七喜粥麵小廚

營業中

休息中

秋風起最岩就食碗粥暖下胃食粥幾時都會諗起七喜呢度既粥真係好好味,煮得好綿.但好有米香,每一次食完個胃都暖笠笠平時食得油野太多..得閒食下粥真係好過隱!

今晚唔知點解特別肚餓咁唯有同妹妹落街食D野醫醫肚啦新蒲崗要食宵夜當然首選係七喜啦!基本上呢度都算係我地的飯堂了好啦,講返正題一坐低,其實餐牌都唔洗點睇就可以叫野食我就叫一個雲吞麵,妹妹就叫一個牛腩米線小食就叫左海蜇,蘿白雞紅雲吞麵有4粒雲吞,每粒有3隻蝦,大大粒又好食,麵都好爽牛腩米線偷食左小小牛腩夠味,不過有幾舊太瘦,好似食香口膠咁海蜇很爽脆,很香麻油味,好好食!蘿白雞紅蘿白清甜無渣,雞紅都好夠味呢D街坊小菜又平又好食,而且又開得夜最岩就係同幾個朋友黎食宵夜架啦!推介!!

七喜粥麵小廚在土瓜灣有一間分店, 大抵開了十幾年, 不過據說同新蒲崗這間係唔同老細開, 味道都有明顯的分別一支公想食碗麵飽肚, 就於七喜解決, 怕一碗唔夠飽, 便叫來一碟"爽口"海蜇"食, 另加一碗冬菇牛肉河粉海蜇真係好爽口, 雪得凍一凍食, 但雖然爽, 調味方面就完全唔掂, 只有淡淡的味道, 就好像食緊一堆沒味的橡根還好牛肉河味道仲OK, 或者只有粥麵, 才是七喜的強項, 下次唔叫小食了

今日同39寸白朱古力胸食午餐，朋友仔好忙架，秒秒鐘幾十萬..........字(講野)上落架。朋友仔係到忙緊嘅時候咁我就當然會體諒同好好服侍佢啦，佢咩都唔使做等食物黎到拎隻手出黎同張開口就得架啦。朋友仔要了: 鯪魚球麵我要了: 水餃麵只係得個麵又點夠我食呢?! 所以還要了: 生菜、淨牛腩麵條十分爽口，但個人喜愛較"林"身的麵條。淨牛腩有驚喜！牛腩軟硬適中，入口唔痴牙。牛筋入口頗"林"身，味道不俗。朋友仔你記住請我食炸鯪魚球呀！簡簡單單的一頓午餐，我也很享受。

二月中旬去找得龍研究新菜式，見菜式漸入佳境後，別過老伙計，到附近七喜吃碗麵再搏殺。口淡淡，就要了碗墨丸土魷麵，人客雖然唔多，但落單都要等十五分鐘才上，似乎是「福食」時間，伙計效率也會縮減一些。麵分量不少，作為下午茶，夠有餘，面上撒上大量蔥絲，是怕不夠味之故吧，湯底是「味湯」，也是今時今日茶記的「水準」，麵鹼水得不得了，但唔知點解，這種味道同七喜品牌都幾入形入格？土魷味道較濃，但粗韌，不易消化的，如果嫌不夠味的話，伴碟還有豉油，而墨魚丸說自家手打什麼的，入口卻是一舊粉，不知所謂。胃納不如從前的今天，對於這老街坊味道，實在是可免則免了。

如果一間餐廳係好食, 食幾多次都唔會厭的, 七喜就係其中一間今次去係下午茶時間, 有好多食物都有特價的, 例如叫一碗粉就可以六蚊要一碟菜, 或者要一碗蠔油蘿蔔! 我同男友食一碗冬菇牛肉米, 一碗冬菇鵝腸米, 加一碟芥蘭同一碗蘿蔔七喜的蠔油冬菇, 係煮得好入味的, 兩碗米粉都加左冬菇, 就係因為太好食了芥蘭係腩汁上, 雖然係夏天, 但芥蘭都唔會太硬兩個人食都唔使六十蚊, 都幾抵食

週末去譽港灣睇樓, 之後就在附近的七喜落腳食野我地叫左椒鹽九肚魚, 冬菇蘿蔔, 海哲, 蜆芥鯪魚球同西芹帶子食, 再加白飯, 白粥椒鹽九肚魚味道一般, 炸粉比較厚, 不過九肚魚尚算新鮮! 冬菇蘿蔔用蠔油炆, 冬菇好好味, 蘿蔔無渣, 有濃的胡椒味, 送白粥好正!海哲就一般, 加了麻油去整, 勝在份量都幾多, 廿蚊一碟都食得過! 蜆芥鯪魚球炸到金黃色, 個蜆芥醬都幾好食! 西芹帶子麻麻地, 唔係好夠鑊氣, 帶子唔算好新鮮街坊式小廚, 都幾多人食, 味道不過不失

上次去過太子的七喜食, 味道幾好, 今次去新蒲崗呢間食, 點知..味道更加好! 個冬菇牛肉米好有水準, 冬菇比太子嗰間炆得更入味, 牛肉點個辣椒豉油食一樣好正! 湯底係蝦子味上湯, 配合大量的薑蔥, 真係好想再食一碗蘿白雞紅又係另一得意傑作, 雞紅好入味, 蘿白就唔會有渣, 啲汁仲可以愛來撈飯食添! 腩汁菜心都ok, 腩汁好杰, 有濃濃的牛味, 菜心好嫩, 個心係甜架!宵夜都食到好野, good!

以前係新蒲崗返工的時候，胃口唔好或天氣凍，有時就會想起去七喜。雖然個度來來去去都係粥同埋雲吞麵之類，但佢只要加好少錢就會送一碟小食或菜。小菜，我真係去咁多次都未叫過，因為價錢的問題，不過我相信佢地的質素。至於粥喎，你會覺得食落軟綿綿，真係好有粥味架。所有的配料，佢地真係熟先會端上來，我去咁多次都未試過食入口的野係生。除左位係迫 D.. 同埋佢地唔會講求效率做野 ( 即係唔會好快咁做完一道菜，要等一下先會送之外) .. 整體上都好完美。

在上星期五品嚐過第一次之後,味道難忘,故此這個星期已去過兩三次.現在分享我這幾次所品嚐之食品:菲菜豬紅 ($15.00) : 很滑豬紅.....鐘意食豬紅o架人仕不能錯過. 菲菜很爽. 正呀.枝竹豆腐火腩煲 ($38.00) : 很入味,香噴噴. 蘿蔔牛腩煲 ($38.00) : 牛腩好入味,但蘿蔔有點苦.但整體來說都不錯.粉絲什菜煲 ($38.00) : 這個煲d菜油左d,粉絲有點碎.炸鹵云舌 ($18.00) : 可以唔食,因無料的,只有云吞皮. 無特別.蜆蚧鯪魚球 ($18.00) : o個蜆蚧汁頗咸,但鯪魚球就唔錯.例湯 ($13.00) : 這個必飲,好多料,湯味很濃. 但這個只有星期五至日,才有供應.真是食過返尋味!!!

大家好呀, 第一次寫食評, 請指教第一篇食評, 就講今晚同死黨去食七喜的食後感吧首先要講係七喜的粥, 好好食的呢, 我都幾愛鯪魚球呢家野, 食一碗鯪魚球粥, 一來清腸胃, 二來又可以食鍾意食的食物, 呢碗粥味道我給85分, 好食!白灼鵝腸拚豬腰係另一推介, 不過要提防豬腰會比較"壓", 但鵝腸好爽口!炸鯪魚球都好好食, 鯪魚球好有彈性, 個蜆芥汁比較辣成班老死, 都好鍾意來呢度宵夜, 價錢唔貴, 野又好食, 讚!

一間有三十幾個好評, 一個劣評的餐廳, 會係點? 初初會覺得咁一面倒, 都唔知係唔係做馬, 但食完之後, 都認同大多數人的意見了我同男朋友兩個人去七喜食晚飯, 早有聽聞七喜的粉麵是十分出色, 之但伙係未試過又點可以信到十足呢, 所以要試囉我今晚就唔係好想食粉, 反而想食粥, 所以就要一碗雞粥食, 男友就揀左一碗冬菇鵝腸麵, 加多一碟腩汁菜心同一碟蒸扇貝, 都幾豐富呢首先當然要講一講我的雞粥啦, 好食唔係啲雞, 而係個粥底, 有米香, 夠稀, 所以可以叫做幾靚的粥底了, 雞粥的味道仲有好香的雞油味, 同沙田的雞粥真係有得比男友仔的冬菇麵我試左一粒冬菇, 炆到入哂味, 好正 腩汁菜私腩汁係幾甜的柱喉醬, 有好重的黏性, 我覺得甜左小小個蒸扇貝好抵食, 有六隻咁多, 仲有好多粉絲, 吸收左蒸蓉同扇貝的精華, 變得好野味, wonderful 扇貝仲ok 大隻添!食得滿足, 所以我話同意, 就係咁解囉

宵夜時間波兒流落新蒲崗找男朋友陪食o野, 男友仔帶我到成個門口都打滿枱o既七喜喔先來的係雞紅蘿白, 見到好多一粒一粒o既豆豉在其中, 所以雖然係蠔油做o既汁底, 但係都有濃烈的豆豉味, which.... 我幾鍾意接住出場係腩汁芥蘭, 芥蘭比較老了, 季節因素吧, 但係不得不讚個腩汁, 好好味, 到而家都仲好掛住d腩碎呀 @@''肉丸雞粥先係飽肚食物, 粥底微爛, 易消化, 啱哂夜晚食, 肉丸好味, 雞件都幾多, 兩個人食都足夠了食飽先會訓得好架

成班同事落新蒲崗既七喜粥麵小廚宵夜, 坐哂門口食好野椒鹽九肚: 夠咸, 送啤酒一流!炸鯪魚球: 一碟八粒, 大大粒, 熱辣辣, 擺左一陣縮番細少少, 都仲係好大粒, 啖啖肉, 點蜆芥醬食, 一人一粒咋, 陰功, 唔夠喉白灼黑柏葉同鵝腸雙拼, 七喜既皇牌!! 黑柏葉超爽, 鵝腸好滑, 點佢地秘製辣椒豉油, yummy炒蜆: 殼同肉比例係十個殼有七隻有肉, 其他甩哂, 不過幾野味, 唔係甜嗰種, 但係都好食!金針雲耳蒸雞: 雞係冰鮮雞, 比較多油, 不過飲啤酒又無咩所謂!成班大漢一邊吹水一邊食, 享受

七喜小廚，都算係其中一間我次次食都覺得好食o既食肆~七喜小廚，亦都有我覺得最好味o既粥品！小炒亦好味：灼柏葉鵝腸、蜆芥醬配炸鯪魚球、蝦醬通菜...想起唔同o既小菜就總會想起牆上黃黃橙橙綠綠o既餐牌~我喜歡：一)砂鍋螺片鮮雞粥真係好好味...每次食完都令人好想食多一窩呀~~後生o既雞夠滑，但味道唔夠濃老雞味夠濃，但肉質太鞋口七喜小廚應該係用老雞煲o既粥底，再新鮮灼熟後生o既雞混合而成~綿綿o既粥底~惹味o既螺肉，再灑上蔥花同埋蝦子....真係好好味呀~二)蘿蔔雞紅以前有機會可以食豬紅，而家Menu上字眼改為雞紅了，而事實上，亦都變為雞紅了不過依然係好惹味好好食久唔久，我都會返o黎叉叉電！