然要揀間中菜食啦！這家觀塘三小漁都是不錯的選擇～首先揀了壺玫瑰普洱，啖啖花香，在之後整頓飯有重要的中和油膩感作用～前菜點了陳醋黑木耳球！酸酸甜甜非常開胃，重點是球體，好爽好有口感～這是必點的鮮菠蘿咕嚕肉，賣相精緻，份量又多！肉質好嫩滑，即炸的肉放在冰上，冰火交融，好過癮㗎～好喜歡鮮菠蘿，好甜又夠爽。啫啫通菜份量不用提，都是好大份！加了好多蝦米，好香口呢～豬油渣粉絲煲不得了！充滿豬油渣的油香，夠哂穫氣呀！最後加點了柚子雪葩，非常濃郁的柚子味，是完美ending！

今日放工又去咗觀塘睇柚木傢俬，訂咗個櫃之後就去附近食特色小菜，同事介紹 三小漁，從前是吃私房菜的，質素很好。座位寬闊，空間感大，social distancing 滿分，食得舒服又安心。店長很快安排好我們的座位，茶很香～有玫瑰花和荔枝的香味。蜜椒蓮藕片先叫一個特色小吃，蜜糖的甜加上辣椒，陣陣甜蜜味 ，椒香微辣，脆薄通透的蓮藕片香脆 非常，食落很開胃。熱辣辣又酥脆可口，甜而不膩，真。好吃！ 不能錯過呢！自家製南瓜汁菠菜豆腐煲一個很健康清新的菜色，老闆娘推介時說豆腐是自家製的，沒有人造色素和防腐劑，更加健康而且對身體有益。石鍋上枱熱辣辣， 南瓜汁撈飯食一流，自家製菠菜豆腐很香口，加上菇菌蔬菜味道清甜。陳皮話梅燉雪梨老闆娘推薦必試，招牌飯後甜品，賣相精美，用上十年陳皮係幾咁矜貴，味濃郁。滋潤養顏燉雪梨，極度清甜潤喉， 三小漁 師傅的精心製作，今晚完美句號。食物設計有心思，價錢合理，推薦一試。

今晚阿媽有節目，得我同老豆兩個黎呢度撐檯腳。老豆點左蒜泥白肉，醬汁係自家調配，唔好比佢顏色呃到，實際上都幾辣，係香辣不是麻辣，肉片肥肉爽瘦肉滑，不錯。呢樣菜對我黎講係一物二用，鮮菠蘿芥茉蝦球以菠蘿做碗，盛載住沾左芥末嘅炸蝦球。蝦身大隻兼爽口新鮮，芥末味增加味道層次，而菠蘿非常鮮甜，直頭可以當飯後果，去走餐後油膩感。蠔仔肉碎浸菠菜，個湯幾好飲，蔬菜夠新鮮無渣，蠔肉無殼碎夠鮮味，幾好！餐館座位算寬敞，檯與檯距離令人安心。旁邊有優雅外型嘅卡位，門口設置手探探熱器同搓手液，有防疫意識👍🏻

今日落大雨就係公司附近食晚餐，同事介紹東廣場對面有間食小菜既質素唔錯，於是跟佢黎試下!桂花烏龍一坐低店員就問想飲D咩，睇下DRINK MENU，見有平時好少地方有既桂花秋龍就叫黎試下~壺茶用左個好別緻既茶壺裝住，沖一杯出黎試下，桂花香味撲鼻，烏龍仲可以去油解膩，一路食飯一路飲就最岩!煙燻溏心蛋/黑磚豆腐上OPENRICE睇到人地食呢兩款前菜勁吸引，於是就叫埋黎試下~煙燻溏心蛋切半俾客人睇得清楚入面既流心蛋黃，全流心好吸引，味道方面好有煙燻味，溏心蛋而家好多人都識係屋企整，但呢個煙燻溏心蛋既味道就真係唔係咁易係屋企可以整得到。正! 而黑磚豆腐我就係俾佢既外表吸引，你望落去以為係似台灣既臭豆腐，但擺入口咬一啖，就知道唔係臭豆腐，而係外脆內滑既炸豆腐!呢個味道好好，外表亦非常特別!值得一試!冰鎮新鮮菠蘿咕嚕肉見到隔離檯叫已經流哂口水，係食物之餘仲可以話係藝術品，一盤冰鎮既咕嚕肉，中間用上拉糖黎點綴，睇得又食得! 雖然係冰鎮但咕嚕肉保持熱辣辣，(除非你唔小心整左落D冰度XD) 菠蘿用上新鮮既，唔係普通罐頭切片菠蘿!難得既係新鮮既都唔會好酸，同咕嚕肉配簡直係最佳配撘!自家制南瓜汁菠菜豆腐煲呢款係

今日去開呢間三小漁，地方好大而且坐得幾舒服，食物質素亦都相當唔錯!冰震菠蘿咕嚕肉呢個一上台已經被佢既份量嚇親，因為真係好大份而且量好多，加上冰震既視覺令成個餸既觀感都好好! 食落口個咕嚕肉外皮好脆同埋有冰所以就算放咗一陣都仲keep到脆口，調味岩岩好送飯一流。而佢亦係用新鮮菠蘿，食落更加鮮味十足! 飯亦都係熱辣辣蒸好，口感一流!艇家醬炒大蜆呢個真係超級香同埋好惹味，蜆肉大大隻同埋完全冇沙，食落好似去咗南丫島咁新鮮，非常值得試!南瓜汁菠菜豆腐煲佢既南瓜汁好香同埋天然，仲食到少少南瓜肉。菠菜豆腐好特別，估唔到咁樣食個口感會咁好，豆腐亦都夠滑，所以又係好岩用嚟送飯!

相信好多食客見到餐廳有得畀你揀少油少鹽，會揀埋。但估唔到岩岩落完單, 會聽到餐廳致電第一句：你咁多要求, 我地做唔到。反問我炸嘢點少油？我都想知，唔好攪到好似我特登留難你咁，我話係你地自己俾個客揀, 佢一句: 個系統short 左。麻煩整好個系統，唔好畀人感覺好似有好多選擇咁，到頭來就反問個客炸嘢點少油？唔洗食都已經飽咗。

去了觀塘工廈睇野行街，之後要揾野食，就去了附近的電訊一代廣場1樓既三小漁環境不錯，店員已經將已經高溫消毒過嘅杯碟送上！非常細心， 而且服務態度都好好！很有人情味的那種！實在難得！泡椒雞腳， 味道微辣開胃！ 口感唔會雪到死實實感覺，係幾好既餐前小食！正呀。香蔥炒吞拿魚炒飯， 分量多得誇張而且非常有鑊氣！ 粒粒飯晶瑩剔透又分明， 碟上沒有多餘嘅油份， 真的沒有油膩感！ 吞拿魚粒炒到香口！好食呢。鮮菠蘿芥末蝦球，用上新鮮菠蘿非常香甜！不是死甜， 蝦球上曾表層薄薄的芥末沙律醬， 而且炸漿外皮唔會過厚，令人十分著迷！ 輕輕嘅芥末十分刺激味蕾！配上彈性十足既大蝦，爽口彈牙，十分惹味！如想要食中菜，這間三小漁不會令你失望。

因疫症期內限聚令下2人共餐，要食中菜真係無引，因為叫菜款色不多，所以我們4人分兩枱坐都要來試試可以叫多兩個餸食前菜叫了黑磚豆腐外脆鬆化內軟👍🏼酥炸生蠔餅，我就覺得一般了；主菜有水煮細龍躉-酸辣到剛好，魚肉好滑，味道都不錯冰鎮菠蘿咕嚕肉，甜酸度做得好好，咕嚕肉外脆內嫩，真係好好味加上賣相都好靚蓮藕蜜汁骨，賣相都係靚，味道都不錯，但d骨就炸了過火肉比較乾；最後叫了甜品塗膠燉菊花豆腐，這個都係餐牌上見到賣相好靚，所以叫來試試，不太甜啱我👍🏼總括來說：多款小菜見師父都用心把菜色擺設得靚靚，等客人見到咁靚的賣相食都開心啲

之前係呢度食過晚飯，印象中係幾好食，所以今日一行二人喺觀塘做嘢之後就特登過嚟食午餐！餐牌上面有唔少選擇，有成19種set lunch，價錢都係普遍午餐價($50-$68)。我哋就叫咗菠蘿咕嚕肉($55)同埋蠔仔肉碎浸津白($58)。菠蘿🍍大大舊，所以一定係新鮮菠蘿，唔會係罐頭菠蘿，咕嚕肉咬入口肉汁豐富又唔會覺得肥膩😋！蠔仔🦪肉碎浸津白湯底偏咸，但啲津白浸左湯底食又變咗幾好味道，蠔仔隻售脤卜卜👍！

電訊廣場呢個位置開餐廳真係幾好近地鐵 叫做喺商場入面比收工時間人來人往嘅地鋪坐得感覺悠閑啲餐廳相當雅致光猛呀姐嘅招呼都好親切唔係碗碟咁中式嘅話爭啲以為食西餐黑磚豆腐出面係脆口甜甜地嘅芝麻入面係滾燙又滑溜嘅豆腐話梅骨個蜜汁非常香甜難得在唔膩又唔會過酸個汁又唔會感覺立蠔仔肉碎浸時蔬個湯好清甜 冇多餘嘅調味 鮮味真係完全唻自材料而材料亦好足同好多元蠔仔肉新鮮連埋花生腐皮炸蒜肉碎等等 味道豐富一路嘆桂花烏龍一路食芝士蛋糕個感覺好似喺和食屋咁芝士蛋糕唔簡單唔會過甜 但奶味極重問呀姐 呀姐話原來係日本空運過唻唔怪得了

最近在觀塘開的店很多，做得出色又便宜的中菜館卻不算太多三小漁的價位中等，但菜色都很用心，位置寬闊，坐得舒服。食物：泡椒雞腳$48雞腳出過水，所以偏向爽口彈牙卻毫不油膩，泡椒雖辣但也不過是辣椒本身，不碰它便沒事了，愛辣的不妨啜一下艇家醬香炒大蜆$118應該叫豉汁炒蜆吧，蜆肉非常大隻，是一般蜆肉的兩倍，醬汁非常惹味，除了豆豉還加入了蒜蓉，出色！生煎薑蔥雞$108雞件頗大件，但沒有碎骨，肉量有夠多，而且夠肥美，薑蔥提起了雞的鮮味，雞只是僅熟，夠滑！蠔仔肉碎浸時蔬$88大量莧菜鋪上大量肉碎，蠔仔肥美飽滿分量十足，連一丁點偷工減料都沒有，份量有夠大盤，味道偏向清新日本芝士蛋糕$18芝士味超重的日本芝士蛋糕， 口感結實，跟傳統的日本芝士蛋糕有點不像， 但我是很喜歡這種結實的口感黃金蕎麥茶$12超重蕎麥味的茶，帶點炒過的麥香，喝起來越喝越上癮，難得我也喜歡的茶整體性價比不俗，可以再戰！

地方大野食夠鑊氣三小漁觀塘成業街10號電訊一代廣場1樓B01號舖Shop B01, 1/F, TG Place, 10 Shing Yip Street, Kwun Tong地下超大, 卡位又好好坐呀! 開始約返朋友食喝玩樂, 我都是良好市民, 只限2個人的。朋友介紹來, 我地都點左D 前菜 主菜 , 晚市 預一個大約二百元至二百五十元啦。前菜都是開胃小食啜啜雞腳，很辣的青椒，雞腳只沉鹽水汁其實是不辣的冷盤。小炒類主菜, 夠鑊氣。炒大蜆黑椒蒜夠味，肉厚好食。蠔仔肉碎時蔬，少油健康，湯都好好飲菜好好喝，蕎麥茶有炒過的香味 日本CHEESE CAKE, 勁好食, 估唔到中菜館有西式甜品!!!桃膠豆腐花，養顏，好似jelly 兩樣一齊滑入口

今日出門口明明曬到嘔，但搭搭吓巴士，竟然有一大片黑雲追住大胃，然後就倒屎咁落大雨，冇帶遮嘅我只好一落車拿拿臨跑去一間餐廳避雨食個飯啦落完單，嗌咗個午餐包飲品，可以自己去雪櫃度揀嘢飲，濕晒身嘅大胃當然要揀去水腫嘅薏米水啦，唔會太甜又幾清新雞肉幾嫩同好入味，沙薑味好出飯用砵仔煲出嚟，質感同味道都超乎一般白飯嘅級數呀呢個伊麵集鮮味同鑊氣於一兜，各材料嘅味道拿捏合宜，好好味呀問佢攞餐具，佢地都會煮過啲餐具先畀你，認真放心下次避雨就唔好同人爭簷蓬位喇，上嚟歎吓美食等雨過仲好啦

疫情下心情實在很差，唯有食返點好食的美食令心情好點！這次第一次食私房菜，在觀塘這邊，地鐵站行5-10分鐘，都很方便！我們在晚市禁止堂食前來的，餐廳人不多，坐得好舒服！而且提早訂位後不用等，很快入座！脆皮風沙雞先來就是這裡的招牌風沙雞半隻，雞皮很脆，雞不肥，適合健康人士！再來就是溏心蛋而且均勻切開，擺盤太美了啦！味道很不錯。豬油渣粉絲煲這個真的好吃到一個點🥰🥰🥰很多雞蛋炒的粉絲，豬油渣味道很香。原隻蒜蓉粉絲蒸聖子大件又抵食！老闆有推薦今日有咩新鮮的海鮮，下次來可以試試其他呢！最後我們還吃了甜品🍮，好滿足啊🤰🏻