影片
更多
2019-09-01
568 瀏覽
平時經過見到三ステーキ都排哂隊，今日專登渣架車黎食，點知就食到一肚氣！個扒都未到已經叫我地食快d，佢地趕住收舖，驚出面放催淚彈（其實出面咩事都冇）。然後冷氣機滴水，係正面前滴，調位過程完全冇職員黎幫過手，自己搬野過去，都算。我拎左一罐蒜蓉食扒用，岩岩先開始食，個阿姐走黎拎起左問仲要唔要，都未答佢就另轉頭走左去， 我男朋友就話食緊喎，個阿姐就「不」幾匙落個碟仔度，又走左，我嗌住話我都要，佢講左句：你地一齊食，就走左去，跟住我話唔夠，佢都冇理，咁我男朋友就自己走去拎，我不左d落自己隻碟，然後就擺番好罐野，個阿姐仲話我地自己拎，轉頭個阿姐又拎住罐蒜蓉走埋黎問我係咪要，我話我呢度夠啦，佢就走左去，跟住又行番埋黎擺底罐野講左句：你食夠佢啦！火都黎..之後我出去諗住拎沙律發覺唔見左（任食的） ，職員同我講冇哂，個阿姐就好大聲講：冇呀！倒哂啦！ 我就問番佢：你地收之前唔係應該同我地講聲先咩？咁其他正常既職員就同我道歉，仲即刻整左一份比我。由頭到尾都係阿姐問題，食個飯要受佢氣，冇下次。最後講番野食，一分錢一分貨，算係OK既，牛扒肉味唔算濃，但叫做有，塊版就完全唔夠熱，加上佢地咁趕收工我都費事叫佢換塊版
個扒都未到已經叫我地食快d，佢地趕住收舖，驚出面放催淚彈（其實出面咩事都冇）。
然後冷氣機滴水，係正面前滴，調位過程完全冇職員黎幫過手，自己搬野過去，都算。
我拎左一罐蒜蓉食扒用，岩岩先開始食，個阿姐走黎拎起左問仲要唔要，都未答佢就另轉頭走左去， 我男朋友就話食緊喎，個阿姐就「不」幾匙落個碟仔度，又走左，我嗌住話我都要，佢講左句：你地一齊食，就走左去，跟住我話唔夠，佢都冇理，咁我男朋友就自己走去拎，我不左d落自己隻碟，然後就擺番好罐野，個阿姐仲話我地自己拎，轉頭個阿姐又拎住罐蒜蓉走埋黎問我係咪要，我話我呢度夠啦，佢就走左去，跟住又行番埋黎擺底罐野講左句：你食夠佢啦！火都黎..
之後我出去諗住拎沙律發覺唔見左（任食的） ，職員同我講冇哂，個阿姐就好大聲講：冇呀！倒哂啦！ 我就問番佢：你地收之前唔係應該同我地講聲先咩？咁其他正常既職員就同我道歉，仲即刻整左一份比我。
由頭到尾都係阿姐問題，食個飯要受佢氣，冇下次。
最後講番野食，一分錢一分貨，算係OK既，
牛扒肉味唔算濃，但叫做有，塊版就完全唔夠熱，加上佢地咁趕收工我都費事叫佢換塊版比我。還好3成我都食到既。
沙律出哂水，唔爽脆，沙律醬溝得太稀，唔夠味。
個湯完全冇味，自己落鹽就好d。
張貼