三ステーキ

營業中

休息中

佢部自助落單機實在太高科技真係未見過 未用過 要人教我用 哈哈 好羞恥深水埗興起左一段時間架啦但因為成日都好多人 無果個意慾去排隊唯有等佢無乜客既時候去啦全自助~ 自己去裝湯、沙律同白飯全部任裝但其實裝左都食唔曬我記得我揀左最細安士既牛扒但其實都好大塊我塊版一上既時候 好似都唔係好夠熱....等左陣見佢吱黎吱去都熟唔起唯有叫佢換過塊版比我啦唔知係咪因為咁 塊牛扒變得有少少老有少少韌.... 同埋因為太厚 好難切 難得唔平均 有少少難控制個生熟程度但$100內有找 所以都叫抵食既但我諗我真係唔太適合自助 會搞禍左件事 浪費左食材都係等人服待我好啲 哈哈

初試石板燒牛扒，無錯！如果想唔韌、唔鞋同入面juicy你係要放下手機，極速反轉+極速切！點解？佢俾你果陣塊石板係超熱！而且由部機咇你行去廚房拎都已經燒住左一段時間！埋到位拎開面頭張紙你好咋咋林反轉塊牛，雖然$75包埋湯、飯、沙律唔算貴，但都無謂浪費呀？我都勉強係保得住三分一塊牛，食得出個牛肉味好濃，唔係茶記貨，有誠意係怪自己掛住影相同玩汁者個椰菜沙律幾好食！我細胃，就無試埋通粉沙律、飯同湯啦！自己一個毒撚食空間還好，二人或以上就會迫d，同埋有機會要分檯坐！

艾文今日到深水埗買Harddisc，順道試一試這個人氣十足的日式安格斯牛扒！(`・ω・´)艾文是由黃金電腦商場出發，沿欽州街前往，如果由深水埗地鐵站出發的話，可以由C2出口經鴨寮街，走到欽州街大馬路轉左，直走多三個街口就會看到三ステーキ。艾文和旅伴今日下午六點左右到，未到晚餐時間但門口已經排了十多人，排隊排到轉圜入後巷。三ステーキ主打親民價食到安格斯牛扒，分三拍子、牛柳、西冷、180g、300g、400g總共九個餐，最平只要HKD$75就食到安格斯牛扒，仲要白飯沙律任裝！排到門口就可以在自動售賣機買餐，買完要再等位入座。入座後店員會俾部BB機，響就可以去領取個餐，等既時候可以先裝飯裝沙律。店內日式裝潢，位細細不過空間還可以。牛扒跟石板上，生熟度自己控制。領取時牛扒蓋住紙巾，相當衛生乾淨。艾文嚐了三拍子牛扒，肉味濃厚，餐廳亦提供不同醬汁，這個牛扒相當美味，性價比高！艾文香港既食評放0係Openrice，其他去旅行果D歡迎去我個Blog睇架! (｀・ω・´)b

前一排網絡熱爆食品之一 — 鐵板牛，今次搵咗堪稱平價界嘅「米芝蓮」trytry，睇下係咪真係咁好食一開始要係自動販賣機用現金買野食野飲，好有日本拉麵店feel，之後就再等人安排座位。餐廳入面全部野都係自助，e.g. 餐具、牛肉湯、水、醬料、沙律、攞鐵板牛。醬料區係每一台都有，好方便！我覺得湯同沙律都麻麻，可以唔試牛柳+triple steak牛排 (80+75)ucc烏龍茶 (15)可以自己係鐵板上面燒牛排又真係幾新穎嘅，一開始上嘅牛係1成熟，可以自己燒到一個想要嘅生熟度，玩得幾開心牛排整體都好juicy，不夠略嫌小小難咬同埋牛味唔係好出，但勝在夠大舊！性價比都算高～今次係我第一次食鐵板牛，整體黎講都叫有一個幾好嘅遊戲體驗，平價黎講都算中規中矩，試唔試就見仁見智啦😆

#triplesteak #三ステーキ 想用平民價食牛扒呢間餐廳適合不過，自己煎又得，同朋友仔一齊煎都得，得左！💪💪餐廳採用自助售票機比客人揀想食咩牛扒，非常方便～而餐廳所提供嘅牛扒分為三拍子牛扒、牛柳同西冷牛扒，間野都多人食～大概用左半個鐘去排隊，而小編揀左三拍子牛扒去試～#三拍子牛扒 $109（300g)自己揀完想要嘅牛扒種類之後，餐廳就會比一成熟牛扒客人，然後客人就可以用熱力石板去自由調配🍴而小編覺得$109有300g禁大舊牛扒好抵！味道亦都唔差，提提大家煎扒果陣唔好顧住玩手機📱要記得反下塊扒😎如果熱力石板無哂熱力可以同餐廳換過塊咖😛好味指數：7.9/10抵食程度：8.6/10回頭度： 8/10——————————————————————📍地點：深水埗欽州街52-54號平安大廈地舖📞電話：28118606⏰營業時間：星期一至星期日 12:00-22:00#美食 #foodie#深水埗美食 #煎牛扒 #beef #shumshuipofood #hongkong #food #foodssss___

之前見電視上網也有人介紹，今天空閒就過來試試。先在門外購買機選擇食品，然後才進店內的位子，店員會給你一個bb機，店內自助型式，自己拿餐具，自助沙律吧，bb機響就有食物就可出去拿。.等待過程，可自助拿無限仼添沙律菜，再選自己喜歡的醬料，芝麻汁，千島汁，和風汁。可是菜有苦味，不太好吃。.另外亦有無限任添的湯，那裏看到有牛肉，但是湯淡而無味，不好喝。.白飯也是任裝。.來到主菜，我們點了兩個牛。肉在熱力石頭上，可切出自己控制生熟程度。吃多少就切多少，才不會過熟。.牛柳200g ($85)牛柳比較稔，味道可以。.三拍子牛扒300g ($109)相對牛柳，這個較韌，沒有什麼特別，吃到後期，熱石已經不夠熱了，懶得叫店員換，只好借用朋友的弄熟。.這價錢還挺划算，但一分錢 一分貨，味道真的平平無奇。

同事曾經極力推薦呢間扒房， 據說平·靚·正今晚終於慕名而來，一嘗此店日式牛扒店既滋味小店位於深水埗警署對面，容易尋找，於門口遠處已經見到人龍排隊，所以如果黎食，就預左要排隊啦入店前，需於門口擺放的自動售賣機買票及付款 ，食客要挑選好所食的牛扒種類， 重量店員會安排食客入座 ，還會細心提醒白飯，沙律菜，湯是任食任添先讚一下，沙律菜只提供一款~>椰菜絲椰菜絲砌得細細 ， 新鮮，非常爽甜另設三款沙律汁配搭（千島醬，芝麻醬，日式沙律汁）小妹前前後後合供食了三碗沙律菜， 偏好日式沙律汁，甜甜酸酸，很開胃湯：淡而沒味，而且很油膩，像洗獲水一樣bibi機響起，食客要前往吧枱取牛扒， 鐵板溫度極高，牛扒放在鐵板上發出“咋咋”聲響。牛扒上板時是一成熟，但鐵板會把牛扒慢慢煮熟，所以不用害怕太生小妹點的是三拍子牛扒， 先來一口沒加調味料的牛扒， 有牛味， 不會太韌或太“霉”， 口感剛剛好。小店會提供多種醬汁配搭牛扒， 小妹偏好只加鹽加黑椒，這樣調味料就不會蓋過牛味。 這間小店物超所值

身邊有好多朋友都係牛魔王🐮成日開口埋口都話要食牛但偏偏牛肉既價格比其他肉類高 真係少d彈藥都唔得💸但呢間性價比都幾高既牛扒店絕對係大胃牛魔王既首選🤣.店鋪係以自助形式order既📋係外面用售賣機揀左菜式之後 就可以入店內等服務員安排位置啦.🥩三拍子牛扒（400g) $139一開始放上台面既時候 牛扒只得一成熟食客可以自行調節生熟度🔥所謂的「三拍子牛扒」其實是牛肩的部分 本應筋位係比較多但呢塊牛扒都無咩筋 肉質較為軟腍 牛扒帶肉香 油脂分佈平均另外店家都提供成八種醬汁或配料比食家自取 相當貼心🧂建議可以配搭蒜蓉黎食 令牛扒味道更有層次🥢店裡面仲可以無限次refill沙律 餐湯同白飯🍚店裡既沙律係生菜絲 食客可以自由添加醬料（芝蔴汁 千島汁同和風汁）但生菜絲就比較硬同乾身🥬而是日餐湯係肉湯 湯底較淡 略嫌油膩至於白飯就表現正常 軟硬度適中🍚.總括而言 一百幾蚊食到甘大塊牛扒 仲有白飯任裝 🍽真係大胃王既天堂 性價比極高 鐘意食牛又想食平d既不妨一試🤗.美味指數：😋😋😋😋😋😋😋（7/10）抵食指數：💰💰💰💰💰💰💰💰（8/10）打卡指數：📷📷📷📷（4/10）

平時見到呢間舖大排長龍 今次排左唔使半個鐘就到 第一次黎 為左比較一下肉質 三款牛我都試左等緊石板牛黎嘅時候 佢有自助吧比你斟湯同沙律提醒：湯真係 極！難！飲！懷疑佢係咁樣焗你買汽水😂而沙律就普通菜 見免費就算啦牛肉黎喇！先試最受歡迎又最平嘅三拍子肉牛肉幾熟係自己控制 所以口感唔錯有牛味 而且唔乾再試中等價嘅牛柳相比三拍子牛 牛柳肉質較嫩牛味亦再濃啲 個人最推薦牛柳試過最貴嘅西冷牛扒 真係嬲！拎黎時1/3都係肥肉 食落又無牛味 又硬 又肥！！失望！！絕對唔推薦！！整體黎講 如果唔介意迫啲同坐唔耐 心痕想食牛 都可以試下呢間

平時經過見到三ステーキ都排哂隊，今日專登渣架車黎食，點知就食到一肚氣！個扒都未到已經叫我地食快d，佢地趕住收舖，驚出面放催淚彈（其實出面咩事都冇）。然後冷氣機滴水，係正面前滴，調位過程完全冇職員黎幫過手，自己搬野過去，都算。我拎左一罐蒜蓉食扒用，岩岩先開始食，個阿姐走黎拎起左問仲要唔要，都未答佢就另轉頭走左去， 我男朋友就話食緊喎，個阿姐就「不」幾匙落個碟仔度，又走左，我嗌住話我都要，佢講左句：你地一齊食，就走左去，跟住我話唔夠，佢都冇理，咁我男朋友就自己走去拎，我不左d落自己隻碟，然後就擺番好罐野，個阿姐仲話我地自己拎，轉頭個阿姐又拎住罐蒜蓉走埋黎問我係咪要，我話我呢度夠啦，佢就走左去，跟住又行番埋黎擺底罐野講左句：你食夠佢啦！火都黎..之後我出去諗住拎沙律發覺唔見左（任食的） ，職員同我講冇哂，個阿姐就好大聲講：冇呀！倒哂啦！ 我就問番佢：你地收之前唔係應該同我地講聲先咩？咁其他正常既職員就同我道歉，仲即刻整左一份比我。由頭到尾都係阿姐問題，食個飯要受佢氣，冇下次。最後講番野食，一分錢一分貨，算係OK既，牛扒肉味唔算濃，但叫做有，塊版就完全唔夠熱，加上佢地咁趕收工我都費事叫佢換塊版

朋友介此店平靚正，我一向是牛魔王，近排夜晚深水埗人少少一於試下佢。選餐是利用門口的售賣機，點完餐後自己找個位置就可以，夠晒自助。餐廳內沙律，湯同白飯是自助任食，白飯似日本米煮的，唔錯。湯都幾油，冇飲到。主菜嚟啦！美國200g西冷扒。熱辣辣的石板上放著只燒咗1成熟的牛扒，自己一口食幾大就切幾多，再於石板上煎幾下，食得。肉質都幾霖，肉味濃厚，看似是冰鮮類牛扒，應該不是急凍平價貨，品質有保證。但可惜件牛扒近根位，比較多根。食物尚算不錯，由於每位客人也在自己位置上煎自己份牛扒，全店油煙味極重，怕油煙及著靚靚的，千萬不要去。

早排經過見到呢間平價牛扒成日排長龍，好有興趣一試，所以今日就專程黎試下喺咪真係好正先！6pm 左右黎到已經大排長龍，都等左15mins.入到去首先要自己入錢買飛，自己買完飛侍應就會帶我地入座。三拍子牛扒 $109每塊牛扒黎到都有餐紙巾蓋面，驚d 汁會彈出黎，都幾細心，同埋有圍裙提供，有需要可以攞黎用，以免整污糟件衫。牛扒份量都算大，不過肉質就一般，牛味不太重。餐廳建議如果切開曬黎燒就會燒得太老，所以食一舊切一舊黎食就最好了！西冷扒 $120西冷扒牛味比較重，肉質唸身一點，燒到5成燒有點血水食就剛好。叫一份扒都可以任裝白飯、湯、沙律。又真係好抵食，不過白飯偏硬，不合我胃口呢！有肉有湯有飯有沙律，呢個價錢都算ok 抵，但牛扒肉質、白飯我就覺得一般，而且坐嘅位置都不太舒適，要求很高的話要考慮試不試呢！

今日同朋友在深水埗搵食，見到屋企附近的三拍子扒房終於少人排隊啲，以前岩岩開張食過2次之後一直太多人排隊食唔到，今日終於可以再食！雖然係咁，但我地都排左大約20分鐘先買到飛入座，我買左三拍子$109/300g，加個可樂$15。入座後就第一時間拎沙律同湯，沙律無變，都係椰菜加芝麻醬，湯就有改善，飲得出係用牛骨煲過，好過以前勁淡。好快就有得食，但一拎起就心知不妙。。。塊板唔熱既？坐到埋位，塊扒只有一成熟，點樣可以煮到佢熟晒呢？呢點係比我岩岩開舖食既時候差左既地方。唯一稱讚既係塊扒仍然係一貫水準，牛味濃郁，肉汁豐富，亦無乜筋，影左幾幅相俾大家參考🤗🤗🤗總括而言，塊板既熱度要改善，始終賣點係塊石板，不過牛扒水準同性價比仍然係高，相比其他牛扒店仍係值得再去既牛扒店！👍🏻

對於一些日式，或者是韓式的自助燒烤食店，我雖然敢於前往拜訪幫襯，但是一直沒有十足把握能夠把肉類，尤其是牛肉燒到最合乎自己要求的口感，我對燒牛肉製成品的要求生熟度，是在五成至七成熟左右。另一方面，那些燒烤食店的自助燒烤系統，與燒烤牛肉最終控制到的生熟程度是否吻合，其實某程度上很看食店臨場提供的燒烤系統，熱力能否容易調校高低，有些燒烤系統火力過猛，牛肉只放上燒烤一會兒就隨時燒得過熟。例如位於深水埗「欽州街」的日式自助燒烤料理店「三ステーキ」就是最好的例子，「三ステーキ」負擔燒烤牛肉的其實不是爐具，而是一塊被食店預先加熱燒至高溫的石頭，至於食店最初提供的牛肉則預設在「一成」熟。即是「三ステーキ」已經把食客柯打的牛肉，預先加熱至到一成熟，然後食客以自助方式選擇燒烤牛肉，再以自助方式拿取餐具、白飯、餐湯，按自己要求去燒牛肉，享用自己要求的牛扒餐。「三ステーキ」裡面的燒烤牛肉主要分為三款，分別有食店招牌的牛肉「三拍子牛扒」、「牛柳」以及「西冷牛扒」三款牛肉均大中小的份量可供食客選擇，「西冷牛扒」價錢最貴，「三拍子牛扒」已經是最便宜。結果我跟上次手機未報銷前光顧「三ステーキ」的選擇都是一模一樣，都是

其實我係一月尾時去食嘅, 當時都係睇到一d 報導介紹, 而咁啱又要去一去深水埗買野, 就不如順道一試~ 去到已經有人排緊隊, 最後排咗大約15-20分鐘, 係門口買埋飛就等入座啦~店員到時會俾嗰beep beep機你攞食物.入面地方唔算大, 但係都估計滿座可以有25-30人左右. 安排好座位後, 就可以自己去攞白飯, 沙律及湯, 沙律其實係椰菜絲+沙律醬, 非常普通, 而湯亦不需要飲啦, 因為完全係冇味道嘅! 終於等到部beep beep 機響, 可以出去攞牛扒啦! 要咗三拍子牛扒 & 西冷各一份, 佢地會將份牛扒煮大約三成熟, 然後放上塊熱石板上繼續煎熟, 生熟度自己控制! 講真, 咁樣嘅價錢同埋分量, 其實都算係合格, 三拍子非常抵食, 牛味都好重, 400g連飯一定滿足到各位男士, 至於西冷, be fair, 其實我都覺得算ok啦~