三ステーキ (已結業)

開業到宜家lunch時間都會排長龍，今次見夜晚時間無乜人就試下啦。入到店內要係門口位置有一部自助售買機落order。買完單只需要坐返位，店員就會送上野食。而店內會有自助沙律提供，有四款選擇，食幾多攞幾多啦，以免浪費。仲會有水提供，唔嗌野飲都ok。講返塊扒先，都幾快就到左，因為佢入面基本上係生既，用一塊熱既石去煎熟佢，所以想食幾熟或者幾生都係自己決定，但食既時候真係唔好分心做其他野，因為塊石都幾快無左熱力。咁塊石無左熱力，當然可以同佢地講換塊啦。整體來講，百幾蚊食到咁大塊牛真係幾抵食，無得要求好重既牛味。油脂比較少，所以有啲位食落去都比較鞋身。

今次要介紹既係灣仔食lunch之選，就係呢間自助石板燒牛扒啦🐮 一入到餐廳就好有日本嘅感覺，要喺門口嘅自助販賣機買咗你想食嘅嘢先坐低。等牛扒黎之前呢就可以去自助沙律吧攞沙律，白飯同湯🍴牛扒黎到既時候係rare既，然後以自己喜好控制熟度去煎😆 我就叫左牛柳，雖然比較瘦，但肉味好香🤤 因為塊石板都好有熱力，記住食幾多先切幾多，如果唔係好快就會熟曬㗎啦🤣平民價黎講有得玩有得食，推介👍🏻.🔹牛柳 200g $85🔹西冷 200g $120.📍 三ステーキ (灣仔)灣仔克街6號廣生行大廈B座地下B3號舖

一夥子食飯比較多，有時都想自己一個食下lunch，自己鍾意食咩就食咩，唔洗理人感受，揾位又容易。平時，食普通茶餐廳都會据扒，今次終於試到近期新興嘅熱石牛扒！熱石牛扒係近年嘅潮食鐵板牛，可以根據個人食量而選擇唔同磅數嘅牛肉，近乎未熟嘅牛扒放係200度嘅熱石上，熟嘅程度可以自己控制，食肉獸一族又點可以錯過？！位於灣仔嘅呢間熱石牛扒，以吧枱為主，蒲入餐廳，由於疫情關係，先探熱，再自行到門口嘅自助售賣機，點購食物。然後，待應會帶你到座位，每個座位都獨立設計，一人一鐵板座位真係啱曬孤獨的美食家，而且，每座位都有抽煙管，唔怕有油煙味，十分體貼！最近，餐廳仲有優惠，凡叫仼何一款熱石牛，都免費仼食自助沙律吧。除咗野菜沙律，仲有雜菜通粉、薯蓉、白飯，以及牛骨湯，個人極力推介牛骨湯，足料嘅牛骨，令味道濃郁，加埋黑椒十分惹味！呢度分三款牛肉，有唔同嘅口感，各款牛肉都有200g，300g，以及400g可供選擇。1. 三拍子牛扒 - 多筋、有咬口2. 牛柳 - 淋啲、易入口3. 西冷 - 最鬆軟、最肥美、最好食今次我就揀咗中等質素嘅牛柳，200g都係$85，200g嘅牛柳份量一啲都唔少，肉質真係比較淋，易咬多肉

呢個價錢有200g 石燒牛扒+飯湯沙律任食，抵肉質唔錯沙律🥗味道都唔錯👍🏼多醬汁調味選擇疫情之下有盡量做衛生功夫例如口罩信封（幾靚），抹手濕紙巾，啲牛扒重會com住張廚房紙上（所以張圖多左支牙籤

三拍子餐廳係日式石燒牛扒我最喜歡吃牛聊 由1月1日起開始取消早餐之後新加左薯蓉同四季豆芽菜吸引左我放假去食我最中意飮牛肉湯 牛扒牛味比較重 有咬口牛聊淋身西冷燒起上黎油香

成日一個人食lunch食到好悶，有日經過見倒Triple Steak裝修到成間日式飯堂咁，門口仲有大大部售票機放喺度，而且”石燒”同 “牛扒”呢個配搭實在吸引！ 當然要入去試下啦！日式飯堂，當然要先買票，後入座。店員就企喺售票機隔離幫手點餐，當然冇難度啦🤣牛扒只有3種選擇：🥩三拍子牛扒 $75 – 比較有咬口 $75🥩🥩牛柳 – 肉質比較淋 $85🥩🥩🥩西冷- 肉質肥美多油脂 $120考慮左一秒就決定點牛柳啦！ 我只點了最嘅輕嘅重量200g，點完直接入現金！幾方便喎👍🏻間店係半自助式，點完食咩就要自己揾位，跟住再去拎餐具。前菜沙律、白飯、湯和水都係免費同自己拎。終於講到我嘅主菜 - 牛柳黎到啦，份量十足加埋石燒，賣相真係好靚！牛肉好有肉味，肉質真係好㵉！一口肉，一口飯！超正！ 不過石燒要快食，如果唔係好快熟哂！ 

兩次都係去灣仔既分店，兩次都唔同服務員。上次同男朋友share一份400g既三拍子牛扒，三拍子冇咁易咬，唔適宜太熟。今次打算又係share黎食啦，咁今次就試下叫牛柳，牛柳係好食既又易咬。點知原來有最低消費兩罐15蚊既汽水或者係叫30蚊沙律吧😑😑😑😑😑正常餐廳都會標明有最低消費啦，佢冇寫，上次都冇講一人要叫一份或者唔食牛既都要有最低消費。。。。結果用左30蚊叫沙律吧。😢😢😢😢下次去其他分店要問清楚先落order。

公司樓下開了間三ステーキ Triple Steak，作為崇日撚的我當然要來試一試，感受一下日本氣氛也不錯！可能是星期六，而且我公司午飯時間較早的關係，所以不會很多人。面積不算很大，座位多是面向牆壁，所以很適合自己一個人來吃呢！靠牆的位置有個小型抽油煙管，不用擔心會有很大油煙味，很貼心。點餐是透過一部自動販賣機去揀選，很日系的感覺啊！前菜沙律、白飯、湯和水都是自取的。可按自己要求選擇份量喔！我今次吃了他們所推介的三拍子牛扒 180g $75牛扒很有牛肉味，肉汁也很多，性價比很高啊！牛扒送來的時候只有一成熟，他們的建議食法是吃多少切多少，再把切下來的牛肉塊放在熱力石頭上按自己的喜好加熱。但我覺得熱力石頭的溫度很快就減退了，所以還是要盡快享用呢～吃飽離開店後，門口還有一個噴霧，讓您噴一噴去掉衣服上的氣味。不愧是日本餐廳，連日本人的細心都做得很足

近日網上不斷宣傳Triple Steak的石燒牛扒，終於忍不住去試一試。Triple Steak位於灣仔克街，招牌紅噹噹很搶眼。我於晚上9:30光顧，沒有人排隊可直接進入，店內亦只有三四枱客。Triple Steak是採用自助形式，先點餐，後取餐。店內只有三款牛扒選擇：三拍子牛扒、牛柳、西冷牛扒。每款牛扒都有三個重量選擇，可隨個人食量各自點餐。另有飲品如可樂、芬達、雪碧、烏龍茶。全部都是獨立收費，只能以現金付款，但不另收加一。點餐後就會收到一個嘟嘟機，可先找位置安頓，再去取刀叉等餐具。紙巾、鹽、黑胡椒等調味都已預先放在座位上方。自助吧亦有其他食物可選擇：牛肉湯、白飯、沙律、冰水，全部都是無限添加的。當師傅完成後，嘟嘟機就會響，此時就可到取餐處取牛扒。師傅很貼心，會用一塊餐紙蓋住牛扒，免得油濺到到處。所有牛扒取餐時都是一成熟，之後可按個人喜好煎至幾成熟。若到最後石燒板不夠熱，更可到取餐處更換另一塊使用。今次我點了一塊180g的三拍子牛扒，男友點了一塊200g的牛柳。三拍子牛扒比較腍身，肉質柔軟，所以一咬下去，肉汁會充滿整個口腔。而牛柳方面，感覺沒三拍子牛扒那麽腍身，較有口感，又不會去到靭

之前旺角食過一次石燒牛扒,今次行過灣仔再食下呢一間,睇下有冇分別。都係一入門口就買飛先,今次試下$75蚊既三拍子牛扒。係黎之前就攞D沙律先,有兩種選擇,通粉果個都幾特別,但有D酸,睇個人口味岩唔岩啦,另外菜個邊自己加左沙律醬後覺得好食D。主角之後好快就到左喇,望落都幾大份。呢間因為係一出黎係一成熟既程度,所以可以按自己想食幾成熟就燒幾耐。塊石板都幾熱架,應該燒完都唔駛換,幅相都可以睇到係燒到出晒煙,正~~ 不過我掛住影,個底就燒得熟左D,所以如果大家食既時候,一黎到就快D燒,唔好玩多幾下電話先燒呀,唔係就可能燒過龍喇。有幾種調味料選擇,我覺得落少少胡椒同鹽都已經ok最後都有食左D飯同飲左D湯,呢兩個就普普通通,所以就冇影到喇,總括都幾抵食下,有時間經過都可以考慮下。

早餐都有扒据星期六早餐時段不算多人。沙拉款式與晚餐時間供應的一樣早餐就供應多士。自助焗多士。食幾多就自己整幾多。麵包是普通白麵包。餐飲就可以選擇咖啡，奶茶，紅茶戓水早餐牛扒就有120g的牛柳可以選擇。整體與平時一樣，只是牛扒分量不同，和有多士食。

Weekday Lunch 🌞 三拍子牛扒 180g $75🐮🐄.終於有機會試下呢間新開嘅日本牛肉店🥩，佢係自座嘅，自己係售票機買，在旁有店員幫手，唔明白可以問。order 後就可以去攞椰菜salad🥗，通粉salad同餐湯🍲，牛肉湯好清甜，有牛肉碎， 鐵板夠熱，牛肉好厚身，有肉味，份量好足夠，食食下如果個鐵板唔夠熱，可以要求店員幫手換左佢。唯一係鐵板較細，切牛肉時要小心啲，以免牛肉切切下跌左落地😂 (我朋友跌左夠)。

網上知道這家來自日本的石燒牛扒專門店，綽頭係自助售票機，自助燒牛扒，自助添飯倒水，見幾得意就同老婆去試試。盤晚上八點半仍然頗多顧客，以為好似麥記坐低才去買票，點知店員要求先購票再分派座位比我，心諗你帶得位就順便幫我落埋單啦！唔洗我第一次對住部幾十粒掣的售票機頭都痕哂！店員態度又麻麻，後面又多人排緊隊......座位比想像中更狹窄，兩梳蕉還可以，我和太太都孭袋就麻煩少少，想放枱底但地下少少濕，結果係攬袋縮肩鋸牛扒。我點了最平的三拍子牛扒，意外的好味，有牛油香而且唔韌，相當滿意，至於太太點的牛柳就好失望。牛扒份量唔多但白飯沙律任添，一定食得飽。只要避開繁忙時間，都是一個食平宜牛扒的地方。雖然帶位店員態度不好，但另一位亞嬸就好好人，唔該哂！

最近經常見到稱重扒房出現，還有自己控制火候想幾熟都得，雖然是比錢自己招呼自己的感覺，不過都可以一試。入門第一感覺就是，座位真是好窄，小許中伏錯覺，奈何已經買左飛-西冷。穩左墻邊自閉位排排坐，然後自己去窗口位拿牛扒，已經完全無左開心食扒的快樂感。其他沙律啊，白飯，味增湯啊都是全自助任食，包食飽，可惜最後都是食左碗仔沙律通粉就。講翻牛扒，可以自己配醬汁，肉就無乜問題，都OK食得下，不過分量與價錢(叫左220)就不是幾合理，同埋環境真是拉低曬所有分，坐的辛苦！無咩意外應該都唔會有下次

最近灣仔開咗間自己煎牛扒店，中午同同事去試菜。店內幾光猛，近門口有部自助售賣機，好日本feel。第一次就個200g牛柳，85蚊，唔貴。野飲就貴少少，15蚊。order完服務員態度很好，帶位仲替你令order紙去廚房。牛扒包白飯、湯、椰菜沙律飲添。牛柳兩面稍煎好便上超熱石板，自己埋位慢慢煎。石板好夠熱，隔一陣就要反下舊肉。最好就係自己想幾熟都得。調味料就在食座上，很方便。佢唔似花園點d咁油咁多汁，呢個真係原汁原味。85蚊食200g真係扺，下次好想食個400g，美味し