七喜粥麵小廚

營業中

休息中

喺鑽石山睇完戲想食宵夜一定係新蒲崗， 男友推介左七喜，鑽石山坐的士過去都唔使跳錶。魚蛋米嘅湯底飲得出有海鮮味，魚蛋彈牙有魚味唔係粉球，但箍牙妹就覺得米粉有啲硬，下次有新嚐試都係食返河粉算。白飯魚煎蛋嘅白飯魚，粗過隻筷子，我都係第一次見😂，蛋煎到非常之甘香。白鱔粥勁多鱔，而且男友話肉身係有彈性…唔係淋batbat嗰隻，陳皮味勁濃，粥底勁棉，誠意之作。另外，阿姐見我哋想食埋個生日蛋糕，主動畀兩個碟同叉我哋食蛋糕，仲讚我個蛋糕整得靚，好貼心又開心。😘

其實咩小菜都好好食，大大碟，最緊要樣樣有獲氣。最出名係各款各樣粥品，材料十足粥底超正，認真同一般粥店非常不同，是食過最好食既粥，每次幫襯一定必食👍🏻👍🏻

三伏還未開始，已經異常悶熱，不是傾盤大雨，就是烈日如火，不是又濕又焗，就是又晒又熱，在街上有如吹著熱風筒是日午餐，選擇左較輕宜既傳統麵食。七喜小廚係新蒲崗較有歷史的小店，街坊生意而歷久不衰，有賴店員親切，出品有水準。今次點了鮮蝦雲吞併豬肚佐青蔥湯幼麵。鮮蝦雲吞每次必點，絕少失手，皮薄，蝦肉新鮮又爽口。豬肚脆口而不韌，乾淨沒異味。彈牙幼麵淥得剛剛好，沒有鹼水味。湯頭鮮美略帶咸味。豬肚雖是下水，但卻有健脾養胃，補中益氣之效。炎炎夏日，大汗之後，四肢倦怠，胃納呆差最為適宜。

呢間七喜已經有好多年歷史嚟到新蒲崗當然要嚟呢一間大排檔懷舊一下今日叫咗沙拉骨同埋滷水拼盤 滷水拼盤味道略嫌淡左啲唔夠滷水咩 但係沙拉骨就唔錯肉質鮮嫩 小小建議係夏天就唔建議坐出面位置因為好熱

呢度間七喜都開咗差唔多10年左右㗎啦好鍾意呢度嘅舊式大排檔感覺咁正常都叫咗沙拉骨腐乳炒通菜每碟菜都算係正正常常味道都還可以接受比起以前質量可能差咗少少大排檔環境都唔算太大不過夏天當然要楚有冷氣嘅地方

十多年前愛上它，今日遇上不一樣的它。它老了。位於新蒲崗"七喜"，及第粥是我當年必選的午餐，愛它食材足料，粥底夠滑。賣相OK，粥底似乎"杰"得很，該是粉漿下多了，米反而下少了，失望! 幸而粥裡有的豬膶還可接受，不是太過嚡口，其他的豬什，豬肉丸並不爽。點了的水餃河，口感一般，反之河粉不油不腻，感覺健康。粥粉麵可品嚐，而小菜類也注入餐牌中供客人選擇。上有鹅腸下有韮菜，老老的韮菜難以吞噬，鹅腸淡而冇味，縱使點上預先放下的汁料，也吃不出味來，有種這是雪藏食物的感覺。失敗之作~人老了，它也老了，失去了以前光彩的一面

假日和友人一起去哪裏吃飯 叫了三個小菜其他兩個小菜味道還好但是品質有下降 食物溫度只是溫暖還可以接受直到蒸倉魚一上碟魚肉完全夾不下才發現 一開始還是半熟叫佢正多次一分鐘拎返出嚟仲好生 完全令人費解如果想食生魚可以來這間. 食事本是 我與家人最愛吃小菜的地方 一直以來小菜質素不錯有保證有鑊氣的有鑊氣現在不但食物質素下降更甚的是魚類竟然發現還是生的生的不緊要可以在正播怎知道廚房師傅 敷衍了事以後打算也不望這間再吃了謝謝

中午叫左碗鳳城水餃麵食，湯底ok,無咩水間味，麵都爽，水餃共3粒，幾爽口，份量一般，佢地有套餐，跟餐有好多選擇，我間中就會幫襯下呢間，環境ok,中午就會熱d,冷氣吾夠。其他野食都中等，諗吾倒食咩，可以試下

Lunch time 想清下腸胃，成日想食粥都唔知邊度有。見同事話呢度有粥食就黎試一試。見到有啲粥價錢都唔平，有啲四十幾五十蚊都有，於是叫左碗生菜鯪魚球粥（$32)😜上枱估唔到勁大碗。啲粥入口軟綿綿好入味，入面有蔥，花生，幾香。食落啖啖生菜絲"索索"聲。 鯪魚球都幾多下，估唔到有成5大粒😳不過我自己就鍾意食無果皮味既鯪魚球多d。真係好飽，女仔應該唔會食得晒呢個份量，最後都食剩左三分一。呢個價錢真係真材實料，下次想食粥會再黎幫襯😌

再到新蒲崗搵食，七喜一直都係我想試既食店之一，今次2點先食lunch,終於少d 食客，又唔洗等位。首先上既係煲仔粥，賣相吸引，面頭散上蝦子，將鮮味再提升一個層次！而個粥，煲得綿又滑，螺同雞令粥底鮮而且甜，雖然北菇起既作用不大，但煲仔粥十分推介😋😋2 人只食煲仔粥份量又唔太夠，所以叫埋蝦子撈麵（$35), 蝦子同蠔油混和十分夾，而且蠔油又唔會死咸，撈埋爽口彈牙既麵，讚👍🏻高質價錢又相宜，證明唔係貴野先有好野七喜成為筆者會再光顧的店

平日都係食開西日泰韓，而家同朋友都甚少揀食小菜，有食得多個D都厭，總覺得小菜先係由細到大所食既野，係會多份親切感，今日我同朋友打破常規，去左依度食小菜，食住傾計都覺得輕鬆自在都幾多不同款式既小菜選擇，真係樣樣都想叫，兩個人邊食到咁多<<椒鹽炸鮮魷>>賣相比起我所想像既有少少出入，平時食開都係炸到好金黃脆皮，但依度炸出黎反而比較薄粉鹽少，味道相對淡左，鮮魷口感較韌，好難咬開兩截，如果再一分為二就更易入口<<咕嚕班塊球>>同平時食到既咕嚕肉味道相若，驚喜既係班塊球炸完後已沾滿汁，皮身仲係香脆可口，魚肉都好滑，送飯食一流<<豉椒炒鵝腸>>鵝腸爽口彈牙，完全無肥膏，但豉椒汁唔多濃味，味道稍為淡左少少

10點幾先完成工作晚餐都未食……同班同事去左新蒲崗覓食~本身諗住邊行邊諗食咩，但一轉彎就見到七喜坐爆仲要有人等位~我地都去食下~咁岩有人走轉眼就有位先上~好好食仲要大大碗~蘿蔔好入味一食就覺得自己無揀錯!!!雞紅同豬紅有咩分別……其實食唔出，好味就得啦上枱時起緊泡架!!!!!!粥底好綿密~好足料白飯魚係用大條既魚食落有口感~唔多號粥既我試完都忍唔住添D~菜就係菜有獲氣既菜都改變唔到我討厭菜心既心態……其實對比起一般炒菜心佢係好味既~粉少啖啖肉同埋菠蘿一齊食酸酸甜甜好正~係D椒帶苦~嗯 美中不足呢一餐好滿足~好滿足~間餐廳好高水準好唔貴~五星星之選

中午來食了個豬手飯。幾多人，侍應做野十分快手，只係著既衫唔知點解係幾核突既綠色，可能是我個人唔鍾意。豬手唔是好熱，但份量幾大幾足，外皮煙韌，煮得好入味，吮食時既有筋肉的爽嫩口感，亦有啖啖肉，送一啖飯入口更是一流。食完後十分之飽，同埋有吮骨既滿足感，是滿足的一餐。

保持到水準，基本上黎依度食甘多次，冇一次出事，由食麵，食粥，食小菜，都唔錯今次食左個肉丸粥佢啲粥好好食，除左軟綿之外，粥底既味道都唔錯。而我十分之鍾意食佢既肉丸，三分之一拳頭般大小的豬肉丸，不屬於特別彈牙，但味道十分鮮美，會令人食上癮

四個人食飯簡簡單單叫咗四樣嘢，最有趣係呢四樣野裏邊，只有一樣野係我哋自己叫嘅。七喜嘅姐姐係人哋落單嘅時候鍾意比意見，已經唔係一件新鮮事，估唔到今次啊霞姐仲要強硬到連我哋反抗都無效添不過霞姐推介，果然係冇錯架。先睇個粥，花膠帶子螺片粥。聽個名都知猛料啦！食一啖果然好足料，好豐富海鮮味，粥底都好綿。蝦醬豬腩肉，蝦醬味好濃，好襯豬腩肉，肉亦都煮得好入味。七喜小炒王，比一般坊間嘅小炒王好食，韭黃好脆，好新鮮。魷魚鬚好多，成碟都係架。而且全部都係生炒嘅，唔係煮定，所以好有彈性。京都骨都冇令我地失望，豬扒煮得好焾，嗰醬亦都調得啱啱好，少少酸，小小甜。霞姐推介，碟碟都好食，果然冇錯。