三ステーキ (已結業)

之前旺角食過一次石燒牛扒,今次行過灣仔再食下呢一間,睇下有冇分別。都係一入門口就買飛先,今次試下$75蚊既三拍子牛扒。係黎之前就攞D沙律先,有兩種選擇,通粉果個都幾特別,但有D酸,睇個人口味岩唔岩啦,另外菜個邊自己加左沙律醬後覺得好食D。主角之後好快就到左喇,望落都幾大份。呢間因為係一出黎係一成熟既程度,所以可以按自己想食幾成熟就燒幾耐。塊石板都幾熱架,應該燒完都唔駛換,幅相都可以睇到係燒到出晒煙,正~~ 不過我掛住影,個底就燒得熟左D,所以如果大家食既時候,一黎到就快D燒,唔好玩多幾下電話先燒呀,唔係就可能燒過龍喇。有幾種調味料選擇,我覺得落少少胡椒同鹽都已經ok最後都有食左D飯同飲左D湯,呢兩個就普普通通,所以就冇影到喇,總括都幾抵食下,有時間經過都可以考慮下。