一鳴拉麵

營業中

休息中

醫生話經常食自己會早死，繼續獨毒拉麵晚餐。坐錯位背光添，搵角度影靚相非常困難！發現附近有勁多大鄉里出城開飯，連劃點餐紙落單都唔識！黑湯、白湯、紅湯都唔知是什麼，唔識字？侍應們不厭其煩多次重複解釋，真係辛苦晒。發現點餐紙上沒有加底或加麵項目，那麼有信心份量必定夠您飽？原來放到最底，終於見到。士多啤梨梳打，罐裝飲品甜甜有氣，似氣水多於果汁沒怎樣特別。麒麟生啤，開開胃醒醒神，比朝日生啤稍濃，同樣清香！Asahi 生啤，我一向喜歡日本啤，味道清新透心涼！再次 First stop 食飽飽再轉好下場。半熟蛋，多謝請食蛋！靚蛋不用什麼調味，原味流心蛋黃已絕對甘甜香黏，蛋白滑彈。芥辣八爪魚，似乎自家撈製，偏咸偏乾悶悶的。鱆魚燒，巧遇老友在此工作，竟然食到老友親手造鱆魚燒比我食，運氣大好，驚喜的美味！當然趁熱食，甜酸度剛剛好，不咸不嗆不濁，清新可口精神煥發！外皮嚥韌，爆開燙燙甜美蛋漿，還有主角鱆魚粒。味濃彈彈，混埋木魚絲及紫菜粉，豪氣地成粒啪，豪氣暢快！餃子，點餐紙上無提過蒸煎還是炸，等待時真的十分期待，原來係炸餃子。新鮮出爐泛著油光，餃皮奇脆無比，餡料充足脹卜卜。菜肉塞得滿滿，食得到菜甜肉香，還有少

黑蒜．鳴 拉麵 ($78)豬骨濃湯配自家制黑蒜油 有得比你揀唔同配料嘅喜好我就揀左正常麵質嘅太麵配叉燒 同埋加少少唐辛子醬碗拉麵一嚟到 見到個湯底已經有啲驚喜係真．黑蒜湯底 哈哈 全個湯底都係黑色~但唔會太over 太濃嘅黑蒜味比起平時食開嘅淨豬骨濃湯，黑蒜油令到聞落更加香 同叉燒真是絕配湯頭!太麵麵質真係同order嘅一樣剛剛好 唔會太軟身 煙韌緊實 口感麵條掛湯能力都唔錯 食到香濃湯底之餘 亦食到麵本身嘅味道土佐豆腐 ($28)係用日本豆腐炸成，好柔軟~~個炸皮好薄身 每粒豆腐上面都有唔同配料 一啖連配料放入口

呢間拉麵店真係由中學食到而家價錢都冇乜點變 非常親民學生喺午市時段仲有優惠所有配料(e.g 蔥)都可以揀多或少麵亦可以選擇曲麵或直麵麵嘅軟硬程度都可以揀同埋佢哋嘅午市真係好抵食!!⭐️黑蒜一鳴拉麵 ($58)喺四款拉麵之中呢款最重蒜味🤤湯底由豬骨濃湯配以自家製黑蒜油熬製 味道非常濃郁 絕對冇味精⭐️一鳴拉麵 ($58)湯底由豬骨濃湯熬製而成同樣味道非常濃郁跟拉麵嘅仲有溏心蛋同埋紫菜呢個價錢來講性價比絕對非常高！⭐️總括而言 呢間拉麵店真係親民至極無論價錢定質素都冇得輸喺大埔來講真係數一數二🌟

大埔廣福道入一條街、圍住大明里公園d 舊樓o個o抖d 餐廳多不勝數，有都幾出名o既牛腩麵同豆腐花等等，簡直就係食街。今次o黎到，物色完一輪，最後揀o左過多一條街、一個相對比較靜o既角落o既一間拉麵店。餐廳鋪面唔大，出面只有數張檯，然後就係長條型圍住廚師o既bar 檯。係有d 窄，但淡黃o既燈光、牆上各類手繪同埋紅色布簾，整體上卻不失日式小店o既風情。五款拉麵入面我揀o左黑蒜．鳴($78 未加一)，會在豬骨湯以外多一重自家制黑蒜油。一直都好鍾意黑蒜o既味道，比起黑松露，其實我更加喜愛前者，尤其黑蒜仲係近年大熱o既健康食材。實物o黎到，成碗湯都係黑黑o既一碗，黑蒜油落得非常之多，賺到了！湯底有住非常之濃o既蒜香，唐辛醬我圈o左少許，對我o黎講辣度剛好，提鮮得o黎又唔會過搶。叉燒同豬軟骨之間我揀o左叉燒，圓碌碌兩大片。麵都有兩個選擇，就選了簡單o既直麵，浸淫o係黑蒜豬骨湯之下靈舍好味，食完個麵我直頭要清你碗！呢間拉麵店唔只得拉麵食，仲有炸物、串燒玉子燒等等，試o左份汁燒帆立貝($38) 同埋汁燒雞翼($28)。個雞翼o既外層塗滿甜甜鹹鹹、令人流晒口水o既醬汁；帶子份量唔多，但係充滿bbq o

一段時間無經過呢頭，今日路過呢條小巷，不自覺地被門口散發住柔和燈光嘅小小拉麵店吸引，令我忍唔住即刻想食番碗好喜歡呢間小店有一種懷舊溫暖嘅感覺，坐低咗喺吧枱，拎咗張拉麵點餐紙，揀番碗啱口味嘅拉麵。黑蒜。鳴幾乎係每次都會點嘅口味。好濃厚嘅黑蒜豚骨湯，加咗少少辣，味道更豐富。大大的兩片叉燒，偏瘦但唔鞋口，連湯食好好味。我揀嘅太麵比較粗身，掛湯一流。焰。鳴朋友食嘅焰。鳴都幾辣，豬軟骨煮得好腍好入味，充滿骨膠原，正！唐揚雞軟骨份量不少，調味偏向重口味，炸得香脆，配埋沙律醬食就更邪惡更滋味喇巨峰士多啤梨乳酸梳打食拉麵要配凍飲！估唔到又幾好飲，味道豐富又唔會太甜。呢間拉麵店一直保持水準，會繼續幫襯呀！

看openrice好評如潮，好想去試下對於拉麵來說，麵同湯係最重要，但麵完全無麵味，又無麥味，像公仔麵一樣，豬骨湯好濃味，偏鹹唐心蛋應該醃左三日先俾人食 鹹死炸雞又係鹹，幾粒鹽咁放入口，但比碗拉麵好食叉燒係唯一一樣我覺得真係幾好👍Good既我只能說它好味，係好濃味果種好有味道，而唔係口感味道既好味另一個優點係堅抵，一碗拉麵$58，加$20有4件厚肉炸雞，仲有杯烏龍茶，呢個時勢真係好抵自己買餸都知，食材都好貴希望廚師唔會因為生意好就唔再理，如果可以唸唸如何可以令味道既質素程度提昇就更好了

近排無得去旅行，真係好想好想回味下旅行嘅美食呀！無諗過係呢間拉麵鋪，俾我感受到旅行嘅感覺。外面可能唔太起眼，但一入到去你就會覺得去左日本嘅居酒屋咁。牆上面貼左唔少畫，好有氣氛！Menu都有好多選擇，除左拉麵仲有小食同飲品。拉麵都有5款仲有都好多仔細嘅分類，令到碗拉麵最岩口味，唔錯！仲有小食menu同廚師推介都真係好多選擇。聽講玉子蛋都好出名，都可以試下，但我地就揀左廚師推介，試試佢地是日推介嘅野。拉麵方面我地試左一鳴（$75）同香菜。鳴（$78），兩款都好味，睇得出廚師嘅用心。一鳴嘅湯底係豬骨濃湯，配嘅係太麵同叉燒，湯底真係幾濃，仲見到有骨膠原，正呀！太麵真係軟硬度岩岩好，好味！仲有個叉燒，真係有用心，好入味，而且選材唔錯，一D都唔肥，值得一讚。至於香菜。鳴，其實係芫茜，仲意食嘅真係唔錯，因為個湯嘅香味一定滿足到你！廚師推介我地就揀左岩鹽燒三文魚鮫（$58），唔錯呀，三文魚都好新鮮。飲品方面，係呢杯百香果荔枝梳打，好refresh，唔錯呀！

星期六天氣不錯 特地和朋友來了大埔走走碰巧經過這一間 — 一鳴拉麵感覺不錯 於是便決定進來試一試每一款湯底都以鳴為名款款都好吸引 和朋友選擇了不同的口味一人一碗拉麵一鳴炒雜菜翠玉瓜、椰菜、豆芽、木耳和菌菇等一起炒薑汁底 日式風味 有營養又好味黑蒜 鳴豬骨濃湯底配以自家製黑蒜油選擇了直麵 軟麵質 普通蔥 配豬軟骨 一粒唐辛醬濃濃豬骨香湯底加上黑蒜 口感細膩卻不會很油膩味道多層次有豬軟骨和叉燒可以選 多個選擇配合不同喜好還配有紫菜、木耳絲和溫泉多 豐盛又滿足香菜 鳴清新芫荽醬混入豬骨湯底選擇了直麵 軟麵質 普通蔥 配叉燒 一粒唐辛醬湯底滿滿芫荽加上香蔥 令濃稠的豬骨湯底更香 挺特別的一款 適合芫荽迷這碗選了配日式叉燒 半肥瘦叉燒肉質彈牙 不錯不錯同樣選配有紫菜、木耳絲和溫泉蛋 拉麵必備

Quality always consistent, tasty and rich both. Been many times for both dine-in and takeaway. Service good but depends on the server. Kudos to the chefs.

三五知己一齊去食✨訂左位就唔洗等太耐了。但提提大家，只會留枱5-10分鐘架咋！為個人衛生，餐廳門口和洗手間外都設有消毒搓手機供客人消毒，十分貼心！！成間舖格局都係乾淨企理，師傅店員有禮貌拉麵我就咁就試返基本款麵底係直身細麵，個人鐘意食偏硬口感，師傳煮得剛剛好啱我合味。半熟溏心蛋出色，無得輸。叉燒有幾片 肥瘦均勻 焦香味可以再重啲 溏心蛋流心效果不錯 值得大家一試！食左咁多年 依然保留到水準 值得讚賞！區內有間咁正嘅拉麵，其實真係唔想話比人知呀！><

好耐都冇得去日本，呢晚勁想食拉麵，所以特登搵下大埔有咩搵麵鋪唔錯，搵搵下搵到一鳴拉麵，食落又真係非常之唔錯！！！成日都想搵番係日本食拉都既味道，呢晚就真係搵到Lu! 我地叫左拉麵、玉子燒、炸雞同埋一d串燒～拉麵方面我地揀左秘製地獄醬豬骨湯底同埋黑蒜油豬骨湯底！麵可以揀軟硬度，蔥可以揀多、少、普通，配料可以揀叉燒或者豬軟骨，我中意食辣唐辛醬就揀左第3隻辣度haha兩款拉麵既湯底都好濃郁！係絕對會想飲哂成碗湯！焰鳴拉麵即係辣個款有埋櫻花蝦係入面，食落口感十足！又夠哂辣味！食落勁過癮！麵底都好好食！ 成個感覺超正！另一款黑蒜油拉麵都好正！湯底足滿蒜油香，叉燒又夠哂大塊，流心蛋亦係拉麵既靈魂之一！我地仲有叫到明太子玉子燒！即叫即製，玉子燒上面鋪上滿滿既木魚碎同明太子！玉子入面就包住左芝士，切開夾上黎都有拉絲既效果！炸雞夠哂香脆同炸到入面都仲有勁多汁！份量都好多！ 串燒方面我地就叫左豬腩肉、雞腎同雞心，樣樣都好好食，燒到岩岩好，唔會太老～下次要想食拉麵一定要encore!

今次黎到大埔既一鳴拉麵，真係意想不到呢間野原來都幾唔錯，唔怪得咁多客，人來人往喇，就算疫情咁嚴重。個人認為拉麵店黎講真係算係中上上級數。唔單止拉麵，其他小食都真係幾唔錯。本人食日本拉麵就一定會食辣，因為魚湯底配辣真係好夾，食落又鮮又惹味，但食唔到地獄辣既我，食呢個麵焰。鳴拉麵，都食到，而且辣味岩岩好，飲得出係煲左好耐既原汁原味湯底（食拉麵就梗係最緊要個湯底喇），配上幼麵掛到d湯，雪雪聲咁食真係好過癮，最後仲飲曬d湯。唔食得辣既朋友，都可以試下佢個黑赤拉麵，都非常入味。串燒方面，本人就最鐘意佢個燒雞心，雞心大粒得黎又夠彈性，最緊要燒得入味，出爐熱辣辣，又要彈牙口感，配埋啤酒黎食，真係一流。炸雞都好熱辣辣好味。

最近煲了不少日劇, 遙不可及的櫻花, 繡球花, 真係餓左日本好耐。 今晚決定緬懷一下, 所以選擇左去一鳴拉麵食返餐。雖然是防疫期間, 都係要等d位既，所以今晚特登早左少少, 7點黎, 剛好有得入, 我之後都在排隊。入到黎感覺真係去左日子小店咁feel. 全木造既氣氛, 幾張枱仔, 跟住就一張吧枱，好正。我簡左吧枱既閣落, 安安靜靜。網上見好多人食拉麵, 但因為唔係太餓，想食情感多過野食😂所以就點左d小食:一鳴創作醬炸雞都幾大件，但咸左d, 真係配啤酒啱d, 但勝在冇肥肉, 好怕炸雞啖啖油同肥糕芝士明太子玉子燒這個玉子燒好唔錯, 睇完二月二十九, 令人好想食蛋餅。佢真係煎得好好, 過左一陣依然好熱, 而入面又好軟, 半熟feel, 師傅手藝唔錯汁燒厚切牛舌這個牛舌真係好鬼馬, 串住四件。食第一件時非常銀, 好難先咬到, 心諗以為伏左, 點知其他既又出奇地稔，好好味。係因為第一件太近火燒嗎？整體上係滿意既, 令我享受到少少日本既浪漫。希望下次黎食埋個拉麵。

已經晚上十點多，先去到餐廳。叫左莞茜拉麵，賣相十分吸引，一睇快知落左唔少功課。興奮嘅我伸手拎樽芝麻，手滑成樽芝麻跌落拉麵到😵一啖都未食過。。。好尷尬又慚愧地要求員工換一碗俾我。佢居然十分好態度地幫我整過一碗🙏🏻明明係我唔岩😢拉麵味道香濃，口味亦多選擇。足料價錢又實惠！值得一吃再吃！小菜選擇多，叫左芝士年糕及鰻魚！十分好味☺️相信下次會再去試其他野食！比起網紅拉麵餐廳，呢間性價比更高！Ps: the stuff is really handsome 😌

做完尖肚仔餓，見到附近有間拉麵店，雖然身無分文但是也進了去醫肚。拉麵店格局非常橘子，而且裝修非常之有日本風味。雖然是疫情期間但可以看到餐廳還是客似雲來的，從此估計食物質素亦都會相當不錯。我點了個香菜嗚拉麵配料要豬軟骨唐辛醬要了中辣加杯凍荔枝熱情果乳酸梳打，而我朋友則點了黑蒜嗚叉燒拉麵，另加了一個鹽燒鯖魚。拉麵終於來了賣相非常正宗，湯底滲出了淡淡的蔬菜味，一看便知道湯底是用香菜溶餚成的，主角麵條亦都很有咬口而且爽口，再配合真材實料濃郁的湯底，很容易地三扒兩撥便把整個麵吃光，豬軟骨亦都相當不錯。由於太好吃了所以不清楚朋友的那碗質素如何，但應該都不錯因為他一路說正haha.偷吃了朋友一啖鹽燒鯖魚,發現燒得很香而且肉質亦保持得不錯,好彩我的特飲酸酸甜甜之餘又帶點熱情果荔枝味非常特別為這個好吃的拉麵畫上完美的句號。